ཕི་ལི་པི་ལེའུ་ 3:12 - རྫོང་ཁ་

¹² ང་གིས་མ་པ་ལས་རང་ ཡེ་ཤུ་ཁིརཱིས་བཟུམ་སྦེ་ ཡར་སོང་ཡི་ཟེར་ཁྱབ་སྒྲགས་འབདཝ་མེན་ དེ་མ་ཚད་ ང་མ་པ་ལས་དེ་སྦེ་ཀྲིག་ཀྲི་ཡོད་ཟེར་ཡང་སླབ་མེན་ དེ་འབདཝ་ད་ དོན་ལས་རང་ ཁིརཱིས་ཡེ་ཤུ་གིས་ང་ལུ་ ག་ཅི་གི་དོན་ལུ་བཙག་འཐུ་མཛད་གནང་ཡོད་ག་ དེ་གི་དོན་ལུ་རང་ ང་གིས་ག་དེ་དྲག་དྲག་བརྩོན་ཤུགས་སྦོམ་བསྐྱེདཔ་ཨིན།

ཕི་ལི་པི་ལེའུ་ 3:12 Iomraidhean Croise

མེ་ཐིའུ་ལེའུ་ 5:48

དེ་འབདཝ་ལས་བརྟེན་ཏེ་ ཡར་ཞིང་ཁམས་ལུ་བཞུགས་མི་ ཁྱེད་ཀྱི་ཡབ་སྐྱོན་ག་ནི་ཡང་མེད་པར་ཀྲིག་ཀྲི་སྦེ་བཞུགས་ཡོདཔ་བཟུམ་སྦེ་ ཁྱེད་ཆ་ཁྱབ་ཡང་སྐྱོན་ག་ནི་ཡང་མེད་པར་ཀྲིག་ཀྲི་སྦེ་སྡོད་ཟེར་ཡེ་ཤུ་གིས་གསུངས་ནུག།

མཛད་པ་ལེའུ་ 9:15

དེ་ལས་གཙོ་བོ་གིས་ཁོ་ལུ་ ད་སོང་ཤིག་ ཕྱིའི་མི་རིགས་དང་ ཁོང་རང་གི་རྒྱལཔོ་དེ་ཚུ་ ཨཱིས་ར་ཨཱེལ་པ་ཚུ་གི་གདོང་ཁར་ལུ་ ངེ་གི་གཏམ་བཟང་བཤད་ནི་གི་ལཱ་འབད་མི་གཅིག་སྦེ་ ང་གིས་མི་འདི་ལུ་བཙག་འཐུ་འབད་འབདཝ་ཨིན།

རོམ་མི་ལེའུ་ 8:39

ས་གནས་མཐོ་བ་འབད་རུང་རང་ ས་གནས་དམའ་བ་འབད་རུང་རང་ དཀོན་མཆོག་གིས་མཛད་ཡོད་མི་ ག་འདི་འབད་རུང་རང་ འདི་ཚུ་གིས་ ང་བཅས་ཆ་ཁྱབ་དཀོན་མཆོག་གི་བྱམས་པ་ལས་ཁ་འཕྱལ་མི་ཚུགས་ཟེར་ ང་བཅས་ཀྱིས་ཐད་རི་བ་རི་ཤེས་ ཨ་ནི་བྱམས་པ་འདི་ ང་བཅས་ཀྱི་གཙོ་བོ་ཁིརཱིས་ཡེ་ཤུ་གི་ཐོག་ལས་བཏོན་གནངམ་ཨིན།།

ཀོ་རཱིན་ཐི་དང་པ་ལེའུ་ 13:10

དེ་འབདཝ་ད་ ཕུན་སུམ་ཚོགས་པ་དེ་འོང་པའི་བསྒང་ལས་ ཕྱེད་དག་ཀོ་དག་ མ་ཚངམ་འདི་ཚུ་ག་ར་ཡལ་འགྱོ་ནི་ཨིན།

ཀོ་རཱིན་ཐི་དང་པ་ལེའུ་ 13:12

ད་ལྟོ་ང་བཅས་ཀྱིས་བཀྱག་ཉམས་འགྱོ་མིའི་མེ་ལོང་ནང་ བལྟ་དོཝ་བཟུམ་སྦེ་ གསལ་ཏོག་ཏོ་མ་མཐོང་ ཤུལ་ལས་ང་བཅས་ཀྱིས་ ག་ར་གདོང་ཁར་ཡོད་དོཝ་བཟུམ་སྦེ་ གསལ་ཏོག་ཏོ་སྦེ་མཐོང་ནི་ཨིན་ ད་ལྟོ་ང་གིས་ཧ་གོ་ཡི་ཟེར་རུང་ ཕྱེད་དག་ཀོ་དག་ཅིག་དང་ ག་ནི་ཡང་མ་ཚངམ་བཟུམ་ཅིག་ཨིན་ དེ་འབདཝ་ད་ ད་ལྟོ་དཀོན་མཆོག་གིས་ ང་ངོ་མཁྱེན་དོཝ་བཟུམ་སྦེ་ ཤུལ་ལས་ང་གིས་ཡང་ ཁོ་ངོ་ཤེས་ནི་ཨིན།

ཀོ་རཱིན་ཐི་དང་པ་ལེའུ་ 9:24

ཁྱེད་ཀྱིས་མ་ཤེས་ག་ བང་རྒྱུག་ནི་གི་འགྲན་བསྡུར་ནང་ མི་ལེ་ཤ་བཅའ་མར་གཏོགས་ཏེ་འབད་རུང་ གསོལ་རས་ཐོབ་མི་དེ་མི་གཅིག་ལས་བརྒལ་མི་འོང་ དེ་འབདཝ་ལས་ ཁྱེད་ཆ་ཁྱབ་ཡང་རྒྱལ་ཁ་གི་གསོལ་རས་ཐོབ་ཚུགསཔ་སྦེ་རང་བང་རྒྱུག་ཞིག

ཀོ་རཱིན་ཐི་གཉིས་པ་ལེའུ་ 13:9

ང་བཅས་ སྟོབས་ཤུགས་མེད་པར་ཞན་འཁོགས་སྦེ་སྡོདཔ་ད་ ཁྱེད་ཀྱི་སྟོབས་ཤུགས་སྒྲིང་སྒྲིང་སྦེ་འགྱོ་བ་ཅིན་ ང་བཅས་སེམས་དགའཝ་ཨིན་ མ་པ་ཁྱེད་དདཔ་ནང་ཚངམ་སྦེ་ འགྱོ་བཅུག་ཟེར་ ང་བཅས་ཀྱིས་སྨོན་ལམ་ཞུཝ་ཨིན།

ཀོ་རཱིན་ཐི་གཉིས་པ་ལེའུ་ 7:1

ངེ་གི་བྱམས་པའི་ཆ་རོགས་ཚུ་ ད་ང་བཅས་ལུ་ཨ་ནི་ཁས་བླངས་ཡོད་ནི་དེ་གིས་ ང་བཅས་ཀྱིས་ལུས་དང་སེམས་གཉིས་ལུ་ མ་གཙངམ་བཟོ་མི་དེ་ཚུ་ག་ར་སྤང་སྟེ་ གཙང་ཏོག་ཏོ་བཟོ་གེ་ དེ་ལས་དཀོན་མཆོག་ལུ་འདྲོགས་ཏེ་ དམ་པ་འགྱུར་ནི་གི་ལཱ་དེ་ཚུ་ག་ར་ ཡོངས་སུ་རྫོགསཔ་སྦེ་འབད་གེ།

ག་ལ་ཏི་ལེའུ་ 5:17

ག་ཅི་སྨོ་ཟེར་བ་ཅིན་ རང་བཞིན་རྙིངམ་གི་འདོད་པ་ངན་པ་དེ་གིས་ཐུགས་ཉིད་ལུ་རྒོལ་ ཐུགས་ཉིད་ཀྱི་འདོད་པ་དེ་གིས་ མིའི་རང་བཞིན་གྱི་འདོད་པ་དེ་ལུ་རྒོལ་ཏེ་ ཁོང་གཉིས་མ་མཐུནམ་འགྱོ་འོང་ དེ་ལས་མིའི་རང་བཞིན་གྱི་འདོད་པ་ལྟར་དུ་འབད་བ་ཅིན་ ཁྱེད་ཀྱིས་ལེགས་ཤོམ་འབད་དགོ་མནོ་མི་དེ་མི་འབད།

ཨི་ཕི་སིཔ་ལེའུ་ 1:4

དེ་གིས་འབད་ དཀོན་མཆོག་གིས་ང་བཅས་ལུ་ ཁོ་རའི་གཟིགས་ས་ལུ་གཙངམ་དང་སྐྱོན་ག་ནི་ཡང་མེདཔ་སྦེ་བཞག་ནིའི་དོན་ལུ་ འཛམ་བུ་གླིང་མ་མཛད་པའི་ཧེ་མ་ལས་ ཁིརཱིས་ལས་རྒྱུད་དེ་ ང་བཅས་ལུ་བཙག་འཐུ་མཛད་གནང་ཡི།

ཨི་ཕི་སིཔ་ལེའུ་ 4:12

ག་ཅི་སྨོ་ཟེར་བ་ཅིན་ གཅིག་གིས་གཅིག་ལུ་ཆ་རོགས་འབད་དེ་ ང་བཅས་ཁིརཱིས་ཀྱི་སྐུ་གཟུགས་དེ་ཕན་ཐོགས་ཅན་འཐོན་ནི་གི་དོན་ལུ་ ཁོ་གིས་ང་བཅས་ལུ་ལྕོགས་གྲུབ་ཅན་སྦེ་མཛད་གནང་ཡི།

ཕི་ལི་པི་ལེའུ་ 1:1

ཡེ་ཤུ་ཁིརཱིས་ཀྱི་ཕྱག་ཞུ་མི་ ང་ པའུལ་དང་ ཏི་མོ་ཐི་ལས་ ཕི་ལི་པི་ལུ་ཡོད་མི་ ཁིརཱིས་ཡེ་ཤུ་ལུ་དད་པ་བསྐྱེད་མི་ དཀོན་མཆོག་ཁོ་རའི་དམ་པའི་མི་ག་ར་དང་ ཆོས་ཚོགས་ཀྱི་འགོ་འདྲེན་པ་དང་དྲང་བཞགཔ་དེ་ཚུ་ལུ་ ཡི་གུ་འདི་འབྲི་དོ།

ཕི་ལི་པི་ལེའུ་ 3:16

དེ་འབདཝ་ལས་ དཀོན་མཆོག་ལས་ ང་བཅས་ཀྱིས་ག་དེ་ཅིག་ཧ་གོ་ཡི་ག་ འདི་དང་བསྟུན་ཏེ་ ཉན་སྡོད་དགོ།

ཕི་ལི་པི་ལེའུ་ 3:3

ག་ཅི་སྨོ་ཟེར་བ་ཅིན་ ཕྱི་ཁར་ཤ་ལུས་ལུ་ ཡ་ཧུ་ད་པའི་རྟགས་བཀལ་མི་ལུ་ བློ་མ་གཏད་པར་ ང་བཅས་དཀོན་མཆོག་གི་མི་ངོ་མ་ དམ་པའི་ཐུགས་ཉིད་ནང་ དཀོན་མཆོག་གི་ཕྱག་ཞུ་མི་དང་ ཁིརཱིས་ཡེ་ཤུ་ལུ་བློ་གཏད་མི་ཚུ་ཨིན།

ཕི་ལི་པི་ལེའུ་ 3:8

མ་གཞི་ ངེ་གི་གཙོ་བོ་ཁིརཱིས་ཡེ་ཤུ་ལུ་ངོ་ཤེས་ནི་འདི་ གནམ་མེད་ས་མེད་གལ་ཆེ་ཤོས་ཅིག་འབད་དེ་ གཞན་ག་ཅི་རང་འབད་རུང་ ང་གིས་འདི་ཚུ་ག་ར་རྒུད་བཟུམ་སྦེ་རྩིཝ་ཨིན་ ཁིརཱིས་ཀྱིས་འབད་དེ་ འདི་ཚུ་ག་ར་ངེ་གི་དོན་ལུ་རྒུད་སྦེ་བྱུང་ཡི་ དེ་འབདཝ་ད་ ཁིརཱིས་ཐོབ་ནི་གི་དོན་ལུ་དང་།

ཐེ་ས་ལོ་ནི་ཀ་དང་པ་ལེའུ་ 5:15

ཁྱེད་ཀྱི་སྦུག་ལུ་ ག་གིས་འབད་རུང་ ངན་པ་གི་ཚབ་མ་ལུ་ངན་པ་མ་འབད་ དདཔ་ཅན་འབད་རུང་ མི་གཞན་འབད་རུང་ ག་ར་ལུ་ ཨ་རྟག་རང་ལེགས་ཤོམ་སྦེ་འབད་བྱིན་དགོ།

ཐེ་ས་ལོ་ནི་ཀ་གཉིས་པ་ལེའུ་ 2:13

དེ་འབདཝ་ད་ གཙོ་བོ་གི་བྱམས་པའི་དདཔ་ཅན་སྤུན་ཆ་ཚུ་ ང་བཅས་ཀྱིས་ཁྱེད་ཀྱི་སྐོར་ལས་ དཀོན་མཆོག་ལུ་ཨ་རྟག་རང་བཀའ་དྲིན་ཆེ་ཟེར་ཞུ་སྟེ་རང་སྡོདཔ་ཨིན་ ག་ཅི་སྨོ་ཟེར་བ་ཅིན་ སྔོན་གོང་ལས་དཀོན་མཆོག་གིས་ ཁྱེད་དམ་པའི་ཐུགས་ཉིད་ཀྱི་ཐོག་ལས་སྦེ་ གཙངམ་མཛད་དེ་ བདེན་པ་ལུ་དད་པ་བསྐྱེད་དེ་ ཐར་པ་ཐོབ་བཅུག་ནི་གི་དོན་ལུ་ བཙག་འཐུ་མཛད་གནང་གནངམ་ཨིན།

ཏི་མོ་ཐི་དང་པ་ལེའུ་ 5:10

དེ་ལས་མི་གཞན་ཚུ་གིས་ མོ་ཨ་རྟག་རང་ལཱ་ལེགས་ཤོམ་འབད་སྡོད་སྡོདཔ་ཨིནམ་ཤེས་དགོ་ དཔེར་ན་མོ་རའི་བུ་དང་བུམོ་ལུ་ལེགས་ཤོམ་སྦེ་གསོ་གསོཝ་ཡོད་ག་ ཁྱིམ་ནང་འོང་མི་མགྱོནམ་ལུ་མཐོང་བསྐྱེད་དེ་ དཀོན་མཆོག་ཁོ་རའི་མི་དམ་པ་ཚུ་གི་རྐངམ་ཆུ་འཁྱུ་སྟེ་ མོ་རང་གཡོགམོ་ཅིག་བཟུམ་སྦེ་ཕྱག་ཞུ་ཡི་ག་ སྡུག་བསྔལ་ནང་ཡོད་མི་ཚུ་ལུ་གྲོགས་རམ་འབད་ ཕན་བཏགས་བྱིན་ཡི་ག་ དེ་ལས་མོ་འདི་བཟུམ་གྱི་ལཱ་བཟང་པོ་ཚུ་ལུ་གཙོ་བོ་བསྟེན་ཏེ་སྡོད་མི་ཅིག་དགོ།

ཏི་མོ་ཐི་དང་པ་ལེའུ་ 6:19

ཁོང་དེ་སྦེ་འབད་བ་ཅིན་ ཁོང་རའི་དོན་ལུ་ དུས་ཤུལ་མ་ ཞིང་ཁམས་ལུ་ གཞི་སྒྲིང་སྒྲིང་བཙུགས་ཏེ་ རྒྱུ་ནོར་ལོངས་སྤྱོད་བསག་དོཝ་བཟུམ་ཨིན་ དེ་ལས་ཁོང་གིས་ཚེ་ངོ་མ་དེ་ལུ་བཤེད་བཞག་ཚུགསཔ་ཨིན།།

ཧིབ་རུ་ལེའུ་ 12:14

མི་ག་ར་དང་གཅིག་ཁར་ ག་དེ་དྲག་དྲག་ མཐུན་ལམ་ལེགས་ཤོམ་སྦེ་སྒྲིག་སྟེ་སྡོད་ནི་དང་ དམ་པ་སྦེ་སྡོད་ནིའི་དོན་ལུ་ རྩ་འགེངས་དགོ་ ག་ཅི་སྨོ་ཟེར་བ་ཅིན་ མི་འདི་ གཙངམ་སྦེ་མཛད་དེ་རྩ་ལས་མེད་པ་ཅིན་ ཁོ་གིས་ གཙོ་བོ་དང་མཇལ་མི་ཚུགས།

ཧིབ་རུ་ལེའུ་ 12:23

ཁྱེད་ཆ་ཁྱབ་ཞིང་ཁམས་ལུ་མིང་ཐོ་བཀོད་ཚར་མི་ འགོ་དང་པ་སྐྱེས་མི་ཚུ་གི་ཚོགས་འཛོམས་ནང་ལྷོད་ཅི་ ག་ར་གི་ཁྲིམས་ཕྱེ་མིའི་དཀོན་མཆོག་གི་སྐུ་མདུན་ལུ་བཅར་ཡི་ ཁྱེད་ཡང་དག་པ་བཟོ་ཚར་མི་ ཆོས་སེམས་ཡོད་མི་ཚུ་གི་སེམས་ཉིད་ཀྱི་སྦུག་ལུ་འོང་ཡི།

ཡ་ཀོབ་ལེའུ་ 3:2

ང་བཅས་ག་ར་གིས་འཛོལ་བ་ལེ་ཤ་འབདཝ་ཨིན་ དེ་འབདཝ་ད་ མི་གཅིག་གིས་ཁ་སླབ་ད་ འཛོལ་བ་མ་འབད་བ་ཅིན་ མི་དེ་ཀྲིག་ཀྲི་ཡོདཔ་མ་ཚད་ རང་གི་གཟུགས་ག་ར་བཏུལ་ཚུགསཔ་ཨིན།

པེ་ཏྲོ་དང་པ་ལེའུ་ 5:10

ཨིན་རུང་ ཁྱེད་ཡུདཔ་ཐེངས་ཅིག་སྡུག་བསྔལ་མྱོང་པའི་ཤུལ་ལས་ དཀོན་མཆོག་གིས་ཁྱེད་ལུ་ངལ་འཚོ་གནང་སྟེ་ ཁྱེད་མི་སྒྲིང་སྒྲིང་དང་ སྟོབས་ཤུགས་ཅན་ དེ་ལས་འགྱུར་བ་མེད་པའི་གཞི་འགྱམ་སྦེ་མཛད་གནང་འོང་ ཡེ་ཤུ་ཁིརཱིས་ཀྱི་ཐོག་ལས་ བཀའ་དྲིན་དང་ལྡན་པའི་དཀོན་མཆོག་གིས་ ཁོ་རང་གི་མཐའ་མེད་པའི་གཟི་བརྗིད་ནང་ ཁྱེད་ལུ་འབོ་གནང་སྟེ་ཡོད།

པེ་ཏྲོ་གཉིས་པ་ལེའུ་ 3:18

དེ་འབདཝ་ལས་ ང་བཅས་རང་གི་ གཙོ་བོ་དང་སྐྱབས་མགོན་ཡེ་ཤུ་ཁིརཱིས་ཀྱི་ ཐུགས་རྗེ་དང་ཤེས་རབ་ནང་ཡར་འཕེལ་འགྱོ་དགོ་ ཁོ་ལུ་གཟི་བརྗིད་དང་གུས་ཞབས་ ད་ལྟོ་དང་ཨ་རྟག་རང་ཁོ་གི་ཨིན་ནོ་ ཨ་མཱེན།། །།