ཕི་ལི་པི་ལེའུ་ 3:11 - རྫོང་ཁ་

¹¹ དེ་ལས་ག་དེམ་ཅིག་སྦེ་འབད་ཚུགས་པ་ཅིན་ ཁོ་བཟུམ་སྦེ་ ང་ཡང་ཤི་ས་ལས་གསོན་པོ་སྦེ་ལྷོང་གནང་ནི་འདི་ཐོབ་བཅུག།

ཕི་ལི་པི་ལེའུ་ 3:11 Iomraidhean Croise

ལུ་ཀ་ལེའུ་ 14:14

འདི་ཚུ་གིས་ ཁྱོད་ལུ་དྲིན་ལན་འཇལ་མ་ཚུགསཔ་ལས་བརྟེན་ཏེ་ ཁྱོད་ཀྱིས་བྱིན་རླབས་ཐོབ་འོང་ མི་ཆོས་སེམས་ཆེ་ཏོག་ཏོ་དེ་ཚུ་ ཤི་ས་ལས་གསོན་པོ་སྦེ་ལོང་པའི་དུས་ནང་ ཁྱོད་ལུ་གསོལ་རས་གནང་འོང་ཟེར་གསུངས་ནུག།

ཡོ་ཧ་ནཱན་ལེའུ་ 11:24

མར་ཐཱ་གིས་མཐའན་མཇུག་གི་ཉིནམ་ལུ་ མི་ག་ར་གསོན་པོ་སྦེ་ལོང་བའི་དུས་ལུ་ ཁོ་ཡང་གསོན་པོ་སྦེ་ལོང་འོང་ཟེར་ང་གིས་ཤེས་ཟེར་ཞུ་ནུག

མཛད་པ་ལེའུ་ 23:6

དེ་ལས་ པའུལ་གྱིས་བལྟཝ་ད་ འདི་ཁར་འཛོམས་མི་འཐུས་མི་ ལ་ལུ་ ས་དུ་ཀི་པ་དང་ ལ་ལུ་ ཕ་རུ་ཤི་པ་ཨིནམ་ཤེས་ཏེ་ ཁོ་གིས་ལྷན་ཚོགས་ལུ་སྐད་སྦོམ་བརྐྱབས་ཏེ་ ངེའི་སྤུན་ཆ་ཚུ་ ང་ ཕ་རུ་ཤི་པ་ཨིན་ ངེ་གི་ཕ་བརྒྱུད་ཡང་ ཕ་རུ་ཤི་པ་ཨིན་ ང་ནཱ་ལུ་ལོང་དགོ་པའི་ཁུངས་དེ་ ཤི་ས་ལས་གསོན་པོ་སྦེ་ལོག་འོང་ནི་ཡོད་ཟེར་ རེ་བ་བསྐྱེདཔ་ལས་བརྟེན་ཏེ་ཨིན་ཟེར་ཞུ་ནུག

མཛད་པ་ལེའུ་ 26:7

ཉིན་མཚན་མེད་པར་ དཀོན་མཆོག་ལུ་ཞབས་ཕྱི་ཞུ་མི་ ང་བཅས་ཀྱི་ཕ་བརྒྱུད་ཀྱི་སྡེ་ཚན་བཅུ་གཉིས་ཀྱིས་ཡང་ ཁས་བླངས་བཞེས་མི་འདི་ལུ་ རེ་བ་བསྐྱེདཔ་ཨིན་ མི་དབང་ ཨ་གིརི་པ་མཆོག་ལགས་ ང་ཡང་ཨ་ནི་རེ་བ་དེ་ལུ་དད་པ་བསྐྱེད་པ་ལས་བརྟེན་ཏེ་ ཡ་ཧུ་ད་པ་ཚུ་གིས་ ང་ལུ་སྐྱོན་བཏགས་དོ།

མཛད་པ་ལེའུ་ 27:12

ཨ་ནི་ ཉེན་ཁ་མེད་པའི་གི་ཁུག་ཟེར་མི་ས་གནས་འདི་ནང་ གནམ་དགུན་ལུ་སྡོད་ནི་དེ་ ལེགས་ཤོམ་མིན་འདུག་ དེ་འབདཝ་ལས་བརྟེན་ཏེ་ མི་མང་ཤོས་ཀྱི་རང་ ས་གནས་དེ་ནང་ལས་ཐོན་ཏེ་ འཚོ་གླིང་ ཀིརཱིད་ཟེར་མི་ གྲུ་ཁག་སོ་སོར་ལས་འོང་སའི་གི་ཁུག་ ལྷོ་ནུབ་དང་ནུབ་བྱང་འབད་མི་ཕྱོགས་ ཕི་ནཱིཀས་ཟེར་མི་ནང་ ཐབས་ཤེས་ག་དེ་སྦེ་ཨིན་རུང་བཏོན་ཏེ་ ལྷོད་ཚུགས་པ་ཅིན་ གནམ་དགུན་གྲུ་སྡོད་སའི་ལེགས་ཤོམ་འོང་ཟེར་སླབ་ནུག།

རོམ་མི་ལེའུ་ 11:14

འདི་ག་ཅི་སྨོ་ཟེར་བ་ཅིན་ ང་རའི་མི་རིགས་ ཨཱིས་ར་ཨཱེལ་པ་ཚུ་གིས་ ཁྱེད་ཕྱིའི་མི་རིགས་ཚུ་ལུ་བལྟཝ་ད་ མིག་ཏོ་ཚ་སྟེ་ དཀོན་མཆོག་གིས་ཁོང་ལུ་སྐྱབས་མཛད་འོང་ཟེར་བའི་དོན་ལུ་ཨིན།

ཀོ་རཱིན་ཐི་དང་པ་ལེའུ་ 15:23

དེ་འབདཝ་ད་ དེ་ག་ར་གོ་རིམ་སྒྲིག་སྟེ་གསོན་པོ་ལྷོང་གནང་ནི་ཨིན་ འགོ་དང་པ་རང་ ཁིརཱིས་གཤགས་ས་ལས་སྐུ་གསོན་པོ་སྦེ་བཞེང་གནང་ཡི་ དེ་ལས་ཁིརཱིས་ད་རུང་ལོག་འབྱོནམ་ད་ ཁོ་ལུ་དད་པ་བསྐྱེད་མི་ག་ར་གསོན་པོ་སྦེ་ལྷོང་གནང་འོང་།

ཀོ་རཱིན་ཐི་དང་པ་ལེའུ་ 9:22

ཁོང་སྟོབས་ཤུགས་མེད་མི་ཚུ་ལུ་ ཁིརཱིས་ནང་འཁྱིད་འོང་བའི་དོན་ལུ་ ང་ཡང་ཁོང་སྟོབས་ཤུགས་མེདཔ་བཟུམ་སྦེ་རང་སྡོད་ཅི་ ང་ཁོང་མི་ལ་ལུ་ཅིག་ལུ་ སྐྱབས་འབད་ཚུགས་འོང་ཟེར་མནོ་སྟེ་འབདཝ་ད་ མཐའ་མ་ང་རང་ག་ཅི་བཟུམ་ཅིག་ལུ་འགྱུར་ཏེ་བལྟ་ཡི།

ཀོ་རཱིན་ཐི་དང་པ་ལེའུ་ 9:27

དེ་འབདཝ་ལས་ ང་མི་གཞན་ལུ་ཆོས་བཤད་པའི་མཐའ་མ་ ང་རང་འཐུས་མ་ཤོར་གེ་ཟེར་ ང་རའི་གཟུགས་ལུ་སྒྲིགས་བཙུགས་བཞགཔ་ཨིན།།

ཀོ་རཱིན་ཐི་གཉིས་པ་ལེའུ་ 11:3

ད་ཧེ་མ་ སྦུལ་མགུ་བདེ་དྲགས་དེ་གིས་ ཨིབ་ལུ་མགུ་བསྐོར་རྐྱབ་དོཝ་བཟུམ་སྦེ་ ཁྱེད་ཀྱིས་ ཁིརཱིས་ལུ་སེམས་ཉམ་ཆུང་དང་དྲང་སེམས་ཀྱི་ཐོག་ལས་དམ་ཚིག་བསྟེན་ནི་ལས་ ལམ་འཛོལ་བ་ནང་འཁྱིད་འགྱོ་འོང་ཟེར་ ང་ཚ་གྱང་ལང་དོ།

ཐེ་ས་ལོ་ནི་ཀ་དང་པ་ལེའུ་ 3:5

འདི་འབདཝ་ལས་བརྟེན་ཏེ་ བར་ཆད་ནང་ཚུད་བཅུག་མི་བདུད་དེ་གིས་ ཁྱེད་ལུ་བར་ཆད་བརྐྱབས་ཏེ་ ང་བཅས་ཀྱིས་འབད་མི་ལཱ་དེ་ཚུ་ དོན་དག་མེདཔ་འགྱོ་དོ་ཟེར་མནོ་སྟེ་ ང་གནམ་མེད་ས་མེད་ཚ་གྱང་ལངས་ཏེ་ ང་རང་གིས་ཁྱེད་ཀྱི་དད་པ་འདི་བལྟ་ནིའི་དོན་ལུ་ ཏི་མོ་ཐི་བཏང་ཡི།

ཐེ་ས་ལོ་ནི་ཀ་གཉིས་པ་ལེའུ་ 2:3

མི་ཚུ་གིས་ཁྱེད་ལུ་ ག་དེ་སྦེ་འབད་རུང་ མགུ་བསྐོར་ནང་བཙུགས་མ་བཅུག་ ག་ཅི་སྨོ་ཟེར་བ་ཅིན་ དང་པ་ མི་ལེ་ཤ་གིས་དཀོན་མཆོག་ལུ་ངོ་རྒོལ་འབད་དགོཔ་ཨིནམ་མ་ཚད་ ཁྲིམས་དང་མ་ལྡན་མིའི་མི་ དུས་རྒྱུན་དུ་རང་རྩ་མེད་གཏང་ནིའི་ཉེས་ཆད་ཕོག་མི་དེ་ ཕྱི་ཁར་མ་ཐོན་ཚུན་ཚོད་ གཙོ་བོ་གི་ཉིནམ་དེ་མི་འོང་།

ཏི་མོ་ཐི་གཉིས་པ་ལེའུ་ 4:8

ད་མཐའན་མཇུག་གི་ཉིནམ་ནང་ ཁྲིམས་ཕྲང་སྟེ་ཕྱེ་མི་གཙོ་བོ་གིས་ལོག་བྱོན་ཏེ་ ངེ་གི་དོན་ལུ་བཞག་གནང་མི་ དཀོན་མཆོག་ཁོ་རའི་ཐུགས་དང་ལྡན་པའི་མི་ཕྲངམ་གི་གཙུག་རྒྱན་དེ་ ང་ལུ་གནང་འོང་ དེ་འབདཝ་ད་གསོལ་རས་འདི་ ང་རྐྱངམ་གཅིག་ལུ་མེན་ དེ་འབདཝ་ད་ ཁོ་འབྱོན་ནི་འབད་མི་ཉིནམ་དེ་ལུ་བརྩེ་བ་བསྐྱེད་དེ་ རེ་འདོད་ཀྱི་ཐོག་ལས་སྒུག་སྡོད་མི་ག་ར་ལུ་གནང་ནི་ཨིན།།

ཧིབ་རུ་ལེའུ་ 11:35

ཨམ་སྲུ་ཚུ་གིས་ ཁོང་རའི་བུ་ཤི་ས་ལས་གསོན་པོ་ལོག་ཐོབ་ནུག ལ་ལུ་གིས་སྡུག་མྱོང་སྟེ་ ཤུལ་ལས་གསོན་པོ་སྦེ་ལྷོང་གནང་བའི་དུས་ལུ་ གསོལ་རས་ལེགས་ཤོམ་ཐོབ་འོང་ཟེར་ སྡུག་བསྔལ་ལས་ཐར་བའི་འདོད་པ་མ་བསྐྱེད་པས།

མཐོང་སྣང་ལེའུ་ 20:5

ཨ་ནི་འདི་ཤི་མི་ཚུ་གསོན་པོ་སྦེ་ལོང་མི་དང་པ་ཨིན་མས་ གཞན་ཤི་མི་དེ་ཚུ་ལོ་སྟོང་ཕྲག་གཅིག་ མ་ལང་པར་གསོན་པོ་སྦེ་མི་ལོང་ཟེརཝ་ཨིན་མས།