ཕི་ལི་པི་ལེའུ་ 2:6 - རྫོང་ཁ་

⁶ ཁིརཱིས་ཁོ་རང་ དཀོན་མཆོག་ངོ་མ་རང་ཨིན་རུང་ ཁོ་དཀོན་མཆོག་དང་འདྲན་འདྲ་སྦེ་ ཨིན་ཅི་མིན་ཅི་བཞུགས་དགོ་པའི་ ཐུགས་བསམ་མ་བཞེས་པས།

ཕི་ལི་པི་ལེའུ་ 2:6 Iomraidhean Croise

མེ་ཐིའུ་ལེའུ་ 1:23

ནམ་ཡང་ལུས་འབྲེལ་མ་འབད་མི་ན་ཆུང་མ་གཅིག་ལུ་ ཨ་ལོ་ཆགས་ཏེ་སྲས་གཅིག་འཁྲུང་འོང་ ཁོ་གི་མཚན་ ཨེ་མ་ནུ་ཨཱེལ་ཟེར་ཞུ་འོང་ ཨེ་མ་ནུ་ཨཱེལ་ཟེར་མི་འདི་ དཀོན་མཆོག་ང་བཅས་དང་གཅིག་ཁར་བཞུགས་ཡོད་ཟེར་བའི་དོན་དག་ཨིན།

ཡོ་ཧ་ནཱན་ལེའུ་ 1:18

མི་ག་གིས་ཡང་དཀོན་མཆོག་ནམ་ཡང་མ་མཇལ་བས་ དེ་འབདཝ་ད་ ཡབ་དཀོན་མཆོག་གི་སྐུ་མདུན་ལུ་ བཞུགས་ཡོད་མི་སྲས་གཅིགཔ་དེ་ ཁོ་རང་དཀོན་མཆོག་ཨིནམ་ལས་ ཡབ་ཀྱི་སྐོར་ལས་ང་བཅས་ལུ་སྟོན་གནང་ནུག།

ཡོ་ཧ་ནཱན་ལེའུ་ 10:30

ང་དང་ཡབ་གཅིག་ཨིན་ཟེར་གསུངས་ནུག།

ཡོ་ཧ་ནཱན་ལེའུ་ 10:33

ཡ་ཧུ་ད་པའི་འགོ་དཔོན་ཚུ་གིས་ཁོ་ལུ་ དེ་ཚུ་གི་ཐོག་ལས་སྦེ་ ཁྱོད་ལུ་རྡོ་གིས་བརྡུང་ནི་འབདཝ་མེན་ དེ་འབདཝ་ད་ ཁྱོད་མི་ཨིན་རུང་ དཀོན་མཆོག་ཨིནམ་བཟོ་སྟེ་ དབུ་འཕང་སྨད་ནི་དེ་གིས་ཨིན་ཟེར་སླབ་ནུག

ཡོ་ཧ་ནཱན་ལེའུ་ 10:38

དེ་འབདཝ་ད་ ང་ཡབ་ཀྱི་ཕྱག་ལཱ་འབད་ཡི་ཟེར་སླབ་མི་ལུ་ བདེན་འཛིན་མ་རེ་རུང་ ཨ་ནི་ཕྱག་ལཱ་ཚུ་ལུ་ཆ་བཞག་ དེ་ལས་ཁྱེད་ཀྱིས་ ཡབ་ངེའི་ནང་བཞུགས་ཡོད་ ང་ཡང་ཡབ་ནང་སྡོདཔ་ཨིན་ཟེར་ཤེས་འོང་ཟེར་གསུངས་ནུག

ཡོ་ཧ་ནཱན་ལེའུ་ 14:28

ང་འགྱོ་ཞིནམ་ད་ ཁྱེད་ཡོད་སར་ད་རུང་ལོག་འོང་ནི་ཟེར་ང་གིས་སླབ་མི་འདི་ ཁྱེད་ཀྱིས་གོ་ཡི་ ཁྱེད་ཀྱིས་ང་ལུ་དགའ་བ་ཅིན་ ང་ཡབ་ཀྱི་སྐུ་མདུན་ལུ་ལོག་འགྱོཝ་ད་ ཁྱེད་དགའ་སྤྲོ་འགྱུར་འོང་ ག་ཅི་སྨོ་ཟེར་བ་ཅིན་ ང་ལས་ཡང་ངེའི་ཡབ་གོ་ས་མཐོ།

ཡོ་ཧ་ནཱན་ལེའུ་ 14:9

ཡེ་ཤུ་གིས་ དབའེ་ ཕི་ལིབ་ ད་ལྟོ་ཚུན་ཚོད་དུས་ཡུན་རིངམ་སྦེ་ ང་ཁྱེད་དང་གཅིག་ཁར་སྡོད་དེ་ཡོད་རུང་ ཁྱོད་ཀྱིས་ང་ངོ་མ་ཤེས་ག་ ག་ར་འབད་རུང་ང་མཐོང་མི་འདི་གིས་ ངེ་གི་ཡབ་ཡང་མཇལཝ་ཨིན་ ད་རུང་ང་བཅས་ལུ་ཡབ་སྟོན་གནང་ཟེར་ཁྱོད་ཀྱིས་ག་དེ་སྦེ་སླབ་སྨོ།

ཡོ་ཧ་ནཱན་ལེའུ་ 17:5

ཡབ་ལགས་ འཇིག་རྟེན་མ་བཀོད་པའི་ཧེ་མ་ ང་ནཱ་དང་མཉམ་ཡོད་པའི་གཟི་བརྗིད་དེ་ ད་རུང་ཡང་ལོག་སྟེ་ ནཱ་གི་སྐུ་མདུན་ལུ་ང་ལུ་གཟི་བརྗིད་དང་ལྡནམ་སྦེ་མཛད་གནང་།།

ཡོ་ཧ་ནཱན་ལེའུ་ 20:28

ཐོ་མཱས་ཀྱིས་ཁོ་ལུ་ ངེ་གི་གཙོ་བོ་ ངེ་གི་དཀོན་མཆོག་ཟེར་ཞུཝ་ད།

ཡོ་ཧ་ནཱན་ལེའུ་ 5:18

དེ་འབདཝ་ལས་ ཡེ་ཤུ་ངལ་འཚོ་བའི་ཉིནམ་གི་བཀའ་ཁྲིམས་ལས་འགལཝ་ཨིནམ་མ་ཚད་ རང་གིས་རང་ལུ་དཀོན་མཆོག་དང་འདྲན་འདྲ་བཟོ་སྟེ་ དཀོན་མཆོག་ཁོ་གི་ཡབ་ཨིན་ཟེར་གསུངས་ནི་དེ་གིས་ ཡ་ཧུ་ད་པའི་འགོ་དཔོན་ཚུ་གིས་ ཧེང་སྐལ་རང་ཁོ་ལུ་བཀྲོང་ནི་གི་ཐབས་ཤེས་བསྒྱིར་ནུག།

ཡོ་ཧ་ནཱན་ལེའུ་ 5:23

དེ་གིས་འབད་ མི་ག་ར་གིས་ ཡབ་ལུ་ཞེ་ས་ཞུ་དོཝ་བཟུམ་སྦེ་ སྲས་ལུ་ཡང་ཞེ་ས་ཞུ་བཅུག་ སྲས་ལུ་ཞེ་ས་མ་ཕུལ་མི་འདི་གིས་ སྲས་ལུ་བཏང་གནང་མི་ཡབ་ལུ་ཡང་ཞེ་ས་མི་ཕུལ།

རོམ་མི་ལེའུ་ 9:5

ཨབ་ར་ཧམ་དང་ ཨི་སག་དང་ ཡ་ཀོབ་ ཕ་བརྒྱུད་སྙན་གྲགས་ཅན་བརྩིས་མི་ཚུ་ ཁོང་ ཡ་ཧུ་ད་པའི་ཕ་བརྒྱུད་ཚུ་ཡང་ཨིན་ དེ་ལས་དཀོན་མཆོག་གིས་ བཙག་འཐུ་མཛད་མི་ཁིརཱིས་དེ་ ཁོ་རང་གི་སྐུ་ལུས་ཀྱི་རང་བཞིན་འདི་ ཡ་ཧུ་ད་པ་ཨིན་ ཁིརཱིས་འདི་ ག་ར་ལུ་དབང་མི་དཀོན་མཆོག་ཨིན་ དེ་ལས་དུས་རྒྱུན་དུ་ ཁོ་གི་མཚན་ཡར་ཡར་སྙན་གྲགས་འགྱོ་སྟེ་ བསྟོད་པ་གཏང་རག་ཐོབ་པའི་འོས་འབབ་ ཁོ་ལུ་ཡོད་ ཨ་མཱེན།

ཀོ་རཱིན་ཐི་གཉིས་པ་ལེའུ་ 4:4

ག་ཅི་སྨོ་ཟེར་བ་ཅིན་ དཀོན་མཆོག་གི་སྐུ་བརྙན་ཨིན་མིའི་ཁིརཱིས་ ཁོ་རའི་གཟི་བརྗིད་ཅན་ཡོད་མི་ གཏམ་བཟང་གི་འོད་ མཐོང་མ་བཅུག་ནི་གི་དོན་ལུ་ ཨ་ནི་དུས་རབས་ཀྱི་ལྷ་ སེ་ཏཱན་གྱིས་ ཁོང་དད་པ་མ་བསྐྱེད་མི་ཚུ་གི་མིག་ཏོ་ ཞརཝ་བཟོཝ་ཨིན་མས།

ཀོ་རཱིན་ཐི་གཉིས་པ་ལེའུ་ 8:9

ག་ཅི་སྨོ་ཟེར་བ་ཅིན་ ང་བཅས་ཀྱི་གཙོ་བོ་ཡེ་ཤུ་ཁིརཱིས་ཀྱིས་ ང་བཅས་ལུ་སྐྱིད་སྡུག་གཟིགས་མི་འདི་ ཁྱེད་ཀྱིས་ཤེས་ ཁོ་ཕྱུགཔ་ཨིན་ཏེ་འབད་རུང་ ཁྱེད་ཀྱི་དོན་ལུ་ ཁོ་རང་སྤྱང་ཀ་ལུ་འགྱུར་ཡི་ དེ་ལས་ དེ་གི་ཐོག་ལས་སྦེ་ ཁྱེད་ཕྱུགཔ་འགྱོ་ནིའི་དོན་ལུ་ཨིན།

ཏི་མོ་ཐི་དང་པ་ལེའུ་ 1:17

དུས་ཚོད་མཇུག་བསྡུ་ནི་མེད་པའི་རྒྱལཔོ་ ནམ་ཡང་གཤགས་ནི་མེདཔ་ ང་བཅས་ཀྱིས་མཐོང་ཡང་མ་ཚུགས་པའི་དཀོན་མཆོག་གཅིགཔ་དེ་ གཟི་བརྗིད་དང་གུས་ཞབས་ དུས་རྒྱུན་དུ་རང་ ཁོ་གི་ཨིན་ནོ་ ཨ་མཱེན།།

ཏི་མོ་ཐི་དང་པ་ལེའུ་ 3:16

ཐད་རི་བ་རི་རང་ ཡེ་ཤུ་གི་སྐོར་ལས་ ཆོས་སེམས་བསྐྱེད་བཅུག་མི་ བདེན་པའི་གསང་བ་གཏིང་ཟབ་དྲགས་དེ་ ཡ་མཚན་ཆེ་ཏོག་ཏོ་ཨིན་ཟེར་ ང་བཅས་ག་ར་གིས་འཛོམ་དཔང་འབདཝ་ཨིན་ འཛོམ་དཔང་དེ་ག་ཅི་སྨོ་ཟེར་བ་ཅིན། ཁོ་ མིའི་ལུས་ལུ་བྱོན་མི་ ཐུགས་ཉིད་ཀྱིས་ཁོ་བདེན་པ་ཟང་མཛད་མི་ ཕོ་ཉ་ཚུ་གིས་མཇལ་མི་ ཁོ་གི་སྐོར་ལས་མི་རིགས་ག་ར་ལུ་ཁྱབ་བསྒྲགས་སོང་མི་ འཛམ་བུ་གླིང་གི་མི་ཚུ་གིས་དད་པ་བསྐྱེད་མི་ཁོ་ གཟི་བརྗིད་ནང་ཡར་འཐུ་བསྣམས་ནུག།

ཏི་ཏུས་ལེའུ་ 2:13

ད་རུང་བྱིན་རླབས་ཅན་གྱི་ཉིནམ་ལུ་ཐེ་ཚོམ་མེད་པར་ ང་བཅས་རེ་བ་བསྐྱེད་སྡོད་དེ་ཡོད་ ཉིནམ་དེ་ལུ་སྐྱབས་མགོན་ཡེ་ཤུ་ཁིརཱིས་ ང་བཅས་ཀྱི་དཀོན་མཆོག་མཐོ་ཤོས་འདི་ ད་རུང་འཛམ་བུ་གླིང་ལུ་འབྱོནམ་ད་ ཁོ་གི་གཟི་བརྗིད་འདི་གནམ་མེད་ས་མེད་ འོད་ཆེམ་ཆེ་སྦེ་མཐོང་ནི་ཟེར་ང་བཅས་ཀྱིས་ཧ་གོ།

ཧིབ་རུ་ལེའུ་ 1:3

སྲས་ཁོ་རང་ དཀོན་མཆོག་གི་གཟི་བརྗིད་ཀྱི་འོད་མདངས་ཨིནམ་ལས་ དཀོན་མཆོག་འདི་ ག་བཟུམ་ཅིག་ཡོདཔ་ཨིན་ན་ འདི་ང་བཅས་ལུ་ཁོ་གིས་སྟོན་གནངམ་ཨིན་ དེ་ལས་འཇིག་རྟེན་འཛམ་གླིང་དེ་ ཁོ་གི་དབང་ཤུགས་ཅན་གྱི་བཀའ་ལས་རྒྱུད་དེ་ བདག་འཛིན་འཐབ་སྟེ་མཛད་གནངམ་ཨིན་ སྲས་དེ་གིས་མི་ཚུ་ ཁོང་རའི་སྡིག་པ་ལས་གཙངམ་མཛད་གནང་ཚརཝ་ད་ ཁོ་རང་ ཞིང་ཁམས་ལུ་བཞུགས་ཡོད་མི་ གཟི་བརྗིད་དང་ལྡན་མི་དཀོན་མཆོག་གི་ཕྱག་གཡས་པའི་ཁ་ཐུག་བཞུགས་ནུག

ཧིབ་རུ་ལེའུ་ 1:6

ད་རུང་ ཁོ་གི་སྲས་འགོ་སྐྱེ་འདི་ འཛམ་བུ་གླིང་ནང་འཁྱིད་འབྱོནམ་ད། དཀོན་མཆོག་གི་ཕོ་ཉ་ག་ར་གིས་ ཁོ་ལུ་བསྟོད་པ་ཕུལ་བཅུག་ཟེར་ དཀོན་མཆོག་གིས་གསུངས་ནུག

ཧིབ་རུ་ལེའུ་ 1:8

དེ་འབདཝ་ད་ཁོ་གི་སྲས་ཀྱི་སྐོར་ལས། ཀྱེ་དཀོན་མཆོག་ ནཱ་གི་རྒྱལ་ཁྲི་དེ་ དུས་རྒྱུན་དུ་གནས་ནི་ཨིན་ དེ་ལས་ནཱ་གི་རྒྱལ་སྲིད་དེ་ ཁྲིམས་ཕྲངམ་དང་ལྡན་མི་ཕྱག་འཁར་གྱིས་སྐྱོང་ནི་ཨིན།

ཧིབ་རུ་ལེའུ་ 13:8

ཡེ་ཤུ་ཁིརཱིས་དེ་ ཁ་ཙ་དང་ད་རེས་ དུས་རྒྱུན་དུ་མ་འགྱུར་བར་བཞུགསཔ་ཨིན།

མཐོང་སྣང་ལེའུ་ 21:6

ད་རུང་ཁོ་གིས་ང་ལུ་ ག་ར་འབད་ཚར་ཡི་ ང་འདི་ ཨཱལ་ཕ་དང་ ཨོ་མེ་ག་ཨིན་ འགོ་དང་པ་དང་མཐའན་མཇུག་ང་རང་ཨིན་ ག་ཁ་སྐོམ་མི་འདི་ལུ་ ང་གིས་ཚེའི་ཆུ་མིག་འདི་རིན་མེད་སྟོང་པ་སྦེ་འཐུང་བཅུག་ནི་ཨིན།