ཕི་ལི་པི་ལེའུ་ 2:17 - རྫོང་ཁ་

¹⁷ དེ་འབདཝ་ད་ ཁྱེད་ཀྱིས་དད་པའི་ཐོག་ལས་ དཀོན་མཆོག་གི་ཕྱག་ཞུ་སྟེ་སྡོད་མི་དེ་ ཁོ་ལུ་མཆོདཔ་བླུག་སྟེ་ཕུལ་མི་བཟུམ་སྦེ་ཨིན་ དེ་ལས་ང་ལུ་བསད་དེ་ ངེ་གི་མི་ཚེ་ཡང་ ཁྱེད་ཀྱིས་བླུག་སྟེ་ཕུལ་མི་མཆོདཔ་དང་གཅིག་ཁར་ འགྱུར་ཏེ་འབད་རུང་ ང་དགའ་སྤྲོ་འགྱུར་ནི་ཨིནམ་མ་ཚད་ ཁྱེད་ལུ་བལྟ་སྟེ་ངལ་རངས་ནི་ཨིན།

ཕི་ལི་པི་ལེའུ་ 2:17 Iomraidhean Croise

མཛད་པ་ལེའུ་ 20:24

ག་དེ་སྦེ་ཨིན་རུང་ ང་རང་གི་ཚེ་སྲོག་དེ་ཁག་ཆེ་ཏོག་ཏོ་སྦེ་མི་བརྩི་ དཀོན་མཆོག་གི་ཐུགས་རྗེ་གི་གཏམ་བཟང་གི་ འཛོམ་དཔང་འབད་ནི་གི་ལཱ་འགན་ གཙོ་བོ་ཡེ་ཤུ་གིས་ང་ལུ་གནང་སྟེ་ཡོད་མི་ དེ་མཇུག་བསྡུ་ནི་འདི་ངེ་གི་དོན་ལུ་གནམ་མེད་ས་མེད་རྩ་ཆེ་ཤོས་ཨིན།

མཛད་པ་ལེའུ་ 21:13

དེ་འབདཝ་ད་ པའུལ་གྱིས་ ཁྱེད་ཆ་ཁྱབ་སྔུ་སྟེ་ ང་ལུ་ག་ཅི་འབད་སེམས་སྐྱོ་བཅུགཔ་སྨོ་ ང་ལུ་བཟུང་སྟེ་བཙོན་ནང་བཙུགས་ཏེ་འབད་རུང་ ང་གྲ་སྒྲིག་ཡོད་ དེ་མ་ཚད་ ཡེ་རུ་ཤ་ལེམ་ལུ་གཙོ་བོ་ཡེ་ཤུ་གི་མཚན་གྱི་དོན་ལུ་ ང་ཤི་ཆོག་ཆོག་ཡོད་ཟེར་སླབ་ཅི།

རོམ་མི་ལེའུ་ 12:1

དབའེ་སྤུན་ཆ་ཚུ་ དཀོན་མཆོག་གིས་ང་བཅས་ལུ་ཐུགས་བརྩེ་བ་ལུ་བརྟེན་ཏེ་ དཀོན་མཆོག་གི་ཐུགས་དགྱེས་མི་སྦེ་ ཁྱེད་ཀྱི་གསོན་པོའི་ལུས་འདི་ རང་གིས་རང་ལུ་སྤང་སྟེ་ གཙང་ཏོག་ཏོ་གི་ཐོག་ལས་ ཁོ་ལུ་ཕུལ་ཟེར་ ང་གིས་ཁྱེད་ལུ་གསོལ་བཏབ་ཞུ་དོ་ མཆོདཔ་ངོ་མ་འདི་ཨ་ནི་རང་ཨིན།

རོམ་མི་ལེའུ་ 15:16

ཁིརཱིས་ཡེ་ཤུ་གི་ཕྱག་ཞུ་མི་སྦེ་བྱུང་སྟེ་ དཀོན་མཆོག་གི་གཏམ་བཟང་ ཕྱིའི་མི་རིགས་ཚུ་ལུ་བཤད་མིའི་ཞབས་ཏོག་ཞུཝ་ཨིན་ འདི་ག་ཅི་སྨོ་ཟེར་བ་ཅིན་ ཕྱིའི་མི་རིགས་དེ་ཚུ་ དམ་པའི་ཐུགས་ཉིད་ལས་སྦེ་ གཙང་ཏོག་ཏོ་མཛད་དེ་ དཀོན་མཆོག་གིས་ཐུགས་དགྱེས་པའི་མཆོདཔ་གཅིག་ལུ་ འགྱུར་བཅུག་ནིའི་དོན་ལུ་ཨིན།

ཀོ་རཱིན་ཐི་གཉིས་པ་ལེའུ་ 12:15

ད་ ང་ཁྱེད་སྡོད་སར་འོངས་ཏེ་ ངེའི་ནང་ཡོད་མི་ག་ར་ ང་རང་གི་ཚེ་ཡང་ ཁྱེད་ཀྱི་དོན་ལུ་བྱིན་ནི་དེ་ ངེ་གི་སྤྲོ་བ་ཨིན་ ག་ཅི་སྨོ་ཟེར་བ་ཅིན་ ང་ཁྱེད་ལུ་གནམ་མེད་ས་མེད་དགའཝ་ཨིན་ དེ་འབདཝ་ད་ ཁྱེད་ང་ལུ་ཨ་ཙི་ཅིག་ལས་བརྒལ་མི་དགའ་བས།

ཀོ་རཱིན་ཐི་གཉིས་པ་ལེའུ་ 4:12

དེ་འབདཝ་ལས་འཆི་བ་གིས་ ང་བཅས་ཀྱི་ནང་ན་ལཱ་འབདཝ་ཨིན་ དེ་འབདཝ་ད་ ཁོ་གི་སྐུ་ཚེ་མཐའ་མེདཔ་འདི་གིས་ ཁྱེད་ནང་ལུ་ཕྱག་ལཱ་མཛདཔ་ཨིན།

ཀོ་རཱིན་ཐི་གཉིས་པ་ལེའུ་ 6:10

ང་བཅས་མྱ་ངན་ཕོག་སྟེ་འབད་རུང་ ང་བཅས་ལུ་རྟག་བུ་རང་ དགའ་སྤྲོ་བྱུངམ་ཨིན་ ང་བཅས་སྤྱང་ཀ་ཨིན་རུང་ མི་ལེ་ཤ་ལུ་བྱིན་རླབས་ཀྱིས་ཕྱུགཔ་བཟོ་བྱིན་ཡི་ དེ་ལས་ང་བཅས་ལུ་ ག་ནི་ཡང་མེད་རུང་ ག་ར་ལངམ་སྦེ་སྡོདཔ་ཨིན།

ཀོ་རཱིན་ཐི་གཉིས་པ་ལེའུ་ 7:4

དེ་ལས་ང་གིས་ ཁྱེད་ལུ་གནམ་མེད་ས་མེད་བློ་གཏདཔ་ཨིན་ ང་ཁྱེད་ལུ་བལྟ་སྟེ་ངལ་རངསམ་མ་ཚད་ ང་བཅས་དཀའ་ངལ་དང་སྡུག་བསྔལ་མྱོངམ་ད་ ཁྱེད་ངེ་གི་སེམས་གསོ་འབད་མི་དང་ དགའ་སྤྲོ་བྱིན་མི་ཚུ་ཨིན།

ཕི་ལི་པི་ལེའུ་ 1:20

ག་ཅི་ནང་ཡང་ ང་ངོ་མི་ཚ་ཟེར་ ངེ་གི་རེ་བ་དང་འདོད་པ་ཨིན་ ང་མ་འདྲོག་པར་བློ་ཁོག་སྦོམ་བསྐྱེད་དེ་ ང་ཤི་སོང་རུང་ གསོན་པོ་སྦེ་སྡོད་རུང་ ངེ་གི་མི་ཚེ་འདི་ ཧེ་མ་བཟུམ་སྦེ་ ཨ་རྟག་རང་ ཁིརཱིས་ཡེ་ཤུ་ལུ་བསྟོད་པ་ཐོབ་བཅུག་ནི་གི་འདོད་པ་ཡོད།།

ཕི་ལི་པི་ལེའུ་ 2:18

ཨ་ནི་བློ་ལུ་ ཁྱེད་ཆ་ཁྱབ་ཡང་ ང་དང་མཉམ་གཅིག་སེམས་དགའ་སྟེ་ དགའ་སྤྲོ་འགྱུར་དགོ།།

ཕི་ལི་པི་ལེའུ་ 2:30

ག་ཅི་སྨོ་ཟེར་བ་ཅིན་ ཁྱེད་རང་ས་ཐག་རིང་ས་སྡོད་ནི་དེ་གིས་ ཁྱེད་ཀྱིས་འབད་མ་ཚུགས་མི་ལཱ་འདི་ཚུ་ ཁོ་གིས་འབད་དེ་ ཁིརཱིས་ཀྱི་ཕྱག་ཞུ་བའི་དོན་ལུ་ ཁོ་རང་གི་ཚེ་སྲོག་འདི་ ཤི་ནི་གི་ཉེན་ཁ་ནང་བཙུགས་ཅི།།

ཕི་ལི་པི་ལེའུ་ 4:18

ད་ལྟོ་ང་ལུ་ཁག་ཆེ་མི་ལས་ཡང་ལྷགཔ་སྦེ་ ང་གིས་ཐོབ་ཅི་ ཁྱེད་ཀྱིས་ ཨེ་པ་ཕོརོ་དི་ཏུས་ཀྱི་ལག་པ་སྐྱེལ་བཏང་མི་དེ་གིས་ ང་ལུ་མ་ལང་ལངམ་སྦེ་ཡོད་ ཁྱེད་ཀྱིས་གཏང་མི་དེ་ དཀོན་མཆོག་གི་ཐུགས་དགྱེས་མི་ དྲིམ་ཞིམ་ཏོག་ཏོ་གི་མཆོདཔ་བཟུམ་སྦེ་ཨིན།

ཀོ་ལོ་སི་ལེའུ་ 1:24

ད་ང་ཁྱེད་ཀྱི་དོན་ལུ་སྡུག་བསྔལ་མྱོང་ནི་ལུ་ དགའ་སྤྲོ་བསྐྱེད་སྡོདཔ་ཨིན་ ཁིརཱིས་ཀྱི་སྐུ་གཟུགས་ཨིན་པའི་ཆོས་ཚོགས་ཀྱི་དོན་ལུ་ ང་རའི་གཟུགས་ཀྱིས་ ཁོ་གི་སྡུག་བསྔལ་མཐར་སྐྱེལ་ནི་ཨིན།

ཐེ་ས་ལོ་ནི་ཀ་དང་པ་ལེའུ་ 2:8

ཁྱེད་ལུ་དཀོན་མཆོག་གི་གཏམ་བཟང་བཤད་ནི་ རྐྱངམ་གཅིག་མེན་པར་ ང་བཅས་ཀྱི་ཚེ་སྲོག་ཡང་ དགའ་སྤྲོ་གི་ཐོག་ལས་ བྱིན་ནིའི་དོན་ལུ་གྲ་སྒྲིག་སྦེ་སྡོད་ཅི་ ག་ཅི་སྨོ་ཟེར་བ་ཅིན་ ང་བཅས་ཀྱི་དོན་ལུ་ཁྱེད་ གཅེས་པའི་སྤུན་སྦེ་བྱུང་ཡི།

ཏི་མོ་ཐི་གཉིས་པ་ལེའུ་ 4:6

ག་ཅི་སྨོ་ཟེར་བ་ཅིན་ ང་རའི་མི་ཚེ་དེ་མཆོདཔ་སྦེ་བླུག་སྟེ་ཕུལ་ཚར་ནི་འབད་དོ་ ངེའི་མི་ཚེ་དེ་བཞག་སྟེ་འགྱོ་ནི་གི་དུས་ཚོད་ལུ་ལྷོད་ཅི།

པེ་ཏྲོ་དང་པ་ལེའུ་ 2:5

དེ་མ་ཚད་དཀོན་མཆོག་གིས་ ཁྱེད་ཡང་གསོན་པོའི་རྡོ་སྦེ་བཙུགས་གནང་སྟེ་ ཐུགས་ཉིད་ཀྱི་བཞུགས་ཁང་བཞེངས་གནང་བའི་བསྒང་རང་ཨིན་ དེ་ལས་ཁྱེད་ཆ་ཁྱབ་དམ་པའི་བླམ་སྦེ་བཀལ་གནངམ་ཨིནམ་མ་ཚད་ ཡེ་ཤུ་ཁིརཱིས་ལས་རྒྱུད་དེ་ ཁྱེད་ཀྱིས་ ཁོ་གི་ཐུགས་དགྱེས་པའི་ སེམས་ཉིད་ཀྱི་མཆོདཔ་ཕུལ་ནི་ཨིན།

ཡོ་ཧ་ནཱན་དང་པ་ལེའུ་ 3:16

ཡེ་ཤུ་ཁིརཱིས་ཀྱིས་ཁོ་རའི་སྐུ་སྲོག་ ང་བཅས་ཀྱིས་དོན་ལུ་གནངམ་ལས་ བྱམས་པ་ངོ་མ་དེ་ག་ཅི་ཨིན་ན་ ང་བཅས་ཀྱིས་ཤེས་ཚུགས་པས་ དེ་འབདཝ་ལས་ ང་བཅས་ཀྱིས་ཡང་ སྤུན་ཆ་གི་དོན་ལུ་རང་སྲོག་བློས་གཏང་དགོ།