ཕི་ལི་པི་ལེའུ་ 2:21 - རྫོང་ཁ་

²¹ གཞན་ཚུ་གིས་ཡེ་ཤུ་ཁིརཱིས་ཀྱི་དོན་ལུ་མ་བལྟ་བར་ རང་གི་དོན་ལུ་རྐྱངམ་གཅིག་འབདཝ་ཨིན།

ཕི་ལི་པི་ལེའུ་ 2:21 Iomraidhean Croise

མེ་ཐིའུ་ལེའུ་ 16:24

དེ་ལས་ཡེ་ཤུ་གིས་སློབ་མ་ཚུ་ལུ་ ག་ར་འབད་རུང་ ངེ་གི་སློབ་མ་སྦེ་འོང་དགོ་མནོ་བ་ཅིན་ མི་དེ་གིས་ཨིན་ཅི་མིན་ཅི་ རང་གིས་རང་ལུ་སྤངས་ ཁོ་རང་གི་ཁྲམ་ཤིང་འབག་སྟེ་ ངེ་གི་ཤུལ་ལས་འོང་དགོ།

ལུ་ཀ་ལེའུ་ 14:26

ག་ར་འབད་རུང་ ངེ་གི་ཤུལ་ལས་སློབ་མ་སྦེ་འོང་མི་ཚུ་ རང་གི་ཨའི་དང་ཨ་པ་ རང་གི་ཨམ་སྲུ་དང་ཨ་ལོ་ རང་གི་སྤུན་ཆ་ཚུ་གི་ཆགས་ཞེན་འདི་སྤངས་ཏེ་ ཨིན་ཅི་མིན་ཅི་ང་ལུ་དགའ་དགོ་ དེ་ལས་རང་གི་མི་ཚེ་བློས་གཏང་ཚུགས་མི་འདི་གིས་ ངེ་གི་སློབ་མ་འབད་ཚུགས།

མཛད་པ་ལེའུ་ 13:13

དེ་ལས་ པའུལ་དང་ ཁོ་གི་ལྟོ་ཚང་ཆ་ཁྱབ་ ཁྲོམ་ པ་ཕཱོས་ནང་ལས་གྲུ་ནང་འཛུལ་ཏེ་ ལུང་ཕྱོགས་ པམ་ཕི་ལི་ཡ་ནང་ཡོད་མི་ པེར་ག་ཁྲོམ་ལུ་ལྷོད་ནུག་ དེ་ཁར་ལས་ ཡོ་ཧ་ནཱན་མཱར་ཀུ་ ཁོང་ལུ་བཞག་སྦེ་ ཡེ་རུ་ཤ་ལེམ་ལུ་ལོག་སོང་ནུག

མཛད་པ་ལེའུ་ 15:38

དེ་འབདཝ་ད་ པའུལ་གྱིས་ཁོ་འཁྱིད་པ་ཅིན་ལེགས་ཤོམ་མི་འོང་ ག་ཅི་སྨོ་ཟེར་བ་ཅིན་ ཧེ་མ་ལུང་ཕྱོགས་ པམ་ཕི་ལི་ཡ་ལུ་ ཁོ་ཁོང་དང་གཅིག་ཁར་སྡོད་མ་བཏུབ་པར་ ལཱ་མ་སྒྲུབ་ལས་ཁ་འབྱལ་སོང་སོངམ་ཨིན་ ཁོ་ལུ་འཁྱིད་ནི་མེད་ཟེར་ཁ་མ་བཟེད་བས།

ཀོ་རཱིན་ཐི་དང་པ་ལེའུ་ 10:24

མི་ག་ར་འབད་རུང་ རང་གི་དོན་ལུ་མེན་པར་ གཞན་གྱི་དོན་ལུ་ལེགས་སེམས་མནོ་དགོ།

ཀོ་རཱིན་ཐི་དང་པ་ལེའུ་ 10:33

ང་རའི་ཁེ་ཕན་ལུ་མ་བལྟ་བར་ ང་གིས་ག་ཅི་རང་འབད་རུང་ མི་ལུ་དགའ་བཅུག་ནིའི་དོན་ལུ་འབདཝ་ཨིན་ ག་ཅི་སྨོ་ཟེར་བ་ཅིན་ གཞན་གྱི་ཁེ་ཕན་ལུ་བལྟཝ་ད་ ཁོང་ལེ་ཤ་རང་ཐར་པ་ཐོབ་ནིའི་མཐའ་དོན་ལུ་ཨིན།།

ཀོ་རཱིན་ཐི་དང་པ་ལེའུ་ 13:5

བྱམས་པ་གིས་རྩུབ་སྤྱོད་དང་རང་འདོད་ཅན་མི་འབད་ མགྱོགས་པར་ཙིགཔ་མི་ཟ་ ངན་པ་སེམས་ཁར་མི་བཞག

ཀོ་རཱིན་ཐི་གཉིས་པ་ལེའུ་ 1:5

ག་ཅི་སྨོ་ཟེར་བ་ཅིན་ དོན་ལས་རང་ ང་བཅས་ཀྱིས་ ཁིརཱིས་ཀྱི་དོན་ལུ་སྡུག་བསྔལ་ག་དེ་ཅིག་མྱོངམ་ཨིན་ན་ དེ་ལས་ཡང་ལྷགཔ་སྦེ་ ཁིརཱིས་ཀྱི་ཐོག་ལས་ དཀོན་མཆོག་གིས་ང་བཅས་ལུ་སེམས་གསོ་གནངམ་ཨིན།

ཕི་ལི་པི་ལེའུ་ 2:4

ཁྱེད་ག་གིས་རང་འབད་རུང་ རང་དོན་རྐྱངམ་གཅིག་ལུ་སྤྲོ་བ་བཏོན་ཏེ་མ་འབད་ དེ་འབདཝ་ད་ མི་གཞན་གྱི་སྤྲོ་བ་ལུ་ཡང་ གཙོ་བོ་བསྟེན་ཏེ་འབད་དགོ།།

ཏི་མོ་ཐི་གཉིས་པ་ལེའུ་ 1:15

ལུང་ཕྱོགས་ ཨེ་སི་ཡ་ནང་སྡོད་མི་ ཕི་གེ་ལུས་དང་ ཧཱེར་མོ་གེ་ནཱེས་གཉིས་ཀྱི་རྩིས་པའི་ དདཔ་ཅན་མང་ཤོས་ཀྱིས་རང་ ང་ལུ་བཀོག་བཞག་སྟེ་ཡར་སོངམ་ཨིནམ་དེ་ ཁྱོད་ཀྱིས་ཤེས།

ཏི་མོ་ཐི་གཉིས་པ་ལེའུ་ 3:2

ག་ཅི་སྨོ་ཟེར་བ་ཅིན་ མི་འདི་ཚུ་ རང་དོན་གཙོ་བོ་བསྟེན་མི་ ཏི་རུ་ལུ་དགའ་མི་ རང་བསྟོད་རྐྱབ་མི་ ང་རྒྱལ་ཆེ་དྲགས་འབད་མི་ ཕ་མ་གི་ཁ་ལུ་མ་ཉན་མི་ བཀའ་དྲིན་བསམ་མ་ཤེས་མི་ དམ་པ་མེད་མི།

ཏི་མོ་ཐི་གཉིས་པ་ལེའུ་ 4:10

ག་ཅི་སྨོ་ཟེར་བ་ཅིན་ དེ་མཱས་ཀྱིས་ ད་ལྟོ་གི་འཇིག་རྟེན་ལུ་སེམས་ཆགས་ཏེ་ ང་ལུ་བཀོག་བཞག་སྦེ་ ཁྲོམ་ ཐེ་ས་ལོ་ནི་ཀ་ལུ་ཡར་སོང་ཡི་ དེ་ལས་ ཀེརཱེས་ཀཱེན་ ལུང་ཕྱོགས་ ག་ལ་ཏི་ལུ་ཡར་སོང་ཡི་ ཏི་ཏུས་ཡང་ལུང་ཕྱོགས་ དཱལ་མ་ཏི་ཡ་ལུ་ཡར་སོང་ཡི།

ཏི་མོ་ཐི་གཉིས་པ་ལེའུ་ 4:16

ང་གིས་ཁྲིམས་ཁང་ནང་འགོ་དང་པ་གསལ་ཆ་ཞུཝ་ད་ མི་ག་གིས་ཡང་ ངེ་གི་རྒྱབ་ལས་མ་འཐོན་པར་ ག་ར་གིས་ང་ལུ་བཀོག་བཞག་སྟེ་ ཡར་སོང་ཡི་ འདི་གི་ཉེས་པ་འདི་ ཁོང་གུ་ཕོག་མ་བཅུག