ཕི་ལི་པི་ལེའུ་ 3:19 - རྫོང་ཁ་

¹⁹ ཁོང་གི་མཐའན་མཇུག་དེ་ མཐའ་མེད་པའི་འཆི་བ་ཨིན་ ཁོང་གི་དཀོན་མཆོག་དེ་ ཁོང་རའི་ཕོཝ་ཨིན་ ཁོང་རང་གིས་འབད་མི་ལཱ་ ངོ་ཚ་སི་སི་ལུ་བལྟ་སྟེ་ དཔའ་ཡག་སྡོདཔ་ཨིན་མས་ དེ་ལས་ཁོང་གི་སེམས་འདི་ འཇིག་རྟེན་པའི་ལོ་རྒྱུས་ཚུ་ནང་གཏང་སྡོདཔ་ཨིན་མས།

ཕི་ལི་པི་ལེའུ་ 3:19 Iomraidhean Croise

མེ་ཐིའུ་ལེའུ་ 16:23

ཡེ་ཤུ་གིས་ཞལ་ཚུར་ པེ་ཏྲོ་ཁ་ཐུག་བསྒོར་སྦེ་ ཨ་ཁའི་ བདུད་ སེ་ཏཱན་ ཁྱོད་ང་སྡོད་ས་ལས་ཕར་སོང་ ཁྱོད་ཀྱིས་ང་ལུ་བར་ཆད་རྐྱབ་མས་ ཁྱོད་ཀྱི་མནོ་བསམ་འདི་དཀོན་མཆོག་ཁ་ཐུག་མེན་པར་ མིའི་ཁ་ཐུག་ལུ་ཨིན་མས་ཟེར་གསུངས་ནུག

མེ་ཐིའུ་ལེའུ་ 25:41

དེ་ལས་རྒྱལཔོ་གིས་གཡོན་ཁ་ཐུག་སྡོད་མི་ཚུ་ལུ་ ཁྱེད་ཆ་ཁྱབ་ང་ལས་ཐག་རིང་སར་སོང་ ཁྱེད་ཆདཔ་ཐོབ་མི་ཚུ་ ནམ་ཡང་ཤི་ནི་མེད་པའི་མེ་ བདུད་དང་ཁོ་གི་ཕོ་ཉ་ཚུ་གི་དོན་ལུ་ གྲ་སྒྲིག་རྐྱབ་བཞག་ཡོད་མི་དེ་ནང་སོང་།

ལུ་ཀ་ལེའུ་ 12:19

ད་རུང་ང་རང་གི་སེམས་ཁར་ལུ་སླབ་ནི་ཨིན་ ངེ་གི་སེམས་ ད་ལོ་ལེ་ཤ་གི་དོན་ལུ་ རྒྱུ་ནོར་ལོངས་སྤྱོད་ལེ་ཤ་བསགས་བཞག་ཡོད་ བློ་བདེ་ཏོག་ཏོ་སྦེ་སྡོད་ཞིནམ་ད་ ཕངས་སེམས་མེད་པར་ཟ་འཐུང་ དགའ་སྤྲོ་འགྱུར་ཏེ་སྡོད་ ཟེར་སླབ་ནུག

ལུ་ཀ་ལེའུ་ 16:19

ཧེ་མ་མི་ཕྱུགཔ་གཅིག་ཡོདཔ་ཨིན་མས་ ཁོ་ཨ་རྟག་རང་རིན་གོང་སྦོམ་འབད་མི་བགོ་ལ་གྱོན་སྦེ་ ཁོ་གི་མི་ཚེ་འདི་འབྱོར་པ་དང་ལྡན་ཏོག་ཏོ་སྦེ་སྡོད་སྡོདཔ་ཨིན་མས།

ལུ་ཀ་ལེའུ་ 18:4

དྲང་དཔོན་དེ་གིས་ ཡུན་རིངམ་སྦེ་ཁྲིམས་མ་ཕྱེ་བར་ སྣང་མེད་སྦེ་བཞག་སྟེ་འབད་རུང་ ཤུལ་མ་ཁོ་རང་གིས་སེམས་ཁར་ལུ་ ང་དཀོན་མཆོག་ལུ་བལྟ་མ་འདྲོག་མི་དང་ མི་ལུ་བལྟ་སྟེ་མ་འཚེར་མི་གཅིག་ཨིན་རུང་།

རོམ་མི་ལེའུ་ 16:18

ག་ཅི་སྨོ་ཟེར་བ་ཅིན་ ཨ་ནི་བཟུམ་གྱི་མི་དེ་ཚུ་གིས་ ང་བཅས་ཀྱི་གཙོ་བོ་ཁིརཱིས་ཀྱི་ཕྱག་ཞུཝ་མེན་པར་ ཁོང་རའི་ཕོཝ་གི་དོན་ལུ་ལཱ་འབདཝ་ཨིན་ དེ་ལས་ཁོང་གི་བློ་ཧན་ཏོང་ཏོ་དང་ རང་བསྟོད་རྐྱབ་ནི་གི་ཐོག་ལས་ མི་ཕྲངམ་དེ་ཚུ་ལུ་ མགུ་བརྡུངམ་ཨིན།

རོམ་མི་ལེའུ་ 6:21

ཁྱེད་ཀྱིས་ཧེ་མ་འབད་བའི་ལཱ་ལུ་བལྟ་སྟེ་ངོ་ཚརཝ་ཨིན་ ལཱ་དེ་ཚུ་གིས་ ཁེ་སང་ག་ནི་ཡང་མ་ཐོབ་པར་ འདི་ཚུ་གི་འབྲས་བུ་དེ་ འཆི་བ་རྐྱངམ་གཅིག་ཨིན།

ཀོ་རཱིན་ཐི་དང་པ་ལེའུ་ 3:3

ད་ལྟོ་ཡང་ཁྱེད་ལུས་ཀྱི་རང་བཞིན་དང་མཐུན་ཏེ་སྡོདཔ་མས་ ག་ཅི་སྨོ་ཟེར་བ་ཅིན་ ཁྱེད་གཅིག་གིས་གཅིག་ལུ་མིག་ཏོ་ཚ་ འཐབ་འཛིང་འབདཝ་ད་ ཁྱེད་ཀྱི་སྤྱོད་པ་ཚུ་ མི་གི་རང་བཞིན་ནང་ཡོད་མི་ཚུ་བཟུམ་སྦེ་སྡོདཔ་མས་མེན་ན།

ཀོ་རཱིན་ཐི་དང་པ་ལེའུ་ 5:2

ཨིན་རུང་ ཁྱེད་ཆ་ཁྱབ་ངོམ་སྟོན་སྡོདཔ་ཨིན་མས་ ཨ་ནི་བཟུམ་ངོ་ཚ་སི་སི་བལྟ་སྟེ་ མྱ་ངན་གྱིས་བརྡུང་སྟེ་སྡོད་མི་དགོ་ག་ མི་དེ་ལུ་ཁྱེད་ཀྱི་གྲལ་ཁ་ལས་ཕྱི་ཁར་བཏོན་གཏང་དགོ།

ཀོ་རཱིན་ཐི་དང་པ་ལེའུ་ 5:6

ཁྱེད་ཀྱིས་རང་བསྟོད་རྐྱབ་ནི་དེ་ལེགས་ཤོམ་མེན་ བུལ་ཏོག་ཨ་ཙི་ཅིག་གིས་ཕྱེ་བསྣད་བསྣདཝ་ ག་ར་སྦོ་གཏངམ་ཨིན་ཟེར་ཁྱེད་ཀྱིས་མ་ཤེས་ག།

ཀོ་རཱིན་ཐི་གཉིས་པ་ལེའུ་ 11:12

ད་ལྟོ་ང་གིས་ ག་འབད་མི་འདི་ མི་གཞན་གྱིས་ཡང་ ང་བཅས་བཟུམ་སྦེ་རང་ འབདཝ་ཨིན་ཟེར་ བསྟོད་པ་བརྐྱབ་ནི་གི་གོ་སྐབས་ མ་བྱིན་ནི་གི་དོན་ལུ་ ང་གིས་ འཕྲོ་མཐུད་དེ་རང་ རིན་མེད་སྟོང་པ་སྦེ་ ཞབས་ཏོག་ཞུ་སྟེ་རང་སྡོད་ནི་ཨིན།

ཀོ་རཱིན་ཐི་གཉིས་པ་ལེའུ་ 11:15

འདི་འབདཝ་ལས་ བདུད་ སེ་ཏཱན་གྱི་གཡོགཔ་གིས་ཡང་ ཕྲངམ་གི་གཡོགཔ་བཟུམ་སྦེ་བཟོཝ་འདྲཝ་ཅིག་འབད་བ་ཅིན་ འདི་ལུ་རྣམ་རྟོག་ལངས་དགོཔ་རྩ་ལས་རང་མེད་ མཐའན་མཇུག་ལུ་ ཁོང་རང་གི་ག་འབད་མི་དང་འཁྲིལ་ཏེ་ ཁྲིམས་འབག་དགོ།།

ག་ལ་ཏི་ལེའུ་ 6:13

ལུས་ལུ་རྟགས་བཀལ་མི་དེ་ཚུ་ ཁོང་རང་ཡང་བཀའ་ཁྲིམས་ག་ར་རིམ་པ་བཞིན་དུ་མི་སྲུང་ དེ་འབདཝ་ད་ ཁོང་གིས་ཁྱེད་ལུ་ལུགས་སྲོལ་བཞིན་དུ་ ལུས་ལུ་རྟགས་བཀལ་བཅུག་མི་དེ་ ཁྱེད་ཁོང་གི་སློབ་མ་སྦེ་ རང་བསྟོད་བརྐྱབ་ནི་གི་དོན་ལུ་ཨིན།

ཕི་ལི་པི་ལེའུ་ 2:21

གཞན་ཚུ་གིས་ཡེ་ཤུ་ཁིརཱིས་ཀྱི་དོན་ལུ་མ་བལྟ་བར་ རང་གི་དོན་ལུ་རྐྱངམ་གཅིག་འབདཝ་ཨིན།

ཀོ་ལོ་སི་ལེའུ་ 3:2

ཁྱེད་ཀྱི་སེམས་དེ་འཛམ་བུ་གླིང་ནང་ཡོད་པའི་དངོས་པོ་ཚུ་ནང་མེན་པར་ ཡར་ཞིང་ཁམས་ཀྱི་དངོས་པོ་ཚུ་ལུ་མནོ་བསམ་གཏང་།

ཐེ་ས་ལོ་ནི་ཀ་གཉིས་པ་ལེའུ་ 1:9

དཀོན་མཆོག་དང་གཞན་འབྲེལ་མེད་ཟེར་སླབ་མི་ཚུ་ལུ་ དུས་རྒྱུན་དུ་རང་རྩ་མེད་གཏང་ནི་གི་ཉེས་ཆད་ཕོག་ནི་ཨིནམ་མ་ཚད་ གཙོ་བོ་གི་སྐུ་མདུན་དང་ ཁོ་གི་གཟི་བརྗིད་དང་ལྡན་པའི་དབང་ལས་ ཁ་འབྲལ་སྡོད་འོང་།

ཐེ་ས་ལོ་ནི་ཀ་གཉིས་པ་ལེའུ་ 2:12

དེ་ལས་ཁོང་གིས་བདེན་པ་ལུ་དད་པ་མ་བསྐྱེད་པར་ ལཱ་ངན་པ་འབད་ནི་ལུ་དགའཝ་ལས་ ཁོང་ག་ར་ལུ་ དཀོན་མཆོག་གིས་ཆདཔ་གནང་འོང་།།

ཐེ་ས་ལོ་ནི་ཀ་གཉིས་པ་ལེའུ་ 2:8

གཙོ་བོ་ཡེ་ཤུ་གིས་ཁོ་ལུ་ ཁོ་རའི་ཞལ་གྱི་དབུགས་ཀྱིས་བསད་གཏང་ནི་ཨིནམ་མ་ཚད་ གཙོ་བོ་ཁོ་རའི་གཟི་བརྗིད་ནང་འབྱོནམ་ད་ དེ་ལུ་རྩ་མེད་མཛད་གནང་འོང་ དེ་འབདཝ་ད་ དེ་གི་ཧེ་མ་ ཨ་ནི་མི་ཕྱི་ཁར་ཐོན་འོངམ་ད།

ཏི་མོ་ཐི་དང་པ་ལེའུ་ 6:5

བདེན་པ་མ་ཤེས་མི་དང་ སེམས་ངན་པ་བསྐྱེད་ཡོད་མི་ཚུ་གི་བར་ན་ ཨ་རྟག་རང་རྩོད་པ་རྐྱབ་བཅུགཔ་ཨིན་ དེ་ལས་ཁོང་ཆ་ཁྱབ་ཀྱིས་ ཆོས་འབད་དེ་ མ་དངུལ་ཐོབ་ནི་གི་མནོ་བསམ་གཏངམ་ཨིན།།

ཏི་མོ་ཐི་གཉིས་པ་ལེའུ་ 3:4

མགུ་བསྐོར་བརྐྱབས་མི་ བག་མེད་མི་ རོ་རྔམ་སྟོན་མི་ དཀོན་མཆོག་ལུ་མ་དགའ་བར་དགའ་སྤྲོ་ལུ་འཚོལ་མི།

ཡ་ཀོབ་ལེའུ་ 4:16

དེ་འབདཝ་ད་ ད་ལྟོ་ཁྱེད་རང་གི་འཆར་གཞི་དེ་གི་སྐོར་ལས་ གནམ་མེད་ས་མེད་སླབ་སྟེ་ དཔའ་ཡག་སྡོདཔ་མས་ ཨ་ནི་བཟུམ་གྱི་དཔའ་ཡག་ནི་འདི་ངན་པ་ཨིན།

པེ་ཏྲོ་གཉིས་པ་ལེའུ་ 2:1

ཨཱིས་ར་ཨཱེལ་པ་དེ་ཚུ་གི་སྦུག་ལུ་ ལུང་སྟོན་པ་རྫུས་མ་ལེ་ཤ་རང་འཐོན་ཡོདཔ་བཟུམ་སྦེ་ ཁྱེད་ཀྱི་སྦུག་ལུ་ཡང་ སློབ་དཔོན་རྫུས་མ་དེ་ཚུ་ཐོན་འོང་ ཁོང་གིས་གནོད་པ་བཀལ་མི་ཆོས་རྫུས་མ་འདི་ ཆོས་བདེན་པ་བཟོ་སྟེ་ ཁོང་རང་ལུ་སྐྱབས་མཛད་མི་བདག་པོ་ལུ་ཡང་ ཁོང་གིས་དགོ་མ་བཏུབ་ དེ་ལས་ཁོང་རའི་གུ་ལུ་ མགྱོགས་པ་རང་ཉེས་ཆད་ཕོག་ནི་ཨིན།

པེ་ཏྲོ་གཉིས་པ་ལེའུ་ 2:13

ཁོང་ གནོད་པ་བཀལ་མི་གི་ཚབ་ལུ་ ལོག་སྟེ་རང་ ཁོང་ལུ་གནོད་རྐྱེན་བྱུང་དགོ། ཁོང་ཉིན་མ་ སྒྲིག་ཁྲིམས་མེད་པའི་ཚོགས་སྟོན་འབད་ནི་ལུ་ དགའ་སྤྲོ་འགྱུརཝ་ཨིན་ ཁོང་ཁྱེད་ཀྱི་སྦུག་ལུ་བློ་བཙོང་སི་སི་དང་ སྐྱོན་ཆགས་ཏེ་ཡོད་མི་ཚུ་ཨིན་ ཁོང་གིས་གཡོ་སྒྱུ་རྐྱབ་ནི་ལུ་དགའ་སྟེ་ མཚམས་ཚོད་མ་ཤེས་པར་ ལོངས་སྤྱོད་དེ་ ཁྱེད་དང་གཅིག་ཁར་ཟ་སྡོདཔ་ཨིན།

པེ་ཏྲོ་གཉིས་པ་ལེའུ་ 2:3

ཁོང་གིས་དགོ་འདོད་ཀྱི་གཏམ་རྫུན་མ་བཟོ་བཟོཝ་ཚུ་སྟོན་ཏེ་ ཁྱེད་ལས་ཏི་རུ་ལེན་འོང་ དེ་འབདཝ་ད་ ཧེ་མ་ལས་ ཁོང་གི་དོན་ལུ་གྲ་སྒྲིག་སྦེ་ཡོད་མིའི་ཉེས་ཆད་འདི་ ལམ་ཁར་ཡོད་ མགྱོགས་པ་རང་ཁོང་གི་གུ་ཕོག་སྟེ་ བརླག་གཏང་འོང་།

ཡུ་དཱས་ལེའུ་ 1:10

དེ་འབདཝ་ད་ ཨ་ནི་སློབ་དཔོན་རྫུས་མ་ཚུ་ ཁོང་གིས་ཧ་མ་གོ་མི་ཚུ་གི་སྨད་པ་རྐྱབ་ཨིནམ་མ་ཚད་ ཁོང་བློ་རིག་མེད་པའི་སེམས་ཅན་ཚུ་བཟུམ་སྦེ་ ཁོང་རའི་རང་བཞིན་གྱིས་ག་སླབ་མི་འདི་འབད་དེ་ ཁོང་རང་ལུ་རྩ་མེད་གཏངམ་ཨིན་མས།

ཡུ་དཱས་ལེའུ་ 1:16

ཨ་ནི་མི་དེ་ཚུ་ཁ་གདུག་འབར་མི་དང་ རྒྱབ་ཁ་ལས་ཁ་གཏང་མི་ ཁོང་རང་གི་འདོད་པ་བཞིན་དུ་ལཱ་ངན་འབད་མི་ ཁམས་ཆེ་དྲགས་ རང་དོན་སྒྲུབ་པའི་དོན་ལུ་གཞན་ལུ་ཤ་མུ་སྐམ་དྲང་མི་ཚུ་ཨིན།།

ཡུ་དཱས་ལེའུ་ 1:4

ག་ཅི་སྨོ་ཟེར་བ་ཅིན་ མི་ལ་ལུ་ཅིག་གིས་ མེན་བརྫུ་བཏབ་སྟེ་ ཁྱེད་ཀྱི་སྦུག་ལུ་གཙང་བཏང་འཛུལ་ཏེ་ཡོད་ ཁོང་གིས་ཁྱེད་ལུ་ འདོད་ཆགས་ངན་པའི་ལཱ་འབད་བ་ཅིན་ཁྱད་མེད་ ག་ཅི་སྨོ་ཟེར་བ་ཅིན་ དཀོན་མཆོག་གིས་ཐུགས་རྗེ་གནང་འོང་ཟེར་སླབ་ནི་དང་ ད་རུང་ཁོང་གིས་ ཡེ་ཤུ་ཁིརཱིས་འདི་ སྦྱིན་བདག་དང་གཙོ་བོ་ཡང་མེན་ཟེར་སླབ་ཨིན་མས་ དེ་ཚུ་དཀོན་མཆོག་ལུ་མ་འདྲོག་མི་ཚུ་ཨིན་ དེ་འབདཝ་ལས་བརྟེན་ཏེ་ ཧེ་མ་ལུང་བསྟན་ནང་བྲིས་དོཝ་བཟུམ་སྦེ་ དཀོན་མཆོག་གིས་ཁོང་ལུ་ཧེ་མ་ལས་ ཁྲིམས་བཀལ་ནི་སྦེ་ ངོས་འཛིན་འབད་དེ་བཞག་ཡོདཔ་ཨིན།

མཐོང་སྣང་ལེའུ་ 18:7

མོ་རང་ལུ་རང་བསྟོད་རྐྱབ་ དགའ་ཏོག་ཏོ་དང་ སྐྱིད་ཏོང་ཏོ་སྦེ་ཟ་འཐུང་ དེའི་འབྲས་བུ་ལུ་ བཟོད་མ་ཚུགས་པའི་དཀའ་ངལ་དང་སྡུག་བསྔལ་མྱོང་བཅུག་ མོ་གི་སེམས་ཁར་ ང་རྒྱལ་ཕྲག་དོག་ལངསམ་མ་ཚད་ ང་ཡུགས་ས་མོ་མེན་ རྒྱལམོ་བཟུམ་སྦེ་སྡོདཔ་ཨིན་ ང་ལུ་དཀའ་ངལ་དང་མྱ་ངན་ ནམ་ཡང་མྱོང་མི་དགོ་ཟེར་མནོ་བསམ་བཏངམ་ཨིན་མས།

མཐོང་སྣང་ལེའུ་ 19:20

དེ་འབདཝ་ད་ གཅན་གཟན་དང་ལུང་སྟོན་པ་རྫུན་མ་གཉིས་ལུ་བཟུང་སྟེ་ མུ་ཟི་མེའི་མཚོ་ནང་གསོན་པོ་སྦེ་བཀོག་ཡི་ ལུང་སྟོན་པ་རྫུན་མ་དེ་གིས་ གཅན་གཟན་གྱི་རྟགས་བཀལ་མི་ གཅན་གཟན་གྱི་སྐུ་འདྲ་ལུ་ཕྱག་འཚལ་མི་དེ་ཚུ་ལུ་ རྟགས་མཚན་དང་རྫུ་འཕྲུལ་སྟོན་ཏེ་ མགུ་བསྐོར་རྐྱབ་མི་གཅིག་ཨིན་མས།

མཐོང་སྣང་ལེའུ་ 21:8

དེ་འབདཝ་ད་ སེམས་ཆུང་ཀུ་དང་ དད་པ་མེད་མི་ མ་རབས་ཨིན་མི་ མི་བསད་མི་ འདོད་ཆགས་ཀྱི་ལཱ་ངན་འབད་མི་ ངན་སྔགས་རྐྱབ་མི་ སྐུ་འདྲ་ལུ་ཕྱག་འཚལ་ཏེ་བསྟོད་པ་ཕུལ་མི་ ཤོབ་རྐྱབ་མི་ ཨ་ནི་འདི་ཚུ་ག་ར་གི་བགོ་བཤའ་དེ་ མུ་ཟི་མེའི་མཚོ་ནང་ཨིན་ ཨ་ནི་འདི་འཆི་བ་གཉིས་པ་ཨིན་ཟེར་གསུངས་ཡི།

མཐོང་སྣང་ལེའུ་ 22:15

ད་ཕྱི་ཁར་ཡོད་མི་དེ་ཚུ་ རོ་ཁྱི་ཚུ་ཨིན་ ཁོང་ངན་སྔགས་རྐྱབ་མི་དང་ འདོད་ཆགས་ཀྱི་ལུས་འབྲེལ་འབད་མི་ མི་བསད་མི་ སྐུ་འདྲ་ལུ་ཕྱག་འཚལ་མི་ དེ་ལས་ཤོབ་རྐྱབ་ནི་ལུ་དགའ་མི་དང་ ཤོབ་རྐྱབ་མི་དེ་ཚུ་ ག་ར་ཕྱི་ཁར་ལུས་འོང་།