ཕི་ལི་པི་ལེའུ་ 2:26 - རྫོང་ཁ་

²⁶ ཁོ་ལུ་ན་ཚ་ཕོག་ཡོད་པའི་གནས་ཚུལ་དེ་ ཁྱེད་ཀྱིས་རྣ་བ་གོ་ནི་འདི་གིས་ ཁོ་ཁྱེད་ཀྱི་དོན་ལུ་ཚ་གྱང་ལངས་ཏེ་ ཁྱེད་ག་ར་དང་མཉམ་གཅིག་ ཁ་འཕྱད་པ་འོང་ནི་གི་རེ་བ་སྦོམ་བསྐྱེད་དེ་ཡོདཔ་ཨིན་མས།

ཕི་ལི་པི་ལེའུ་ 2:26 Iomraidhean Croise

མེ་ཐིའུ་ལེའུ་ 11:28

ཁྱེད་འུ་སྡུག་མི་དང་ ཁུར་ཆ་ལྗིད་ཅན་གྱིས་མནེམ་སྡོད་མི་ག་ར་ ང་སྡོད་སར་ཤོག་ ང་གིས་ཁྱེད་ལུ་ངལ་འཚོ་བྱིན་ནི་ཨིན།

མེ་ཐིའུ་ལེའུ་ 26:37

ཁོ་གིས་ པེ་ཏྲོ་དང་ ཟེ་བེ་དི་གི་བུ་གཉིས་ཡང་ ཁོ་དང་གཅིག་ཁར་འཁྱིད་དེ་བྱོན་ནུག་ དེ་ལས་ཁོ་ཐུགས་འཁྲུགས་ནི་དང་ སྡུག་བསྔལ་བཞེས་ཏེ།

མཛད་པ་ལེའུ་ 21:13

དེ་འབདཝ་ད་ པའུལ་གྱིས་ ཁྱེད་ཆ་ཁྱབ་སྔུ་སྟེ་ ང་ལུ་ག་ཅི་འབད་སེམས་སྐྱོ་བཅུགཔ་སྨོ་ ང་ལུ་བཟུང་སྟེ་བཙོན་ནང་བཙུགས་ཏེ་འབད་རུང་ ང་གྲ་སྒྲིག་ཡོད་ དེ་མ་ཚད་ ཡེ་རུ་ཤ་ལེམ་ལུ་གཙོ་བོ་ཡེ་ཤུ་གི་མཚན་གྱི་དོན་ལུ་ ང་ཤི་ཆོག་ཆོག་ཡོད་ཟེར་སླབ་ཅི།

རོམ་མི་ལེའུ་ 1:11

ག་ཅི་སྨོ་ཟེར་བ་ཅིན་ ཁྱེད་དད་པ་ནང་སྒྲིང་སྒྲིང་བཟོ་ནི་གི་དོན་ལུ་ ཐུགས་ཉིད་ཀྱི་གསོལ་རས་ལ་ལུ་ཅིག་ ཁྱེད་དང་བགོ་བཤའ་བརྐྱབ་ནི་སྦེ་ ཁྱེད་སྡོད་ས་འོང་ནི་གི་རེ་བ་སྦོམ་ང་ལུ་ཡོད།

རོམ་མི་ལེའུ་ 12:15

དགའ་སྤྲོ་འབད་མི་ཚུ་དང་གཅིག་ཁར་དགའ་སྤྲོ་འགྱུར་ དེ་ལས་སྔུ་མི་ཚུ་དང་གཅིག་ཁར་སྔུ།

རོམ་མི་ལེའུ་ 9:2

ངེ་གི་སེམས་ཁར་གྱི་མྱ་ངན་དང་སྡུག་བསྔལ་དེ་ ནམ་ཡང་དྲག་ནི་མེད་པའི་ན་ཟུག་བཟུམ་སྦེ་ ཟུག་བརྐྱབས་ཏེ་ཡོད།

ཀོ་རཱིན་ཐི་དང་པ་ལེའུ་ 12:26

ཡན་ལག་གཅིག་ལུ་དཀའ་ངལ་འབྱུངམ་ད་ ཡན་ལག་ཆ་མཉམ་གྱིས་དཀལ་ངལ་དེ་རུབ་སྟེ་འབགཔ་ཨིན་ དེ་ལས་ཡན་ལག་གཅིག་གིས་བསྟོད་པ་ཐོབ་པ་ཅིན་ དེ་དང་གཅིག་ཁར་ཡན་ལག་ཆ་མཉམ་དགའ་སྤྲོ་འགྱུརཝ་ཨིན།

ཀོ་རཱིན་ཐི་གཉིས་པ་ལེའུ་ 9:14

དེ་ལས་ཁྱེད་ལུ་ དཀོན་མཆོག་གིས་ཐུགས་རྗེ་ཚད་མེདཔ་གནང་ནི་དེ་གིས་ ཁོང་གིས་ཁྱེད་ཀྱི་དོན་ལུ་ བྱམས་བརྩེ་བསྐྱེད་དེ་ སྨོན་ལམ་ཞུ་འོང་།

ག་ལ་ཏི་ལེའུ་ 6:2

གཅིག་དང་གཅིག་གི་དཀའ་ངལ་ནང་ཆ་རོགས་འབད་བ་ཅིན་ དེ་གིས་འབད་ ཁིརཱིས་ཀྱིས་གནང་མི་བཀའ་ཁྲིམས་འདི་ནང་ཚངམ་ཨིན།

ཨི་ཕི་སིཔ་ལེའུ་ 3:13

དེ་འབདཝ་ལས་ ང་གིས་ཁྱེད་ལུ་སླབ་ཨིན་ ང་ཁྱེད་ཀྱི་དོན་ལུ་སྡུག་བསྔལ་མྱོང་སྟེ་ཡོད་རུང་ ཁྱེད་སེམས་མ་ཕམ་ ག་ཅི་སྨོ་ཟེར་བ་ཅིན་ ང་གི་མྱོང་མི་སྡུག་བསྔལ་ཚུ་ ཁྱེད་ཀྱི་དོན་ལུ་ལེགས་ཤོམ་ཨིན།།

ཕི་ལི་པི་ལེའུ་ 1:3

ང་གིས་ཁྱེད་ལུ་སེམས་ཁར་དྲནམ་ད་རང་ དཀོན་མཆོག་ལུ་བཀའ་དྲིན་ཆེ་ཟེར་ཞུཝ་ཨིན།

ཕི་ལི་པི་ལེའུ་ 1:8

ཁིརཱིས་ཡེ་ཤུ་གིས་ཁྱེད་ལུ་ཐུགས་བརྩེ་བ་ཡོད་དོ་བཟུམ་སྦེ་ ང་ཡང་ཁྱེད་ལུ་བརྩེ་བ་བསྐྱེད་དེ་ཡོདཔ་མ་ཚད་ ང་ཨ་རྟག་རང་ཁྱེད་ལུ་བལྟ་དགོ་མནོ་སྟེ་སྡོདཔ་ཨིན་ དེ་ག་ར་དཀོན་མཆོག་གིས་མཁྱེན།

ཕི་ལི་པི་ལེའུ་ 2:25

དེ་འབདཝ་ད་ དང་པ་ ཨེ་པ་ཕོརོ་དི་ཏུས་འདི་ ཁྱེད་སྡོད་ས་ལོག་གཏང་དགོཔ་དེ་ ཁག་ཆེཝ་ཡོདཔ་ང་གིས་ཤེས་ཅི་ ཁོ་ངེ་གི་སྤུན་ཆ་བཟུམ་ ང་དང་གཅིག་ཁར་ལཱ་འབད་མི་ ང་བཅས་གཉིས་ཁིརཱིས་ཀྱི་འོག་ལུ་དམག་མི་བཟུམ་སྦེ་ཨིན་ དེ་ལས་ ང་ལུ་ཁག་ཆེ་བའི་སྐབས་ལུ་ ཁྱེད་ཀྱིས་ ཁོ་ང་ལུ་བལྟ་བ་བཏང་ཡི།

ཕི་ལི་པི་ལེའུ་ 2:27

དོན་ལས་རང་ ཁོ་ལུ་ན་ཚ་ཕོག་སྟེ་ ཤི་ནི་གུ་རང་ཐུག་ཅི་ དེ་འབདཝ་ད་ དཀོན་མཆོག་གིས་ ཁོ་ལུ་སྙིང་རྗེ་གཟིགས་གནངམ་མ་ཚད་ ང་ལུ་ཡང་མྱ་ངན་གཅིག་གི་གུ་ལུ་ གཅིག་ཕོག་མ་བཅུག་པར་ སྙིང་རྗེ་གཟིགས་གནང་ཡི།

ཕི་ལི་པི་ལེའུ་ 4:1

ངེའི་བྱམས་པའི་སྤུན་ཆ་ཚུ་ ང་གིས་ཁྱེད་ལུ་ཕངས་སེམས་བསྐྱེད་དེ་ ཁྱེད་དང་འཕྱད་དགོ་མནོ་བའི་སེམས་ཡོད་ ཁྱེད་ངེ་གི་དགའ་ཚོར་དང་ ང་གིས་དཀའཝ་སྤྱད་པའི་གསོལ་རས་ཨིན་ ངེའི་བྱམས་པའི་སྤུན་ཆ་ཚུ་ ང་གིས་ཁྱེད་ལུ་སྟོན་དོཝ་བཟུམ་སྦེ་རང་ གཙོ་བོ་ནང་དད་པ་སྒྲིང་སྒྲིང་བསྐྱེད་སྡོད།།

པེ་ཏྲོ་དང་པ་ལེའུ་ 1:6

དེ་འབདཝ་ལས་བརྟེན་ཏེ་ ད་ལྟོ་ཁྱེད་ ཡུདཔ་ཐེངས་ཅིག་གི་དོན་ལུ་ དཀའ་ངལ་དང་ སྡུག་བསྔལ་མ་འདྲཝ་ལེ་ཤ་མྱོང་དགོ་སྟེ་འབད་རུང་ ཨ་ནི་ཐར་པ་འདི་ ཁྱེད་ཀྱིས་ཐོབ་ནི་ཨིནམ་ལས་ དགའ་སྤྲོ་སྦོམ་སྦེ་འགྱུར།