ཕི་ལི་པི་ལེའུ་ 3:10 - རྫོང་ཁ་

¹⁰ དེ་ལས་ང་གིས་ཁིརཱིས་ངོ་ཤེས་ནི་འདོད་པ་ཡོདཔ་མ་ཚད་ ཁོ་ལུ་གཤགས་ས་ལས་ སྐུ་གསོན་པོ་བཞེངས་གནང་མི་དབང་ཤུགས་ལུ་ ག་དེ་དྲག་དྲག་ཉམས་མྱོང་འབད་དེ་ བལྟ་དགོ་མནོ་ཡི་ དེ་ལས་ཁོ་སྡུག་བསྔལ་བཞེས་ཏེ་ གཤགས་དོཝ་བཟུམ་སྦེ་ ང་ཡང་ཤི་ཆོགཔ་སྦེ་སྡོདཔ་ཨིན།

ཕི་ལི་པི་ལེའུ་ 3:10 Iomraidhean Croise

མེ་ཐིའུ་ལེའུ་ 20:23

ཡེ་ཤུ་གིས་ཁོང་ལུ་ ང་གིས་འཐུང་ནི་འབད་མིའི་ཕོརཔ་དེ་ལས་ དོན་ལས་རང་ཁྱེད་ཀྱིས་འཐུང་ནི་ཨིན་ དེ་འབདཝ་ད་ ངེ་གི་གཡས་དང་གཡོན་ལས་བཞག་ནི་གི་དབང་ཚད་འདི་ང་ལུ་མེད་ ཨ་ནི་སྡོད་སའི་འདི་ཚུ་ ངེ་གི་ཡབ་ཀྱིས་ག་ག་ལུ་གྲ་སྒྲིག་བརྐྱབས་ཏེ་ བཙག་འཐུ་མཛདཔ་ཨིན་ན་ དེ་ཚུ་ལུ་བཞག་གནང་འོང་ཟེར་གསུངས་ནུག

ཡོ་ཧ་ནཱན་ལེའུ་ 10:18

ག་གིས་ཡང་ངེ་གི་ཚེ་སྲོག་ང་ལས་ལེན་མི་ཚུགས་ དེ་འབདཝ་ད་ ང་རའི་སེམས་ཀྱི་འདོད་པ་ལྟར་དུ་བྱིནམ་ཨིན་ ང་ལུ་ཕར་བྱིན་ནི་དང་ཚུར་ལེན་ནི་གི་དབང་ཚད་ཡོད་ འདི་བཟུམ་སྦེ་ ཐག་བཅད་ནིའི་བཀའ་འདི་ ངེ་གི་ཡབ་ལས་ཐོབ་ཅི་ཟེར་གསུངས་ནུག

ཡོ་ཧ་ནཱན་ལེའུ་ 17:3

མི་དེ་ཚུ་གིས་ ནཱ་རྐྱངམ་གཅིག་བདེན་པའི་དཀོན་མཆོག་ཨིན་ཟེར་ ངོ་ཤེས་ནི་དང་ ནཱ་གིས་གཏང་གནང་མིའི་ཡེ་ཤུ་ཁིརཱིས་ལུ་ ངོ་ཤེས་ནི་དེ་ ཚེ་མཐའ་མེདཔ་དེ་ཨིན།

རོམ་མི་ལེའུ་ 8:17

ང་བཅས་དཀོན་མཆོག་གི་སྲས་དང་སྲསམོ་ཨིན་པ་ཅིན་ ཁོ་གི་རྒྱུ་ནོར་ལས་བགོ་བཤའ་ཐོབ་ནི་ཨིན་ ད་རུང་ཁོ་གི་སྲས་ཁིརཱིས་དང་གཅིག་ཁར་ སྡུག་བསྔལ་མྱོང་པ་ཅིན་ ཁོ་དང་འདྲན་འདྲ་ དཀོན་མཆོག་གི་རྒྱུ་ནོར་ལས་ བགོ་བཤའ་ཐོབ་ནི་ཨིནམ་མ་ཚད་ ང་བཅས་ཁོ་དང་འདྲན་འདྲ་སྦེ་ གཟི་བརྗིད་དང་ལྡནམ་སྦེ་འགྱུར་འོང་།།

རོམ་མི་ལེའུ་ 8:29

དཀོན་མཆོག་གིས་ཁོ་རའི་མི་འདི་ཚུ་ ཧེ་མ་ལས་ངོ་མཁྱེན་ཏེ་ ཁོང་ལུ་ཁོ་རའི་སྲས་འདི་གི་རང་བཞིན་བཟུམ་སྦེ་མཛད་ནི་གི་དོན་ལུ་ ཁོང་ལུ་བཙག་འཐུ་མཛད་གནང་ནུག་ དེ་གིས་འབད་ ཁོ་གི་སྲས་ ཁོང་གི་གྲལ་ལས་ འགོ་སྐྱེས་སྦེ་བྱུང་ཡི།

རོམ་མི་ལེའུ་ 8:36

དཀའ་ངལ་སྡུག་བསྔལ་མྱོང་ནི་ཟེར་ གསུང་རབ་ནང་ དེ་སྦེ་བྲིས་ཏེ་ཡོད། དམར་མཁནམ་གིས་ལུག་བསད་དོཝ་བཟུམ་སྦེ་ ང་བཅས་ལུ་ཉིནམ་རེ་འཆར་རང་ ནཱ་གི་དོན་ལུ་བསད་དོ་ དམར་མཁནམ་གི་བསད་མིའི་ལུག་བཟུམ་སྦེ་ ང་བཅས་ལུ་རྩི་དོ།

ཀོ་རཱིན་ཐི་གཉིས་པ་ལེའུ་ 1:10

དེ་ལས་ཁོ་གིས་ང་བཅས་ལུ་ ཤི་བའི་ལམ་ལས་སྐྱབས་མཛད་དེ་གནང་ཡི་ ད་ལྟོ་ཡང་ སྐྱབས་མཛད་གནང་དོ་ ཤུལ་མ་ཡང་སྐྱབས་མཛད་གནང་འོང་ཟེར་ ང་བཅས་ཁོ་ལུ་ཆ་བཞག་སྟེ་ རེ་བ་བསྐྱེདཔ་ཨིན།

ཀོ་རཱིན་ཐི་གཉིས་པ་ལེའུ་ 1:5

ག་ཅི་སྨོ་ཟེར་བ་ཅིན་ དོན་ལས་རང་ ང་བཅས་ཀྱིས་ ཁིརཱིས་ཀྱི་དོན་ལུ་སྡུག་བསྔལ་ག་དེ་ཅིག་མྱོངམ་ཨིན་ན་ དེ་ལས་ཡང་ལྷགཔ་སྦེ་ ཁིརཱིས་ཀྱི་ཐོག་ལས་ དཀོན་མཆོག་གིས་ང་བཅས་ལུ་སེམས་གསོ་གནངམ་ཨིན།

ཀོ་རཱིན་ཐི་གཉིས་པ་ལེའུ་ 13:4

ག་ཅི་སྨོ་ཟེར་བ་ཅིན་ ཁོ་དོན་ལས་རང་ སྟོབས་ཤུགས་ཞན་པའི་ཐོག་ལས་ ཁྲམ་ཤིང་གུ་བཀྲོངས་ཅི་ དེ་འབདཝ་ད་ དཀོན་མཆོག་གི་དབང་ཤུགས་ཀྱིས་ ཁོ་སྐུ་གསོན་པོ་བཞུགས་ཡོད་ དེ་བཟུམ་སྦེ་ ང་བཅས་ཁོ་གི་ནང་སྟོབས་ཞན་འཁོགས་ཨིན་རུང་ དཀོན་མཆོག་གིས་དབང་ཤུགས་ལས་བརྟེན་ ང་བཅས་ཁོ་དང་གཅིག་ཁར་སྡོད་འོང་ ཨ་ནི་དབང་ཤུགས་དེ་གིས་ ང་བཅས་ཁྱེད་ཀྱི་སྦུག་ལུ་ལཱ་འབད་ནི་ཨིན།

ག་ལ་ཏི་ལེའུ་ 2:20

ཁིརཱིས་ ཁྲམ་ཤིང་གུ་གཤགསཔ་ད་ ང་ཡང་ཁོ་དང་གཅིག་ཁར་ཤི་སོངམ་བཟུམ་སྦེ་ཨིན་ ད་ལྟོ་ང་རང་གིས་འབད་ གསོན་པོ་སྦེ་སྡོདཔ་མེན་ དེ་འབདཝ་ད་ ཁིརཱིས་ངེ་གི་ནང་ན་བཞུགས་ཡོད་ དེ་ལས་ང་མི་ལུས་ནང་སྡོད་དེ་ དཀོན་མཆོག་གི་སྲས་ ང་ལུ་བྱམས་པ་མཛད་མི་དང་ ཁོ་རང་གི་སྐུ་ཚེ་ང་ལུ་གནང་མི་དེ་ལུ་ དད་པ་བསྐྱེད་དེ་སྡོདཔ་ཨིན།

ག་ལ་ཏི་ལེའུ་ 6:17

ད་དེ་ལས་ཕར་ ག་གིས་ཡང་ཧེ་མ་བཟུམ་སྦེ་ང་ལུ་དཀྲོགས་མ་བཅུག་ ག་ཅི་སྨོ་ཟེར་བ་ཅིན་ ངེ་གི་གཟུགས་ལུ་ཡོད་མི་རྨ་ཤུལ་གྱིས་ ང་ཡེ་ཤུ་གི་སྐུ་ཚབ་སྦེ་ཁུངས་བཀལཝ་ཨིན།

ཨི་ཕི་སིཔ་ལེའུ་ 4:13

དེ་ལས་ང་བཅས་ག་ར་གིས་དད་པ་གཅིག་བསྐྱེད་དེ་ དཀོན་མཆོག་གི་སྲས་ཀྱི་སྐོར་ལས་ཤེས་ཡོན་ཐོབ་ད་ མནོ་བསམ་གཅིག་སྦེ་བཏང་སྟེ་ ཁིརཱིས་ཁོ་རང་བཟུམ་སྦེ་རང་ ལྷག་ཆད་ག་ནི་ཡང་མེད་པར་ ཚངམ་སྦེ་མ་བྱུང་ཚུན་ཚོད་ ཁོ་གསོལ་རས་གནང་སྟེ་རང་བཞུགས་འོང་།

ཕི་ལི་པི་ལེའུ་ 3:8

མ་གཞི་ ངེ་གི་གཙོ་བོ་ཁིརཱིས་ཡེ་ཤུ་ལུ་ངོ་ཤེས་ནི་འདི་ གནམ་མེད་ས་མེད་གལ་ཆེ་ཤོས་ཅིག་འབད་དེ་ གཞན་ག་ཅི་རང་འབད་རུང་ ང་གིས་འདི་ཚུ་ག་ར་རྒུད་བཟུམ་སྦེ་རྩིཝ་ཨིན་ ཁིརཱིས་ཀྱིས་འབད་དེ་ འདི་ཚུ་ག་ར་ངེ་གི་དོན་ལུ་རྒུད་སྦེ་བྱུང་ཡི་ དེ་འབདཝ་ད་ ཁིརཱིས་ཐོབ་ནི་གི་དོན་ལུ་དང་།

ཀོ་ལོ་སི་ལེའུ་ 1:24

ད་ང་ཁྱེད་ཀྱི་དོན་ལུ་སྡུག་བསྔལ་མྱོང་ནི་ལུ་ དགའ་སྤྲོ་བསྐྱེད་སྡོདཔ་ཨིན་ ཁིརཱིས་ཀྱི་སྐུ་གཟུགས་ཨིན་པའི་ཆོས་ཚོགས་ཀྱི་དོན་ལུ་ ང་རའི་གཟུགས་ཀྱིས་ ཁོ་གི་སྡུག་བསྔལ་མཐར་སྐྱེལ་ནི་ཨིན།

ཀོ་ལོ་སི་ལེའུ་ 2:13

ཁྱེད་ཆ་ཁྱབ་ཁྲིམས་ལས་འགལ་བའི་ལཱ་འབད་དེ་ ཤི་སོངམ་བཟུམ་སྦེ་ཨིནམ་ད་ སྡིག་པའི་རང་བཞིན་ལས་མ་ཐར་བའི་སྐབས་ལུ་ དཀོན་མཆོག་གིས་ཁྱེད་ཆ་ཁྱབ་ལུ་ ཁིརཱིས་དང་གཅིག་ཁར་གསོན་པོ་སྦེ་ལྷོང་གནང་ཡི་ ཁོ་གིས་ང་བཅས་ཀྱི་སྡིག་པ་ག་ར་ལས་བཤགས་པ་གནང་ཡི།

ཀོ་ལོ་སི་ལེའུ་ 3:1

དེ་འབདཝ་ལས་ ཁྱེད་ཆ་ཁྱབ་ཁིརཱིས་དང་གཅིག་ཁར་ གསོན་པོ་སྦེ་ལྷོང་གནང་ཡོདཔ་ལས་ དཀོན་མཆོག་གི་ཕྱག་གཡས་ལུ་ ཁིརཱིས་བཞུགས་ཡོད་པའི་ཞིང་ཁམས་ཀྱི་དངོས་པོ་ཚུ་ལུ་ཚ་གཏད་དེ་སྡོད།

པེ་ཏྲོ་དང་པ་ལེའུ་ 1:3

ད་ང་བཅས་ཀྱི་གཙོ་བོ་ཡེ་ཤུ་ཁིརཱིས་ཀྱི་ ཡབ་དཀོན་མཆོག་ལུ་བསྟོད་པ་ཕུལ་བར་ཤོག་ ཁོ་རང་གི་སྙིང་རྗེ་སྦོམ་དང་འཁྲིལ་ཏེ་ གཤགས་ས་ལས་གསོན་པོ་སྦེ་བཞེངས་མིའི་ ཡེ་ཤུ་ཁིརཱིས་ཀྱི་ཐོག་ལས་ ང་བཅས་ལུ་ནམ་ཡང་ཤི་ནི་མེད་པའི་རེ་བ་ སྐྱེད་ནི་གི་དོན་ལུ་ཚེ་གསརཔ་གནང་ཡི།

པེ་ཏྲོ་གཉིས་པ་ལེའུ་ 1:13

ང་རང་ཨ་ནི་ལུས་ཀྱི་ཕུང་པོ་དེ་ནང་ སྡོད་པའི་རིང་ལུ་ ཨ་ནི་ལོ་རྒྱུས་དེ་ཚུ་གི་སྐོར་ལས་ ཁྱེད་ཀྱི་སེམས་ཁར་དྲན་བསྐུལ་འབད་ནི་འདི་ ཀྲིག་ཀྲི་ཨིན་ཟེར་ ང་རང་གིས་མནོ་བསམ་གཏངམ་ཨིན།

ཡོ་ཧ་ནཱན་དང་པ་ལེའུ་ 2:3

ག་དེམ་ཅིག་སྦེ་ ང་བཅས་ཀྱིས་ ཁོ་གི་བཀའ་དེ་ཚུ་ལུ་ཉན་ཏེ་སྡོད་པ་ཅིན་ ང་བཅས་ཀྱིས་ཁོ་ངོ་ཤེས་ཟེར་ཧ་གོ་ཚུགསཔ།

ཡོ་ཧ་ནཱན་དང་པ་ལེའུ་ 2:5

དེ་འབདཝ་ད་ ག་ར་འབད་རུང་ ཁོ་གི་བཀའ་ལུ་ཉན་མི་ མི་འདི་གི་ནང་ན་ དཀོན་མཆོག་གི་བྱམས་པ་དེ་ དོན་ལས་རང་ཡོངས་སུ་རྫོགསཔ་སྦེ་བཞུགས་འོང་ རྒྱུ་མཚན་དེ་ལས་བརྟེན་ཏེ་ ང་བཅས་ཁོ་གི་ནང་ན་གནས་ཏེ་ཡོད་ཟེར་ ང་བཅས་ཀྱིས་ཤེས་ཚུགསཔ།

མཐོང་སྣང་ལེའུ་ 1:18

དེ་མ་ཚད་ གསོན་པོ་སྦེ་སྡོད་མི་འདི་ང་ཨིན་ ད་བལྟ་ཤིག་ ང་ཚར་གཅིག་ཤི་སྟེ་འབད་རུང་ ད་ནམ་ཡང་ ཤི་ནི་མེདཔ་ལུ་འགྱུར་ཏེ་ ང་དུས་རྟག་བུ་ར་སྡོདཔ་ཨིན་ འཆི་བ་དང་གཤིན་ཡུལ་ གྱི་ལྡེ་མིག་འདི་ ངེའི་ནང་ཡོད།