ཕི་ལི་པི་ལེའུ་ 2:3 - རྫོང་ཁ་

³ ཁྱེད་ཀྱིས་ ག་ཅི་རང་འབད་རུང་ རང་གི་དོན་ལུ་འདོདཔ་བཙོང་ནི་དང་ རང་བསྟོད་རྐྱབ་པའི་ཐོག་ལས་སྦེ་ལཱ་མ་འབད་ དེ་འབདཝ་ད་ རང་ཉམ་ཆུང་འབད་དེ་ གཅིག་གིས་གཅིག་ལུ་ རང་ལས་གཞན་མཐོ་ཤོས་གཅིག་ཨིན་ཟེར་མནོ་དགོ།

ཕི་ལི་པི་ལེའུ་ 2:3 Iomraidhean Croise

ལུ་ཀ་ལེའུ་ 18:14

ང་གིས་ཁྱེད་ཆ་ཁྱབ་ལུ་སླབ་དོ་ ཨ་ནི་ཁྲལ་བསྡུ་མི་འདི་ ཕ་རུ་ཤི་པ་དེ་ལས་ཡང་ དཀོན་མཆོག་གི་ཐུགས་དང་ལྡན་ཏེ་ ཁོ་རང་གི་སྡིག་པ་དག་སྦེ་ ཁྱིམ་ནང་ལོག་སོང་ནུག་ ག་ར་འབད་རུང་ རང་བསྟོད་རྐྱབ་པ་ཅིན་ འདི་མར་དམའ་སར་འབབ་འགྱོཝ་ཨིན་ ག་ར་འབད་རུང་ རང་གིས་རང་ལུ་ཉམ་ཆུང་བཟོ་བ་ཅིན་ འདི་ལུ་ཡར་མཐོ་སར་འཛེག་འགྱོཝ་ཨིན་ཟེར་གསུངས་ནུག།

རོམ་མི་ལེའུ་ 12:10

སྤུན་ཆ་ནང་འཁོད་ནང་ལུ་བྱམས་པ་འབད་དོཝ་བཟུམ་སྦེ་ ཁྱེད་ཡང་གཅིག་གིས་གཅིག་ལུ་བྱམས་པ་འབད་ གཅིག་གིས་གཅིག་ལུ་གུས་ཞབས་བྱིན་ནི་ལུ་མགྱོགས་དྲགས་འབད།

རོམ་མི་ལེའུ་ 13:13

འཆལ་སྤྱོད་སྤྲོ་སྟོན་ནང་བཅའ་མར་གཏོགས་ནི་དང་ ཆང་གིས་འགྲང་ནི་ མ་རབས་ཀྱི་ལཱ་ ལུས་ཀྱི་འདོད་ཆགས་ གཅིག་གིས་གཅིག་ལུ་འཐབ་འཛིང་ནི་ དེ་ལས་མིག་ཏོ་ཚ་ནི་ལ་སོགས་པ་མེན་པར་ ཉིམ་དཀརཔོ་བཟུམ་སྦེ་ སྤྱོད་ལམ་ལེགས་ཤོམ་སྦེ་སྒྲིག་སྟེ་སྡོད་དགོ།

རོམ་མི་ལེའུ་ 2:8

དེ་འབདཝ་ད་ མི་རང་གི་དོན་ལུ་འདོདཔ་བཙོང་མི་དང་ བདེན་པ་གི་ཁ་ལུ་མ་ཉན་པར་ ལཱ་ངན་པ་འབད་སྡོད་མི་ཚུ་ལུ་ དཀོན་མཆོག་གིས་ཁོ་རང་གི་ཆདཔ་ ཡང་ཆ་མེད་པར་བཀལ་གནང་འོང་།

ཀོ་རཱིན་ཐི་དང་པ་ལེའུ་ 15:9

ག་ཅི་སྨོ་ཟེར་བ་ཅིན་ ཁོང་སྐུ་ཚབ་ཚུ་གི་གྲལ་ལས་ ང་དམའ་ཤོས་གཅིག་ཨིནམ་མ་ཚད་ ང་གིས་དཀོན་མཆོག་གི་ཆོས་ཚོགས་ལུ་སྡུག་བྱིན་མི་དེ་ལུ་བལྟཝ་ད་ ང་རང་སྐུ་ཚབ་ཨིན་ཟེར་སླབ་ནི་གི་འོས་འབབ་མེད།

ཀོ་རཱིན་ཐི་དང་པ་ལེའུ་ 3:3

ད་ལྟོ་ཡང་ཁྱེད་ལུས་ཀྱི་རང་བཞིན་དང་མཐུན་ཏེ་སྡོདཔ་མས་ ག་ཅི་སྨོ་ཟེར་བ་ཅིན་ ཁྱེད་གཅིག་གིས་གཅིག་ལུ་མིག་ཏོ་ཚ་ འཐབ་འཛིང་འབདཝ་ད་ ཁྱེད་ཀྱི་སྤྱོད་པ་ཚུ་ མི་གི་རང་བཞིན་ནང་ཡོད་མི་ཚུ་བཟུམ་སྦེ་སྡོདཔ་མས་མེན་ན།

ཀོ་རཱིན་ཐི་གཉིས་པ་ལེའུ་ 12:20

ད་ ང་འདྲོག་དོ་ ག་ཅི་སྨོ་ཟེར་བ་ཅིན་ ང་ཁྱེད་སྡོད་སར་འོངམ་ད་ ངེ་གི་འདོད་པ་བཞིན་དུ་ ཁྱེད་ཀྱིས་མ་འབད་བར་སྡོད་འོང་ དེ་བཟུམ་སྦེ་ ཁྱེད་ཀྱིས་མནོ་བསམ་གཏང་དོཝ་བཟུམ་སྦེ་ ང་གིས་འབད་མི་ཚུགས་འོང་ ཁྱེད་ཀྱི་སྦུག་ལུ་ ཁ་ཤགས་བརྐྱབ་ནི་ གཅིག་གིས་གཅིག་ལུ་ མིག་ཏོ་ཚ་ནི་དང་ ཙིགཔ་ཟ་སྟེ་ ཕྱོགས་སོ་སོ་སྦེ་ གྱེས་འགྱོ་ནི་ ཁ་གཏང་ནི་ ཡར་ཁ་མར་ཁ་བཀལ་ནི་ ཁམས་བཙོང་ནི་ གཅིག་གིས་གཅིག་ལུ་ གུས་ཞབས་མ་འབད་ནི་ ནང་འཁྲུག་ལང་ནི་ འདི་ཚུ་ག་ར་ཁྱེད་ཀྱི་ནང་ན་བྱུང་མ་བཅུག་ཟེར་མནོ་ཡི།

ག་ལ་ཏི་ལེའུ་ 5:15

དེ་འབདཝ་ད་ གཅིག་གིས་གཅིག་ལུ་འཐབ་འཛིང་འབད་དེ་ཡོད་པ་ཅིན་ གཅིག་གིས་གཅིག་ལུ་མེདཔ་མ་གཏང་ནི་གི་དོན་ལུ་ ཟབ་ཟབ་འབད་དགོ།།

ག་ལ་ཏི་ལེའུ་ 5:26

དེ་ལས་ང་རྒྱལ་ལང་ནི་མི་འོང་ གཅིག་གིས་ཅིག་ལུ་སེམས་དཀྲུགས་ནི་དང་ དོ་འགྲན་ནི་གི་མནོ་བསམ་ཡང་གཏང་ནི་མི་འོང་།།

ཨི་ཕི་སིཔ་ལེའུ་ 4:2

དོན་ལས་རང་ ཁྱེད་སེམས་ཉམ་ཆུང་དང་ གཞི་འཇམ་ཏོག་ཏོ་ སུ་ཐག་རིངམོ་གི་སྤྱོད་ལམ་གཙོ་བོ་བསྟེན་ཏེ་ གཅིག་གིས་གཅིག་ལུ་ བཟོད་པ་བསྒོམས་ཏེ་བྱམས་པ་འབད་དགོ།

ཨི་ཕི་སིཔ་ལེའུ་ 5:21

ཁྱེད་ཀྱིས་ཁིརཱིས་ལུ་གུས་ཞབས་ཞུ་མི་སེམས་ཀྱིས་ གཅིག་དང་གཅིག་གི་ཁ་ལུ་ཉན་སྡོད་དགོ།

ཕི་ལི་པི་ལེའུ་ 2:14

ཁྱེད་ཀྱིས་ལཱ་ག་ཅི་རང་འབད་རུང་ རྩོད་པ་མ་རྐྱབས་ ཉག་ཉོག་མ་བཤད།

ཀོ་ལོ་སི་ལེའུ་ 3:12

དེ་འབདཝ་ལས་ དཀོན་མཆོག་གིས་བཙག་འཐུ་མཛད་གནང་མི་ དམ་པ་དང་བརྩེ་བའི་མི་གཅིག་སྦེ་ རང་གིས་རང་ལུ་སྙིང་རྗེ་དང་ བྱམས་བརྩེ་ ཉམ་ཆུང་ རང་བཞིན་འཇམ་ཏོང་ཏོ་ བཟོད་སེམས་ཀྱིས་གང་སྟེ་སྡོད་དགོ།

ཀོ་ལོ་སི་ལེའུ་ 3:8

ད་འདི་ཚུ་ ཙིགཔ་ཟ་ནི་དང་ ཁོང་ཁྲོ་ལང་ནི་ གནོད་སེམས་བསྐྱེད་ནི་ ཁ་གཏང་ནི་ ཁ་ལས་ཐོན་མི་བློ་མ་གཙངམ་ འདི་ཚུ་ག་ར་ཁྱེད་ཀྱི་མི་ཚེ་ནང་ལས་སྤངས་དགོ།

ཏི་མོ་ཐི་དང་པ་ལེའུ་ 6:4

ཁོ་རོ་རྔམ་གྱིས་གང་སྟེ་ག་ནི་ཡང་མི་ཤེས་ ཁོ་གི་མནོ་བསམ་འདི་མི་གཞན་ཚུ་དང་གཅིག་ཁར་ བློ་རེ་རེ་ལུ་ཚིག་བཤེད་དེ་ འཐབ་ནི་འཚོལ་སྡོད་འོང་ བློ་དེ་ཚུ་ནང་ལས་ ང་རྒྱལ་ལང་ནི་དང་ བར་ན་ཕུང་གཏང་སྟེ་ མ་འགྲིགཔ་བཟོ་ནི་དང་ དཀྲོགས་ཁ་བརྐྱབས་ནི་དང་ གཞན་ལུ་ཐབས་ཤེས་ཟོགཔོ་སྟོན་ཏེ་ དོགས་པ་ཆགས་བཅུག་ནི་དང་།

པེ་ཏྲོ་དང་པ་ལེའུ་ 3:8

མཐའན་མཇུག་ལུ་ ཁྱེད་ག་ར་སེམས་དང་མནོ་བསམ་གཅིག་སྦེ་བཏང་དགོ་ གཅིག་གིས་གཅིག་ལུ་ཤ་ཚ་སྟེ་ སྤུན་ཆ་ལུ་བྱམས་པ་འབད་ སྙིང་རྗེ་བསྐྱེད་དེ་ ཉམ་ཆུང་སྦེ་སྡོད་དགོ།

པེ་ཏྲོ་དང་པ་ལེའུ་ 5:5

དེ་བཟུམ་སྦེ་ ཁྱེད་གཞོནམ་དེ་ཚུ་ཡང་ འགོ་འདྲེན་པ་ཚུ་གི་དབང་ཚད་ལུ་ཆ་བཞག་སྟེ་ཉན་དགོ་ དེ་ལས་ཁྱེད་ག་ར་ ཉམ་ཆུང་གི་ཐོག་ལས་ གཅིག་གིས་གཅིག་ལུ་ཆ་རོགས་འབད་ ག་ཅི་སྨོ་ཟེར་བ་ཅིན། མི་ཁམས་ཅན་ཚུ་ལུ་ དཀོན་མཆོག་གིས་བཀག་ཆ་མཛདཔ་ཨིན་ དེ་འབདཝ་ད་ མི་མཉམ་ཆུང་དེ་ཚུ་ལུ་ ཁོ་གིས་ཐུགས་རྗེ་གཟིགསཔ་ཨིན།