ཕི་ལི་པི་ལེའུ་ 2:1 - རྫོང་ཁ་

¹ ཁིརཱིས་ལས་བློ་གི་སྤོབས་པ་ཐོབ་ཐོབ་ཡོད་པ་ཅིན་ ཡང་ན་ཁོ་གི་བྱམས་པ་ལས་ཁྱེད་ཀྱིས་སེམས་གསོ་ཐོབ་ཐོབ་ཡོད་པ་ཅིན་ ཡང་ན་ཐུགས་ཉིད་ནང་ཁྱེད་མཐུན་སྒྲིག་ཡོད་པ་ཅིན་ ཡང་ན་ཁྱེད་ནང་ན་སྙིང་རྗེ་དང་ལེགས་སེམས་བསྐྱེད་དེ་ཡོད་པ་ཅིན།

ཕི་ལི་པི་ལེའུ་ 2:1 Iomraidhean Croise

ལུ་ཀ་ལེའུ་ 2:25

ཡེ་རུ་ཤ་ལེམ་ལུ་ སི་མི་ཨཱོན་ ཆོས་སེམས་ཆེ་ཏོག་ཏོ་དང་ དམ་ཚིག་བསྲུང་མི་ ཨཱིས་ར་ཨཱེལ་གྱི་མི་ཚུ་སེམས་གསོ་འབད་མི་ལུ་ སྒུག་སྡོད་མི་གཅིག་ཡོདཔ་ཨིན་མས་ ཁོ་དམ་པའི་ཐུགས་ཉིད་ཀྱིས་ཁྱབ་སྟེ་སྡོད་ནུག

ཡོ་ཧ་ནཱན་ལེའུ་ 14:18

ང་གིས་ཁྱེད་ལུ་ ཕམ་མེད་པའི་ཨ་ལོ་བཟུམ་སྦེ་ བཀོག་མི་བཞག་ ང་ཁྱེད་སྡོད་ས་ལུ་ལོག་འོང་ནི་ཨིན།

ཡོ་ཧ་ནཱན་ལེའུ་ 14:27

དེ་ལས་ཞི་བདེ་ཁྱེད་ཀྱི་དོན་ལུ་བྱིན་བཞག་ནི་ཨིན་ ང་རའི་ཞི་བདེ་དེ་ཁྱེད་ལུ་བྱིནམ་ཨིན་ ང་གིས་བྱིན་མི་ཞི་བདེ་འདི་ འཛམ་བུ་གླིང་གིས་བྱིན་མི་ཞི་བདེ་དང་མི་འདྲ་ དེ་འབདཝ་ལས་བརྟེན་ཏེ་ ཁྱེད་ཀྱི་སེམས་ཁར་ཚ་གྱང་ལང་སྟེ་འདྲོག་མི་དགོ།

ཡོ་ཧ་ནཱན་ལེའུ་ 17:13

ད་ང་ནཱ་གི་སྐུ་མདུན་ལུ་ལོག་འོང་དོ་ ངེ་གི་དགའ་ཚོར་དེ་ཁོང་ནང་ལུ་ལྟེམ་ལྟེ་སྦེ་གང་བཅུག་ཟེར་མནོ་སྟེ་ ང་འཛམ་གླིང་ནང་ཡོད་པའི་བསྒང་ལས་ཨ་ནི་དེ་ཚུ་ག་ར་ཁོང་ལུ་སླབ་དོ།

མཛད་པ་ལེའུ་ 2:46

ཉིནམ་རེ་འཆར་རང་ ཁོང་ག་ར་སེམས་མཐུན་ཏེ་ མཆོད་ཁང་ནང་མ་ཆད་པར་འཛོམ་དོཝ་ཡོདཔ་ཨིན་མས་ དེ་ལས་རྟག་བུ་རང་ཁྱིམ་གཅིག་ནང་མེན་པར་ སོར་ཡི་སོར་ཡི་རང་འཛོམས་ཏེ་ གཙོ་བོ་ཡེ་ཤུ་གི་དྲན་པའི་ཚོགས་སྟོན་ནང་བཅའ་མར་བཏོགས་ བཞེས་སྒོ་ཟ་སྦེ་ སེམས་ཡིད་རངས་ཏེ་ དགའ་སྤྲོ་འགྱུར་སྡོད་ནུག

མཛད་པ་ལེའུ་ 4:32

དེ་ཁར་དད་པ་བསྐྱེད་མི་ག་ར་སེམས་དང་མནོ་བསམ་གཅིག་སྦེ་མཐུན་ཏེ་ ཁོང་གི་གྲལ་ལས་གཅིག་གིས་ཡང་ རང་གི་རྒྱུ་ཕྱེད་ཀྲམ་ཨིན་ཟེར་མ་སླབ་པར་ ཁོང་ནང་ག་ཡོད་མི་ ག་ར་གཅིག་ཁར་བསྡོམས་ཏེ་སྦུག་ལུ་བཞག་ནུག

རོམ་མི་ལེའུ་ 5:5

དེ་ལས་རེ་བ་བསྐྱེད་མི་འདི་གིས་ བློ་ཕམ་མི་བཅུག་ ག་ཅི་སྨོ་ཟེར་བ་ཅིན་ དཀོན་མཆོག་གིས་དམ་པའི་ཐུགས་ཉིད་ ང་བཅས་ལུ་གནང་བའི་རྒྱུད་ལས་སྦེ་ བྱམས་པ་མ་ལང་ལངམ་སྦེ་ ང་བཅས་ཀྱི་སེམས་ནང་བླུགས་གནང་ཡི།

རོམ་མི་ལེའུ་ 8:26

འདི་བཟུམ་སྦེ་ ང་བཅས་ལུ་ཁེ་རྒོ་མེད་པའི་བསྒང་ལས་ ཚིག་ཡང་སླབ་མ་ཚུགས་མི་སྐད་ཀྱིས་ སྡུག་ནང་འཁུན་ཏེ་ ཐུགས་ཉིད་ཀྱིས་ང་བཅས་ལུ་ཆ་རོགས་འབད་དེ་ ཁོ་རང་གིས་ང་བཅས་ཀྱི་དོན་ལུ་ གསོལཝ་བཏབ་གནངམ་ཨིན་ ག་ཅི་སྨོ་ཟེར་བ་ཅིན་ ང་བཅས་ཀྱིས་སྨོན་ལམ་ག་དེ་སྦེ་བཏབ་དགོ་ག་ མ་ཤེས་པར་སྡོདཔ་ཨིན།

ཀོ་རཱིན་ཐི་དང་པ་ལེའུ་ 12:13

ང་བཅས་ལ་ལུ་ཅིག་ ཡ་ཧུ་ད་པ་ཨིན་ ལ་ལུ་ཕྱིའི་མི་རིགས་ ད་རུང་ལ་ལུ་རྒྱོབོ་རྒྱམོ་དང་ ལ་ལུ་རང་དབང་ཡོད་མི་ཚུ་ཨིན་ དེ་འབདཝ་ད་ ང་བཅས་ག་ར་ཐུགས་ཉིད་གཅིག་ལས་རང་ སྐུ་གཟུགས་གཅིག་བཟོ་ནི་སྦེ་ ཁྲུས་གསོལ་ཞུ་མི་ཚུ་ཨིན་ དེ་འབདཝ་ལས་བརྟེན་ཏེ་ དཀོན་མཆོག་གིས་ང་བཅས་ག་ར་གི་སེམས་ཁར་ཐུགས་ཉིད་འབྱོ་གནང་ཡི།

ཀོ་རཱིན་ཐི་དང་པ་ལེའུ་ 15:31

སྤུན་ཆ་ཚུ་ ཉིནམ་རེ་འཆར་རང་ ང་ཐད་རི་བ་རི་ ཤི་ནི་གི་ཉེན་ཁ་ནང་ཚུད་དོ་ འདི་དང་འདྲཝ་སྦེ་ གཙོ་བོ་ཁིརཱིས་ཡེ་ཤུ་གིས་ཁྱེད་ཀྱི་སྦུག་ལུ་མཛད་མི་ཕྱག་ལཱ་དེ་ལུ་བལྟཝ་ད་ ང་ཐད་རི་བ་རི་ དཔའ་ཡག་སྡོད་ནི་ཐོབ་དོ།

ཀོ་རཱིན་ཐི་དང་པ་ལེའུ་ 3:16

ཁྱེད་ཆ་ཁྱབ་དཀོན་མཆོག་གི་བཞུགས་ཁང་ཨིནམ་ལས་ ཁོ་གི་དམ་པའི་ཐུགས་ཉིད་དེ་ ཁྱེད་ཀྱི་ནང་ན་བཞུགས་ཡོདཔ་ཁྱེད་ཀྱིས་མ་ཤེས་ག།

ཀོ་རཱིན་ཐི་གཉིས་པ་ལེའུ་ 2:14

དེ་འབདཝ་ད་ དཀོན་མཆོག་ལུ་བཀྲིན་ཆེ་ཟེར་ཞུ་ནི་ཨིན་ ག་ཅི་འབད་ཟེར་བ་ཅིན་ ཁིརཱིས་ཀྱི་རྒྱུད་ལས་སྦེ་ ཁོ་གིས་དམག་རྐྱབ་ས་ལས་ རྒྱལ་ཁ་ཐོབ་སྟེ་ལོག་བྱོན་དོཝ་བཟུམ་སྦེ་ ང་བཅས་ཁོ་རའི་བཙོན་པ་སྦེ་འཁྱིད་འབྱོནམ་ཨིན་ དེ་མ་ཚད་ ང་བཅས་ག་ཏེ་རང་འགྱོ་རུང་ ཁོ་གི་གཏམ་བཟང་འདི་ མི་གཞན་ག་ར་གིས་ ཚོར་བའི་དྲི་བཟང་གི་དྲིམ་ཞིམ་ཏོང་ཏོ་ ང་བཅས་ཀྱི་རྒྱུད་ལས་མནམ་བཅུགཔ་ཨིན།

ག་ལ་ཏི་ལེའུ་ 4:6

ད་ང་བཅས་དཀོན་མཆོག་གི་སྲས་དང་སྲསམོ་ལུ་འགྱུར་སོངམ་ལས་ དཀོན་མཆོག་གིས་ཁོ་རང་གི་སྲས་ཀྱི་ཐུགས་ཉིད་དེ་ ང་བཅས་ཀྱི་སེམས་ནང་ལུ་གཏང་གནང་ཡི་ འདི་གིས་དཀོན་མཆོག་ལུ་ ཨབ་བ་ ངེ་གི་ཨ་པ་ཟེར་ཞུ་བཅུགཔ་ཨིན།

ག་ལ་ཏི་ལེའུ་ 5:22

དེ་འབདཝ་ད་ དམ་པའི་ཐུགས་ཉིད་ཀྱི་འབྲས་བུ་འདི་ བྱམས་པ་འབད་ནི་ དགའ་སྤྲོ་བསྐྱེད་ནི་ ཞི་བདེ་མྱོང་ནི་ བཟོད་པ་བསྒོམ་ནི་ སྙིང་རྗེ་བསྐྱེད་ནི་ ལེགས་ཤོམ་འབད་ནི་ ན་འཐན་ཏོག་ཏོ་འབད་ནི།

ཨི་ཕི་སིཔ་ལེའུ་ 4:4

དཀོན་མཆོག་གིས་ཁྱེད་ལུ་ཁོ་རང་གི་མི་སྦེ་བཙག་འཐུ་གནང་སྟེ་ རེ་བ་གཅིག་ཐོབ་དོཝ་བཟུམ་སྦེ་ ང་བཅས་ག་ར་གཟུགས་གཅིག་བཟུམ་སྦེ་སོང་སྟེ་ ཐུགས་ཉིད་གཅིག་ཐོབ་ཨིནམ་མ་ཚད།

ཕི་ལི་པི་ལེའུ་ 1:8

ཁིརཱིས་ཡེ་ཤུ་གིས་ཁྱེད་ལུ་ཐུགས་བརྩེ་བ་ཡོད་དོ་བཟུམ་སྦེ་ ང་ཡང་ཁྱེད་ལུ་བརྩེ་བ་བསྐྱེད་དེ་ཡོདཔ་མ་ཚད་ ང་ཨ་རྟག་རང་ཁྱེད་ལུ་བལྟ་དགོ་མནོ་སྟེ་སྡོདཔ་ཨིན་ དེ་ག་ར་དཀོན་མཆོག་གིས་མཁྱེན།

ཕི་ལི་པི་ལེའུ་ 3:3

ག་ཅི་སྨོ་ཟེར་བ་ཅིན་ ཕྱི་ཁར་ཤ་ལུས་ལུ་ ཡ་ཧུ་ད་པའི་རྟགས་བཀལ་མི་ལུ་ བློ་མ་གཏད་པར་ ང་བཅས་དཀོན་མཆོག་གི་མི་ངོ་མ་ དམ་པའི་ཐུགས་ཉིད་ནང་ དཀོན་མཆོག་གི་ཕྱག་ཞུ་མི་དང་ ཁིརཱིས་ཡེ་ཤུ་ལུ་བློ་གཏད་མི་ཚུ་ཨིན།

ཀོ་ལོ་སི་ལེའུ་ 2:2

ང་གིས་དཀའཝ་སྤྱད་མི་དེ་ ཁྱེད་ཆ་ཁྱབ་ཀྱིས་སྟོབས་ཤུགས་སྦོམ་སྦེ་ཐོབ་ནིའི་དོན་ལུ་ཨིན་ དེ་ག་དེ་འབད་ཟེར་བ་ཅིན་ ཁྱེད་ཀྱིས་བྱམས་པ་གི་སྐོར་ལས་སྦྱོང་བརྡར་ཐོབ་ནི་ཨིནམ་མ་ཚད་ དཀོན་མཆོག་གི་གསང་བ་གི་ཤེས་ཡོན་ ཁིརཱིས་ལུ་ངོ་ཤེས་ནི་དེ་ ཁྱེད་ཆ་ཁྱབ་ཀྱིས་ཏན་ཏན་སྦེ་ཧ་གོ་སྟེ་ ཐད་རི་བ་རི་བློ་ཁོག་སྦོམ་སྦེ་འཐོན་ནི་ཨིན།

ཀོ་ལོ་སི་ལེའུ་ 3:12

དེ་འབདཝ་ལས་ དཀོན་མཆོག་གིས་བཙག་འཐུ་མཛད་གནང་མི་ དམ་པ་དང་བརྩེ་བའི་མི་གཅིག་སྦེ་ རང་གིས་རང་ལུ་སྙིང་རྗེ་དང་ བྱམས་བརྩེ་ ཉམ་ཆུང་ རང་བཞིན་འཇམ་ཏོང་ཏོ་ བཟོད་སེམས་ཀྱིས་གང་སྟེ་སྡོད་དགོ།

ཧིབ་རུ་ལེའུ་ 6:18

དཀོན་མཆོག་གིས་རྫུན་མ་རྩ་ལས་ར་མི་གསུངསམ་ལས་བརྟེན་ ཁོ་གིས་བཞེས་མི་ཁས་བླངས་དང་དབུ་མནའ་གཉིས་ཀུ་ ནམ་ཡང་འགྱུར་བ་མེདཔ་ཨིན་ འདི་གིས་འབད་ ང་བཅས་ཀྱི་གདོང་ལས་ཡོད་མི་རེ་བ་དེ་ལུ་ དད་པ་སྒྲིང་སྒྲིང་སྦེ་བསྐྱེད་དེ་ ང་བཅས་དཀོན་མཆོག་ལུ་སྐྱབས་འཚོལ་ཏེ་འོང་མི་ཆ་ཁྱབ་ཀྱིས་ སེམས་གསོ་དང་སྟོབས་ཤུགས་ཐོབ་ཨིན།

པེ་ཏྲོ་དང་པ་ལེའུ་ 1:2

ཡབ་དཀོན་མཆོག་གིས་ ཁྱེད་ཆ་ཁྱབ་ ཁོ་རའི་མི་སྦེ་ཧེ་མ་ལས་ངོ་མཁྱེནམ་བཞིན་དུ་ དམ་པའི་ཐུགས་ཉིད་ལས་སྦེ་དམ་པ་མཛད་གནང་ཡི་ དེ་གིས་འབད་ ཁྱེད་ཆ་ཁྱབ་ ཡེ་ཤུ་ཁིརཱིས་ཀྱི་བཀའ་ལུ་ཉན་མི་དང་ ཁོ་གི་སྐུ་ཁྲག་རིན་ཆེན་གཏོར་ཏེ་ གཙངམ་མཛད་ཚར་མི་ཚུ་ཨིན། དེ་བ་ཡང་ལྷག་པའི་ ཐུགས་རྗེ་དང་ཞི་བདེ་ ཁྱེད་ལུ་ ཡང་ལས་ཡང་དུ་གནང་བར་ཤོག།

ཡོ་ཧ་ནཱན་དང་པ་ལེའུ་ 3:24

ཁོ་གི་བཀའ་ལུ་ཉན་མི་ ག་ར་ཨིན་རུང་ ཁོ་གི་ནང་ན་གནས་སྡོད་འོང་ དེ་ལས་ཁོ་ཡང་མི་དེ་གི་ནང་ན་བཞུགས་འོང་ ཁོ་ང་བཅས་ཀྱི་ནང་ན་བཞུགས་ཡོད་ཟེར་ ཁོ་གིས་ང་བཅས་ལུ་གནང་མིའི་དམ་པའི་ཐུགས་ཉིད་ཀྱི་ཐོག་ལས་ ང་བཅས་ཀྱིས་ཤེས་ཚུགས།།

ཡོ་ཧ་ནཱན་དང་པ་ལེའུ་ 4:12

མི་ག་གིས་ཡང་ རང་གི་མིག་ཏོ་གིས་དཀོན་མཆོག་མ་མཇལ་ དེ་འབདཝ་ད་ ང་བཅས་རང་གཅིག་གིས་གཅིག་ལུ་ བྱམས་པ་འབད་བ་ཅིན་ དཀོན་མཆོག་ང་བཅས་ཀྱི་ནང་ན་བཞུགས་ཏེ་ ཁོ་གི་བྱམས་པ་དེ་ ང་བཅས་ཀྱི་ནང་ཡོངས་སུ་རྫོགསཔ་སྦེ་གངམ་ཨིན།

ཡོ་ཧ་ནཱན་དང་པ་ལེའུ་ 4:16

དཀོན་མཆོག་གིས་ང་བཅས་ལུ་ག་དེམ་ཅིག་བྱམས་པ་མཛདཔ་ཨིན་ན་ ང་བཅས་ཀྱིས་ཤེསཔ་མ་ཚད་ ང་བཅས་ཁོ་གི་བྱམས་པ་ལུ་ཆ་བཞགཔ་ཨིན་ དཀོན་མཆོག་འདི་བྱམས་པ་ཨིནམ་ལས་ ག་ར་འབད་རུང་ བྱམས་པ་ནང་སྡོད་ཡོད་པ་ཅིན་ ཁོང་དཀོན་མཆོག་ནང་སྡོདཔ་ཨིན་ དེ་ལས་དཀོན་མཆོག་ཡང་ཁོང་གི་ནང་ན་བཞུགསཔ་ཨིན།