ཕི་ལི་པི་ལེའུ་ 1:5 - རྫོང་ཁ་

⁵ ག་ཅི་སྨོ་ཟེར་བ་ཅིན་ ཁྱེད་ཀྱིས་གཏམ་བཟང་གོ་སྟེ་ དད་པ་བསྐྱེད་པའི་ཉིནམ་འདི་ལས་འགོ་བཙུགས་ཏེ་ ད་ལྟོ་ཚུན་ཚོད་ཀྱི་བར་ན་ གཏམ་བཟང་བཤད་ནི་ལུ་ཆ་རོགས་འབད་བྱིན་ཡི།

ཕི་ལི་པི་ལེའུ་ 1:5 Iomraidhean Croise

མཛད་པ་ལེའུ་ 2:42

དེ་ལས་སྐུ་ཚབ་ཚུ་གིས་སྟོན་གནང་མི་ཆོས་དང་ དདཔ་ཅན་གྱི་མཉམ་འབྲེལ་ བཞེས་སྒོ་ཟ་ས་ ཡེ་ཤུ་ལུ་དྲན་ནི་ཚོགས་སྟོན་ནང་བཅའ་མར་བཏོགས་ས་ སྨོན་ལམ་ཞུ་ས་ དདཔ་ཅན་ག་ར་གིས་སེམས་ཁར་བཀལ་ཏེ་ སྒྲིག་ལམ་ཚུ་སྒྲིགས་ནུག

རོམ་མི་ལེའུ་ 11:17

དཔེར་ན་ གཡུས་ཁ་གི་ཨ་རུ་ར་ཤིང་གི་ཞལ་ལག་ལ་ལུ་བཏོག་སྟེ་ དེའི་གུ་ ཁྱེད་ནགས་ཚལ་ནང་ན་གི་ཨ་རུ་ར་ཤིང་གི་ཞལ་ལག་ གཡུས་ཁའི་ཨ་རུ་ར་ཤིང་གུ་ མཐུདཔ་ད་ ཁྱེད་གཡུས་ཁ་གི་ཨ་རུ་ར་ཤིང་གི་ར་ཏོ་གི་བཅུད་ལས་བརྟེན་ཏེ་སྡོད་འོང་།

རོམ་མི་ལེའུ་ 12:13

དཀོན་མཆོག་ལུ་དད་པ་བསྐྱེད་མི་ཚུ་ལུ་ ཁག་ཆེཝ་ཡོད་པ་ཅིན་ ཕན་ཐོག་པའི་ལཱ་འབད་བྱིན་ ཁྱིམ་ནང་འོང་མི་མགྱོནམ་ལུ་མཐོང་བསྐྱེད་དེ་སྡོད།

རོམ་མི་ལེའུ་ 15:26

ག་ཅི་སྨོ་ཟེར་བ་ཅིན་ ཡེ་རུ་ཤ་ལེམ་ནང་ཡོད་མི་ དཀོན་མཆོག་ཁོ་རའི་དམ་པའི་མི་ སྤྱང་ཀ་ཚུ་གི་དོན་ལུ་ ལུང་ཕྱོགས་ མ་ཀེ་དོ་ནི་ཡ་དང་ ཨ་ཀེ་ཡ་གི་ཆོས་ཚོགས་ཀྱིས་ ཁོང་གི་དོན་ལུ་སེམས་དགའ་སྟེ་ཞལ་འདེབས་བྱིན་ཡི།

ཀོ་རཱིན་ཐི་དང་པ་ལེའུ་ 1:9

འདི་ཚུ་ག་ར་ བརྟན་ཏོག་ཏོ་ཨིན་མི་དཀོན་མཆོག་གིས་ ཁོ་རའི་སྲས་ ང་བཅས་ཀྱི་གཙོ་བོ་ཡེ་ཤུ་ཁིརཱིས་དང་གཅིག་ཁར་ མཉམ་འབྲེལ་བཞག་ནི་གི་དོན་ལུ་འབོ་གནང་ཡི།།

ཀོ་རཱིན་ཐི་གཉིས་པ་ལེའུ་ 8:1

ད་ ངེ་གི་བྱམས་པའི་སྤུན་ཆ་ཚུ་ མ་ཀེ་དོ་ནི་ཡ་གི་ཆོས་ཚོགས་ལུ་ དཀོན་མཆོག་གིས་ ག་དེམ་ཅིག་ཐུགས་རྗེ་གཟིགས་ཅི་ག་ དེ་གི་སྐོར་ལས་ ང་བཅས་ཀྱིས་ཁྱེད་ལུ་ ཤེས་བཅུག་དགོ་མནོ་ཡི།

ཨི་ཕི་སིཔ་ལེའུ་ 3:6

གསང་ལམ་འདི་ག་ཅི་ཨིན་ན་ཟེར་བ་ཅིན་ ཁིརཱིས་ཡེ་ཤུ་གི་གཏམ་བཟང་གི་ཐོག་ལས་སྦེ་ ཁྱེད་ཕྱིའི་མི་རིགས་ཚུ་ ཡ་ཧུ་ད་པ་དང་གཅིག་ཁར་ དཀོན་མཆོག་ལས་ཤུལ་ནོར་ཐོབ་མི་ཚུ་དང་ ཁོ་གི་སྐུ་གཟུགས་གཅིག་ཨིན་མི་ཚུ་ དེ་ལས་ཁོ་གིས་ཁས་ལེན་བཞེས་མིའི་ཐོབ་ཐངས་ཚུ་ཡང་འདྲན་འདྲ་སྦེ་མཛད་གནང་ནུག

ཕི་ལི་པི་ལེའུ་ 1:12

ངེ་གི་སྤུན་ཆ་ཚུ་ ང་ལུ་བྱུང་སྟེ་ཡོད་མི་ཚུ་གིས་ གཏམ་བཟང་བཤད་ནི་ནང་ལུ་ ཕན་པ་ལེ་ཤ་ཐོབ་ཡོདཔ་ ཁྱེད་ཆ་ཁྱབ་ལུ་ཤེས་བཅུག་དགོ་མནོ་ཡི།

ཕི་ལི་པི་ལེའུ་ 1:16

ཁོང་ལེགས་སེམས་མནོ་མི་ཚུ་གིས་ ང་ནཱ་ལུ་བཙུགས་དགོ་པའི་དོན་དག་དེ་ གཏམ་བཟང་ལུ་བདེན་ཁུངས་བཀལ་བའི་དོན་ལུ་ཨིན་ཟེར་ ང་ལུ་བྱམས་སེམས་བསྐྱེད་དེ་ ཆོས་བཤདཔ་ཨིན་མས།

ཕི་ལི་པི་ལེའུ་ 1:27

གཙོ་བོ་རང་ ཁྱེད་ཀྱི་བྱ་བ་སྤྱོད་ལམ་དེ་ ཁིརཱིས་ཀྱི་གཏམ་བཟང་དང་མཐུནམ་སྦེ་སྡོད་ ང་ཁྱེད་འབད་ས་འོངས་ཏེ་ ང་རང་གི་མིག་ཏོ་གིས་མཐོང་རུང་རང་ ཡང་ན་འོང་མ་ཚུགས་ཏེ་འབད་རུང་རང་ ཁྱེད་ཀྱིས་ག་ར་སེམས་གཅིག་སྦེ་མཐུན་ཏེ་ གཞན་ཚུ་གིས་ གཏམ་བཟང་ལུ་དད་པ་བསྐྱེད་པའི་དོན་ལུ་ གཅིག་ཁར་སྦེ་ལཱ་དཀའཝ་སྤྱད་དེས་ཟེར་གོ་བཅུག

ཕི་ལི་པི་ལེའུ་ 1:7

ང་ཁྱེད་ལུ་སེམས་ཀྱི་གདིང་ལས་རང་དགའ་ནི་འདི་གིས་ ཁྱེད་ག་ར་ལས་སྦེ་དགའ་སྤྲོ་འགྱུར་ནི་དེ་ཀྲིག་ཀྲི་རང་ཨིན་ ག་ཅི་སྨོ་ཟེར་བ་ཅིན་ ང་བཙོན་ནང་སྡོད་རུང་རང་ ཡང་ན་ཕྱི་ཁ་སྡོད་དེ་ གཏམ་བཟང་གི་སྐོར་ལས་བདེན་ཁུངས་བཀལ་རུང་རང་ དཀོན་མཆོག་གིས་ང་བཅས་ལུ་གནང་མི་ལཱ་ནང་ ཁྱེད་ཀྱིས་ང་ལུ་ཆ་རོགས་འབད་བྱིན་ཡི།

ཕི་ལི་པི་ལེའུ་ 2:12

དེ་འབདཝ་ལས་བརྟེན་ཏེ་ ངེ་གི་བྱམས་པའི་སྤུན་ཆ་ཚུ་ ང་ཁྱེད་དང་མཉམ་སྡོད་པའི་སྐབས་ལུ་ ཁྱེད་ཀྱིས་ ཨ་རྟག་རང་ ངེ་གི་བསླབ་བྱ་ལུ་ ན་འཐན་སྦེ་ཉན་སྡོད་ཅི་ ད་ལྟོ་ཡང་ ང་ཁྱེད་དང་གཅིག་ཁར་མེདཔ་ད་ དེ་ལས་ཡང་ཐེབས་སྦེ་ དཀོན་མཆོག་བལྟ་སྟེ་འདྲོགས་ཞིནམ་ལས་ ཁོ་གིས་ཁྱེད་ལུ་གནང་མིའི་ཐར་པ་འདི་སྒྲུབ་དགོ།

ཕི་ལི་པི་ལེའུ་ 2:22

ཏི་མོ་ཐི་དེ་ མི་ག་བཟུམ་ཅིག་ཨིན་ན་ འདི་ཁྱེད་ཀྱིས་ཤེས་ ཁོ་གིས་ བུ་གིས་རང་གི་ཨ་པ་གི་དོན་ལུ་ལཱ་འབད་དོཝ་བཟུམ་སྦེ་ ང་དང་མཉམ་གཅིག་གཏམ་བཟང་བཤད་ནི་གི་ལཱ་འབད་ཡི།

ཕི་ལི་པི་ལེའུ་ 4:3

ང་དང་གཅིག་ཁར་ ན་འཐན་ཏོག་ཏོ་སྦེ་ལཱ་འབད་མི་ཁྱོད་ལུ་ཡང་ ཨ་ནི་ཨམ་ཚུ་ལུ་ འཆམ་ཁ་བཟོ་བྱིན་ཟེར་ ང་གིས་གསོལཝ་བཏབ་ཨིན་ ག་ཅི་སྨོ་ཟེར་བ་ཅིན་ ཁོང་གཉིས་ཀྱིས་ ཀེལེ་མཱེན་དང་ ངེ་གི་ལཱ་རོགས་གཞན་ཚུ་དང་མཉམ་ གཏམ་བཟང་བཤད་ནི་ནང་ ང་དང་གཅིག་ཁར་དཀའཝ་སྤྱད་ཅི་ ཁོང་གི་མིང་ ཚེའི་དེབ་ནང་བྲིས་ཏེ་ཡོད།

ཕི་ལེ་མཱོན་ལེའུ་ 1:17

ད་ལས་ཕར་ ཁྱོད་ཀྱིས་ང་ལུ་ཆ་རོགས་ཀྱི་དག་སྣང་བསྐྱེད་པ་ཅིན་ ང་ལུ་འབད་དོཝ་བཟུམ་སྦེ་ ཨོ་ནི་སི་མཱས་ལུ་ཡང་ལོག་ལན་གནང་།

ཧིབ་རུ་ལེའུ་ 3:14

ང་བཅས་ཀྱིས་འགོ་དང་པ་ལས་ བློ་གཏད་དེ་སྡོད་མི་དེ་ནང་ལུ་ མཐའན་མཇུག་ཚུན་ཚོད་ སྒྲིང་སྒྲིང་སྦེ་སྡོད་ཚུགས་པ་ཅིན་ དོན་ལས་རང་ ང་བཅས་ཁིརཱིས་ཀྱི་མཉམ་རོགས་འབད་ནི་ཐོབ།

པེ་ཏྲོ་གཉིས་པ་ལེའུ་ 1:1

ཨ་ནི་ཡི་གུ་འདི་ ཡེ་ཤུ་ཁིརཱིས་ཀྱི་ཕྱག་ཞུ་མི་སྐུ་ཚབ་ ང་ སི་མཱོན་པེ་ཏྲོ་གིས་ ང་བཅས་རའི་དཀོན་མཆོག་ སྐྱབས་མགོན་ཡེ་ཤུ་ཁིརཱིས་ཀྱི་ དྲང་བདེན་གྱི་རྒྱུད་ལས་སྦེ་ ང་བཅས་ཀྱི་དད་པ་བཟུམ་སྦེ་ ཁྱེད་ཀྱི་དད་པ་ཡང་ རིན་ཐང་ཅན་བཟུམ་སྦེ་ཐོབ་སྟེ་ཡོད་མི་ཚུ་ལུ་བྲིས་དོ།

ཡོ་ཧ་ནཱན་དང་པ་ལེའུ་ 1:3

ང་བཅས་ཀྱིས་ག་ཅི་མཐོང་མི་དང་ རྣ་བ་གོ་མི་ཚུ་ ཁྱེད་ལུ་ཁྱབ་བསྒྲགས་འབད་དགོ་པའི་དོན་དག་འདི་ ང་བཅས་ཀྱི་ཡབ་དཀོན་མཆོག་དང་ ཁོ་གི་སྲས་ཡེ་ཤུ་ཁིརཱིས་ནང་མཐུན་འབྲེལ་གཅིག་སྦེ་ཡོད་དོཝ་བཟུམ་ ཁྱེད་ཡང་ང་བཅས་དང་གཅིག་ཁར་ མཐུན་འབྲེལ་གཅིག་སྦེ་སྡོད་ཚུགས་པའི་དོན་ལུ་ཨིན།

ཡོ་ཧ་ནཱན་དང་པ་ལེའུ་ 1:7

དེ་འབདཝ་ད་ ཁོ་འོད་ནང་རང་བཞུགས་ཡོདཔ་ལས་ ང་བཅས་ཡང་འོད་ནང་འགྱོ་བ་ཅིན་ ང་བཅས་རང་གི་སྦུག་ལུ་ མཐུན་ལམ་ཡོདཔ་མ་ཚད་ ཁོ་གི་སྲས་ཡེ་ཤུ་ཁིརཱིས་ཀྱི་སྐུ་ཁྲག་གིས་ ང་བཅས་ཀྱི་སྡིག་པ་ག་ར་ནང་ལས་བཀའ་དྲིན་བསྐྱང་གནང་འོང་།