ཕི་ལི་པི་ལེའུ་ 3:1 - རྫོང་ཁ་

¹ ངེའི་སྤུན་ཆ་ཚུ་ ག་ཅི་རང་བྱུང་རུང་ གཙོ་བོ་ནང་དགའ་ཚོར་འགྱུར་ ཁྱེད་ལུ་ལོག་ཅི་ལོག་ཅི་རང་ བློ་གཅིག་བྲིས་བ་ཅིན་ ང་ཞེ་མི་བསུན་ འདི་ཁྱེད་ཀྱི་དད་པ་ལུ་སྲུང་སྐྱོབས་འབད་ནིའི་དོན་ལུ་ཨིན།

ཕི་ལི་པི་ལེའུ་ 3:1 Iomraidhean Croise

མེ་ཐིའུ་ལེའུ་ 5:12

ཁྱེད་ཆ་ཁྱབ་སེམས་དགའ་སྟེ་དགའ་འཚོར་འགྱུར་ ག་ཅི་སྨོ་ཟེར་བ་ཅིན་ཁྱེད་ཀྱི་དོན་ལུ་ ཞིང་ཁམས་ལུ་གསོལ་རས་སྦོམ་གཅིག་བཞག་ཡོད་ ཁྱེད་ལུ་གནོད་པ་སྐྱེལ་ཏེ་སྡུག་བྱིན་དོཝ་བཟུམ་སྦེ་རང་ ཁྱེད་ཀྱི་ཧེ་མ་ལས་འོང་མིའི་ལུང་སྟོན་པ་ཚུ་ལུ་ཡང་འབད་ནུག།

ལུ་ཀ་ལེའུ་ 1:47

ང་ཡིད་རངས་ཏེ་སྐྱབས་མགོན་དཀོན་མཆོག་ལུ་ དགའ་སྤྲོ་འགྱུརཝ་ཨིན།

རོམ་མི་ལེའུ་ 5:11

འདི་གིས་མ་ཚད་ དཀོན་མཆོག་ནང་ང་བཅས་དགའ་སྤྲོ་འགྱུར་ཏེ་སྡོདཔ་ཨིན་ ག་ཅི་སྨོ་ཟེར་བ་ཅིན་ ང་བཅས་ཀྱི་གཙོ་བོ་ཡེ་ཤུ་ཁིརཱིས་ཀྱི་རྒྱུད་ལས་སྦེ་ དཀོན་མཆོག་དང་མཐུན་ལམ་མཛད་གནང་ཡི།།

ཀོ་རཱིན་ཐི་གཉིས་པ་ལེའུ་ 13:11

ངེ་གི་བྱམས་པའི་སྤུན་ཆ་ཚུ་ ཨ་ནི་ཡི་གུ་ནང་ ངེ་གི་མཐའན་མཇུག་གི་ བསླབ་བྱ་འདི་མཇུག་བསྡུ་ནི་ཨིན་ ད་ སེམས་དགའ་སྤྲོ་འགྱུར་དགོ་ ཁྱེད་རང་གི་སྤྱོད་ལམ་ཚུ་འགྱུར་དགོ་ གཅིག་གིས་གཅིག་ལུ་སེམས་གསོ་འབད་དགོ་ སེམས་གཅིག་གི་ཐོག་ལས་ཞི་བདེ་ནང་སྡོད་དགོ་ དེ་ལས་བྱམས་དང་ཞི་བདེ་ཨིན་མི་དཀོན་མཆོག་ ཁྱེད་དང་གཅིག་ཁར་བཞུགས་འོང་།

ཨི་ཕི་སིཔ་ལེའུ་ 6:10

མཐའན་མཇུག་ལུ་ གཙོ་བོ་གི་ཧ་ལས་པའི་སྟོབས་ཤུགས་ལས་སྦེ་ ཁྱེད་སྒྲིང་སྒྲིང་སྡོད།

ཕི་ལི་པི་ལེའུ་ 3:3

ག་ཅི་སྨོ་ཟེར་བ་ཅིན་ ཕྱི་ཁར་ཤ་ལུས་ལུ་ ཡ་ཧུ་ད་པའི་རྟགས་བཀལ་མི་ལུ་ བློ་མ་གཏད་པར་ ང་བཅས་དཀོན་མཆོག་གི་མི་ངོ་མ་ དམ་པའི་ཐུགས་ཉིད་ནང་ དཀོན་མཆོག་གི་ཕྱག་ཞུ་མི་དང་ ཁིརཱིས་ཡེ་ཤུ་ལུ་བློ་གཏད་མི་ཚུ་ཨིན།

ཕི་ལི་པི་ལེའུ་ 4:4

གཙོ་བོ་ནང་ ཨ་རྟག་རང་དགའ་ཚོར་འགྱུར་ ད་རུང་ཡང་ དགའ་ཚོར་འགྱུར་ཟེར་ང་གིས་སླབ་དོ།

ཕི་ལི་པི་ལེའུ་ 4:8

མཐའན་མཇུག་ལུ་ དབའེ་ངེ་གི་བྱམས་པའི་སྤུན་ཆ་ཚུ་ བདེན་པ་ག་ཅི་རང་ཡོད་རུང་ གུས་ཞབས་འབད་ནི་ག་ཅི་རང་ཡོད་རུང་ ཕྲངམ་ག་ཅི་རང་ཡོད་རུང་ གཙངམ་ག་ཅི་རང་ཡོད་རུང་ ཡིད་དུ་འོངམ་ག་ཅི་རང་ཡོད་རུང་ ཡི་རངས་ཏོག་ཏོ་ག་ཅི་རང་ཡོད་རུང་ མཆོག་ཏུ་གྱུར་པ་ག་ཅི་རང་ཡོད་རུང་ བསྟོད་པ་ཡོད་པའི་འོས་འབབ་ག་ཅི་རང་ཡོད་རུང་ དེ་ཚུ་ལུ་ཁྱེད་ཀྱིས་མནོ་བསམ་གཏང་དགོ།

ཐེ་ས་ལོ་ནི་ཀ་དང་པ་ལེའུ་ 4:1

དབའེ་སྤུན་ཆ་ཚུ་ མཐའན་མཇུག་ལུ་དོན་དག་མདོར་བསྡུས་ཏེ་ཞུ་བ་ཅིན་ ང་བཅས་ཀྱིས་ཁྱེད་ལུ་སྟོན་དོ་བཟུམ་སྦེ་ ཁྱེད་ཀྱིས་ དཀོན་མཆོག་གི་ཐུགས་དགྱེས་པའི་ལཱ་དང་ སྤྱོད་ལམ་ལེགས་ཤོམ་ཚུ་འབད་དེ་རང་སྡོད་ནུག་ ད་རུང་འདི་ལས་ལྷགཔ་སྦེ་ སྤྱོད་ལམ་ལེགས་ཤོམ་འབད་དེ་སྡོད་ཟེར་ ང་བཅས་ཀྱིས་གཙོ་བོ་ཡེ་ཤུ་གི་མཚན་ནང་ ཁྱེད་ལུ་ཞུ་བ་ཕུལ་དོ།

ཐེ་ས་ལོ་ནི་ཀ་དང་པ་ལེའུ་ 5:16

དེ་ལས་ཨ་རྟག་རང་སེམས་དགའ་སྤྲོ་གི་ངང་ལུ་སྡོད།

ཡ་ཀོབ་ལེའུ་ 1:2

ངེའི་སྤུན་ཆ་ཚུ་ ཁྱེད་ལུ་སྡུག་བསྔལ་མ་འདྲཝ་དེ་ཚུ་ལེ་ཤ་འབྱུངམ་ད་ འདི་ངེ་གི་དོན་ལུ་ག་ཅི་དེས་ཅིག་དགའ་ཚོར་འགྱུར་བའི་གོ་སྐབས་སྦོམ་ཅིག་ཨིན་ཟེར་མནོ་བསམ་གཏང་དགོ།

པེ་ཏྲོ་དང་པ་ལེའུ་ 3:8

མཐའན་མཇུག་ལུ་ ཁྱེད་ག་ར་སེམས་དང་མནོ་བསམ་གཅིག་སྦེ་བཏང་དགོ་ གཅིག་གིས་གཅིག་ལུ་ཤ་ཚ་སྟེ་ སྤུན་ཆ་ལུ་བྱམས་པ་འབད་ སྙིང་རྗེ་བསྐྱེད་དེ་ ཉམ་ཆུང་སྦེ་སྡོད་དགོ།

པེ་ཏྲོ་དང་པ་ལེའུ་ 4:13

ཨིན་རུང་ དེ་ལུ་དགའ་སྤྲོ་འགྱུར་ ག་ཅི་སྨོ་ཟེར་བ་ཅིན་ ཁྱེད་ཀྱིས་ཁིརཱིས་ཀྱི་དཀའ་ངལ་མྱོང་མིའི་ནང་ བཅའ་མར་གཏོགསཔ་ཨིན་ དེ་ལས་དུས་མཐའན་མཇུག་ལུ་ ཁོ་གི་གཟི་བརྗིད་འདི་ ཕྱི་ཁར་ཐོནམ་ད་ ཁྱེད་དེ་ལས་ཡང་ལྷག་པའི་དགའ་སྤྲོ་འགྱུར་འོང་།

པེ་ཏྲོ་གཉིས་པ་ལེའུ་ 3:1

ངེ་གི་བྱམས་པའི་ཆ་རོགས་ཚུ་ ད་ཨ་ནི་ཁྱེད་ལུ་བྲིས་མི་འདི་ ངེ་གི་ཡི་གུ་གཉིས་པ་ཨིན་ ང་གིས་བྲིས་མིའི་ཡི་གུ་ གཉིས་ཆ་ར་གི་དོན་དག་འདི་གཅིག་ཨིན་ འདི་ཁྱེད་ལུ་གཤིས་རྒྱུད་བཟང་པོ་འཐོན་བཅུག་ནི་སྦེ་ དྲན་བསྐུལ་འབདཝ་ཨིན།