ཕི་ལི་པི་ལེའུ་ 3:2 - རྫོང་ཁ་

² དཀོན་མཆོག་གི་གསུང་ལུ་མེདཔ་གཏང་མི་ ངན་པ་ཚུ་ལས་རིགཔ་བསྒྱིམ་སྡོད་ ཁོང་ཆ་ཁྱབ་རོ་ཁྱི་བཟུམ་སྦེ་ཨིན་ ཁོང་ཆ་ཁྱབ་ཀྱིས་ ཡ་ཧུ་ད་པའི་རྟགས་ཀྱིས་རྐྱངམ་གཅིག་ དཀོན་མཆོག་གི་མི་ཨིན་ཟེར་སླབ་མས།

ཕི་ལི་པི་ལེའུ་ 3:2 Iomraidhean Croise

མེ་ཐིའུ་ལེའུ་ 24:10

དེའི་སྐབས་ལུ་མི་ལེ་ཤ་རང་དད་པ་ཉམས་འགྱོ་སྟེ་ གཅིག་གིས་གཅིག་ལུ་མ་དགའ་བར་དགྲ་གི་ལག་པར་སྤྲོད་འོང་།

མེ་ཐིའུ་ལེའུ་ 7:15

དེ་ལས་ལུང་སྟོན་པ་རྫུས་མ་ཚུ་ལས་དྲན་པ་བཏོན་ ག་ཅི་སྨོ་ཟེར་བ་ཅིན་ དེ་ཚུ་གིས་ཕྱི་ཁ་ལས་ ལུག་གི་པགས་ཀོ་གྱོན་ཏེ་ ལུག་ཨིནམ་བཟོ་སྟེ་འཐོན་འོང་ དེ་འབདཝ་ད་ ཁོང་ནང་ན་ལས་ འཕརཝ་ངོ་མ་རང་ཨིན།

མེ་ཐིའུ་ལེའུ་ 7:6

དམ་པ་ཨིན་མི་དེ་ཚུ་རོ་ཁྱི་ཚུ་ལུ་མ་བྱིན་ ག་ཅི་སྨོ་ཟེར་བ་ཅིན་ དེ་ཚུ་གིས་ལོག་སྟེ་ཁྱོད་ལུ་སོ་བཏབ་འོང་ དེ་ལས་ད་རུང་ཕགཔ་ཚུ་ལུ་མུ་ཏིག་མ་བཀོག་ ག་ཅི་སྨོ་ཟེར་བ་ཅིན་ དེ་ཚུ་གིས་ རྩ་ཅན་དེ་ལུ་རྩད་མ་ཆོད་པར་ རྐངམ་གིས་རྫོབ་འོང་།།

རོམ་མི་ལེའུ་ 2:28

ཁྱོད་ཕྱི་ཁར་ལས་རྐྱངམ་གཅིག་ ཡ་ཧུ་ད་པའི་ལུགས་སྲོལ་སྒྲིགས་ཏེ་ དཀོན་མཆོག་གི་གཟིགས་སར་ ཡ་ཧུ་ད་པ་ངོ་མ་མེན་ ད་རུང་ཕྱི་ལུས་ལུ་རྐྱངམ་གཅིག་རྟགས་བཀལ་ནི་འདི་ དཀོན་མཆོག་གི་གཟིགས་སར་ རྟགས་ངོ་མ་སྦེ་བརྩི་མི་གནང་།

ཀོ་རཱིན་ཐི་གཉིས་པ་ལེའུ་ 11:13

ག་ཅི་སྨོ་ཟེར་བ་ཅིན་ ཨ་ནི་མི་འདི་ཚུ་ སྐུ་ཚབ་རྫུས་མ་ མགུ་བསྐོར་བརྐྱབས་ཏེ་ ལཱ་འབད་མི་ དེ་ལས་ ཁིརཱིས་ཀྱི་སྐུ་ཚབ་བཟུམ་སྦེ་ འགྱུར་ནིའི་ཐབས་ཤེས་འགྱིར་མི་ཚུ་ཨིན།

ག་ལ་ཏི་ལེའུ་ 5:13

ངེ་གི་སྤུན་ཆ་ཚུ་ ཁྱེད་ལུ་རང་དབང་ཡོདཔ་སྦེ་འབོ་སྟེ་ཡོད་ དེ་འབདཝ་ད་ རང་དབང་འདི་ སྡིག་ཅན་གྱི་རང་བཞིན་ལུ་ལག་ལེན་མ་འཐབ་པར་ བྱམས་པའི་ཐོག་ལས་སྦེ་ གཅིག་གིས་གཅིག་ལུ་ཆ་རོགས་འབད་བའི་དོན་ལུ་ཨིན།

ག་ལ་ཏི་ལེའུ་ 5:15

དེ་འབདཝ་ད་ གཅིག་གིས་གཅིག་ལུ་འཐབ་འཛིང་འབད་དེ་ཡོད་པ་ཅིན་ གཅིག་གིས་གཅིག་ལུ་མེདཔ་མ་གཏང་ནི་གི་དོན་ལུ་ ཟབ་ཟབ་འབད་དགོ།།

ག་ལ་ཏི་ལེའུ་ 5:6

ག་ཅི་སྨོ་ཟེར་བ་ཅིན་ ང་བཅས་ཁིརཱིས་ཡེ་ཤུ་གི་ཨིན་མི་ཆ་ཁྱབ་ཀྱི་དོན་ལུ་ ཡ་ཧུ་ད་པའི་ལུགས་སྲོལ་བཞིན་དུ་ ལུས་ལུ་རྟགས་བཀལ་ནི་དང་མ་བཀལ་ནི་གི་དབྱེ་བ་མེད་ ཁག་ཆེ་ཤོས་འདི་ བྱམས་པ་འབད་བའི་སྒོ་ལས་ དད་པ་ཕྱི་བཏོན་དགོ་མི་དེ་ཨིན།

ཕི་ལི་པི་ལེའུ་ 3:19

ཁོང་གི་མཐའན་མཇུག་དེ་ མཐའ་མེད་པའི་འཆི་བ་ཨིན་ ཁོང་གི་དཀོན་མཆོག་དེ་ ཁོང་རའི་ཕོཝ་ཨིན་ ཁོང་རང་གིས་འབད་མི་ལཱ་ ངོ་ཚ་སི་སི་ལུ་བལྟ་སྟེ་ དཔའ་ཡག་སྡོདཔ་ཨིན་མས་ དེ་ལས་ཁོང་གི་སེམས་འདི་ འཇིག་རྟེན་པའི་ལོ་རྒྱུས་ཚུ་ནང་གཏང་སྡོདཔ་ཨིན་མས།

ཕི་ལི་པི་ལེའུ་ 3:3

ག་ཅི་སྨོ་ཟེར་བ་ཅིན་ ཕྱི་ཁར་ཤ་ལུས་ལུ་ ཡ་ཧུ་ད་པའི་རྟགས་བཀལ་མི་ལུ་ བློ་མ་གཏད་པར་ ང་བཅས་དཀོན་མཆོག་གི་མི་ངོ་མ་ དམ་པའི་ཐུགས་ཉིད་ནང་ དཀོན་མཆོག་གི་ཕྱག་ཞུ་མི་དང་ ཁིརཱིས་ཡེ་ཤུ་ལུ་བློ་གཏད་མི་ཚུ་ཨིན།

ཏི་མོ་ཐི་དང་པ་ལེའུ་ 1:19

དད་པ་སྒྲིང་སྒྲིང་སྦེ་བསྐྱེད་དེ་ དྲན་ཤེས་གསལ་ཏོག་ཏོ་གི་ཐོག་ལས་སྡོད་དགོཔ་ཨིན་ མི་ལ་ལུ་ཅིག་གིས་ དྲན་ཤེས་གསལ་ཏོག་ཏོ་སྦེ་སྡོད་དགོ་མ་མནོ་བར་ ཁོང་རའི་དད་པ་ལུ་མེདཔ་གཏངམ་ཨིན་མས།

ཏི་ཏུས་ལེའུ་ 1:16

ཁོང་གིས་ དཀོན་མཆོག་དང་གཞན་འབྲེལ་ཡོད་ཟེར་སླབ་ཨིན་ དེ་འབདཝ་ད་ ཁོང་གིས་ དཀོན་མཆོག་ངོ་མི་ཤེས་པས་ཟེར་ ཁོང་གི་འབད་བཞག་བཅའ་བཞག་ལས་ཧ་གོ་ ཁོང་དཀོན་མཆོག་གི་དོན་ལུ་ ཁམས་ཕོག་རྐྱབ་སི་སི་དང་ དཀོན་མཆོག་གི་བཀའ་ལུ་མ་ཉན་མི་ དེ་ལས་ལཱ་བཟང་པོ་ག་ནི་ཡང་འབད་མ་ཚུགས་མི་ཚུ་ཨིན།།

པེ་ཏྲོ་གཉིས་པ་ལེའུ་ 2:22

རོ་ཁྱི་དེ་ཁོ་རང་གིས་ཁ་ལས་བསྐྱུག་བཞག་མི་འདི་ལོག་སྟེ་ཟ་བ་འགྱོཝ་ཨིན་ ཕགཔ་དེ་ག་དེ་ཅིག་ཆུ་འཁྱུ་རུང་ ཧེ་མ་ཁོ་རང་སྡོད་སའི་འདམ་པ་དེ་ནང་རང་ལོག་འགྱོཝ་ཨིན་ཟེར་ བདེན་པའི་དཔེ་དང་འཁྲིལ་ཏེ་ ཁོང་ལུ་ཡང་བྱུང་ནུག།

ཡུ་དཱས་ལེའུ་ 1:4

ག་ཅི་སྨོ་ཟེར་བ་ཅིན་ མི་ལ་ལུ་ཅིག་གིས་ མེན་བརྫུ་བཏབ་སྟེ་ ཁྱེད་ཀྱི་སྦུག་ལུ་གཙང་བཏང་འཛུལ་ཏེ་ཡོད་ ཁོང་གིས་ཁྱེད་ལུ་ འདོད་ཆགས་ངན་པའི་ལཱ་འབད་བ་ཅིན་ཁྱད་མེད་ ག་ཅི་སྨོ་ཟེར་བ་ཅིན་ དཀོན་མཆོག་གིས་ཐུགས་རྗེ་གནང་འོང་ཟེར་སླབ་ནི་དང་ ད་རུང་ཁོང་གིས་ ཡེ་ཤུ་ཁིརཱིས་འདི་ སྦྱིན་བདག་དང་གཙོ་བོ་ཡང་མེན་ཟེར་སླབ་ཨིན་མས་ དེ་ཚུ་དཀོན་མཆོག་ལུ་མ་འདྲོག་མི་ཚུ་ཨིན་ དེ་འབདཝ་ལས་བརྟེན་ཏེ་ ཧེ་མ་ལུང་བསྟན་ནང་བྲིས་དོཝ་བཟུམ་སྦེ་ དཀོན་མཆོག་གིས་ཁོང་ལུ་ཧེ་མ་ལས་ ཁྲིམས་བཀལ་ནི་སྦེ་ ངོས་འཛིན་འབད་དེ་བཞག་ཡོདཔ་ཨིན།

མཐོང་སྣང་ལེའུ་ 2:9

ཕྱི་ཁར་ཁྱོད་སྡུག་བསྔལ་མྱོང་སྟེ་སྤྱང་ཀ་ཨིན་རུང་ ནང་ན་སེམས་ཉིད་འདི་ཕྱུགཔ་ཨིནམ་ང་གིས་ཤེས་ དོན་ལས་རང་ ཡ་ཧུ་ད་པ་མེན་རུང་ཨིན་ཟེར་སླབ་སྟེ་ ཁྱོད་ལུ་བློ་བཙོང་སྟེ་ངོ་རྒོལ་འབད་མི་ཚུ་ ཁོང་བདུད་ སེ་ཏཱན་གྱི་ སི་ན་གོག་ལས་ཨིནམ་ང་གིས་ཤེས།

མཐོང་སྣང་ལེའུ་ 21:8

དེ་འབདཝ་ད་ སེམས་ཆུང་ཀུ་དང་ དད་པ་མེད་མི་ མ་རབས་ཨིན་མི་ མི་བསད་མི་ འདོད་ཆགས་ཀྱི་ལཱ་ངན་འབད་མི་ ངན་སྔགས་རྐྱབ་མི་ སྐུ་འདྲ་ལུ་ཕྱག་འཚལ་ཏེ་བསྟོད་པ་ཕུལ་མི་ ཤོབ་རྐྱབ་མི་ ཨ་ནི་འདི་ཚུ་ག་ར་གི་བགོ་བཤའ་དེ་ མུ་ཟི་མེའི་མཚོ་ནང་ཨིན་ ཨ་ནི་འདི་འཆི་བ་གཉིས་པ་ཨིན་ཟེར་གསུངས་ཡི།

མཐོང་སྣང་ལེའུ་ 22:15

ད་ཕྱི་ཁར་ཡོད་མི་དེ་ཚུ་ རོ་ཁྱི་ཚུ་ཨིན་ ཁོང་ངན་སྔགས་རྐྱབ་མི་དང་ འདོད་ཆགས་ཀྱི་ལུས་འབྲེལ་འབད་མི་ མི་བསད་མི་ སྐུ་འདྲ་ལུ་ཕྱག་འཚལ་མི་ དེ་ལས་ཤོབ་རྐྱབ་ནི་ལུ་དགའ་མི་དང་ ཤོབ་རྐྱབ་མི་དེ་ཚུ་ ག་ར་ཕྱི་ཁར་ལུས་འོང་།

མཐོང་སྣང་ལེའུ་ 3:9

དོན་ལས་རང་ ཡ་ཧུ་ད་པ་མེན་རུང་ཨིན་ཟེར་ ཤོབ་བརྐྱབས་ཏེ་སླབ་མི་བདུད་ སེ་ཏཱན་གྱི་ སི་ན་གོག་ལས་ཨིན་མི་ཚུ་ལུ་ ང་གིས་ཁྱོད་ཀྱི་རྐང་མའི་རྩ་བ་འོངས་ཏེ་ ཕྱག་འཚལ་བཅུག་ནི་ཨིན་ དེ་ལས་ང་གིས་ཁྱོད་ལུ་བྱམས་པ་འབདཝ་ ཁོང་གིས་ཤེས་འོང་།