ཕི་ལི་པི་ལེའུ་ 1:6 - རྫོང་ཁ་

⁶ དཀོན་མཆོག་གིས་ཁྱེད་ཀྱི་མི་ཚེ་ནང་ལུ་ ཕྱག་ལཱ་ལེགས་ཤོམ་འགོ་བཙུགས་མཛད་མི་དེ་ མ་ཚརཝ་བར་ན་ གཙོ་བོ་ཡེ་ཤུ་ཁིརཱིས་འབྱོན་ནི་གི་ཉིནམ་ཚུན་ཚོད་ འཕྲོ་མཐུད་དེ་རང་མཛད་གནང་འོང་ཟེར་ང་གིས་ཏན་ཏན་ཤེས།

ཕི་ལི་པི་ལེའུ་ 1:6 Iomraidhean Croise

ཡོ་ཧ་ནཱན་ལེའུ་ 6:29

ཡེ་ཤུ་གིས་ཁོང་ལུ་ དཀོན་མཆོག་གིས་བཏང་གནང་མི་དེ་ལུ་དད་པ་བསྐྱེད་ནི་དེ་རང་ ཁོ་གི་ཕྱག་ལཱ་སྒྲུབ་ནི་ཨིན་ཟེར་གསུངས་ནུག

མཛད་པ་ལེའུ་ 11:18

དེ་གི་ལོ་རྒྱུས་གོ་བའི་བསྒང་ལས་ ཁོང་ཆ་ཁྱབ་ཡང་རྩོད་པ་བརྐྱབ་ནི་བཞག་སྟེ་ ད་དཀོན་མཆོག་གིས་ ཁོང་ཕྱིའི་མི་རིགས་ཚུ་ལུ་ཡང་སྡིག་པ་ལས་སེམས་འགྱུར་ཏེ་ ཚེ་མཐའ་མེདཔ་ཐོབ་ནི་གི་གོ་སྐབས་གནངམ་ཨིན་མས་ཟེར་ དཀོན་མཆོག་ལུ་བསྟོད་པ་ཕུལ་ནུག།

མཛད་པ་ལེའུ་ 16:14

དེ་ཁར་ ཐི་ཨ་ཏེ་ར་གི་ཁྲོམ་ཁ་ལས་ཨིན་མི་ཨམ་སྲུ་ ལི་དི་ཡཱ་ཟེར་མི་གཅིག་ཡོདཔ་མས་ མོ་རིན་གོང་སྦོམ་འབད་མི་བགོ་ལ་རྒྱ་སྨུག་གི་ཚོང་རྐྱབ་མི་གཅིག་ཨིན་མས་ མོ་ཕྱིའི་མི་རིགས་གཅིག་ཨིན་རུང་ དཀོན་མཆོག་ལུ་གསོལཝ་བཏབ་མི་གཅིག་ཨིན་མས་ མོ་གིས་ང་བཅས་ཀྱིས་བཤད་མིའི་ཆོས་ ཉན་སྡོདཔ་ད་ གཙོ་བོ་དཀོན་མཆོག་གིས་མོ་གི་སེམས་སྒོ་ཕྱེ་གནང་སྟེ་ པའུལ་གྱིས་བཤད་མི་ཆོས་ལུ་ཆ་བཞག་སྟེ་དད་པ་བསྐྱེད་ཅི།

ཀོ་རཱིན་ཐི་དང་པ་ལེའུ་ 1:8

གཙོ་བོ་ཡེ་ཤུ་ཁིརཱིས་ལོག་མ་འབྱོན་པའི་ཉིནམ་ཚུན་ཚོད་ ཁྱེད་སྐྱོན་དང་འཛོལ་བ་ག་ནི་ཡང་མེད་པར་ མཐའན་མཇུག་ཚུན་ཚོད་རང་ སྒྲིང་སྒྲིང་སྦེ་བཟོ་སྟེ་བཞག་གནང་འོང་།

ཀོ་རཱིན་ཐི་གཉིས་པ་ལེའུ་ 1:15

ང་བཅས་ཀྱི་སྦུག་ལུ་མཐུན་ལམ་ལེགས་ཤོམ་ཡོདཔ་ལས་བརྟེན་ཏེ་ ཁྱེད་ཆ་ཁྱབ་བྱིན་རླབས་ལོག་བཏབ་སྦེ་ཐོབ་གེ་ཟེར་མནོ་སྟེ་ ང་གིས་ འགོ་དང་པ་རང་ཁྱེད་སྡོད་སར་ཚར་གཉིས་འོང་ནིའི་འཆར་གཞི་བརྩམས་ཡི།

ཀོ་རཱིན་ཐི་གཉིས་པ་ལེའུ་ 2:3

དེ་འབདཝ་ལས་ ང་ལུ་དགའ་སྤྲོ་བྱུང་བཅུག་མི་ཚུ་གི་ཚབ་མ་ལུ་ སེམས་སྐྱོ་བའི་གཞི་གཅིག་རང་འོང་ནི་ཨིན་པ་ཅིན་ ང་ཁྱེད་སྡོད་སར་མི་འོང་ཟེར་ ཧེ་མ་གི་ཡི་གུ་འདི་ནང་ བྲིས་བྲིསཝ་ཨིན་ དོན་ལས་རང་ ང་གིས་ཁྱེད་ལུ་བློ་གཏད་དེ་སྡོད་ཅི་ ང་ལུ་དགའ་སྤྲོ་བྱུང་བཅུག་མི་རྒྱུ་མཚན་དེ་ ཁྱེད་ཀྱི་དགའ་སྤྲོ་ཡང་ཨིན་ཟེར་ ཁྱེད་ཀྱིས་ཤེས་འོང་།

ཀོ་རཱིན་ཐི་གཉིས་པ་ལེའུ་ 7:16

དེ་ལས་ང་རང་ཡང་ ཁྱེད་ལུ་བློ་གཏད་ཚུགས་ནི་འདི་གིས་ ང་གནམ་མེད་ས་མེད་སེམས་དགའ་ཡི།།

ཀོ་རཱིན་ཐི་གཉིས་པ་ལེའུ་ 9:4

ག་དེམ་ཅིག་སྦེ་ མ་ཀེ་དོ་ནི་ཡ་གི་མི་དེ་ཚུ་ ང་དང་མཉམ་གཅིག་འོངས་ཏེ་ ཁྱེད་ཀྱིས་ཆ་རོགས་འབད་ནི་ལུ་ གྲ་སྒྲིག་མེདཔ་མཐོང་པ་ཅིན་ ཁྱེད་ཀྱི་སྐོར་ལས་ ང་གིས་བསྟོད་པ་རྐྱབ་མི་འདི་ བློ་བཙོང་སི་སི་འགྱོ་འོང་ ལྷག་པར་དུ་ ཁྱེད་རང་ཆ་ཁྱབ་ཡང་ ག་དེམ་ཅིག་ངོ་ཚ་སི་སི་སྦེ་འགྱོ་ནི་སྨོ།

ག་ལ་ཏི་ལེའུ་ 5:10

དེ་འབདཝ་ད་ ཁྱེད་ང་དང་གཅིག་ཁར་སེམས་མཐུན་ཏེ་སྡོད་འོང་ཟེར་ ང་བློ་གཏད་དེ་སྡོད་ཅི་ ག་ཅི་སྨོ་ཟེར་བ་ཅིན་ ང་བཅས་ག་ར་དཀོན་མཆོག་ནང་དད་པ་གཅིག་ཨིན་ ད་ཁྱེད་ལུ་ཨ་ནི་ཚུན་ཚོད་སེམས་དཀྲུགས་ཏེ་ མགུ་འཐོམ་བཅུག་མི་དེ་ལུ་ དཀོན་མཆོག་གི་ཉེས་ཆད་ཕོག་འོང་།

ཨི་ཕི་སིཔ་ལེའུ་ 4:12

ག་ཅི་སྨོ་ཟེར་བ་ཅིན་ གཅིག་གིས་གཅིག་ལུ་ཆ་རོགས་འབད་དེ་ ང་བཅས་ཁིརཱིས་ཀྱི་སྐུ་གཟུགས་དེ་ཕན་ཐོགས་ཅན་འཐོན་ནི་གི་དོན་ལུ་ ཁོ་གིས་ང་བཅས་ལུ་ལྕོགས་གྲུབ་ཅན་སྦེ་མཛད་གནང་ཡི།

ཕི་ལི་པི་ལེའུ་ 1:10

དེ་ལས་འདི་གི་ཐོག་ལས་ ཁྱེད་ཀྱི་མི་ཚེ་ནང་ལུ་ དོན་ལས་རང་ཁག་ཆེ་ཤོས་འདི་ག་ཅི་ཨིན་ན་ཧ་གོ་སྟེ་ གཙོ་བོ་ཁིརཱིས་ལོག་སྟེ་མ་བྱོན་ཚུན་ཚོད་ ཁྱེད་གཙང་ཏོག་ཏོ་དང་སྐྱོན་ག་ནི་ཡང་མེདཔ་སྦེ་སྡོད་བཅུག

ཕི་ལི་པི་ལེའུ་ 1:29

ག་ཅི་སྨོ་ཟེར་བ་ཅིན་ ཁིརཱིས་ལུ་དད་པ་བསྐྱེད་ནི་གི་གོ་སྐབས་རྐྱངམ་གཅིག་མེན་པར་ ཁོ་གི་དོན་ལུ་ སྡུག་བསྔལ་ཡང་འབག་དགོ་པའི་འོས་འབབ་ ཁྱེད་ལུ་གནང་ཡོད།

ཕི་ལི་པི་ལེའུ་ 2:12

དེ་འབདཝ་ལས་བརྟེན་ཏེ་ ངེ་གི་བྱམས་པའི་སྤུན་ཆ་ཚུ་ ང་ཁྱེད་དང་མཉམ་སྡོད་པའི་སྐབས་ལུ་ ཁྱེད་ཀྱིས་ ཨ་རྟག་རང་ ངེ་གི་བསླབ་བྱ་ལུ་ ན་འཐན་སྦེ་ཉན་སྡོད་ཅི་ ད་ལྟོ་ཡང་ ང་ཁྱེད་དང་གཅིག་ཁར་མེདཔ་ད་ དེ་ལས་ཡང་ཐེབས་སྦེ་ དཀོན་མཆོག་བལྟ་སྟེ་འདྲོགས་ཞིནམ་ལས་ ཁོ་གིས་ཁྱེད་ལུ་གནང་མིའི་ཐར་པ་འདི་སྒྲུབ་དགོ།

ཕི་ལི་པི་ལེའུ་ 2:13

ག་ཅི་སྨོ་ཟེར་བ་ཅིན་ ཁོ་གི་ཐུགས་དགྱེསཔ་བཞིན་དུ་ ལཱ་འབད་ཚུགས་མི་སེམས་དང་ འབད་དགོ་མི་ཁེ་རྒོ་འདི་ དཀོན་མཆོག་ཁོ་རང་གིས་ཁྱེད་ལུ་གནངམ་ཨིན།

ཕི་ལི་པི་ལེའུ་ 2:16

ཚེ་བྱིན་མིའི་གསུང་དེ་ལུ་ སྒྲིང་སྒྲིང་སྦེ་བཤེད་དེ་བཞག་ དེ་འབདཝ་ལས་ ང་གིས་བང་རྒྱུག་མི་དང་ དཀའཝ་སྤྱད་མི་དེ་ བར་སྟོར་མ་འགྱོ་བར་ ཁིརཱིས་ལོག་བྱོན་པའི་ཉིནམ་ལུ་ ང་དཔའ་ཡག་སྡོད་ནི་ཐོབ་འོང་།

ཀོ་ལོ་སི་ལེའུ་ 2:12

ཁྱེད་ཆ་ཁྱབ་ཁྲུས་གསོལ་ཞུ་བའི་བསྒང་ ཁིརཱིས་དང་མཉམ་གཅིག་དོང་ནང་བཙུག་བཙུགཔ་ཨིན་ དེ་ལས་ཁིརཱིས་ལུ་སྐུ་གསོན་པོ་སྦེ་ བཞེང་གནང་མི་དཀོན་མཆོག་གི་ ཧ་ལས་པའི་སྟོབས་ཤུགས་ལུ་དད་པ་བསྐྱེད་དེ་ ཁྱེད་ཁོ་དང་མཉམ་སྐུ་གསོན་པོ་སྦེ་ལྷོང་གནང་ཡི།

ཐེ་ས་ལོ་ནི་ཀ་དང་པ་ལེའུ་ 1:3

ག་ཅི་སྨོ་ཟེར་བ་ཅིན་ ཁྱེད་ དད་པའི་ལཱ་འབད་མི་དང་ བྱམས་པའི་ལཱ་ལུ་རྩ་འགེངས་ཏེ་འབད་སྡོད་མི་དང་ ང་བཅས་གཙོ་བོ་ཡེ་ཤུ་ཁིརཱིས་ད་རུང་ལོག་སྟེ་འབྱོན་ནི་གི་རེ་བ་ ཨ་རྟག་རང་བསྐྱེད་དེ་སྡོད་མི་འདི་ཚུ་ཨིན་ ང་བཅས་ཀྱིས་འདི་སེམས་ཁར་དྲན་ཏེ་ ང་བཅས་ཀྱི་ཡབ་དཀོན་མཆོག་ལུ་སྨོན་ལམ་ཞུཝ་ཨིན།

ཐེ་ས་ལོ་ནི་ཀ་གཉིས་པ་ལེའུ་ 1:11

དེ་འབདཝ་ལས་ ང་བཅས་རྟག་བུ་རང་ ཁྱེད་ཀྱི་དོན་ལུ་སྨོན་ལམ་ཞུཝ་ཨིན་ སྨོན་ལམ་ནང་དཀོན་མཆོག་གིས་ཁྱེད་ལུ་ དོན་དག་ག་ཅི་གི་དོན་ལུ་འབོ་འབོཔ་ཨིན་ན་ དེ་ནང་ཁྱེད་འོས་འབབ་ཡོད་མི་གཅིག་བྱུང་བཅུག་ དེ་ལས་ཁོ་གི་དབང་གིས་འབད་ ཁྱེད་ཀྱི་བསམ་པ་བཟང་པོ་དང་ དད་པ་གི་ལཱ་ག་ར་གྲུབ་བཅུག་ཟེར་ཞུཝ་ཨིན།

ཐེ་ས་ལོ་ནི་ཀ་གཉིས་པ་ལེའུ་ 3:4

ང་བཅས་ཀྱིས་ཁྱེད་ལུ་འབད་ཟེར་བསྐུལ་བཞག་མི་ཚུ་ ཁྱེད་ཀྱིས་འབད་དོཝ་འོང་ དེ་ལས་ཕར་འབད་དེ་རང་སྡོད་འོང་ཟེར་ གཙོ་བོ་ནང་ང་བཅས་ལུ་ཐད་རི་བར་རི་རེ་བ་ཡོད།

ཕི་ལེ་མཱོན་ལེའུ་ 1:21

ང་གིས་སླབ་མི་འདི་ ཁྱོད་ཀྱིས་ཉན་འོང་ཟེར་ཐེ་ཚོམ་མེད་པར་ ཨ་ནི་ཡི་གུ་འདི་འབྲི་དོ་ འདི་མ་ཚད་ ང་གིས་སླབ་མི་འདི་ལས་ ཁྱོད་ཀྱིས་ཐེབས་སྦེ་འབད་བྱིན་འོང་ཟེར་ང་གིས་ཤེས།།

ཧིབ་རུ་ལེའུ་ 10:35

དེ་འབདཝ་ལས་ ཨ་ནི་སྙིང་སྟོབས་དེ་ ཤོར་མ་བཅུག་ འདི་ལས་སྦེ་ ཁྱེད་ཀྱིས་གསོལ་རས་སྦོམ་ཐོབ་ནི་ཨིན།

ཧིབ་རུ་ལེའུ་ 12:2

ང་བཅས་ཀྱི་དད་པ་འགོ་བཙུགས་གནང་མི་དང་ ཡང་དག་པ་མཛད་གནང་མི་ ཡེ་ཤུ་ལུ་བལྟ་དགོ་ ཁོ་གིས་ གཞི་འཛུགས་གནང་མི་ དགའ་སྤྲོ་ ཐོབ་ནིའི་དོན་ལུ་ ཁྲམ་ཤིང་གུ་ ངོ་ཚ་སི་སི་སྦེ་གཤགས་ཏེ་ སྡུག་བསྔལ་བཞེས་ནུག་ དེ་ལས་ ད་ལྟོ་ཁོ་དཀོན་མཆོག་གི་གསེར་ཁྲི་གི་གཡས་ཁ་ཐུག་བཞུགས་ཏེ་ཡོད།

པེ་ཏྲོ་དང་པ་ལེའུ་ 5:10

ཨིན་རུང་ ཁྱེད་ཡུདཔ་ཐེངས་ཅིག་སྡུག་བསྔལ་མྱོང་པའི་ཤུལ་ལས་ དཀོན་མཆོག་གིས་ཁྱེད་ལུ་ངལ་འཚོ་གནང་སྟེ་ ཁྱེད་མི་སྒྲིང་སྒྲིང་དང་ སྟོབས་ཤུགས་ཅན་ དེ་ལས་འགྱུར་བ་མེད་པའི་གཞི་འགྱམ་སྦེ་མཛད་གནང་འོང་ ཡེ་ཤུ་ཁིརཱིས་ཀྱི་ཐོག་ལས་ བཀའ་དྲིན་དང་ལྡན་པའི་དཀོན་མཆོག་གིས་ ཁོ་རང་གི་མཐའ་མེད་པའི་གཟི་བརྗིད་ནང་ ཁྱེད་ལུ་འབོ་གནང་སྟེ་ཡོད།

པེ་ཏྲོ་གཉིས་པ་ལེའུ་ 3:10

དེ་འབདཝ་ད་ གཙོ་བོའི་ཉིནམ་འདི་ ཨརཝ་བཟུམ་སྦེ་འོང་ནི་ཨིན་ དེའི་སྐབས་ གནམ་མེད་ས་མེད་ངར་སྐད་བརྐྱབས་ཏེ་ གནམ་འདི་ཡལ་འགྱོ་ནི་དང་ དེ་ནང་ཡོད་ཚད་ཅིགཔ་མེ་གིས་འཚིག་སྟེ་འགྱོ་འོང་ འཛམ་བུ་གླིང་དང་དེ་ནང་ཡོད་མི་ག་ར་ ག་ནི་ཡང་མེད་པར་མེདཔ་འགྱོ་འོང་།