ཕི་ལི་པི་ལེའུ་ 1:8 - རྫོང་ཁ་

⁸ ཁིརཱིས་ཡེ་ཤུ་གིས་ཁྱེད་ལུ་ཐུགས་བརྩེ་བ་ཡོད་དོ་བཟུམ་སྦེ་ ང་ཡང་ཁྱེད་ལུ་བརྩེ་བ་བསྐྱེད་དེ་ཡོདཔ་མ་ཚད་ ང་ཨ་རྟག་རང་ཁྱེད་ལུ་བལྟ་དགོ་མནོ་སྟེ་སྡོདཔ་ཨིན་ དེ་ག་ར་དཀོན་མཆོག་གིས་མཁྱེན།

ཕི་ལི་པི་ལེའུ་ 1:8 Iomraidhean Croise

ལུ་ཀ་ལེའུ་ 1:78

ག་ཅི་སྨོ་ཟེར་བ་ཅིན་ ང་བཅས་ཀྱི་དཀོན་མཆོག་དེ་ སྙིང་རྗེ་སྦོམ་བསྐྱེད་མི་གཅིག་ཨིན།

རོམ་མི་ལེའུ་ 1:9

དཀོན་མཆོག་གི་སྲས་ཀྱི་སྐོར་ལས་ གཏམ་བཟང་དེ་གཞན་ལུ་བཤད་པའི་རྒྱུད་ལས་སྦེ་ ངེ་གི་སེམས་ཀྱི་གདིང་ལས་ར་ཕྱག་ཞུ་མི་དཀོན་མཆོག་ལུ་ འཛོམ་དཔང་སྦེ་བཙུགས་ཏེ་ ང་གིས་རྟག་བུ་ར་ཁྱེད་ཀྱི་དོན་ལུ་སྨོན་ལམ་ཞུཝ་ཨིན།

རོམ་མི་ལེའུ་ 9:1

ང་གིས་ཤོབ་མ་རྐྱབ་པར་ཕྲང་སླབ་དོ་ ག་ཅི་སྨོ་ཟེར་བ་ཅིན་ ང་གིས་སླབ་མི་དང་ ཐུགས་ཉིད་ཀྱིས་གསུངས་མི་འདི་ གཅིག་སྦེ་མཐུནམ་ཨིནམ་མ་ཚད་ ང་ཁིརཱིས་ཀྱི་ཨིན།

ཀོ་རཱིན་ཐི་གཉིས་པ་ལེའུ་ 13:9

ང་བཅས་ སྟོབས་ཤུགས་མེད་པར་ཞན་འཁོགས་སྦེ་སྡོདཔ་ད་ ཁྱེད་ཀྱི་སྟོབས་ཤུགས་སྒྲིང་སྒྲིང་སྦེ་འགྱོ་བ་ཅིན་ ང་བཅས་སེམས་དགའཝ་ཨིན་ མ་པ་ཁྱེད་དདཔ་ནང་ཚངམ་སྦེ་ འགྱོ་བཅུག་ཟེར་ ང་བཅས་ཀྱིས་སྨོན་ལམ་ཞུཝ་ཨིན།

ཀོ་རཱིན་ཐི་གཉིས་པ་ལེའུ་ 6:12

ང་བཅས་ཀྱི་སེམས་ཀྱི་སྒོ་ མ་བསྡམས་པར་བཞག་རུང་ ཁྱེད་ཀྱི་སེམས་ཀྱི་སྒོ་འདི་ བསྡམས་བཞག་བཞགཔ་ཨིན་པས།

ཀོ་རཱིན་ཐི་གཉིས་པ་ལེའུ་ 7:15

ད་ཁོ་གིས་སླབ་མི་ལུ་ ཁྱེད་ཆ་ཁྱབ་ཀྱིས་ཉནམ་མ་ཚད་ ཁྱེད་ཀྱིས་ ཁོ་ལུ་ཞེ་ས་འབད་དེ་ བྱོན་པ་ལེགས་སོ་ཞུ་མི་ཚུ་ ཁོ་གི་སེམས་ཁར་དྲནམ་ད་ ཁྱེད་ཀྱི་དོན་ལུ་ ཁོ་གི་བྱམས་བརྩེ་ འདི་བ་ལྷགཔ་སྦོམ་འགྱོཝ་ཨིན་མས།

ག་ལ་ཏི་ལེའུ་ 1:20

(དོན་ལས་རང་ང་གིས་ དཀོན་མཆོག་གི་གཟིགས་སར་ ཤོབ་མ་རྐྱབ་པར་ ཁྱེད་ལུ་བདེན་པ་འདི་འབྲིཝ་ཨིན།)

ག་ལ་ཏི་ལེའུ་ 3:26

ག་ཅི་སྨོ་ཟེར་བ་ཅིན་ ཁྱེད་ག་ར་གིས་ཁིརཱིས་ཡེ་ཤུ་ལུ་དད་པ་བསྐྱེད་ནི་དེ་གིས་ དཀོན་མཆོག་གི་སྲས་དང་སྲསམོ་ཨིན།

ག་ལ་ཏི་ལེའུ་ 4:19

ངེ་གི་ཨ་ལོ་ཚུ་ ཡེ་ཤུ་ཁིརཱིས་ཀྱི་རང་བཞིན་དེ་ ཁྱེད་ཀྱི་ནང་ན་མ་འཁྲུངས་ཚུན་ཚོད་ ཨམ་སྲུ་ཨ་ལོ་སྐྱེསཝ་ད་ ན་ཟུག་རྐྱབ་དོཝ་བཟུམ་སྦེ་ ང་ད་རུང་ཡང་ཁྱེད་ཀྱི་དོན་ལུ་སྡུག་བསྔལ་མྱོང་དགོ།

ཕི་ལི་པི་ལེའུ་ 2:1

ཁིརཱིས་ལས་བློ་གི་སྤོབས་པ་ཐོབ་ཐོབ་ཡོད་པ་ཅིན་ ཡང་ན་ཁོ་གི་བྱམས་པ་ལས་ཁྱེད་ཀྱིས་སེམས་གསོ་ཐོབ་ཐོབ་ཡོད་པ་ཅིན་ ཡང་ན་ཐུགས་ཉིད་ནང་ཁྱེད་མཐུན་སྒྲིག་ཡོད་པ་ཅིན་ ཡང་ན་ཁྱེད་ནང་ན་སྙིང་རྗེ་དང་ལེགས་སེམས་བསྐྱེད་དེ་ཡོད་པ་ཅིན།

ཕི་ལི་པི་ལེའུ་ 2:26

ཁོ་ལུ་ན་ཚ་ཕོག་ཡོད་པའི་གནས་ཚུལ་དེ་ ཁྱེད་ཀྱིས་རྣ་བ་གོ་ནི་འདི་གིས་ ཁོ་ཁྱེད་ཀྱི་དོན་ལུ་ཚ་གྱང་ལངས་ཏེ་ ཁྱེད་ག་ར་དང་མཉམ་གཅིག་ ཁ་འཕྱད་པ་འོང་ནི་གི་རེ་བ་སྦོམ་བསྐྱེད་དེ་ཡོདཔ་ཨིན་མས།

ཕི་ལི་པི་ལེའུ་ 4:1

ངེའི་བྱམས་པའི་སྤུན་ཆ་ཚུ་ ང་གིས་ཁྱེད་ལུ་ཕངས་སེམས་བསྐྱེད་དེ་ ཁྱེད་དང་འཕྱད་དགོ་མནོ་བའི་སེམས་ཡོད་ ཁྱེད་ངེ་གི་དགའ་ཚོར་དང་ ང་གིས་དཀའཝ་སྤྱད་པའི་གསོལ་རས་ཨིན་ ངེའི་བྱམས་པའི་སྤུན་ཆ་ཚུ་ ང་གིས་ཁྱེད་ལུ་སྟོན་དོཝ་བཟུམ་སྦེ་རང་ གཙོ་བོ་ནང་དད་པ་སྒྲིང་སྒྲིང་བསྐྱེད་སྡོད།།

ཀོ་ལོ་སི་ལེའུ་ 2:1

ང་ཁྱེད་ཆ་ཁྱབ་དང་ ཁྲོམ་ ལེའོ་དེ་ཀི་ཡ་ནང་སྡོད་མི་ཚུ་ དེ་ལས་ང་ལུ་ནམ་ཡང་མ་མཐོང་མི་ཚུ་གི་དོན་ལུ་ ང་གིས་ག་དེམ་ཅིག་དཀའཝ་སྤྱད་དེ་ ལཱ་འབད་ཡི་ག་ དེ་ཁྱེད་ལུ་ཤེས་བཅུག་དགོ་མནོ་བའི་འདོད་པ་ཡོད།

ཀོ་ལོ་སི་ལེའུ་ 3:12

དེ་འབདཝ་ལས་ དཀོན་མཆོག་གིས་བཙག་འཐུ་མཛད་གནང་མི་ དམ་པ་དང་བརྩེ་བའི་མི་གཅིག་སྦེ་ རང་གིས་རང་ལུ་སྙིང་རྗེ་དང་ བྱམས་བརྩེ་ ཉམ་ཆུང་ རང་བཞིན་འཇམ་ཏོང་ཏོ་ བཟོད་སེམས་ཀྱིས་གང་སྟེ་སྡོད་དགོ།

ཐེ་ས་ལོ་ནི་ཀ་དང་པ་ལེའུ་ 2:5

ཁྱེད་ཀྱིས་ཐད་རི་བ་རི་ཤེས་ ང་བཅས་ཁྱེད་ལུ་ངོ་དྲིན་བཀལ་ནིའི་དོན་ལུ་འོངམ་མེན་ ང་བཅས་རྒྱུ་ནོར་ཐོབ་པའི་རེ་བ་ལུ་ཡང་འོངམ་མེན་ དཀོན་མཆོག་གིས་ང་བཅས་ཀྱི་བློའི་འདོད་པ་མཁྱེན།

ཐེ་ས་ལོ་ནི་ཀ་དང་པ་ལེའུ་ 2:8

ཁྱེད་ལུ་དཀོན་མཆོག་གི་གཏམ་བཟང་བཤད་ནི་ རྐྱངམ་གཅིག་མེན་པར་ ང་བཅས་ཀྱི་ཚེ་སྲོག་ཡང་ དགའ་སྤྲོ་གི་ཐོག་ལས་ བྱིན་ནིའི་དོན་ལུ་གྲ་སྒྲིག་སྦེ་སྡོད་ཅི་ ག་ཅི་སྨོ་ཟེར་བ་ཅིན་ ང་བཅས་ཀྱི་དོན་ལུ་ཁྱེད་ གཅེས་པའི་སྤུན་སྦེ་བྱུང་ཡི།

ཏི་མོ་ཐི་གཉིས་པ་ལེའུ་ 1:4

ཁྱོད་ཀྱི་མིག་ལས་འཛག་མི་མིག་ཆུ་དེ་ ད་ལྟོ་ཚུན་ཚོད་ཡང་ ང་གིས་སེམས་ཁར་དྲན་ཏེ་རང་ཡོད་ དེ་སྦེ་འབད་ནི་འདི་གིས་ ངེ་གི་སེམས་ཁར་དགའ་ཚོར་ཐོབ་ནིའི་དོན་ལུ་ ཁྱོད་དང་གནམ་མེད་ས་མེད་འཕྱད་དགོ་མནོ་ཡི།

ཕི་ལེ་མཱོན་ལེའུ་ 1:12

ད་ང་གིས་ ངེ་གི་ཧིང་དང་འདྲ་བའི་བུ་ ཨོ་ནི་སི་མཱས་ ཁྱོད་སྡོད་ས་གཏང་དོ།

ཕི་ལེ་མཱོན་ལེའུ་ 1:20

དབའེ་ནུ་གཅུང་ ང་བཅས་གཉིས་ཆ་རང་ གཙོ་བོ་གི་ཨིནམ་ལས་ ང་ལུ་རོགས་རམ་འབད་གནང་ ཁིརཱིས་ནང་ངེ་གི་སེམས་ཧིང་སང་ས་འགྱོ་བཅུག

ཡོ་ཧ་ནཱན་དང་པ་ལེའུ་ 3:17

ག་དེམ་ཅིག་སྦེ་ ག་ར་ཨིན་རུང་ མི་གཅིག་ལུ་རྒྱུ་ཅ་ལ་ཡོད་དེ་ སྤུན་ཆ་གཅིག་ལུ་ཁག་ཆེཝ་མཐོང་སྟེ་ ཆ་རོགས་མ་འབད་བ་ཅིན་ མི་དེ་གི་ནང་ དཀོན་མཆོག་གི་བྱམས་པ་ག་དེ་སྦེ་འོང་ནི་སྨོ།