ཕི་ལི་པི་ལེའུ་ 2:14 - རྫོང་ཁ་

¹⁴ ཁྱེད་ཀྱིས་ལཱ་ག་ཅི་རང་འབད་རུང་ རྩོད་པ་མ་རྐྱབས་ ཉག་ཉོག་མ་བཤད།

ཕི་ལི་པི་ལེའུ་ 2:14 Iomraidhean Croise

མེ་ཐིའུ་ལེའུ་ 20:11

ཁོང་གིས་གླ་ཆ་ཏི་རུ་ དེ་ན་རི་རེ་རེ་ལས་བརྒལ་མ་ཐོབ་ནི་དེ་གིས་ སྦྱིན་བདག་ལུ་ཁ་སྡུག་འབར་ཏེ།

མཱར་ཀུ་ལེའུ་ 14:5

དེ་སྦེ་འཕྲོ་བརླགས་གཏངམ་བ་འདི་ དྲི་བཟང་དེ་ཏི་རུ་ དེ་ན་རི་གསུམ་བརྒྱ་ལུ་བཙོང་སྟེ་ མི་སྤྱང་ཀ་ཚུ་ལུ་གྲོགས་རམ་སྦེ་བྱིན་པ་ཅིན་ འདི་ལེགས་ཤོམ་ཨིན་ཟེར་ ཁོང་གིས་ཨམ་སྲུ་འདི་ལུ་ཚོགས་བརྡ་བཏང་ནུག

མཱར་ཀུ་ལེའུ་ 9:14

ཡེ་ཤུ་དང་ཁོང་སློབ་མ་གསུམ་ སྒང་གུ་ལས་མར་འབབ་སྟེ་ སློབ་མ་གཞན་ཚུ་སྡོད་སར་འབྱོནམ་ད་ མི་ཚོགས་སྦོམ་དང་ བཀའ་ཁྲིམས་ཀྱི་སློབ་དཔོན་ཚུ་གིས་ སློབ་མ་གཞན་ཚུ་བསྐོར་རི་བརྐྱབས་ཏེ་ ཁོང་དང་མཚན་ཉིད་རྐྱབ་སྡོད་ས་གཟིགས་ནུག

ལུ་ཀ་ལེའུ་ 5:30

དེ་ལས་ ཕ་རུ་ཤི་པ་དང་བཀའ་ཁྲིམས་ཀྱི་སློབ་དཔོན་ཚུ་གིས་ ཡེ་ཤུ་གི་སློབ་མ་ཚུ་ལུ་ཁ་སྡུག་འབར་ཏེ་ ཁྱེད་ག་ཅི་འབད་ཁྲལ་བསྡུ་མི་དང་མི་སྡིག་ཅན་ཚུ་དང་གཅིག་ཁར་ཚོགས་བཞེསཔ་སྨོ་ཟེར་སླབ་ནུག

མཛད་པ་ལེའུ་ 15:2

འདི་གི་སྐོར་ལས་ པའུལ་དང་ བཱར་ན་བཱས་ ཁོང་དང་གཅིག་ཁར་རྩོད་པ་གནམ་མེད་ས་མེད་བརྐྱབས་ཏེ་ མ་མཐུནམ་བྱུང་ནུག་ དེ་ལས་མཐའན་མཇུག་ལུ་ ཕར་གྱི་དདཔ་ཅན་ཚུ་གིས་ པའུལ་དང་ བཱར་ན་བཱས་གཉིས་དང་ གཡུས་མཐའ་འཁོར་གྱི་དདཔ་ཅན་ལ་ལུ་ཅིག་ ཡེ་རུ་ཤ་ལེམ་ལུ་ སྐུ་ཚབ་དང་འགོ་འདྲེན་པ་ཚུ་ལུ་ དྲི་བ་འདི་གི་སྐོར་ལས་བསྟུན་གྲོས་རྐྱབ་པ་འགྱོ་ནི་སྦེ་ གྲོས་ཐག་བཅད་ནུག

མཛད་པ་ལེའུ་ 15:39

དེ་ལས་ཁོང་གཉིས་ཀྱི་བར་ན་ མ་འགྲིགསཔ་སྦོམ་བྱུང་སྟེ་ རང་རང་སོ་སོ་ཁ་འབྱལ་སོང་ནུག་ བཱར་ན་བཱས་ཀྱིས་ མཱར་ཀུ་འཁྱིད་དེ་གྲུ་ནང་སོང་སྦེ་ མཚོ་གླིང་ སའིཔ་རཱས་ལུ་སོང་ནུག

མཛད་པ་ལེའུ་ 15:7

དེ་གི་ཤུལ་ལས་ པེ་ཏྲོ་གིས་ཡར་ལོང་སྟེ་ དབའེ་སྤུན་ཆ་ཚུ་ དུས་ཚོད་ཧེ་མ་ལས་རང་ ཕྱིའི་མི་རིགས་ཚུ་ལུ་ང་གིས་གཏམ་བཟང་བཤད་དེ་ ཁོང་གིས་ཉན་ཏེ་དད་པ་བསྐྱེད་འོང་ནི་གི་དོན་ལུ་ དཀོན་མཆོག་གིས་ཁྱེད་ཆ་ཁྱབ་ཀྱི་སྦུག་ལས་ ང་ལུ་བཙག་འཐུ་མཛད་གནང་མི་དེ་ ཁྱེད་ཀྱིས་ཤེས།

མཛད་པ་ལེའུ་ 6:1

འདི་གི་དུས་ལུ་ སློབ་མ་འདི་ཚུ་ཡར་ཡར་རང་གྱངས་ཁ་མངམ་འགྱོ་བའི་སྐབས་ལུ་ གིརིག་གི་ཁ་སླབ་མི་ ཡ་ཧུ་ད་པ་གིས་ ཧིབ་རུ་གི་ཁ་སླབ་མི་ ཡ་ཧུ་ད་པ་འདི་ཚུ་ལུ་ ཉོགས་བཤད་བཀོད་ནུག་ ག་ཅི་སྨོ་ཟེར་བ་ཅིན་ ཉིནམ་རེ་འཆར་གྱི་བཞེས་སྒོ་བགོ་བྱིནམ་ད་ གིརིག་གི་ཁ་སླབ་མི་ ཡ་ཧུ་ད་པ་གི་ཡུགས་ས་མོ་འདི་ཚུ་ལུ་ ལེགས་ཤོམ་མི་འབད་བས་ཟེར་སླབ་ནུག

རོམ་མི་ལེའུ་ 12:18

ཁྱེད་ཀྱིས་འབད་ཚུགས་པ་ཅིན་ ག་དེ་དྲག་དྲག་ མི་ག་ར་དང་འཆམ་མཐུན་ཏེ་སྡོད།

རོམ་མི་ལེའུ་ 14:1

ཁྱེད་ཀྱི་སྦུག་ལུ་དད་པ་ནང་སྒྲིང་སྒྲིང་མེད་མི་ཚུ་ཡོད་རུང་ ཁོང་དང་རྩོད་པ་རྐྱབ་ནི་མི་འོང་ ཁོང་གིས་མནོ་བསམ་གཏང་མི་ལུ་ འཛོལ་བ་ཡོད་རུང་མེད་རུང་ ཁོང་ལུ་སྤུན་ཆ་སྦེ་རྩི་དགོ།

རོམ་མི་ལེའུ་ 16:17

དབའེ་སྤུན་ཆ་ཚུ་ ཁྱེད་ལུ་སྟོན་མི་གཞི་གི་སྐོར་ལས་ དཀྲོགས་ཁ་བརྐྱབས་མི་དང་ བར་ཆད་གཏང་མི་ཚུ་ལུ་ ན་འཐན་སྦེ་བལྟ་ དེ་ལས་ཁྱེད་དེ་ཚུ་ལས་ རང་ས་སྦེ་སྡོད་ཟེར་ ང་ཁྱེད་ལུ་གསོལཝ་བཏབ་དོ།

ཀོ་རཱིན་ཐི་དང་པ་ལེའུ་ 10:10

ང་བཅས་ཀྱིས་ཁ་སྡུག་འབར་ནི་མི་འོང་ ཁོང་གི་གྲལ་ལས་ལ་ལུ་གིས་ཁ་སྡུག་འབརཝ་ལས་ རྩ་མེད་གཏང་མི་ཕོ་ཉ་གིས་ཁོང་བསད་བཏང་ནུག

ཀོ་རཱིན་ཐི་གཉིས་པ་ལེའུ་ 12:20

ད་ ང་འདྲོག་དོ་ ག་ཅི་སྨོ་ཟེར་བ་ཅིན་ ང་ཁྱེད་སྡོད་སར་འོངམ་ད་ ངེ་གི་འདོད་པ་བཞིན་དུ་ ཁྱེད་ཀྱིས་མ་འབད་བར་སྡོད་འོང་ དེ་བཟུམ་སྦེ་ ཁྱེད་ཀྱིས་མནོ་བསམ་གཏང་དོཝ་བཟུམ་སྦེ་ ང་གིས་འབད་མི་ཚུགས་འོང་ ཁྱེད་ཀྱི་སྦུག་ལུ་ ཁ་ཤགས་བརྐྱབ་ནི་ གཅིག་གིས་གཅིག་ལུ་ མིག་ཏོ་ཚ་ནི་དང་ ཙིགཔ་ཟ་སྟེ་ ཕྱོགས་སོ་སོ་སྦེ་ གྱེས་འགྱོ་ནི་ ཁ་གཏང་ནི་ ཡར་ཁ་མར་ཁ་བཀལ་ནི་ ཁམས་བཙོང་ནི་ གཅིག་གིས་གཅིག་ལུ་ གུས་ཞབས་མ་འབད་ནི་ ནང་འཁྲུག་ལང་ནི་ འདི་ཚུ་ག་ར་ཁྱེད་ཀྱི་ནང་ན་བྱུང་མ་བཅུག་ཟེར་མནོ་ཡི།

ག་ལ་ཏི་ལེའུ་ 5:15

དེ་འབདཝ་ད་ གཅིག་གིས་གཅིག་ལུ་འཐབ་འཛིང་འབད་དེ་ཡོད་པ་ཅིན་ གཅིག་གིས་གཅིག་ལུ་མེདཔ་མ་གཏང་ནི་གི་དོན་ལུ་ ཟབ་ཟབ་འབད་དགོ།།

ག་ལ་ཏི་ལེའུ་ 5:26

དེ་ལས་ང་རྒྱལ་ལང་ནི་མི་འོང་ གཅིག་གིས་ཅིག་ལུ་སེམས་དཀྲུགས་ནི་དང་ དོ་འགྲན་ནི་གི་མནོ་བསམ་ཡང་གཏང་ནི་མི་འོང་།།

ཕི་ལི་པི་ལེའུ་ 2:3

ཁྱེད་ཀྱིས་ ག་ཅི་རང་འབད་རུང་ རང་གི་དོན་ལུ་འདོདཔ་བཙོང་ནི་དང་ རང་བསྟོད་རྐྱབ་པའི་ཐོག་ལས་སྦེ་ལཱ་མ་འབད་ དེ་འབདཝ་ད་ རང་ཉམ་ཆུང་འབད་དེ་ གཅིག་གིས་གཅིག་ལུ་ རང་ལས་གཞན་མཐོ་ཤོས་གཅིག་ཨིན་ཟེར་མནོ་དགོ།

ཐེ་ས་ལོ་ནི་ཀ་དང་པ་ལེའུ་ 5:13

ཁོང་ཆ་ཁྱབ་ཀྱིས་ འདི་ཚུ་ག་ར་ ཁྱེད་ཀྱི་དོན་ལུ་འབདཝ་ཨིན་ཟེར་མནོ་སྟེ་ ཁོང་ལུ་བྱམས་པ་གི་ཐོག་ལས་སྦེ་ གུས་ཞབས་ཡང་འབད་དགོ་ དེ་ལས་ད་རུང་ ཁྱེད་རང་ནང་འཁོད་ནང་འཆམ་ཏོག་ཏོ་སྦེ་སྡོད།

ཐེ་ས་ལོ་ནི་ཀ་དང་པ་ལེའུ་ 5:15

ཁྱེད་ཀྱི་སྦུག་ལུ་ ག་གིས་འབད་རུང་ ངན་པ་གི་ཚབ་མ་ལུ་ངན་པ་མ་འབད་ དདཔ་ཅན་འབད་རུང་ མི་གཞན་འབད་རུང་ ག་ར་ལུ་ ཨ་རྟག་རང་ལེགས་ཤོམ་སྦེ་འབད་བྱིན་དགོ།

ཧིབ་རུ་ལེའུ་ 12:14

མི་ག་ར་དང་གཅིག་ཁར་ ག་དེ་དྲག་དྲག་ མཐུན་ལམ་ལེགས་ཤོམ་སྦེ་སྒྲིག་སྟེ་སྡོད་ནི་དང་ དམ་པ་སྦེ་སྡོད་ནིའི་དོན་ལུ་ རྩ་འགེངས་དགོ་ ག་ཅི་སྨོ་ཟེར་བ་ཅིན་ མི་འདི་ གཙངམ་སྦེ་མཛད་དེ་རྩ་ལས་མེད་པ་ཅིན་ ཁོ་གིས་ གཙོ་བོ་དང་མཇལ་མི་ཚུགས།

ཡ་ཀོབ་ལེའུ་ 1:20

ག་ཅི་སྨོ་ཟེར་བ་ཅིན་ མིའི་རང་བཞིན་ནང་ཡོད་མི་ཁོང་ཁྲོ་ལང་ནི་དེ་གིས་ དཀོན་མཆོག་གི་གཟིགས་སར་ ཁོ་རའི་ཐུགས་དང་ལྡན་པའི་ལཱ་ཕྲངམ་འདི་འབད་མི་ཚུགས།

ཡ་ཀོབ་ལེའུ་ 3:14

དེ་འབདཝ་ད་ ཁྱེད་ཀྱིས་རང་འདོད་བསྐྱེད་དེ་ མིག་ཏོ་ཚ་བ་ཅིན་ རང་གིས་རང་ལུ་ཤེས་རབ་ཅན་ཅིག་ཨིན་ཟེར་ རང་བསྟོད་རྐྱབས་ནི་མི་འོང་ དེ་སྦེ་རང་བསྟོད་རྐྱབ་པ་ཅིན་ ཁྱེད་ཤོབ་རྐྱབ་ཨིན།

ཡ་ཀོབ་ལེའུ་ 5:9

སྤུན་ཆ་ཚུ་ ཁྱེད་རང་གཅིག་གིས་གཅིག་ལུ་ སྐྱོན་བཏགས་ཏེ་མ་རྒོལ་བ་ཅིན་ དེ་ལས་དཀོན་མཆོག་གིས་ཁྱེད་ལུ་ཡང་ཁྲིམས་མི་ཕྱེ་ ལྟ་ཤིག་ དྲང་དཔོན་དེ་སྒོ་གི་རྩ་བར་བཞུགས་ཏེ་ཡོད།

པེ་ཏྲོ་དང་པ་ལེའུ་ 3:11

དེ་ལས་ངན་པ་སྤངས་ཏེ་བཟང་པོ་འབད་ གཞན་དང་མཐུན་ལམ་བསྒྲིག་ནི་ལུ་ བརྩོན་ཤུགས་བསྐྱེད་དེ་སྡོད།

པེ་ཏྲོ་དང་པ་ལེའུ་ 4:9

དེ་ལས་ཁྱིམ་ནང་མགྱོནམ་འོངམ་ད་ ཁ་སྡུག་མ་འབར་བར་ དགའ་ཚོར་གྱི་ཐོག་ལས་ བསུ་ལེན་འབད་དགོ།

ཡུ་དཱས་ལེའུ་ 1:16

ཨ་ནི་མི་དེ་ཚུ་ཁ་གདུག་འབར་མི་དང་ རྒྱབ་ཁ་ལས་ཁ་གཏང་མི་ ཁོང་རང་གི་འདོད་པ་བཞིན་དུ་ལཱ་ངན་འབད་མི་ ཁམས་ཆེ་དྲགས་ རང་དོན་སྒྲུབ་པའི་དོན་ལུ་གཞན་ལུ་ཤ་མུ་སྐམ་དྲང་མི་ཚུ་ཨིན།།