ཕི་ལི་པི་ལེའུ་ 2:15 - རྫོང་ཁ་

¹⁵ དེ་ལས་སྐྱོན་མེདཔ་དང་ མི་ག་གིས་ཡང་ཁྱེད་ཀྱི་སྐོར་ལས་ སྐྱོན་བཏགས་མ་ཚུགས་མི་ དཀོན་མཆོག་གི་སྲས་དང་སྲསམོ་སྦེ་སྡོད་དེ་ མི་གཡོ་སྒྱུ་དང་ཚུལ་དང་མ་མཐུན་མི་གི་འཇིག་རྟེན་པ་ཚུ་གི་གདོང་ཁ་ལུ་ ཁྱེད་ཀྱི་མི་ཚེ་དེ་འོད་ཟེར་བཟུམ་སྦེ་ཤར་ཏེ།

ཕི་ལི་པི་ལེའུ་ 2:15 Iomraidhean Croise

མེ་ཐིའུ་ལེའུ་ 10:16

ད་བལྟ་ཞིག་ ང་གིས་ཁྱེད་ལུག་བཟུམ་སྦེ་ འཕརཝ་ཚུ་གི་སྦུག་ལུ་གཏང་དོ་ དེ་འབདཝ་ལས་ཁྱེད་སྦུལ་བཟུམ་སྦེ་རྩེ་དྲགས་དང་ ཐི་ལི་རྒྱལམོ་བཟུམ་སྦེ་གཞན་ལུ་གནོད་མ་བཀལ་བར་སྡོད་དགོ།

མེ་ཐིའུ་ལེའུ་ 17:17

ཡེ་ཤུ་གིས་ ཨ་ཁའི་ ཁྱེད་དད་པ་མེད་མི་དང་ ཚུལ་དང་མ་མཐུན་མིའི་མི་རབས་ཚུ་ ང་ཁྱེད་དང་གཅིག་ཁར་ག་དེམ་ཅིག་སྡོད་ནི་ ག་དེམ་ཅིག་ཚུན་ཚོད་ཁྱེད་ལུ་བཟོད་པ་བསྒོམ་སྡོད་ནི་སྨོ་ བུཚ་འདི་ནཱ་ང་སྡོད་སར་འཁྱིད་ཤོག་ཟེར་གསུངས་ནུག

མེ་ཐིའུ་ལེའུ་ 5:45

དེ་སྦེ་འབད་བ་ཅིན་ ཁྱེད་ཀྱི་ཡབ་ཞིང་ཁམས་ལུ་ བཞུགས་ཡོད་མིའི་སྲས་དང་སྲསམོ་སྦེ་སྡོད་ནི་ཨིན་ ག་ཅི་སྨོ་ཟེར་བ་ཅིན་ ཁོ་གིས་མི་བཟང་པོ་དང་ངན་པ་ གཉིས་ཆ་རང་གི་གུ་ལུ་ཉིམ་ཤར་བཅུགཔ་ཨིན་ དེ་ལས་མི་ཕྲངམ་དང་མ་ཕྲངམ་གཉིས་ཆ་རང་ལུ་ཡང་ཆརཔ་གནངམ་ཨིན།

མེ་ཐིའུ་ལེའུ་ 5:48

དེ་འབདཝ་ལས་བརྟེན་ཏེ་ ཡར་ཞིང་ཁམས་ལུ་བཞུགས་མི་ ཁྱེད་ཀྱི་ཡབ་སྐྱོན་ག་ནི་ཡང་མེད་པར་ཀྲིག་ཀྲི་སྦེ་བཞུགས་ཡོདཔ་བཟུམ་སྦེ་ ཁྱེད་ཆ་ཁྱབ་ཡང་སྐྱོན་ག་ནི་ཡང་མེད་པར་ཀྲིག་ཀྲི་སྦེ་སྡོད་ཟེར་ཡེ་ཤུ་གིས་གསུངས་ནུག།

ལུ་ཀ་ལེའུ་ 1:6

ཁོང་གཉིས་ དཀོན་མཆོག་གི་གཟིགས་སར་ཆོས་སེམས་ཅན་ཨིནམ་མ་ཚད་ གཙོ་བོ་དཀོན་མཆོག་གི་བཀའ་དང་ཚུལ་ཁྲིམས་ཚུ་མ་ཉམས་པར་སྲུངམ་ཨིན་མས།

ལུ་ཀ་ལེའུ་ 6:35

དེ་འབདཝ་ད་ རང་གི་དགྲ་བྱང་ཕྱད་ཚུ་ལུ་ བྱམས་པ་འབད་དེ་ཁོང་ལུ་ཕན་བཏག་བྱིན་དགོ་ བསྐྱི་ནི་བརྙའ་ནི་དེ་ཚུ་བྱིནམ་ད་ ལོག་སྟེ་ཚུར་ཐོབ་ནི་གི་རེ་བ་མ་བསྐྱེད་པར་བྱིན་ དེ་ལས་ཁྱེད་ཀྱིས་གསོལ་རས་སྦོམ་ཐོབ་མ་ཚད་ བླ་ན་མེད་པའི་དཀོན་མཆོག་གི་སྲས་དང་སྲསམོ་སྦེ་བརྩི་འོང་ བཀའ་དྲིན་བསམ་མ་ཤེས་མི་དང་ མི་ངན་པ་ལུ་དཀོན་མཆོག་གིས་སྙིང་རྗེ་གཟིགསཔ་ཨིན།

ཡོ་ཧ་ནཱན་ལེའུ་ 5:35

ཡོ་ཧ་ནཱན་ས་ཏི་བཟུམ་སྦེ་འབར་ཏེ་ འོད་ཟེར་བྱིན་མི་གཅིག་ཨིན་མས་ ཁྱེད་ཆ་ཁྱབ་ཁོ་གི་འོད་ཟེར་ནང་ལུ་ ཡུདཔ་ཐེངས་གཅིག་གི་དོན་ལུ་ དགའ་སྤྲོ་འགྱུར་ནི་ནང་སྤྲོ་བ་བསྐྱེད་ཅི།

མཛད་པ་ལེའུ་ 2:40

ད་རུང་ པེ་ཏྲོ་གིས་མི་འདི་ཚུ་ལུ་ མི་བརྒྱུད་ངན་པ་འདི་ཚུ་ལུ་ཕོག་ནི་འབད་མི་ཆདཔ་ལས་སྐྱབས་མཛད་གནང་ཟེར་ དཀོན་མཆོག་ལུ་ཞུ་ཟེར་ ཨུ་ཚུགས་བརྐྱབས་ཏེ་ ཉེན་བརྡ་བཀལ་ནུག

མཛད་པ་ལེའུ་ 20:30

ཁྱེད་ཆ་ཁྱབ་ཀྱི་གྲལ་ལས་ཡང་ ལ་ལུ་ཅིག་གིས་སློབ་མ་ཚུ་ལུ་དཀྲོགས་ཁ་བརྐྱབས་ཏེ་ གཏམ་རྫུན་མ་སླབ་སྦེ་ འཁྱིད་འགྱོ་ནི་གི་དུས་སྐབས་གཅིག་འོང་དོ།

རོམ་མི་ལེའུ་ 16:19

ཁྱེད་གཙོ་བོ་གི་བཀའ་ལུ་ཉན་ཏེ་སྡོདཔ་ཨིན་མས་ཟེར་ ས་ཆ་ག་ར་ནང་གི་དདཔ་ཅན་ཚུ་གིས་ཤེས་ དེ་འབདཝ་ལས་བརྟེན་ཏེ་ ཁྱེད་ཀྱིས་འབད་མི་དེ་ལུ་བལྟ་སྟེ་ ང་སེམས་དགའ་ཡི་ དེ་འབདཝ་ད་ ཁྱེད་ལེགས་ཤོམ་འབད་ནི་ལུ་རིགཔ་རྩལ་དྲགས་དང་ ལཱ་ངན་པ་འབད་ནི་ཤེས་རུང་ དེ་ལུ་འབྲེལ་བ་མ་འཐབ་པར་སྡོད་འོང་ཟེར་ ང་ལུ་འདོད་པ་ཡོད།

ཀོ་རཱིན་ཐི་དང་པ་ལེའུ་ 1:8

གཙོ་བོ་ཡེ་ཤུ་ཁིརཱིས་ལོག་མ་འབྱོན་པའི་ཉིནམ་ཚུན་ཚོད་ ཁྱེད་སྐྱོན་དང་འཛོལ་བ་ག་ནི་ཡང་མེད་པར་ མཐའན་མཇུག་ཚུན་ཚོད་རང་ སྒྲིང་སྒྲིང་སྦེ་བཟོ་སྟེ་བཞག་གནང་འོང་།

ཀོ་རཱིན་ཐི་གཉིས་པ་ལེའུ་ 6:17

དེ་འབདཝ་ལས་ གཙོ་བོ་གིས་གསུངས་དེས་ ཁྱེད་ཁོང་གི་གྲལ་ཁཪ་ལས་ཐོན་ཏེ་ སོ་སོ་སྦེ་སྡོད་ མ་གཙངམ་མིའི་རིགས་ཚུ་ལུ་ རེག་མ་བཅུག་ དེ་ལས་ང་གིས་ཁྱེད་ལུ་ བསུ་བ་འབད་ནི་ཨིན།

ཨི་ཕི་སིཔ་ལེའུ་ 5:27

དེ་ལས་གཙང་ཏོག་ཏོ་མཛད་མི་དེ་ ཆོས་ཚོགས་གཙངམ་དང་སྐྱོན་ག་ནི་ཡང་མེད་པར་ ཁོང་གི་གུ་ལུ་ཐག་ཐིག་དང་གཉེར་མ་ གཞན་ག་ནི་ཡང་མ་ཆགསཔ་སྦེ་ གཟི་བརྗིད་ཅན་སྦེ་འགྱུར་ཏེ་ ཁོ་གི་སྐུ་མདུན་ལུ་འཁྱིད་འོང་ནིའི་དོན་ལུ་ཨིན།

ཕི་ལི་པི་ལེའུ་ 1:10

དེ་ལས་འདི་གི་ཐོག་ལས་ ཁྱེད་ཀྱི་མི་ཚེ་ནང་ལུ་ དོན་ལས་རང་ཁག་ཆེ་ཤོས་འདི་ག་ཅི་ཨིན་ན་ཧ་གོ་སྟེ་ གཙོ་བོ་ཁིརཱིས་ལོག་སྟེ་མ་བྱོན་ཚུན་ཚོད་ ཁྱེད་གཙང་ཏོག་ཏོ་དང་སྐྱོན་ག་ནི་ཡང་མེདཔ་སྦེ་སྡོད་བཅུག

ཕི་ལི་པི་ལེའུ་ 3:6

ཡ་ཧུ་ད་པའི་ལུགས་སྲོལ་ གཙོ་བོ་བསྟེན་ནི་གི་སྐོར་ལས་སླབ་པ་ཅིན་ ཆོས་ཚོགས་ལུ་ང་གིས་གནོད་འཚེ་སྐྱེལ་ཏེ་དཀའ་ངལ་བྱིན་མི་དང་ དེ་ལས་བཀའ་ཁྲིམས་དང་འཁྲིལ་ཏེ་ ཁྲིམས་གཅིག་ཡང་མ་ཉམས་པར་ སྲུང་ནི་གི་སྐོར་ལས་སླབ་པ་ཅིན་ ང་སྐྱོན་མེད་མིའི་ མི་གཅིག་ཨིན།

ཐེ་ས་ལོ་ནི་ཀ་དང་པ་ལེའུ་ 5:23

དེ་ལས་ཞི་བདེ་གནང་མི་དཀོན་མཆོག་ཁོ་རང་གིས་ ཁྱེད་ལུ་ཡོངས་སུ་རྫོགསཔ་སྦེ་གཙངམ་མཛད་བཅུག་ གཙོ་བོ་ཡེ་ཤུ་ཁིརཱིས་ལོག་མ་འབྱོན་ཚུན་ཚོད་ ཁྱེད་ཀྱི་སེམས་དང་རྣམ་ཤེས་ ལུས་དེ་ཚུ་ སྐྱོན་ག་ཅི་ཡང་མེདཔ་སྦེ་ བསྲུང་སྐྱབས་མཛད་དེ་བཞག་བཅུག

ཏི་མོ་ཐི་དང་པ་ལེའུ་ 3:10

ཆོས་ཚོགས་ཀྱིས་ཁོང་ལུ་དྲང་བཞགཔ་གི་འགན་ཁུར་མ་བཀལ་བའི་ཧེ་མ་ ཁོང་གི་འབད་བཞག་བཅའ་བཞག་ལེགས་ཤོམ་ཨིན་ན་མེན་ན་ བརྟག་དཔྱད་ལེགས་ཤོམ་སྦེ་འབད་དགོ་ དེ་ལས་འདི་ནང་སྐྱོན་ག་ནི་ཡང་མ་མཐོང་པ་ཅིན་ ཁོང་ལུ་དྲང་བཞགཔ་གི་འགན་ཁུར་བཀལ་ཚུགསཔ་ཨིན།

ཏི་མོ་ཐི་དང་པ་ལེའུ་ 3:2

འདི་གི་དོན་ལུ་ཆོས་ཚོགས་ཀྱི་འགོ་འདྲེན་འཐབ་མི་དེ་ མི་ག་གིས་ཡང་སྐྱོན་བཏག་རུང་ ཁུངས་བཀལ་མ་ཚུགས་མི་ཅིག་དང་ ཨམ་སྲུ་གཅིག་གི་རྨགཔ་དང་ ཚད་དང་ལྡན་མི་དང་ མཚམས་ཚོད་ཤེས་མི་དང་ སྤྱོད་ལམ་བཟང་པོ་དང་ མགྱོནམ་ལུ་མཐོང་ཡོད་མི་དང་ ཆོས་སྟོན་ཚུགས་མི་དང་།

ཏི་མོ་ཐི་དང་པ་ལེའུ་ 5:14

ངེ་གི་ཁ་བཀོད་ལྟར་དུ་འབད་དགོཔ་དེ་ ལོ་ན་ཆུང་མིའི་ཡུགས་ས་མོ་ཚུ་གཉེན་བརྐྱབ་ བུ་གཞི་སྐྱེས་ཏེ་ རང་གི་ཁྱིམ་བདག་འཛིན་འཐབ་སྡོད་བཅུག་ དེ་བཟུམ་སྦེ་འབད་བ་ཅིན་ ང་བཅས་ཀྱི་བྱང་ཕྱད་ཚུ་གིས་ སྐྱོན་བཏགས་ནི་གི་གོ་སྐབས་མི་ཐོབ།

ཏི་མོ་ཐི་དང་པ་ལེའུ་ 5:20

སྡིག་པ་འབད་སྡོད་མི་འགོ་འདྲེན་པ་ཚུ་ལུ་ ག་ར་འཛོམས་སར་ལུ་སྐྱོན་བཏོན་ཏེ་དྲན་བསྐུལ་འབད་ དེ་ལས་མི་གཞན་གྱིས་ཡང་འདི་མཐོངམ་ད་ དཀོན་མཆོག་ལུ་འདྲོགས་ཏེ་སྡོད་འོང་།

ཏི་མོ་ཐི་དང་པ་ལེའུ་ 5:7

ཡུགས་ས་མོ་དང་མོ་གི་བཟའ་ཚང་ལུ་ འདི་བཟུམ་གྱི་བཀའ་རྒྱ་བྱིན་ དེ་སྦེ་འབད་བ་ཅིན་ ཁོང་ལུ་སྐྱོན་བཏགས་མི་ག་ཡང་མི་འོང་།

ཏི་ཏུས་ལེའུ་ 1:6

ཆོས་ཚོགས་ཀྱི་འགོ་འདྲེན་པ་འདི་ སྐྱོན་ག་ནི་ཡང་མེདཔ་དང་ ཨམ་སྲུ་གཅིག་གི་རྨགཔ་འབད་མི་དང་ ཁོ་གི་བུ་དང་བུམོ་ཚུ་ དད་པ་བསྐྱེད་མི་དང་ ཁོ་གི་ཨ་ལོ་ཚུ་ སྤྱོད་ལམ་གཟབ་ཏོག་ཏོ་འབད་མི་ དེ་ལས་ཕམ་གྱི་ཁ་ལུ་ཉན་མི་ རོགས་ཀྱིས་ཁ་གཏང་མ་ཚུགས་མི་ཚུ་དགོཔ་ཨིན།

ཏི་ཏུས་ལེའུ་ 2:10

སྦྱིན་བདག་ནང་ལས་ཨརཝ་རྐུ་ནི་མེདཔ་གཅིག་དགོཔ་ཨིན་ དེ་གི་ཚབ་མ་ལུ་ སྦྱིན་བདག་གི་བློ་གཏད་ཚུགསཔ་སྦེ་སྡོད་མི་གཅིག་དགོཔ་ཨིན་ དེ་ལས་ང་བཅས་ཀྱི་སྐྱབས་མགོན་དཀོན་མཆོག་གི་སྐོར་ལས་ སྟོན་མིའི་ཆོས་ལུ་ མི་ག་ར་གིས་ སེམས་ཤོར་སི་སི་སྦེ་མཐོང་འོང་།།

ཏི་ཏུས་ལེའུ་ 2:15

ཨ་ནི་ལོ་རྒྱུས་དེ་ཚུ་སྟོན་བྱིན་ ཁྱོད་ཀྱི་བཀའ་རྒྱ་ལྟར་དུ་འབད་ཟེར་ཨུ་ཚུགས་རྐྱབས་ དེ་ལས་ཁྱོད་ཀྱི་བཀའ་རྒྱ་ལུ་མ་ཉན་མི་ཚུ་ལུ་ སྐྱོན་བཏོན་ནི་ནང་ སྐུ་ཚབ་ཀྱི་དབང་ཚད་ལག་ལེན་འཐབ་དགོཔ་ཨིནམ་མ་ཚད་ མི་ག་གིས་ཡང་ ཁྱོད་ལུ་ཁུངས་མེདཔ་བཟོ་མ་བཅུག།

ཧིབ་རུ་ལེའུ་ 7:26

ང་བཅས་ལུ་དགོ་མི་མཁན་ཆེན་ ཨ་ནི་བཟུམ་སྦེ་རང་ཨིན་ ཁོ་མཆོག་ཏུ་གྱུར་པ་དང་ ཉེས་པ་མེད་མི་ སྐྱོན་ག་ནི་ཡང་མེདཔ་ སྡིག་ཅན་ཚུ་དང་འབྲེལ་བ་མེད་མི་ ཞིང་ཁམས་ལས་ཡང་ མཐོཝ་ཡོད་མི་གཅིག་ཨིན།

པེ་ཏྲོ་དང་པ་ལེའུ་ 2:12

ཁྱེད་ཀྱིས་དདཔ་ཅན་མེན་མིའི་ཁྱིམ་ཚང་ཚུ་དང་སྡོདཔ་ད་ རང་གི་བྱ་བ་སྤྱོད་ལམ་དེ་ཚུ་དྲནམ་བཏོན་ཏེ་ ལེགས་ཤོམ་འབད་དགོ་ ཁོང་གིས་ཁྱེད་ལུ་སྐྱོན་བཏགས་ཏེ་འཛོལ་བ་འབདཝ་མས་ཟེར་སླབ་རུང་ ཁྱེད་ཀྱི་བྱ་བ་སྤྱོད་ལམ་ལེགས་ཤོམ་ལུ་བལྟ་སྟེ་ ཁིརཱིས་ལོག་སྟེ་ཁྲིམས་ཕྱེ་བ་བྱོན་པའི་ཉིནམ་ལུ་ ཁོང་གིས་དཀོན་མཆོག་ལུ་བསྟོད་པ་ཕུལ་འོང་།།

པེ་ཏྲོ་དང་པ་ལེའུ་ 2:9

དེ་འབདཝ་ད་ ཁྱེད་ཁོང་བཟུམ་སྦེ་མེན་ ཁྱེད་དཀོན་མཆོག་གིས་བཙག་འཐུ་མཛད་གནང་མི་དང་ རྒྱལ་འཛིན་གྱི་བླམ་ དམ་པའི་མི་རིགས་ དཀོན་མཆོག་ཁོ་རང་གི་མི་ཚུ་ཨིན་ ད་ ཁོ་གིས་ཁྱེད་ཆ་ཁྱབ་གནག་དུང་ནང་ལས་ ཡ་མཚན་ཆེ་བའི་འོད་ནང་འབོ་སྟེ་གནངམ་ལས་བརྟེན་ཏེ་ དཀོན་མཆོག་གི་ཧ་ལས་པའི་ཕྱག་ལཱ་དེ་ཚུ་གཞན་ལུ་ ཁྱེད་ཀྱིས་སྟོན་བྱིན་འོང་།

པེ་ཏྲོ་གཉིས་པ་ལེའུ་ 3:14

ངེ་གི་བྱམས་པའི་ཆ་རོགས་ ཨ་ནི་དེ་ཚུ་འབྱུང་འོང་ཟེར་སྒུག་སྡོད་ནི་འདི་གིས་ བརྩོན་ཤུགས་བསྐྱེད་དེ་ སྡིག་པའི་ཐིག་པ་ཐག་ཐིག་སྦེ་ ཆགས་ཡོད་པའི་སྐྱོན་ཚུ་མེད་པར་ དཀོན་མཆོག་དང་གཅིག་ཁར་མཐུན་ཏོག་ཏོ་སྦེ་སྡོད་དགོ།

མཐོང་སྣང་ལེའུ་ 2:5

དེ་འབདཝ་ལས་ ཁྱོད་རང་གིས་ག་ཏེ་ལུ་འཛོལ་བ་འབད་ཡི་ག་ འདི་སེམས་ཁར་དྲན་ཏེ་ འདི་ལུ་སེམས་འགྱུར་ཏེ་ ཧེ་མ་འབད་དོཝ་བཟུམ་གྱི་བྱམས་པ་འདི་འབད་དགོ་ དེ་སྦེ་མ་འབད་བ་ཅིན་ ང་ཁྱོད་སྡོད་སར་འོངས་ཏེ་ གསེར་གྱི་ལ་ཝང་འདི་ དེ་ཁར་ལས་བཏོན་འབག་ནི་ཨིན།

མཐོང་སྣང་ལེའུ་ 3:9

དོན་ལས་རང་ ཡ་ཧུ་ད་པ་མེན་རུང་ཨིན་ཟེར་ ཤོབ་བརྐྱབས་ཏེ་སླབ་མི་བདུད་ སེ་ཏཱན་གྱི་ སི་ན་གོག་ལས་ཨིན་མི་ཚུ་ལུ་ ང་གིས་ཁྱོད་ཀྱི་རྐང་མའི་རྩ་བ་འོངས་ཏེ་ ཕྱག་འཚལ་བཅུག་ནི་ཨིན་ དེ་ལས་ང་གིས་ཁྱོད་ལུ་བྱམས་པ་འབདཝ་ ཁོང་གིས་ཤེས་འོང་།