ཕི་ལི་པི་ལེའུ་ 2:2 - རྫོང་ཁ་

² ཁྱེད་ཀྱིས་སེམས་གཅིག་སྦེ་མཐུན་ཏེ་ གཅིག་གིས་གཅིག་ལུ་བྱམས་སེམས་བསྐྱེད་དེ་ དགོ་དོན་གཅིག་དང་ མནོ་བསམ་གཅིག་སྦེ་འབད་ དེ་ལས་ངེ་གི་དགའ་སྤྲོ་དེ་ ག་ར་སྒྲུབ་ནི་ཨིན།

ཕི་ལི་པི་ལེའུ་ 2:2 Iomraidhean Croise

ཡོ་ཧ་ནཱན་ལེའུ་ 3:29

མནའམ་འདི་རྨགཔ་གི་དོན་ལུ་ཨིན་ རྨགཔ་དང་གཅིག་ཁར་ལོང་སྟེ་ཡོད་པའི་ཆ་རོགས་ཀྱིས་ རྨག་པའི་དོན་དག་སྒྲུབ་ད་ ཁོ་གནམ་མེད་ས་མེད་དགའ་ཚོར་བསྐྱེད་འོང་ འདི་འབདཝ་ལས་ ང་ཡང་ཨ་ནི་དགའ་སྤྲོ་འདི་ གནམ་མེད་ས་མེད་འགྱུརཝ་ཨིན།

མཛད་པ་ལེའུ་ 1:14

ཁོང་ཆ་ཁྱབ་དང་གཅིག་ཁར་ ཨམ་སྲུ་གཞན་ཚུ་དང་ དེ་ལས་ཡེ་ཤུ་གི་ཡུམ་ མཱིར་ཡམ་དང་ ཡེ་ཤུ་གི་ནུ་གཅུང་ཚུ་ རྟག་བུ་རང་འཛོམས་ཏེ་སེམས་གཅིག་སྦེ་མཐུན་ སྨོན་ལམ་བཏབ་སྡོད་ནུག

མཛད་པ་ལེའུ་ 2:1

པེན་ཏི་ཀཱོས་ཟེར་མིའི་དུས་ཆེན་གྱི་ཉིན་མ་ལུ་ དདཔ་ཅན་ག་ར་ས་གནས་གཅིག་ནང་འཛོམས་སྡོད་པའི་དུས་ལུ།

མཛད་པ་ལེའུ་ 2:46

ཉིནམ་རེ་འཆར་རང་ ཁོང་ག་ར་སེམས་མཐུན་ཏེ་ མཆོད་ཁང་ནང་མ་ཆད་པར་འཛོམ་དོཝ་ཡོདཔ་ཨིན་མས་ དེ་ལས་རྟག་བུ་རང་ཁྱིམ་གཅིག་ནང་མེན་པར་ སོར་ཡི་སོར་ཡི་རང་འཛོམས་ཏེ་ གཙོ་བོ་ཡེ་ཤུ་གི་དྲན་པའི་ཚོགས་སྟོན་ནང་བཅའ་མར་བཏོགས་ བཞེས་སྒོ་ཟ་སྦེ་ སེམས་ཡིད་རངས་ཏེ་ དགའ་སྤྲོ་འགྱུར་སྡོད་ནུག

མཛད་པ་ལེའུ་ 5:12

དེ་སྐབས་ལུ་ སྐུ་ཚབ་འདི་ཚུ་གིས་རྫུ་འཕྲུལ་ཡ་མཚན་ཆེ་ཏོག་ཏོ་དང་ རྟགས་མ་འདྲཝ་དེ་ཚུ་ མི་ཚུ་གི་སྦུག་ནང་བཏོན་དོཝ་ཡོདཔ་མས་ དད་པ་བསྐྱེད་མི་འདི་ཚུ་ག་ར་སེམས་གཅིག་སྦེ་མཐུན་ཏེ་ མཆོད་ཁང་ནང་ རྒྱལཔོ་ སོ་ལོ་མཱོན་གྱི་གཡབ་ཁྱིམ་ཡོད་ས་ལུ་ འཛོམས་དོ་ཡོདཔ་ཨིན་མས།

རོམ་མི་ལེའུ་ 12:16

ག་ར་དང་མཉམ་འཆམ་ཏོག་ཏོ་སྦེ་སྡོད་ དེ་ལས་ཁམས་བཙོང་སྟེ་ མི་གཞན་ལས་དྲགཔ་ཨིན་ཟེར་མ་མནོ་ དེ་འབདཝ་ད་ མི་ཉམ་ཆུང་ཚུ་དང་འབྲེལ་བ་ལེགས་ཤོམ་སྦེ་འཐབ།

ཀོ་རཱིན་ཐི་དང་པ་ལེའུ་ 1:10

སྤུན་ཆ་ཚུ་ ཁྱེད་ག་ར་འཆམ་མཐུན་ཏེ་སྡོད་ཟེར་ ང་གིས་ཡེ་ཤུ་ཁིརཱིས་ཀྱི་མཚན་ནང་ ཁྱེད་ལུ་གསོལཝ་བཏབ་དོ་ ཁྱེད་ཀྱི་སྦུག་ལུ་འཐབ་འཛིང་བྱུང་སྟེ་ སོ་སོ་སྦེ་ཁ་གཏོར་འགྱོ་མ་བཅུག་ དེ་འབདཝ་ད་ ཁྱེད་ཆ་ཁྱབ་སེམས་གཅིག་དང་ མནོ་བསམ་གཅིག་སྦེ་གཏང་སྟེ་སྡོད།

ཀོ་རཱིན་ཐི་གཉིས་པ་ལེའུ་ 13:11

ངེ་གི་བྱམས་པའི་སྤུན་ཆ་ཚུ་ ཨ་ནི་ཡི་གུ་ནང་ ངེ་གི་མཐའན་མཇུག་གི་ བསླབ་བྱ་འདི་མཇུག་བསྡུ་ནི་ཨིན་ ད་ སེམས་དགའ་སྤྲོ་འགྱུར་དགོ་ ཁྱེད་རང་གི་སྤྱོད་ལམ་ཚུ་འགྱུར་དགོ་ གཅིག་གིས་གཅིག་ལུ་སེམས་གསོ་འབད་དགོ་ སེམས་གཅིག་གི་ཐོག་ལས་ཞི་བདེ་ནང་སྡོད་དགོ་ དེ་ལས་བྱམས་དང་ཞི་བདེ་ཨིན་མི་དཀོན་མཆོག་ ཁྱེད་དང་གཅིག་ཁར་བཞུགས་འོང་།

ཀོ་རཱིན་ཐི་གཉིས་པ་ལེའུ་ 2:3

དེ་འབདཝ་ལས་ ང་ལུ་དགའ་སྤྲོ་བྱུང་བཅུག་མི་ཚུ་གི་ཚབ་མ་ལུ་ སེམས་སྐྱོ་བའི་གཞི་གཅིག་རང་འོང་ནི་ཨིན་པ་ཅིན་ ང་ཁྱེད་སྡོད་སར་མི་འོང་ཟེར་ ཧེ་མ་གི་ཡི་གུ་འདི་ནང་ བྲིས་བྲིསཝ་ཨིན་ དོན་ལས་རང་ ང་གིས་ཁྱེད་ལུ་བློ་གཏད་དེ་སྡོད་ཅི་ ང་ལུ་དགའ་སྤྲོ་བྱུང་བཅུག་མི་རྒྱུ་མཚན་དེ་ ཁྱེད་ཀྱི་དགའ་སྤྲོ་ཡང་ཨིན་ཟེར་ ཁྱེད་ཀྱིས་ཤེས་འོང་།

ཀོ་རཱིན་ཐི་གཉིས་པ་ལེའུ་ 7:7

དེ་ལས་ཁོ་འོངས་ཏེ་རྐྱངམ་གཅིག་མེན་པར་ ཁོ་གིས་ཁྱེད་ལས་ཐོབ་མི་སེམས་གསོ་གི་སྐོར་ལས་ ང་བཅས་ལུ་གནས་ཚུལ་བཤད་ཅི་ ཁྱེད་ཀྱིས་ ང་ལུ་བལྟ་དགོ་མནོ་བའི་སྐོར་ལས་སླབ་མི་དང་ ང་ལུ་ དེ་བཟུམ་བྱུང་མི་ལུ་ བློ་ཕམ་ཡི་ཟེར་སླབ་ས་གོཝ་ད་ ཁྱེད་ཀྱི་སེམས་ཁར་ ང་ལུ་བརྩེ་བ་བསྐྱེད་བའི་སྐོར་ལས་ཤེས་ནི་དེ་གིས་ ང་ཧེང་སྐལ་རང་ གནམ་མེད་ས་མེད་སེམས་དགའ་ཡི།

ཕི་ལི་པི་ལེའུ་ 1:4

ང་གིས་ཁྱེད་ག་ར་གི་དོན་ལུ་ དཀོན་མཆོག་ལུ་སྨོན་ལམ་བཏབ་ད་ ང་ཨ་རྟག་རང་སེམས་ཁར་ལུ་དགའ་སྤྲོ་གི་ངང་ལས་སྨོན་ལམ་བཏབ་ཨིན།

ཕི་ལི་པི་ལེའུ་ 2:16

ཚེ་བྱིན་མིའི་གསུང་དེ་ལུ་ སྒྲིང་སྒྲིང་སྦེ་བཤེད་དེ་བཞག་ དེ་འབདཝ་ལས་ ང་གིས་བང་རྒྱུག་མི་དང་ དཀའཝ་སྤྱད་མི་དེ་ བར་སྟོར་མ་འགྱོ་བར་ ཁིརཱིས་ལོག་བྱོན་པའི་ཉིནམ་ལུ་ ང་དཔའ་ཡག་སྡོད་ནི་ཐོབ་འོང་།

ཕི་ལི་པི་ལེའུ་ 2:20

ཁྱེད་ཀྱི་དོན་ལས་ ཚ་གྱང་ལངས་ཏེ་ བདག་འཛིན་འཐབ་མི་ ཏི་མོ་ཐི་མ་གཏོགས་ མི་གཞན་ག་ཡང་མེད།

ཕི་ལི་པི་ལེའུ་ 4:2

ཨམ་ ཡུའོ་དི་ཡ་དང་ཨམ་ སཱིན་ཏི་ཀི་ ཁོང་གཉིས་གཙོ་བོ་ནང་སེམས་མཐུན་ཏེ་སྡོད་ཟེར་ ང་གིས་ཁོང་ལུ་དྲན་བསྐུལ་འབདཝ་ཨིན།

ཀོ་ལོ་སི་ལེའུ་ 2:5

ངེ་གི་ལུས་དེ་ ཁྱེད་དང་མཉམ་མེད་དེ་འབད་རུང་ ངེ་གི་སེམས་ཨ་རྟག་རང་ ཁྱེད་དང་གཅིག་ཁར་ཡོད་ ཁྱེད་ཀྱི་སྒྲིགས་ལམ་དང་ལྡན་པའི་སྤྱོད་པ་དང་ ཁིརཱིས་ལུ་དད་པ་བརྟན་ཏོག་ཏོ་ཡོདཔ་ཤེས་ཏེ་ ང་སེམས་དགའཝ་ཨིན།།

ཐེ་ས་ལོ་ནི་ཀ་གཉིས་པ་ལེའུ་ 2:13

དེ་འབདཝ་ད་ གཙོ་བོ་གི་བྱམས་པའི་དདཔ་ཅན་སྤུན་ཆ་ཚུ་ ང་བཅས་ཀྱིས་ཁྱེད་ཀྱི་སྐོར་ལས་ དཀོན་མཆོག་ལུ་ཨ་རྟག་རང་བཀའ་དྲིན་ཆེ་ཟེར་ཞུ་སྟེ་རང་སྡོདཔ་ཨིན་ ག་ཅི་སྨོ་ཟེར་བ་ཅིན་ སྔོན་གོང་ལས་དཀོན་མཆོག་གིས་ ཁྱེད་དམ་པའི་ཐུགས་ཉིད་ཀྱི་ཐོག་ལས་སྦེ་ གཙངམ་མཛད་དེ་ བདེན་པ་ལུ་དད་པ་བསྐྱེད་དེ་ ཐར་པ་ཐོབ་བཅུག་ནི་གི་དོན་ལུ་ བཙག་འཐུ་མཛད་གནང་གནངམ་ཨིན།

ཏི་མོ་ཐི་གཉིས་པ་ལེའུ་ 1:4

ཁྱོད་ཀྱི་མིག་ལས་འཛག་མི་མིག་ཆུ་དེ་ ད་ལྟོ་ཚུན་ཚོད་ཡང་ ང་གིས་སེམས་ཁར་དྲན་ཏེ་རང་ཡོད་ དེ་སྦེ་འབད་ནི་འདི་གིས་ ངེ་གི་སེམས་ཁར་དགའ་ཚོར་ཐོབ་ནིའི་དོན་ལུ་ ཁྱོད་དང་གནམ་མེད་ས་མེད་འཕྱད་དགོ་མནོ་ཡི།

ཕི་ལེ་མཱོན་ལེའུ་ 1:20

དབའེ་ནུ་གཅུང་ ང་བཅས་གཉིས་ཆ་རང་ གཙོ་བོ་གི་ཨིནམ་ལས་ ང་ལུ་རོགས་རམ་འབད་གནང་ ཁིརཱིས་ནང་ངེ་གི་སེམས་ཧིང་སང་ས་འགྱོ་བཅུག

ཡོ་ཧ་ནཱན་གཉིས་པ་ལེའུ་ 1:4

ཁྱོད་ཀྱི་ཨ་ལོ་ལ་ལུ་དང་གཅིག་ཁར་འཕྱདཔ་ད་ ང་བཅས་ལུ་ཡབ་ལས་གནང་མི་བཀའ་རྒྱ་དང་འཁྲིལ་ཏེ་ བདེན་པ་གི་ནང་ན་གནས་ཡོདཔ་མཐོང་སྟེ་ ང་གནམ་མེད་ས་མེད་སེམས་དགའ་ཡི།

ཡོ་ཧ་ནཱན་གསུམ་པ་ལེའུ་ 1:4

ངེ་གི་ཨ་ལོ་ཚུ་བདེན་པ་གི་ནང་ན་གནས་ཡོདཔ་གོཝ་ད་ ང་ལུ་དེ་ལས་ལྷག་པའི་དགའ་སྤྲོ་གཞན་ག་ནི་ཡང་མེད།།