ཕི་ལི་པི་ལེའུ་ 1:7 - རྫོང་ཁ་

⁷ ང་ཁྱེད་ལུ་སེམས་ཀྱི་གདིང་ལས་རང་དགའ་ནི་འདི་གིས་ ཁྱེད་ག་ར་ལས་སྦེ་དགའ་སྤྲོ་འགྱུར་ནི་དེ་ཀྲིག་ཀྲི་རང་ཨིན་ ག་ཅི་སྨོ་ཟེར་བ་ཅིན་ ང་བཙོན་ནང་སྡོད་རུང་རང་ ཡང་ན་ཕྱི་ཁ་སྡོད་དེ་ གཏམ་བཟང་གི་སྐོར་ལས་བདེན་ཁུངས་བཀལ་རུང་རང་ དཀོན་མཆོག་གིས་ང་བཅས་ལུ་གནང་མི་ལཱ་ནང་ ཁྱེད་ཀྱིས་ང་ལུ་ཆ་རོགས་འབད་བྱིན་ཡི།

ཕི་ལི་པི་ལེའུ་ 1:7 Iomraidhean Croise

མཛད་པ་ལེའུ་ 20:23

ང་གིས་ཤེས་མི་དེ་ དམ་པའི་ཐུགས་ཉིད་ཀྱིས་ ང་འགྱོ་སའི་ཁྲོམ་ཡོད་རེ་ཡོད་ཚད་ནང་ལྷོདཔ་ད་ བཙོན་ཁང་ནང་བཙུགས་ནི་དང་ སྡུག་བསྔལ་དེ་ཚུ་གིས་ང་ལུ་སྒུག་སྟེ་ཡོད་ཟེར་མི་རྐྱངམ་གཅིག་ཤེས།

མཛད་པ་ལེའུ་ 21:33

དམག་དཔོན་གྱིས་ པའུལ་གྱི་སྦོ་ལོགས་ཁར་བྱོན་སྦེ་ ཁོ་འཛིན་བཟུང་འབད་དེ་ ལྕགས་ཐག་གཉིས་ཀྱིས་བསྡམ་ཟེར་བཀའ་གནང་ནུག་ དེ་ལས་ཁོ་གིས་མི་དམངས་ལུ་ ཨ་ནི་མི་འདི་ ག་ཟེར་མི་དེ་སྨོ་ ཁོ་གིས་འཛོལ་བ་ག་ཅི་འབད་དཔ་ཡོདཔ་སྨོ་ཟེར་གསུངས་ནུག

ཀོ་རཱིན་ཐི་དང་པ་ལེའུ་ 13:7

བྱམས་པ་གིས་བཟོད་པ་སྒོམ་ཚུགས་ ག་ར་ལུ་བློ་གཏད་ཚུགས་ རེ་བ་ཡང་སྐྱེད་ཚུགས་ ཡུན་རིངམ་སྦེ་ཐུབ།

ཀོ་རཱིན་ཐི་དང་པ་ལེའུ་ 9:23

ང་དེ་ཚུ་ག་ར་གཏམ་བཟང་ཁྱབ་བསྒྲགས་འབད་བའི་དོན་ལུ་ རྩ་འགེངས་ཏེ་འབད་ཡི་ ག་ཅི་སྨོ་ཟེར་བ་ཅིན་ ང་ཡང་གཏམ་བཟང་གི་བྱིན་རླབས་ནང་བཅའ་མར་གཏོགས་ནིའི་དོན་ལུ་ཨིན།

ཀོ་རཱིན་ཐི་གཉིས་པ་ལེའུ་ 3:2

དེ་སྦེ་མེན་ ང་བཅས་ལུ་དགོ་པའི་རྒྱབ་སྐྱོར་ཡི་གུ་འདི་ ཁྱེད་ཆ་ཁྱབ་ཨིན་ ང་བཅས་ཀྱི་ལཱ་བཟང་པོ་ ཁྱེད་ཀྱི་སྦུག་ལུ་འབད་དེ་ཡོད་མི་ མི་ག་ར་གིས་ལྷག་སྟེ་ ཤེས་ཚུགས་མི་ ཁྱེད་ཀྱི་མི་ཚེ་གསརཔ་དེ་ ང་བཅས་ཀྱི་སེམས་ཁར་བྲིས་ཏེ་རང་ཡོད།

ཀོ་རཱིན་ཐི་གཉིས་པ་ལེའུ་ 7:3

དེ་སྦེ་སླབ་ད་ ང་གིས་ཁྱེད་ལུ་ ཉེས་ཆད་བཀལ་ནི་གི་དོན་ལུ་སླབ་མེན་ ག་ཅི་སྨོ་ཟེར་བ་ཅིན་ ང་བཅས་ཀྱི་སེམས་ཁར་ ཁྱེད་ཡོདཔ་མ་ཚད་ ང་བཅས་ཤི་རུང་ གསོན་པོ་སྦེ་སྡོད་རུང་ ཁྱེད་དང་གཅིག་ཁར་སྡོད་འོང་ཟེར་ ང་གིས་ཧེ་མ་ལས་རང་སླབ་ཅི།

ག་ལ་ཏི་ལེའུ་ 5:6

ག་ཅི་སྨོ་ཟེར་བ་ཅིན་ ང་བཅས་ཁིརཱིས་ཡེ་ཤུ་གི་ཨིན་མི་ཆ་ཁྱབ་ཀྱི་དོན་ལུ་ ཡ་ཧུ་ད་པའི་ལུགས་སྲོལ་བཞིན་དུ་ ལུས་ལུ་རྟགས་བཀལ་ནི་དང་མ་བཀལ་ནི་གི་དབྱེ་བ་མེད་ ཁག་ཆེ་ཤོས་འདི་ བྱམས་པ་འབད་བའི་སྒོ་ལས་ དད་པ་ཕྱི་བཏོན་དགོ་མི་དེ་ཨིན།

ཨི་ཕི་སིཔ་ལེའུ་ 3:1

དེ་འབདཝ་ལས་ ཁིརཱིས་ཡེ་ཤུ་གི་ཐོག་ལས་སྦེ་ ཁྱེད་ ཕྱིའི་མི་རིགས་ཚུ་ལུ་ གཏམ་བཟང་བཤད་ནི་འདི་གིས་ ང་ པའུལ་བཙོན་པ་སྦེ་སྡོདཔ་ཨིན།

ཨི་ཕི་སིཔ་ལེའུ་ 4:1

དེ་འབདཝ་ལས་ དཀོན་མཆོག་གིས་ཁྱེད་ལུ་ག་ཅི་འབད་བཙག་འཐུ་གནང་གནངམ་ཨིན་ན་ འདི་ལུ་ཁྱེད་ཀྱིས་འོས་འབབ་ཡོདཔ་སྦེ་སྡོད་ཟེར་ ང་གཙོ་བོ་གི་དོན་ལུ་བཙོན་པ་གཅིག་གིས་ ཁྱེད་ལུ་གསོལཝ་བཏབ་ཨིན།

ཨི་ཕི་སིཔ་ལེའུ་ 6:20

འདི་གི་དོན་ལུ་རང་ ང་བཙོན་ནང་ཚུད་ཡོད་མི་སྐུ་ཚབ་གཅིག་ཨིན་ ང་གིས་ག་ཅི་བཤད་དགོཔ་ཨིན་ན་ འདི་ནང་ང་གིས་མ་འདྲོག་པར་ གཏམ་བཟང་བཤད་ནི་མ་བཞག་པར་ འཕྲོ་མཐུད་དེ་རང་བཤད་ཚུགས་ནིའི་དོན་ལུ་ སྨོན་ལམ་ཞུ།།

ཕི་ལི་པི་ལེའུ་ 1:12

ངེ་གི་སྤུན་ཆ་ཚུ་ ང་ལུ་བྱུང་སྟེ་ཡོད་མི་ཚུ་གིས་ གཏམ་བཟང་བཤད་ནི་ནང་ལུ་ ཕན་པ་ལེ་ཤ་ཐོབ་ཡོདཔ་ ཁྱེད་ཆ་ཁྱབ་ལུ་ཤེས་བཅུག་དགོ་མནོ་ཡི།

ཕི་ལི་པི་ལེའུ་ 1:13

ག་ཅི་སྨོ་ཟེར་བ་ཅིན་ ང་བཙོན་ནང་ཚུད་དགོ་པའི་དོན་དག་དེ་ ཁིརཱིས་ཀྱི་དོན་ལས་ཨིན་ཟེར་ ནཱ་གི་མི་ཚུ་ག་ར་དང་ རྒྱལཔོ་ ཀེ་སཱར་གྱི་ཕོ་བྲང་ནང་གི་སྲུང་རྒྱབ་དེ་ཚུ་གིས་ཤེས།

ཕི་ལི་པི་ལེའུ་ 1:14

ང་བཙོན་ནང་ཚུད་པའི་ཐོག་ལས་སྦེ་ ནཱ་ལུ་གཙོ་བོ་ནང་ཡོད་མི་དདཔ་ཅན་སྤུན་ཆ་ལེ་ཤ་ཅིག་གིས་ དཀོན་མཆོག་གི་གསུང་བཤད་ནི་ལུ་ མ་འདྲོག་པར་བློ་ཁོག་སྦོམ་འགྱུར་སོང་ནུག

ཕི་ལི་པི་ལེའུ་ 1:5

ག་ཅི་སྨོ་ཟེར་བ་ཅིན་ ཁྱེད་ཀྱིས་གཏམ་བཟང་གོ་སྟེ་ དད་པ་བསྐྱེད་པའི་ཉིནམ་འདི་ལས་འགོ་བཙུགས་ཏེ་ ད་ལྟོ་ཚུན་ཚོད་ཀྱི་བར་ན་ གཏམ་བཟང་བཤད་ནི་ལུ་ཆ་རོགས་འབད་བྱིན་ཡི།

ཕི་ལི་པི་ལེའུ་ 2:22

ཏི་མོ་ཐི་དེ་ མི་ག་བཟུམ་ཅིག་ཨིན་ན་ འདི་ཁྱེད་ཀྱིས་ཤེས་ ཁོ་གིས་ བུ་གིས་རང་གི་ཨ་པ་གི་དོན་ལུ་ལཱ་འབད་དོཝ་བཟུམ་སྦེ་ ང་དང་མཉམ་གཅིག་གཏམ་བཟང་བཤད་ནི་གི་ལཱ་འབད་ཡི།

ཕི་ལི་པི་ལེའུ་ 4:14

ཨིན་ཏེ་འབད་རུང་ ང་དཀའ་ངལ་ཐོབ་པའི་དུས་ལུ་ ཁྱེད་ཀྱིས་ཕན་བཏགས་བྱིན་ནི་འདི་གིས་ ལེགས་ཤོམ་སོང་ཡི།

ཕི་ལི་པི་ལེའུ་ 4:15

འགོ་དང་པ་ཁྱེད་ལུ་ གཏམ་བཟང་བཤད་པ་འོངས་པའི་སྐབས་ལུ་ ང་ལུང་ཕྱོགས་ མ་ཀེ་དོ་ནི་ཡ་ལས་འགྱོཝ་ད་ རོགས་རམ་འབད་དེ་བྱིན་མི་འདི་ ཁྱེད་ ཕི་ལི་པིཔ་ཆ་ཁྱབ་རྐྱངམ་གཅིག་ཨིན་ ཆོས་ཚོགས་གཞན་ ག་གིས་ཡང་ ང་ལུ་ཕན་བཏགས་མ་བྱིན་ཟེར་ཁྱེད་རང་གིས་ཤེས།

ཕི་ལི་པི་ལེའུ་ 4:3

ང་དང་གཅིག་ཁར་ ན་འཐན་ཏོག་ཏོ་སྦེ་ལཱ་འབད་མི་ཁྱོད་ལུ་ཡང་ ཨ་ནི་ཨམ་ཚུ་ལུ་ འཆམ་ཁ་བཟོ་བྱིན་ཟེར་ ང་གིས་གསོལཝ་བཏབ་ཨིན་ ག་ཅི་སྨོ་ཟེར་བ་ཅིན་ ཁོང་གཉིས་ཀྱིས་ ཀེལེ་མཱེན་དང་ ངེ་གི་ལཱ་རོགས་གཞན་ཚུ་དང་མཉམ་ གཏམ་བཟང་བཤད་ནི་ནང་ ང་དང་གཅིག་ཁར་དཀའཝ་སྤྱད་ཅི་ ཁོང་གི་མིང་ ཚེའི་དེབ་ནང་བྲིས་ཏེ་ཡོད།

ཀོ་ལོ་སི་ལེའུ་ 4:18

ལེགས་སྨོན་ཞུ་བ་འདི་ པའུལ་ང་རའི་ལགཔ་གིས་འབྲི་དོ་ ང་བཙོན་ཁང་ནང་ཡོད་མི་དེ་བརྗེད་མ་སོང་ ཁྱེད་ལུ་ཐུགས་རྗེ་འབབ་པར་ཤོག། །།

ཀོ་ལོ་སི་ལེའུ་ 4:3

ང་བཅས་ཀྱིས་ཁིརཱིས་ཀྱི་གསང་བ་ལུ་ཁྱབ་སྒྲགས་འབད་དེ་ ཁིརཱིས་ཀྱི་སྐོར་ལས་གཏམ་བཟང་བཤད་ནི་གི་དོན་ལུ་ དཀོན་མཆོག་གིས་སྒོ་གཅིག་ཕྱེ་གནང་ཟེར་ ང་བཅས་ཀྱི་དོན་ལུ་ཡང་སྨོན་ལམ་ཞུ་གནང་ གཏམ་བཟང་གིས་འབད་དེ་ ང་བཙོན་ཁང་ནང་ཚུད་ཡོདཔ་ཨིན།

ཐེ་ས་ལོ་ནི་ཀ་དང་པ་ལེའུ་ 5:5

ག་ཅི་སྨོ་ཟེར་བ་ཅིན་ ཁྱེད་འོད་ཀྱི་ཨ་ལོ་དང་ ཉིན་མ་ལཱ་འབད་མི་ཚུ་ཨིན་ ང་བཅས་ཆ་ཁྱབ་གནག་དུང་དུ་ནང་ ལཱ་འབད་མི་དང་ནུབ་མོ་གི་ཨ་ལོ་མེན།

ཏི་མོ་ཐི་གཉིས་པ་ལེའུ་ 1:8

དེ་འབདཝ་ལས་ང་བཅས་ཀྱི་གཙོ་བོ་གི་སྐོར་ལས་ གཞན་ལུ་བཤད་ནི་ལུ་འདྲོག་མི་དགོ་ དེ་མ་ཚད་ ང་གཙོ་བོ་གི་དོན་ལུ་བཙོན་པ་ཨིན་མི་ལུ་བལྟ་སྟེ་ཡང་ ངོ་ཚ་སྟེ་མ་སྡོད་ འདི་གི་ཚབ་ལུ་ དཀོན་མཆོག་གི་གནང་མི་དབང་ལུ་བློ་གཏད་དེ་ ང་དང་གཅིག་ཁར་གཏམ་བཟང་གི་དོན་ལུ་ དཀའ་ངལ་འབག་ནི་ནང་ ང་དང་བཅིག་ཁར་བཅའ་མར་གཏོགས།།

ཏི་མོ་ཐི་གཉིས་པ་ལེའུ་ 2:9

ཨ་ནི་གཏམ་བཟང་གི་དོན་ལུ་ ང་གིས་སྡུག་བསྔལ་མྱོང་སྟེ་མི་ཉེས་པ་ཅན་ལུ་འབད་དོཝ་བཟུམ་སྦེ་ ང་ལུ་ལྕགས་ཐག་གིས་བཅིངས་ཏེ་བཞག་ཅི་ དེ་འབདཝ་ད་ ང་ལུ་ལྕགས་ཐག་གིས་བཅིངས་བཞག་དོཝ་བཟུམ་སྦེ་ དཀོན་མཆོག་གི་གསུང་དེ་ལུ་བཅིང་བཞག་མི་ཚུགས།

ཕི་ལེ་མཱོན་ལེའུ་ 1:13

གཏམ་བཟང་གི་ཞོར་ཁར་ལས་སྦེ་ ང་བཙོན་ནང་སྡོད་ཡོདཔ་བར་ན་ ཁོ་ང་དང་གཅིག་ཁར་ ཁྱོད་ཀྱི་ཚབ་མ་སྦེ་ ང་ལུ་ཆ་རོགས་འབད་མི་སྦེ་བཞག་དགོ་མནོ་ཡི།

ཧིབ་རུ་ལེའུ་ 3:1

དེ་འབདཝ་ལས་བརྟེན་ཏེ་ ཁྱེད་ཆ་ཁྱབ་ དཀོན་མཆོག་གིས་ཞིང་ཁམས་ལུ་འབོ་མི་གྲངས་སུ་ བཅའ་མར་གཏོགས་མི་དམ་པའི་སྤུན་ཆ་ཚུ་གིས་ སྐུ་ཚབ་དང་མཁན་ཆེན་ཨིན་མི་ ང་བཅས་ཀྱིས་འཛོམ་དཔང་འབད་མིའི་ཡེ་ཤུ་དེ་གི་སྐོར་ལས་ མནོ་བསམ་གཏང་དགོ།

པེ་ཏྲོ་དང་པ་ལེའུ་ 4:13

ཨིན་རུང་ དེ་ལུ་དགའ་སྤྲོ་འགྱུར་ ག་ཅི་སྨོ་ཟེར་བ་ཅིན་ ཁྱེད་ཀྱིས་ཁིརཱིས་ཀྱི་དཀའ་ངལ་མྱོང་མིའི་ནང་ བཅའ་མར་གཏོགསཔ་ཨིན་ དེ་ལས་དུས་མཐའན་མཇུག་ལུ་ ཁོ་གི་གཟི་བརྗིད་འདི་ ཕྱི་ཁར་ཐོནམ་ད་ ཁྱེད་དེ་ལས་ཡང་ལྷག་པའི་དགའ་སྤྲོ་འགྱུར་འོང་།

པེ་ཏྲོ་དང་པ་ལེའུ་ 5:1

ང་གིས་ཁྱེད་དདཔ་ཅན་ནང་གི་འགོ་འདྲེན་འཐབ་མི་ཚུ་ལུ་ གཅིག་སླབ་ནི་ཨིན་ ང་རང་ཡང་ཁྱེད་བཟུམ་སྦེ་ འགོ་འདྲེན་འཐབ་མི་གཅིག་ཨིནམ་མ་ཚད་ ཁིརཱིས་སྡུག་བསྔལ་བཞེས་པའི་སྐབས་ ང་ཡང་དེ་གི་འཛོམ་དཔང་སྦེ་ཡོདཔ་ཨིན་ དེ་ལས་ཁོ་ལོག་བྱོན་ཏེ་ ཁོ་གི་གཟི་བརྗིད་འདི་ཕྱི་ཁར་ཐོནམ་ད་ ང་ཡང་དེ་ལས་བགོ་བཤའ་ཐོབ་མི་གཅིག་ཨིན་ ད་ཁྱེད་ལུ་དྲན་བསྐུལ་གཅིག་སླབ་ནི་ཨིན།

པེ་ཏྲོ་གཉིས་པ་ལེའུ་ 1:13

ང་རང་ཨ་ནི་ལུས་ཀྱི་ཕུང་པོ་དེ་ནང་ སྡོད་པའི་རིང་ལུ་ ཨ་ནི་ལོ་རྒྱུས་དེ་ཚུ་གི་སྐོར་ལས་ ཁྱེད་ཀྱི་སེམས་ཁར་དྲན་བསྐུལ་འབད་ནི་འདི་ ཀྲིག་ཀྲི་ཨིན་ཟེར་ ང་རང་གིས་མནོ་བསམ་གཏངམ་ཨིན།

ཡོ་ཧ་ནཱན་དང་པ་ལེའུ་ 3:14

ང་བཅས་སྤུན་ཆ་ཚུ་ལུ་བྱམས་པ་འབདཝ་ལས་བརྟེན་ཏེ་ ཤི་ས་ལས་ཐར་ཏེ་ མཐའ་མེད་པའི་ཚེ་ཐོབ་སྟེ་ཡོད་ཟེར་ ང་བཅས་ཀྱིས་ཤེས་ ག་ར་ཨིན་རུང་ བྱམས་པ་མེད་མི་དེ་ འཆི་བ་ནང་རང་སྡོདཔ་ཨིན།