ཕི་ལི་པི་ལེའུ་ 2:29 - རྫོང་ཁ་

²⁹ གཙོ་བའི་ཞབས་ཕྱི་སྦེ་ སེམས་དགའ་སྟེ་ཁོ་ལུ་ལེན་ དེ་ལས་ཁོ་བཟུམ་གྱི་མི་ལུ་ཞེ་ས་འབད།

ཕི་ལི་པི་ལེའུ་ 2:29 Iomraidhean Croise

ལུ་ཀ་ལེའུ་ 9:5

ཁྱེད་ལུ་ཁོང་གིས་ཁྱིམ་ནང་གནསཔོ་བརྙའ་མ་སྟེར་བ་ཅིན་ ཁྲོམ་འདི་ནང་ལས་འཐོན་འགྱོཝ་ད་ ཁྱེད་ཀྱི་རྐངམ་གི་ཐལཝ་དེ་ འཛོམ་དཔང་འབད་ནི་གི་དོན་ལུ་ འདི་ནང་རང་སྤུད་བཞག་ཟེར་གསུངས་ནུག

ཡོ་ཧ་ནཱན་ལེའུ་ 13:20

ང་གིས་ཁྱེད་ལུ་དོན་ལས་རང་སླབ་ཨིན་ མི་ག་ར་འབད་རུང་ ང་གིས་གཏང་མི་འདི་ལུ་ལེན་པ་ཅིན་ འདི་གིས་ང་ལུ་ཡང་ལེནམ་ཨིན་ ང་ལུ་ལེན་མི་འདི་གིས་ ང་ལུ་གཏང་གནང་མི་ལུ་ཡང་གདན་འདྲེན་ཞུཝ་ཨིན་ཟེར་གསུངས་ནུག

མཛད་པ་ལེའུ་ 2:46

ཉིནམ་རེ་འཆར་རང་ ཁོང་ག་ར་སེམས་མཐུན་ཏེ་ མཆོད་ཁང་ནང་མ་ཆད་པར་འཛོམ་དོཝ་ཡོདཔ་ཨིན་མས་ དེ་ལས་རྟག་བུ་རང་ཁྱིམ་གཅིག་ནང་མེན་པར་ སོར་ཡི་སོར་ཡི་རང་འཛོམས་ཏེ་ གཙོ་བོ་ཡེ་ཤུ་གི་དྲན་པའི་ཚོགས་སྟོན་ནང་བཅའ་མར་བཏོགས་ བཞེས་སྒོ་ཟ་སྦེ་ སེམས་ཡིད་རངས་ཏེ་ དགའ་སྤྲོ་འགྱུར་སྡོད་ནུག

མཛད་པ་ལེའུ་ 28:10

ད་རུང་ཁོང་གིས་ང་བཅས་ལུ་ གནམ་མེད་ས་མེད་ཞེ་ས་འབད་ཡི་ དེ་མ་ཚད་ རྒྱ་མཚོ་ལས་སྦེ་གྲུ་ནང་འོང་རནམ་ད་ ང་བཅས་ལུ་ཁག་ཆེ་མི་ག་ར་ གྲུ་ནང་བཙུགས་སྦེ་ བཀལ་གཏང་སྟེ་ ལེགས་ཤོམ་འབད་ཡི།།

མཛད་པ་ལེའུ་ 8:8

དེ་གིས་འབད་དེ་ ཁྲོམ་འདི་ཁར་མི་ག་ར་ལུ་ དགའ་སྤྲོ་སྦོམ་བྱུང་ནུག

རོམ་མི་ལེའུ་ 10:15

དེ་ལས་གཏང་མིའི་མི་མེད་པ་ཅིན་ ཁོང་གིས་ག་དེ་སྦེ་འགྱོ་སྟེ་ཆོས་བཤད་ནི་སྨོ་ འདི་བཟུམ་སྦེ་གསུང་རབ་ནང་། གཏམ་བཟང་འབག་འོང་མི་རྐངམ་འདི་ ག་དེ་ཅིག་བྱ་ཆི་ཆི་ཨིན་སྨོ་ཟེར་ བྲིས་ཏེ་འདུག

རོམ་མི་ལེའུ་ 16:2

དཀོན་མཆོག་ཁོ་རའི་དམ་པའི་མི་ཚུ་ལུ་ཞེ་ས་འབདཝ་བཞིན་དུ་ ཁྱེད་ཀྱིས་མོ་ལུ་གཙོ་བོའི་མཚན་ནང་ བྱོན་པར་ལེགས་སོ་འབད་ དེ་ལས་མོ་ལུ་ཁག་ཆེཝ་ག་ཅི་ཡོད་རུང་ ཁྱེད་ཀྱིས་མོ་ལུ་ཕན་བཏགས་བྱིན་ ག་ཅི་སྨོ་ཟེར་བ་ཅིན་ མོ་གིས་ང་དང་མི་ལེ་ཤ་ལུ་རོགས་རམ་འབད་ཡི།

ཀོ་རཱིན་ཐི་དང་པ་ལེའུ་ 16:10

ཏི་མོ་ཐི་ ཁྱེད་སྡོད་ས་འོངམ་ད་ ཁོ་ལུ་ཁྱེད་དང་མཉམ་དགའ་ཏོག་ཏོ་སྦེ་སྡོད་བཅུག་ ག་ཅི་སྨོ་ཟེར་བ་ཅིན་ ཁོ་གིས་ཡང་ང་བཟུམ་སྦེ་རང་ གཙོ་བོ་གི་ཕྱག་ཞུ་སྟེ་ཡོདཔ་ཨིན།

ཀོ་རཱིན་ཐི་དང་པ་ལེའུ་ 16:18

ཁོང་གིས་ཁྱེད་དང་ངེ་གི་སེམས་གསོ་འབད་བྱིན་ཡི་ ཨ་ནི་བཟུམ་གྱི་མི་ཚུ་ལུ་ལེགས་ཤོམ་འབད་བྱིན་དགོ།།

ཀོ་རཱིན་ཐི་གཉིས་པ་ལེའུ་ 10:18

མི་ག་ར་ཨིན་རུང་ རང་གི་སྐོར་ལས་ ངོམ་སྟོན་ཏེ་སླབ་པ་ཅིན་ བསྟོད་པ་འདི་ རང་ལུ་རྐྱངམ་གཅིག་ཐོབ་ཨིན་ དེ་འབདཝ་ད་ ཁོ་གི་སྐོར་ལས་ གཙོ་བོ་གིས་བསྟོད་པ་གནང་པ་ཅིན་ དོན་ལས་རང་ ཁོ་ངོས་ལེན་ཐོབ་མི་ཨིན།།

ཀོ་རཱིན་ཐི་གཉིས་པ་ལེའུ་ 7:2

ཁྱེད་ཀྱི་སེམས་ཀྱི་སྒོ་འདི་ ང་བཅས་ཀྱི་དོན་ལུ་ཕྱེ་གནང་ ང་བཅས་ཀྱིས་ག་ལུ་ཡང་ཟོགཔ་མ་འབད་ ག་ལུ་ཡང་འཛོལ་བའི་ལམ་ནང་མ་འཁྱིད་ རང་གི་ཁེ་ཕན་གྱི་དོན་ལུ་ག་ལུ་ཡང་མགུ་བསྐོར་ནང་མ་བཙུགས།

ཕི་ལི་པི་ལེའུ་ 2:28

དེ་འབདཝ་ལས་བརྟེན་ཏེ་ ཁོ་ལུ་མཐོངམ་ད་ ཁྱེད་སེམས་དགའ་བཅུག་པའི་དོན་ལུ་དང་ ངེ་གི་ཚ་གྱང་ཡང་ མར་ཉུང་འོང་ཟེར་མནོ་སྟེ་ ཁོ་ལུ་མགྱོགས་པར་ ཁྱེད་སྡོད་སར་གཏང་དགོ་མནོ་བའི་སེམས་ཡོད།

ཀོ་ལོ་སི་ལེའུ་ 4:10

ང་དང་གཅིག་ཁར་བཙོན་ཁང་ནང་སྡོད་མི་ ལྟོ་ཚང་གཉིས་ ཨ་རཱིས་ཏཱར་ཁཱོས་དང་ བཱར་ན་བཱས་ཀྱི་ཉེཝ་ མཱར་ཀུ་གིས་ ཁྱེད་ག་ར་ལུ་སྐུ་གཟུགས་བཟང་པོ་ཟེར་སླབ་བཏང་དེས་ (ཁོ་གི་སྐོར་ལས་ང་གིས་ཁྱེད་ལུ་གནང་བ་བྱིན་ཚར་ཡི་ ཁོ་ལུ་གདོང་བསུ་འབད།)

ཐེ་ས་ལོ་ནི་ཀ་དང་པ་ལེའུ་ 5:12

དབའེ་སྤུན་ཆ་ཚུ་ ད་ལྟོ་ང་བཅས་ཀྱིས་ཁྱེད་ལུ་དྲན་བསྐུལ་ཞུཝ་ཨིན་ ཁྱེད་ཀྱི་སྦུག་ལུ་ དཀའཝ་སྤྱད་དེ་ ཁྱེད་ལུ་སློབ་སྟོན་འབད་མི་ དཀོན་མཆོག་གི་ཕྱག་ལཱ་འབད་མིའི་འགོ་འདྲེན་པ་འདི་ཚུ་ལུ་ ཁྱེད་ཀྱིས་ཞེ་ས་འབད་དེ་སྡོད།

ཏི་མོ་ཐི་དང་པ་ལེའུ་ 5:17

ཆོས་ཚོགས་ལུ་བདག་འཛིན་འཐབ་མིའི་འགོ་འདྲེན་པ་ཚུ་ ཁག་ཆེ་བ་རང་ ཆོས་བཤད་ནི་དང་ཆོས་སྟོན་ནི་ནང་ལུ་ ལཱ་རྩ་འགེངས་ཏེ་འབད་མི་ཚུ་གིས་ ཞེ་ས་དང་གླ་ཆ་མ་བཏུབ་བཏུབ་སྦེ་ཐོབ་པའི་འོས་འབབ་ཡོད།

ཧིབ་རུ་ལེའུ་ 13:17

ཁྱེད་ཀྱི་སློབ་དཔོན་ཚུ་ལུ་གུས་ཞབས་ཕུལ་ཏེ་ ཁོང་གིས་སླབ་མི་ཁ་ལུ་ཉན་དགོ་ ཁོང་གི་འགན་ཁུར་དེ་ ཁྱེད་ཆ་ཁྱབ་ལུ་བདག་འཛིན་འཐབ་ནི་ཨིན་ དེ་ལས་ ཉིནམ་གཅིག་གི་ཚེ་ ཁོང་གིས་ག་འབད་མི་དེ་ རྩིས་སྤྲོད་དགོ་ཟེར་ཤེས་ དེ་འབདཝ་ལས་ ཁོང་གི་ཁ་ལུ་ཉན་ཞིནམ་ད་ ཁོང་གི་ལཱ་ལུ་ སྤྲོ་བ་བསྐྱེད་བཅུག་ དེ་སྦེ་མེན་པ་ཅིན་ ཁོང་སེམས་ཕམ་སྟེ་ དགའ་སྤྲོ་མེད་པར་འབད་འོང་ འདི་གིས་ཁྱེད་ལུ་ཕན་མི་བཏགས།།

ཡོ་ཧ་ནཱན་གསུམ་པ་ལེའུ་ 1:10

དེ་འབདཝ་ལས་ང་འོངམ་ད་ ཁོ་གིས་ ལཱ་ངན་ ང་བཅས་ཀྱི་སྐོར་ལས་ཟོགཔོ་སླབ་མི་ དེ་གི་སྐོར་ལས་ཁ་སླབ་ནི་ཨིན་ དེ་གིས་མ་ཚད་པར་ དི་ཨོ་ཏྲེ་ཕཱེས་ཀྱིས་ ལམ་འགྲུལ་པ་སྤུན་ཆ་དེ་ཚུ་ལུ་ ཁྱིམ་ནང་ཞུ་ནི་ལུ་སྣང་མེད་བརྩིས་ཏེ་མ་ཞུཝ་མ་ཚད་ གཞན་ལུ་ཡང་ཆ་རོགས་འབད་མ་སྟེར་བས་ ད་རུང་སྤུན་ཆ་ལུ་ཆ་རོགས་འབདཝ་ད་ ཆ་རོགས་འབད་མི་ཚུ་ལུ་ ཆོས་ཚོགས་ལས་ཕྱི་ཁར་བཏོན་གཏངམ་ཨིན་མས།