ཕི་ལི་པི་ལེའུ་ 2:16 - རྫོང་ཁ་

¹⁶ ཚེ་བྱིན་མིའི་གསུང་དེ་ལུ་ སྒྲིང་སྒྲིང་སྦེ་བཤེད་དེ་བཞག་ དེ་འབདཝ་ལས་ ང་གིས་བང་རྒྱུག་མི་དང་ དཀའཝ་སྤྱད་མི་དེ་ བར་སྟོར་མ་འགྱོ་བར་ ཁིརཱིས་ལོག་བྱོན་པའི་ཉིནམ་ལུ་ ང་དཔའ་ཡག་སྡོད་ནི་ཐོབ་འོང་།

ཕི་ལི་པི་ལེའུ་ 2:16 Iomraidhean Croise

མེ་ཐིའུ་ལེའུ་ 10:27

ད་ང་གིས་ཁྱེད་ལུ་གནག་དུང་ནང་གསང་བ་སྦེ་ག་སླབ་མིའི་བློ་འདི་ ཁྱེད་ཀྱིས་ཉིན་མ་མི་ཚུ་གི་གདོང་ཁར་ལུ་ཁྱབ་བསྒྲགས་འབད་དེ་སླབ་ ཁྱེད་ཀྱིས་གསང་བློ་སྦེ་གོ་མི་ལོ་རྒྱུས་འདི་ ཁྱིམ་ཐོག་གུ་ལས་གོཝ་སྦེ་སྐད་བརྐྱབས་ཏེ་སླབ།

ལུ་ཀ་ལེའུ་ 12:8

ང་གིས་ཁྱེད་ལུ་སླབ་དོ་ མི་ག་ར་འབད་རུང་ ང་ལུ་ངོ་ཤེས་ཟེར་འཛོམ་དཔང་འབད་བ་ཅིན་ དེ་བཟུམ་སྦེ་མིའི་བུ་གིས་ཡང་ དཀོན་མཆོག་གི་ཕོ་ཉ་གི་གདོང་ཁར་ འདི་ལུ་ངོ་ཤེས་ཟེར་འཛོམ་དཔང་འབད་འོང་།

ཡོ་ཧ་ནཱན་ལེའུ་ 6:63

ཚེ་མཐའ་མེདཔ་གནང་མི་འདི་ཐུགས་ཉིད་ཨིན་ ཤ་ལུས་འདི་གིས་ཆ་རོགས་ག་ནི་ཡང་མི་ཕན་ ང་གིས་ཁྱེད་ལུ་ག་སླབ་མི་འདི་ ག་ར་ཐུགས་ཉིད་ལས་སྦེ་འབད་ནི་འདི་གིས་ ཁྱེད་ལུ་ཚེ་མཐའ་མེདཔ་གནང་འོང་།

ཡོ་ཧ་ནཱན་ལེའུ་ 6:68

སི་མཱོན་པེ་ཏྲོ་གིས་ཁོ་ལུ་ གཙོ་བོ་ལགས་ ང་བཅས་ག་སྡོད་ས་ལུ་འགྱོ་ནི་སྨོ་ ཚེ་མཐའ་མེདཔ་གནང་མིའི་གསུང་དེ་ ནཱ་གི་ནང་ན་འདུག

མཛད་པ་ལེའུ་ 13:26

ཨ་ནི་ཐར་པ་གི་སྐོར་ལས་གསུངས་མི་འདི་ ང་བཅས་རའི་སྤུན་ཆ་ཚུ་ ཨབ་ར་ཧམ་གྱི་བུ་བརྒྱུད་ཆ་ཁྱབ་དང་ དཀོན་མཆོག་དང་གཞན་འབྲེལ་ཡོད་མི་ ཕྱིའི་མི་རིགས་ཚུ་གི་དོན་ལུ་ཨིན།

ཀོ་རཱིན་ཐི་དང་པ་ལེའུ་ 1:8

གཙོ་བོ་ཡེ་ཤུ་ཁིརཱིས་ལོག་མ་འབྱོན་པའི་ཉིནམ་ཚུན་ཚོད་ ཁྱེད་སྐྱོན་དང་འཛོལ་བ་ག་ནི་ཡང་མེད་པར་ མཐའན་མཇུག་ཚུན་ཚོད་རང་ སྒྲིང་སྒྲིང་སྦེ་བཟོ་སྟེ་བཞག་གནང་འོང་།

ཀོ་རཱིན་ཐི་དང་པ་ལེའུ་ 9:26

དེ་འབདཝ་ལས་དམིགས་དོན་མེད་པར་ང་གིས་བང་མི་རྒྱུག་ དེ་ལས་མཛོག་ཁྱད་བརྗེཝ་ད་ རླུང་གུ་རྐྱབ་དོཝ་བཟུམ་སྦེ་རྩ་ལས་མི་རྐྱབ།

ཀོ་རཱིན་ཐི་གཉིས་པ་ལེའུ་ 1:14

ད་ལྟོ་ཁྱེད་ཀྱིས་ང་བཅས་ལུ་ ལེགས་ཤོམ་སྦེ་ཧ་མ་གོ་རུང་ ཤུལ་ལས་ཁྱེད་ཀྱིས་ཧ་གོ་འོང་ དེ་ལས་གཙོ་བོ་ཡེ་ཤུ་ལོག་སྟེ་བྱོན་པའི་ཉིནམ་ལུ་ ཁྱེད་ང་བཅས་ལུ་བལྟ་སྟེ་ངལ་རངས་ནི་བཟུམ་སྦེ་ ང་བཅས་ཡང་ཁྱེད་ལུ་བལྟ་སྟེ་ ངལ་རངས་ནི་ཨིན།

ག་ལ་ཏི་ལེའུ་ 2:2

ཡེ་རུ་ཤ་ལེམ་ལུ་འགྱོ་དགོ་མི་འདི་ དཀོན་མཆོག་གིས་ང་ལུ་དངོས་སུ་སྦེ་མཇལ་ཁ་གནངམ་བཞིན་དུ་ཨིན་ དེ་ལས་ཡར་ལུ་ ང་གིས་ཕྱིའི་མི་རིགས་ཀྱི་སྦུག་ལུ་གཏམ་བཟང་དེ་ ག་དེ་སྦེ་བཤད་ཅི་ག་ ཁོང་འགོ་དཔོན་ཨིན་ཟེར་མནོ་མི་ཚུ་ལུ་ཞུ་ཡི་ དེ་འབདཝ་ད་ ང་གིས་བཤད་མི་འདི་ དོན་དག་མེདཔ་མ་འགྱོ་ནིའི་དོན་ལུ་ ང་ཁོང་ཆ་ཁྱབ་དང་གཅིག་ཁར་ སོ་སོ་སྦེ་སྡོད་དེ་རང་ཁ་སླབ་ཅི།

ག་ལ་ཏི་ལེའུ་ 4:11

ང་གིས་ཧེ་མ་ཁྱེད་ཀྱི་དོན་ལུ་དཀའཝ་སྤྱད་དེ་འབད་མི་ལཱ་འདི་ཚུ་ དོན་དག་མེདཔ་འགྱོཝ་མ་ཚད་ ཁྱེད་ལམ་འཛོལ་འགྱོ་དོ་ཟེར་ང་ལུ་ཚ་གྱང་ཡོད།

ཕི་ལི་པི་ལེའུ་ 1:10

དེ་ལས་འདི་གི་ཐོག་ལས་ ཁྱེད་ཀྱི་མི་ཚེ་ནང་ལུ་ དོན་ལས་རང་ཁག་ཆེ་ཤོས་འདི་ག་ཅི་ཨིན་ན་ཧ་གོ་སྟེ་ གཙོ་བོ་ཁིརཱིས་ལོག་སྟེ་མ་བྱོན་ཚུན་ཚོད་ ཁྱེད་གཙང་ཏོག་ཏོ་དང་སྐྱོན་ག་ནི་ཡང་མེདཔ་སྦེ་སྡོད་བཅུག

ཕི་ལི་པི་ལེའུ་ 1:6

དཀོན་མཆོག་གིས་ཁྱེད་ཀྱི་མི་ཚེ་ནང་ལུ་ ཕྱག་ལཱ་ལེགས་ཤོམ་འགོ་བཙུགས་མཛད་མི་དེ་ མ་ཚརཝ་བར་ན་ གཙོ་བོ་ཡེ་ཤུ་ཁིརཱིས་འབྱོན་ནི་གི་ཉིནམ་ཚུན་ཚོད་ འཕྲོ་མཐུད་དེ་རང་མཛད་གནང་འོང་ཟེར་ང་གིས་ཏན་ཏན་ཤེས།

ཐེ་ས་ལོ་ནི་ཀ་དང་པ་ལེའུ་ 2:19

ད་ང་བཅས་ཀྱིས་ག་ཅི་ལུ་བལྟ་སྟེ་ རེ་བ་དང་དགའ་ཚོར་བསྐྱེད་ནི་སྨོ་ ཤུལ་མ་གཙོ་བོ་ཡེ་ཤུ་ལོག་འབྱོན་པའི་སྐབས་ལུ་ ག་ཅི་གི་གསོལ་རས་ཐོབ་ནི་སྨོ་ ང་བཅས་ཀྱི་རེ་བ་དང་ དགའ་ཚོར་ དེ་ལས་གསོལ་རས་དེ་ ཁྱེད་ཨིན་མེན་ན།

ཐེ་ས་ལོ་ནི་ཀ་དང་པ་ལེའུ་ 3:5

འདི་འབདཝ་ལས་བརྟེན་ཏེ་ བར་ཆད་ནང་ཚུད་བཅུག་མི་བདུད་དེ་གིས་ ཁྱེད་ལུ་བར་ཆད་བརྐྱབས་ཏེ་ ང་བཅས་ཀྱིས་འབད་མི་ལཱ་དེ་ཚུ་ དོན་དག་མེདཔ་འགྱོ་དོ་ཟེར་མནོ་སྟེ་ ང་གནམ་མེད་ས་མེད་ཚ་གྱང་ལངས་ཏེ་ ང་རང་གིས་ཁྱེད་ཀྱི་དད་པ་འདི་བལྟ་ནིའི་དོན་ལུ་ ཏི་མོ་ཐི་བཏང་ཡི།

ཧིབ་རུ་ལེའུ་ 4:12

ག་ཅི་སྨོ་ཟེར་བ་ཅིན་ དཔའ་རྟགས་རྣོས་ཁིག་ཁི་ ཁ་གཉིས་འབད་མི་གིས་ ཚིགས་དང་རུ་ཏོ་གི་རྐང་ཚུ་སོ་སོ་འཕྱལ་ཏེ་ དོང་སྤེད་དོཝ་བཟུམ་སྦེ་ དཀོན་མཆོག་གི་གསུང་དེ་ གསོན་པོ་དང་ཤུགས་ཅན་ཅིག་སྦེ་ ལཱ་འབད་མི་ཨིནམ་ལས་ སེམས་དང་སྲོག་ སེམས་ནང་གི་མནོ་བསམ་དང་འདོད་པ་ཚུ་ཡང་བརྟག་ཞིབ་མཛདཔ་ཨིན།

པེ་ཏྲོ་དང་པ་ལེའུ་ 1:23

ག་ཅི་སྨོ་ཟེར་བ་ཅིན་ དུས་རྒྱུན་དུ་འགྱུར་བ་མེད་པར་ གསོན་པོ་སྦེ་བཞུགས་ཡོད་མི་ དཀོན་མཆོག་གི་གསུང་གི་ཐོག་ལས་ ཁྱེད་མེདཔ་འགྱོ་བའི་སོན་ལས་མེན་པར་ མེདཔ་ཐལ་ནི་མེད་པའི་སོན་ལས་ མི་ཚེ་གསརཔ་སྦེ་སྐྱེས་སྐྱེསཝ་ཨིན།

ཡོ་ཧ་ནཱན་དང་པ་ལེའུ་ 1:1

འགོ་དང་པ་ལས་རང་བཞུགས་ཡོད་མི་ ཚེ་གནང་མི་གསུང་འདི་ ང་བཅས་ཀྱིས་རྣ་བ་གོ་ མིག་གིས་མཐོང་ ལགཔ་གིས་ཡང་འདོགས་བལྟ་སྟེ་ འདི་གི་སྐོར་ལས་ ང་བཅས་ཀྱིས་ཁྱབ་བསྒྲགས་འབདཝ་ཨིན།

མཐོང་སྣང་ལེའུ་ 22:17

ད་ཐུགས་ཉིད་དང་མནའམ་གིས་ ནཱ་ཤོག་ཟེར་གསུངསམ་མས་ དེ་ལས་རྣ་བ་གོ་མི་དེ་གིས་ ནཱ་ཤོག་ཟེར་སླབ་དགོ་ ཁ་སྐོམ་མི་དེ་ལུ་འོང་བཅུག་ ཆུ་འཐུང་དགོ་མནོ་མི་ལུ་ ཚེའི་ཆུ་རིན་མེད་སྟོང་པར་སྦེ་འཐུང་བཅུག་ཟེར་གསུངས་དེས།