ཕི་ལི་པི་ལེའུ་ 2:7 - རྫོང་ཁ་

⁷ ཁོ་ག་ཨིནམ་དེ་ཁོ་རང་སྤང་སྟེ་ ཉམ་ཆུང་གཡོགཔོ་སྦེ་འཁྲུངས་ཏེ་ མི་གི་ལུས་ནང་བྱོན་ནུག

ཕི་ལི་པི་ལེའུ་ 2:7 Iomraidhean Croise

མེ་ཐིའུ་ལེའུ་ 12:18

བལྟ་ཤིག་ ང་གིས་བཙག་འཐུ་མཛད་མི་ངེ་གི་ཞབས་ཕྱིཔ་ ངེ་གི་གཅེས་ཤོས་ཕངས་ཤོས་ ཁོ་ལུ་བལྟ་སྟེ་ང་ངལ་རངས་ཡི་ ངེ་གི་ཐུགས་ཉིད་དེ་ཁོའི་གུ་ལུ་གཏང་ནི་ཨིན་ དེ་ལས་ཁོ་གིས་མི་རིགས་ཚུ་ལུ་ དྲང་ཁྲིམས་ཕྱེ་ནི་གི་གཏམ་ཁྱབ་བསྒྲགས་འབད་འོང་།

མེ་ཐིའུ་ལེའུ་ 20:28

དཔེར་ན་མིའི་བུ་དེ་ མི་ཚུ་གིས་ཁོ་ལུ་ཞབས་ཏོག་ཞུ་བཅུག་ནིའི་དོན་ལུ་འོངམ་མེན་ དེ་འབདཝ་ད་ མི་དེ་ཚུ་གི་ཞབས་ཏོག་ཞུ་བ་དང་ ལེ་ཤ་གི་སྲོག་ཚབ་ལུ་ རང་གི་སྲོག་རིན་སྦེ་བྱིན་པ་འོངམ་ཨིན་ཟེར་གསུངས་ནུག།

མཱར་ཀུ་ལེའུ་ 9:12

དེ་ལས་ཡེ་ཤུ་གིས་ ཨེ་ལི་ཡ་ཐད་རི་བ་རི་ཧེ་མ་ལོག་འོངས་ཏེ་ ག་ར་ཉམས་བཅོས་འབད་ གྲ་སྒྲིག་བརྐྱབ་འོང་ དེ་འབདཝ་ད་ མིའི་བུ་ལུ་ སྡུག་བསྔལ་ལེ་ཤ་མྱོང་དགོཔ་དང་ ག་གིས་ཡང་མི་དགའ་ཟེར་མི་འདི་ ཁྱེད་ཀྱིས་འབད་བ་ཅིན་ གསུང་རབ་ནང་ག་ཅི་འབད་འབྲི་འབྲིཝ་སྨོ།

ལུ་ཀ་ལེའུ་ 22:27

དཔེ་གཅིག་འབད་བ་ཅིན་ ཡར་ལྟག་ལས་བཞུགས་ཏེ་ གསོལཝ་བཞེས་མི་འདི་མཐོ་ཤོས་ཨིན་ན་ ཡང་ན་བཞེས་སྒོ་དྲང་མི་འདི་མཐོ་ཤོས་ཨིན་ན་ མ་གཞི་ ཡར་ལྟག་ལས་བཞུགས་ཏེ་ གསོལཝ་བཞེས་མི་འདི་རང་མཐོ་ཤོས་ཨིན་ དེ་འབདཝ་ད་ ང་ཁྱེད་ཀྱི་སྦུག་ནང་དྲང་བཞག་རྐྱབ་མི་གཅིག་ཨིན།

ཡོ་ཧ་ནཱན་ལེའུ་ 1:14

ད་གསུང་འདི་ཤ་དང་ཁྲག་ལུ་འགྱུར་ཞིནམ་ལས་ སྙིང་རྗེ་དང་བདེན་པ་གིས་གང་སྟེ་ ང་བཅས་དང་གཅིག་ཁར་འཛམ་བུ་གླིང་ནང་བཞུགས་ནུག་ ང་བཅས་ཀྱིས་གཟི་བརྗིད་འདི་མཇལཝ་ད་ འདི་ཡབ་ལས་ ཨིན་མིའི་སྲས་གཅིགཔ་གི་གཟི་བརྗིད་སྦེ་མཇལ་ཡི།

རོམ་མི་ལེའུ་ 1:3

ཨ་ནི་གཏམ་བཟང་དེ་ དཀོན་མཆོག་གི་སྲས་ཀྱི་སྐོར་ལས་ཨིན་ ཁོ་ཕྱི་ཁར་ མི་གི་རང་བཞིན་ལུ་བལྟ་བ་ཅིན་ ད་བིད་ཀྱི་རྒྱལ་རིགས་ལས་སྦེ་འཁྲུངས་ནུག

རོམ་མི་ལེའུ་ 15:3

ཁིརཱིས་ཡང་ ཁོ་རང་གིས་ཁོ་རང་ལུ་ ཐུགས་དགྱེས་པའི་ཕྱག་ལཱ་མ་མཛད་པས་ དེ་འབདཝ་ད་ གསུང་རབ་ནང་ཡོད་མི་བཟུམ་སྦེ། མི་གཞན་གྱིས་ནཱ་ལུ་སྨད་པ་བརྐྱབས་མི་འདི་ ནཱ་ལུ་མེན་པར་ ང་ལུ་ཕོག་ཅི་ཟེར་ བྲིས་ཏེ་ཡོད།

རོམ་མི་ལེའུ་ 15:8

ང་བཅས་ཀྱི་ཕ་བརྒྱུད་ཚུ་ལུ་ དཀོན་མཆོག་གིས་ཞལ་གྱི་བཞེས་ཡོད་མིའི་བདེན་པ་དེ་ ཏན་ཏན་གྲུབ་ནིའི་དོན་ལུ་དང་ ཕྱིའི་མི་རིགས་ཚུ་གིས་ཡང་ ཁོང་ལུ་སྙིང་རྗེ་བསྐྱེད་མི་དཀོན་མཆོག་ལུ་ བསྟོད་པ་ཕུལ་བཅུག་ནིའི་དོན་ལུ་ ཁིརཱིས་ ཡ་ཧུ་ད་པ་ཚུ་གི་གཡོགཔོ་སྦེ་བྱོན་ཡི་ཟེར་ ང་གིས་ཁྱེད་ལུ་སླབ་དོ་ གསུང་རབ་ནང་ཡོད་མི་བཟུམ་སྦེ། ང་ ཕྱིའི་མི་རིགས་ཚུ་གི་གདོང་ཁར་ ནཱ་ལུ་བསྟོད་པ་ཕུལ་ནི་ དེ་ལས་ནཱ་གི་མཚན་འདི་ལུ་ གླུ་དབྱངས་ཕུལ་ནི་ཟེར་ བྲིས་ནུག

རོམ་མི་ལེའུ་ 8:3

ལུས་ཀྱི་རང་བཞིན་འདོད་པའི་དབང་དུ་གཏང་སྟེ་ བཀའ་ཁྲིམས་ལུ་ སྡིག་པའི་དབང་ལུ་གླགས་ཁེལ་མ་ཚུགས་མི་ཤུགས་ག་ནི་ཡང་མེད་པར་ བཀའ་ཁྲིམས་ཀྱིས་འབད་དགོ་མི་འདི་ དཀོན་མཆོག་གིས་མཛད་གནང་ཡི་ དཀོན་མཆོག་གིས་ཁོ་རའི་སྲས་ མིའི་ལུས་ལུ་བྱོན་གནང་བའི་རྒྱུད་ལས་ སྡིག་པའི་དབང་ག་ར་མེདཔ་གཏང་གནང་ཡི།

ཀོ་རཱིན་ཐི་གཉིས་པ་ལེའུ་ 13:4

ག་ཅི་སྨོ་ཟེར་བ་ཅིན་ ཁོ་དོན་ལས་རང་ སྟོབས་ཤུགས་ཞན་པའི་ཐོག་ལས་ ཁྲམ་ཤིང་གུ་བཀྲོངས་ཅི་ དེ་འབདཝ་ད་ དཀོན་མཆོག་གི་དབང་ཤུགས་ཀྱིས་ ཁོ་སྐུ་གསོན་པོ་བཞུགས་ཡོད་ དེ་བཟུམ་སྦེ་ ང་བཅས་ཁོ་གི་ནང་སྟོབས་ཞན་འཁོགས་ཨིན་རུང་ དཀོན་མཆོག་གིས་དབང་ཤུགས་ལས་བརྟེན་ ང་བཅས་ཁོ་དང་གཅིག་ཁར་སྡོད་འོང་ ཨ་ནི་དབང་ཤུགས་དེ་གིས་ ང་བཅས་ཁྱེད་ཀྱི་སྦུག་ལུ་ལཱ་འབད་ནི་ཨིན།

ཀོ་རཱིན་ཐི་གཉིས་པ་ལེའུ་ 8:9

ག་ཅི་སྨོ་ཟེར་བ་ཅིན་ ང་བཅས་ཀྱི་གཙོ་བོ་ཡེ་ཤུ་ཁིརཱིས་ཀྱིས་ ང་བཅས་ལུ་སྐྱིད་སྡུག་གཟིགས་མི་འདི་ ཁྱེད་ཀྱིས་ཤེས་ ཁོ་ཕྱུགཔ་ཨིན་ཏེ་འབད་རུང་ ཁྱེད་ཀྱི་དོན་ལུ་ ཁོ་རང་སྤྱང་ཀ་ལུ་འགྱུར་ཡི་ དེ་ལས་ དེ་གི་ཐོག་ལས་སྦེ་ ཁྱེད་ཕྱུགཔ་འགྱོ་ནིའི་དོན་ལུ་ཨིན།

ག་ལ་ཏི་ལེའུ་ 4:4

དེ་འབདཝ་ད་ དུས་ཚོད་ཀྲིག་ཀྲི་ལུ་དཀོན་མཆོག་གིས་ ཁོ་རང་གི་སྲས་འཛམ་བུ་གླིང་ནང་གཏང་གནང་སྟེ་ ཡ་ཧུ་ད་པའི་བཀའ་ཁྲིམས་ཀྱི་འོག་ལུ་ ཨམ་སྲུ་གཅིག་ལས་སྐུ་འཁྲུངས་ནུག

ཕི་ལི་པི་ལེའུ་ 2:6

ཁིརཱིས་ཁོ་རང་ དཀོན་མཆོག་ངོ་མ་རང་ཨིན་རུང་ ཁོ་དཀོན་མཆོག་དང་འདྲན་འདྲ་སྦེ་ ཨིན་ཅི་མིན་ཅི་བཞུགས་དགོ་པའི་ ཐུགས་བསམ་མ་བཞེས་པས།

ཧིབ་རུ་ལེའུ་ 12:2

ང་བཅས་ཀྱི་དད་པ་འགོ་བཙུགས་གནང་མི་དང་ ཡང་དག་པ་མཛད་གནང་མི་ ཡེ་ཤུ་ལུ་བལྟ་དགོ་ ཁོ་གིས་ གཞི་འཛུགས་གནང་མི་ དགའ་སྤྲོ་ ཐོབ་ནིའི་དོན་ལུ་ ཁྲམ་ཤིང་གུ་ ངོ་ཚ་སི་སི་སྦེ་གཤགས་ཏེ་ སྡུག་བསྔལ་བཞེས་ནུག་ དེ་ལས་ ད་ལྟོ་ཁོ་དཀོན་མཆོག་གི་གསེར་ཁྲི་གི་གཡས་ཁ་ཐུག་བཞུགས་ཏེ་ཡོད།

ཧིབ་རུ་ལེའུ་ 13:3

བཙོན་པ་ཚུ་ལུ་ རང་ཡང་ཁོང་དང་གཅིག་ཁར་ བཙོན་ཁང་ནང་ཚུད་དེ་ཡོད་དོཝ་བཟུམ་ སེམས་ཁར་དྲན་སྡོད་དགོ་ ལེགས་ཤོམ་མ་འབད་བར་ཡོད་མི་ཚུ་ལུ་ རང་ལུ་འབྱུང་དོཝ་བཟུམ་སྦེ་ མནོ་བསམ་གཏང་དགོ།

ཧིབ་རུ་ལེའུ་ 4:15

ང་བཅས་འཐུས་ཤོར་སྡོདཔ་ད་ མཁན་ཆེན་ཡེ་ཤུ་གིས་མཁྱེནམ་ཨིན་ ག་ཅི་སྨོ་ཟེར་བ་ཅིན་ ང་བཅས་བཟུམ་སྦེ་རང་ ཁོ་ལུ་བར་ཆད་ག་ཅི་བཟུམ་གྱི་ ཉམས་མྱོང་ཡོད་དེ་འབད་རུང་ ཁོ་ལུ་སྡིག་པ་རྩ་ལས་ར་མེད།