ཕི་ལི་པི་ལེའུ་ 2:9 - རྫོང་ཁ་

⁹ དེ་འབདཝ་ལས་བརྟེན་ཏེ་ དཀོན་མཆོག་གིས་ཁོ་ལུ་ག་ར་ལས་ ཡར་འཕར་མཛད་དེ་ ཁོ་གི་མཚན་ཡང་མི་གཞན་ག་ར་ལས་ མཐོ་ཤོས་ཅིག་མཛད་གནང་ནུག

ཕི་ལི་པི་ལེའུ་ 2:9 Iomraidhean Croise

མེ་ཐིའུ་ལེའུ་ 11:27

ངེ་གི་ཡབ་ཀྱིས་དབང་ཚད་ག་ར་ང་ལུ་གནང་ཡི་ ཡབ་ཀྱིས་མ་གཏོགས་གཞན་ག་གིས་ཡང་སྲས་ལུ་ངོ་མི་ཤེས་ སྲས་ཀྱིས་མ་གཏོགས་གཞན་ག་གིས་ཡང་ཡབ་ལུ་ངོ་མི་ཤེས་ སྲས་ཀྱི་ཐུགས་ཁར་ཡོད་མིའི་མི་འདི་ལུ་རྐྱངམ་གཅིག་ ཡབ་ཀྱི་སྐོར་ལས་ངོ་བཏོན་འོང་།

མེ་ཐིའུ་ལེའུ་ 28:18

དེ་ལས་ཡེ་ཤུ་ཁོང་སྡོད་སར་བྱོན་སྦེ་ ཞིང་ཁམས་དང་འཇིག་རྟེན་ནང་གི་ དབང་ཚད་ག་ར་ང་ལུ་གནང་སྟེ་ཡོད།

ལུ་ཀ་ལེའུ་ 10:22

ངེ་གི་ཡབ་ཀྱིས་ དབང་ཚད་ག་ར་ང་ལུ་གནང་ཡི་ ཡབ་ཀྱིས་མ་གཏོགས་ གཞན་ག་གིས་ཡང་སྲས་ངོ་མི་ཤེས་ སྲས་ཀྱིས་མ་གཏོགས་ གཞན་ག་གིས་ཡང་ཡབ་ངོ་མི་ཤེས་ སྲས་ཀྱི་ཐུགས་ཁར་ཡོད་མི་ལུ་རྐྱངམ་གཅིག་ ཡབ་ཀྱི་སྐོར་ལས་ངོ་བཏོན་འོང་།

ཡོ་ཧ་ནཱན་ལེའུ་ 13:3

ཡེ་ཤུ་གིས་ ཡབ་ཀྱིས་ག་ར་ཁོ་གི་དབང་ཚད་འོག་ལུ་གནང་ཡོད་ དེ་ལས་ཁོ་རང་ཡང་ དཀོན་མཆོག་ནང་ལས་འོངམ་ཨིན་ ད་རུང་ལོག་སྟེ་དཀོན་མཆོག་གི་སྐུ་མདུན་ལུ་འགྱོ་དགོ་ཟེར་ ཁོ་རང་གིས་མཁྱེན་ཏེ།

ཡོ་ཧ་ནཱན་ལེའུ་ 17:11

ད་ང་འཛམ་བུ་གླིང་ནང་མི་སྡོད་ ཁོང་ཆ་ཁྱབ་འཛམ་བུ་གླིང་ནང་བཞག་སྟེ་ ང་ནཱ་གི་སྐུ་མདུན་ལུ་བཅར་དོ་ དམ་པའི་ཡབ་ལགས་ ནཱ་གིས་ང་ལུ་གནང་མི་ཚུ་ ནཱ་གི་མཚན་གྱི་ཐོག་ལས་སྦེ་ཁོང་ལུ་སྲུང་སྐྱོབ་མཛད་གནང་ དེ་ལས་ང་དང་ནཱ་གཅིག་ཨིན་དོཝ་བཟུམ་སྦེ་ ཁོང་ཡང་གཅིག་སྦེ་མཐུན་ཚུགསཔ་མཛད་གནང་།

ཡོ་ཧ་ནཱན་ལེའུ་ 17:12

དེ་ལས་ང་ཁོང་དང་གཅིག་ཁར་སྡོད་པའི་བར་དུ་ ནཱ་གིས་ང་ལུ་གནང་མིའི་མཚན་གྱི་དབང་ཤུགས་ནང་ མ་འབྱང་པར་བདག་འཛིན་འཐབ་སྟེ་བཞག་ཅི་ དེ་ལས་གསུང་རབ་ནང་གསུངས་ཡོད་མི་འདི་གྲུབ་ནིའི་དོན་ལུ་ ཁོང་གི་གྲལ་ཁ་ལས་བརླག་སྟོར་ཤོར་བའི་བུ་གཅིག་མ་གཏོགས་ གཞན་གཅིག་ཡང་མ་འབྱང་པར་ཡོད།

ཡོ་ཧ་ནཱན་ལེའུ་ 17:5

ཡབ་ལགས་ འཇིག་རྟེན་མ་བཀོད་པའི་ཧེ་མ་ ང་ནཱ་དང་མཉམ་ཡོད་པའི་གཟི་བརྗིད་དེ་ ད་རུང་ཡང་ལོག་སྟེ་ ནཱ་གི་སྐུ་མདུན་ལུ་ང་ལུ་གཟི་བརྗིད་དང་ལྡནམ་སྦེ་མཛད་གནང་།།

མཛད་པ་ལེའུ་ 5:31

དཀོན་མཆོག་གིས་ ཨཱིས་ར་ཨཱེལ་པ་ཚུ་ལུ་ སྡིག་པའི་ལཱ་ལས་སེམས་འགྱུར་ཏེ་ སྡིག་པ་བཀའ་དྲིན་བསྐྱང་ནིའི་དོན་ལུ་ ཡེ་ཤུ་ལུ་སྐྱབས་མགོན་དང་རྒྱལ་སྲས་སྦེ་ ཡར་སེང་རྐྱབ་གནང་སྟེ་ དཀོན་མཆོག་ཁོ་རང་གི་ཕྱག་གཡས་པའི་ཁ་ཐུག་བཞག་གནང་ཡི།

ཨི་ཕི་སིཔ་ལེའུ་ 1:10

དམིགས་ཡུལ་དེ་དང་མཐུན་ཏེ་ དུས་ཚོད་ཀྲིག་ཀྲི་སྦེ་རན་པའི་བསྒང་ལས་ ཞིང་ཁམས་ནང་ལུ་ཡོད་མི་ཚུ་དང་ འཇིག་རྟེན་ནང་ཡོད་མི་ཚུ་ག་ར་ ཁིརཱིས་ཀྱི་ཕྱག་འོག་ལུ་བཞག་གནང་ནི་ཨིན།

ཀོ་ལོ་སི་ལེའུ་ 1:18

ཁོ་རའི་སྐུ་གཟུགས་འདི་ཆོས་ཚོགས་ཨིན་ དེ་ལས་དབུ་འདི་ཁོ་ཨིན་ ཁོ་དབང་ཚད་ཅན་སྦེ་འབྱོན་ནི་གི་དོན་ལུ་ འགོ་ཐོག་ལས་རང་བཞུགས་ཡོདཔ་མ་ཚད་ ཤི་མི་ཚུ་གི་གྲལ་ཁ་ལས་ གསོན་པོ་སྦེ་ལོང་མི་ ཁོ་དང་པ་ཨིན།

ཐེ་ས་ལོ་ནི་ཀ་གཉིས་པ་ལེའུ་ 1:12

དེ་འབདཝ་ལས་ མི་ག་ར་གིས་ཁྱེད་ཀྱི་ཐོག་ལས་ ང་བཅས་ཀྱི་གཙོ་བོ་ཡེ་ཤུ་གི་མཚན་ལུ་ བསྟོད་པ་དང་ཞེ་ས་ཕུལ་ནི་ཨིནམ་མ་ཚད་ ཁོ་གིས་ཁྱེད་ལུ་ཡང་བསྟོད་པ་གནང་ནི་ཨིན་ དེ་ག་ར་ང་བཅས་ཀྱི་དཀོན་མཆོག་དང་ གཙོ་བོ་ཡེ་ཤུ་ཁིརཱིས་ཀྱི་ཐུགས་རྗེ་ལས་སྦེ་ཐོབ་ནི་ཨིན།།

ཧིབ་རུ་ལེའུ་ 1:4

དཀོན་མཆོག་གིས་ སྲས་ཀྱི་མཚན་འདི་ ག་དེམ་ཅིག་ ཕོ་ཉ་ག་ར་ལས་མཐོ་བའི་མཚན་གནང་ཡི་ག་ དེམ་ཅིག་ར་ ཕོ་ཉ་ཚུ་ལས་ཁོ་དྲག་ཤོས་ཐོན་ནུག

ཧིབ་རུ་ལེའུ་ 1:9

ནཱ་གིས་ལཱ་ཕྲངམ་འདི་ལུ་ཐུགས་དགྱེསཔ་ཨིན་ དེ་འབདཝ་ད་ ངན་པ་ལུ་ཐུགས་མི་མཉེས་ འདི་གི་དོན་ལས་དཀོན་མཆོག་ ནཱ་རང་གི་དཀོན་མཆོག་དེ་གིས་ ནཱ་ལུ་བཙག་འཐུ་མཛད་དེ་ ནཱ་རའི་ཆ་རོགས་ཚུ་ལས་ཡང་ལྷགཔ་སྦེ་ དགའ་སྤྲོ་གནང་ཡི་ཟེར་ གསུངས་ནུག

ཧིབ་རུ་ལེའུ་ 12:2

ང་བཅས་ཀྱི་དད་པ་འགོ་བཙུགས་གནང་མི་དང་ ཡང་དག་པ་མཛད་གནང་མི་ ཡེ་ཤུ་ལུ་བལྟ་དགོ་ ཁོ་གིས་ གཞི་འཛུགས་གནང་མི་ དགའ་སྤྲོ་ ཐོབ་ནིའི་དོན་ལུ་ ཁྲམ་ཤིང་གུ་ ངོ་ཚ་སི་སི་སྦེ་གཤགས་ཏེ་ སྡུག་བསྔལ་བཞེས་ནུག་ དེ་ལས་ ད་ལྟོ་ཁོ་དཀོན་མཆོག་གི་གསེར་ཁྲི་གི་གཡས་ཁ་ཐུག་བཞུགས་ཏེ་ཡོད།

ཧིབ་རུ་ལེའུ་ 2:9

ཨིན་རུང་ཡེ་ཤུ་ ཕོ་ཉ་ཚུ་ལས་ཨ་ཙི་དམའ་སོཝ་ཅིག་སྦེ་མཛད་དེ་ ཁོ་གིས་ སྐུ་གཟུགས་ལུ་སྡུག་བསྔལ་བཞེས་ཏེ་ གཤགས་པའི་ཐོག་ལས་སྦེ་ ད་ལྟོ་ཁོ་ལུ་གཟི་བརྗིད་དང་གུས་ཞབས་ཀྱིས་གང་མི་འདི་ ང་བཅས་ཀྱིས་མཐོང་ཡོདཔ་ཨིན་ ག་ཅི་སྨོ་ཟེར་བ་ཅིན་ དཀོན་མཆོག་གི་ཐུགས་རྗེ་ལས་སྦེ་ མི་ག་ར་གི་དོན་ལུ་ ཁོ་གིས་འཆི་བ་གི་ཉམས་མྱོང་བཞེས་ནུག

པེ་ཏྲོ་དང་པ་ལེའུ་ 3:22

ཁིརཱིས་ཞིང་ཁམས་ལུ་བྱོན་ཏེ་ དཀོན་མཆོག་གི་ཕྱག་གཡས་ཁ་ཐུག་ལུ་བཞུགས་ཏེ་ ཕོ་ཉ་ཚུ་དང་ གནམ་ཁ་གི་དབང་འཛིན་འབད་མི་ བདུད་དང་བཙན་ ག་ར་ཁོ་གི་དབང་ཚད་འོག་ལུ་ བཙུགས་ཏེ་ཡོད།།

པེ་ཏྲོ་གཉིས་པ་ལེའུ་ 1:17

ག་ཅི་སྨོ་ཟེར་བ་ཅིན་ ཁོ་གིས་ ཡབ་དཀོན་མཆོག་ལས་ གུས་ཞབས་དང་བསྟོད་པ་ཐོབ་པའི་སྐབས་ལུ་ མཆོག་ཏུ་གྱུར་པའི་གཟི་བརྗིད་ལས་ ཨ་ནི་ངེ་གི་བུ་གཅེས་ཤོས་ཕངས་ཤོས་འདི་ཨིན་ ཁོ་ལུ་བལྟ་སྟེ་ ང་གནམ་མེད་ས་མེད་ངལ་རངས་ཡི་ཟེར་ གསུང་སྐད་གཅིག་གིས་གསུངསམ་ད།

ཡོ་ཧ་ནཱན་གསུམ་པ་ལེའུ་ 1:7

ག་ཅི་སྨོ་ཟེར་བ་ཅིན་ ཨ་ནི་མི་དེ་ཚུ་ཡེ་ཤུ་ཁིརཱིས་ཀྱི་དོན་ལུ་ལམ་འགྲུལ་འབདཝ་ཨིན་ ཁོང་གིས་དཀོན་མཆོག་ངོ་མ་ཤེས་མི་ཚུ་ལས་ཆ་རོགས་ག་ནི་ཡང་མི་འཚོལ།

མཐོང་སྣང་ལེའུ་ 1:5

དམ་ཚིག་ཅན་དཔང་བཞག་མཛད་མི་ གཤགས་ས་ལས་ དང་པ་སྐུ་གསོན་པོ་བཞེངས་མི་ འཇིག་རྟེན་ནང་རྒྱལཔོ་ཚུ་གི་དབང་ཐང་སྐྱོང་མི་ཡེ་ཤུ་ཁིརཱིས་ལས་ ཁྱེད་ལུ་ཐུགས་རྗེ་དང་ཞི་བདེ་གནང་བཅུག དེ་ལས་ང་བཅས་ལུ་བྱམས་པ་མཛད་དེ་ ཁོ་གི་སྐུ་ཁྲག་གིས་ ང་བཅས་ཀྱི་སྡིག་པ་ལས་དགཔ་མཛད་མི།

མཐོང་སྣང་ལེའུ་ 11:15

དེ་ལས་ ཕོ་ཉ་བདུན་པ་འདི་གིས་ཁོ་རང་གི་དུང་འཕུཝ་ད་ ཞིང་ཁམས་ལས་གསུང་སྐད་སྦོམ་དེ་ཚུ་གིས། འཛམ་གླིང་ནང་གི་རྒྱལ་སྲིད་འདི་ ང་བཅས་ཀྱི་གཙོ་བོ་དང་ ཁོ་རའི་ བཙག་འཐུ་མཛད་མི་ཁིརཱིས་ཀྱི་རྒྱལ་སྲིད་ལུ་འགྱུརཝ་ཨིན་ ཁོ་གིས་དུས་རྒྱུན་དུ་རང་སྐྱོང་ནི་ཨིན་ཟེར་ གསུངས་ཡི།

མཐོང་སྣང་ལེའུ་ 19:16

ཁོ་གི་སྐུ་སྨད་གུ་གྱོན་མི་ན་བཟའ་ལུ་ རྒྱལ་པོའི་རྒྱལཔོ་ གཙོ་བོའི་གཙོ་བོ་ཟེར་བའི་མཚན་བྲིས་ཏེ་འདུག

མཐོང་སྣང་ལེའུ་ 3:21

ང་གིས་རྒྱལ་ཁ་ཐོབ་ལས་ ངེ་གི་ཡབ་ཀྱིས་ཁོ་རང་དང་གཅིག་ཁར་ རྒྱལ་སྲིད་སྐྱོང་ནི་གི་དབང་ཚད་གནང་ཡོདཔ་བཟུམ་སྦེ་ ག་གིས་རྒྱལ་ཁ་ཐོབ་མི་དེ་ལུ་ ང་གིས་དབང་ཚད་བྱིན་ཏེ་ ང་དང་གཅིག་ཁར་རྒྱལ་སྲིད་སྐྱོང་བཅུག་ནི་ཨིན།

མཐོང་སྣང་ལེའུ་ 5:12

ཁོང་གིས་གསུང་སྐད་སྦོམ་སྦེ། བཀྲོངས་ཚར་མིའི་ལུག་གི་ཕྱུག་ཀུ་དེ་ལུ་ དབང་ཤུགས་དང་ ལོངས་སྤྱོད་ ཤེས་རབ་ སྟོབས་ཤུགས་ གུས་ཞབས་ གཟི་བརྗིད་ བསྟོད་པ་ཐོབ་པའི་འོས་འབབ་ཡོད་ཟེར་ ཞུ་ཡི།