ཕི་ལི་པི་ལེའུ་ 1:28 - རྫོང་ཁ་

²⁸ དེ་ལས་ཁྱེད་ལུ་གནོད་འཚེ་བཀལ་མི་ཚུ་ལུ་ མ་འདྲོག་པའི་ལོ་རྒྱུས་ ང་གིས་རྣ་བ་གོ་བཅུག་ ཁྱེད་ཀྱིས་དེ་སྦེ་འབདཝ་ད་རང་ གནོད་འཚེ་བཀལ་མི་ཚུ་གི་དོན་ལུ་ རྩ་མེད་གཏང་པའི་ཁུངས་ཨིན་ དེ་འབདཝ་ད་ ཁྱེད་ཀྱི་དོན་ལུ་འདི་ དཀོན་མཆོག་ལས་ཐོབ་མི་ཐར་པ་གི་རྟགས་ཨིན་ འདི་ཚུ་གཉིས་ཆ་རང་དཀོན་མཆོག་ལས་ཨིན།

ཕི་ལི་པི་ལེའུ་ 1:28 Iomraidhean Croise

མེ་ཐིའུ་ལེའུ་ 10:28

ཁྱེད་ལུ་བསད་དགོ་མནོ་མི་ཚུ་ལུ་བལྟ་སྟེ་མ་འདྲོག་ ཁོང་གིས་གཟུགས་རྐྱངམ་གཅིག་ལུ་བསད་ནི་མ་གཏོགས་ ཁྱེད་ཀྱི་སེམས་ལུ་བསད་མི་ཚུགས་ དེ་འབདཝ་ད་ ཁྱེད་ཀྱི་གཟུགས་དང་སེམས་གཉིས་ཆ་རང་ལུ་ རྩ་མེད་བཏང་སྟེ་ དམྱལ་བ་གཏང་ཚུགས་མིའི་དཀོན་མཆོག་ལུ་བལྟ་སྟེ་འདྲོག

མཱར་ཀུ་ལེའུ་ 3:3

ཡེ་ཤུ་གིས་ལགཔ་ཞར་མི་དེ་ལུ་ ལོང་སྟེ་ཡར་གདོང་ཁར་ཤོག་ཟེར་གསུངས་ནུག

ལུ་ཀ་ལེའུ་ 3:6

དེ་ལས་མི་ག་ར་གིས་ དཀོན་མཆོག་གི་ཐར་པ་འདི་མཐོང་འོང་ཟེར་ བྲིས་ནུག

ཡོ་ཧ་ནཱན་ལེའུ་ 16:8

དེ་ལས་ཁོ་འཛམ་གླིང་ནང་འབྱོནམ་ད་ མི་ཚུ་གིས་འབད་མིའི་སྡིག་པ་ཕྱི་ཁར་གསལ་ཏོག་ཏོ་སྦེ་བཏོན་ནི་དང་ རྣམ་པར་དག་ཏོག་ཏོ་བཟོ་ནི་ དེ་ལས་མ་འོང་པ་ནང་ འོང་ནི་འབད་མིའི་ཆདཔ་ཚུ་ ཕྱི་ཁར་བཏོན་གནང་འོང་།

མཛད་པ་ལེའུ་ 28:28

མཐའན་མཇུག་ལུ་ པའུལ་གྱིས་ དེ་འབདཝ་ལས་ དཀོན་མཆོག་གིས་ཐར་པ་འདི་ ཕྱིའི་མི་རིགས་ལུ་གནངམ་ཨིན་ ཁོང་གིས་ཉན་འོང་ཟེར་ཁྱེད་ཀྱིས་ཤེས་དགོ་ཟེར་སླབ་ཅི།

རོམ་མི་ལེའུ་ 8:17

ང་བཅས་དཀོན་མཆོག་གི་སྲས་དང་སྲསམོ་ཨིན་པ་ཅིན་ ཁོ་གི་རྒྱུ་ནོར་ལས་བགོ་བཤའ་ཐོབ་ནི་ཨིན་ ད་རུང་ཁོ་གི་སྲས་ཁིརཱིས་དང་གཅིག་ཁར་ སྡུག་བསྔལ་མྱོང་པ་ཅིན་ ཁོ་དང་འདྲན་འདྲ་ དཀོན་མཆོག་གི་རྒྱུ་ནོར་ལས་ བགོ་བཤའ་ཐོབ་ནི་ཨིནམ་མ་ཚད་ ང་བཅས་ཁོ་དང་འདྲན་འདྲ་སྦེ་ གཟི་བརྗིད་དང་ལྡནམ་སྦེ་འགྱུར་འོང་།།

ཐེ་ས་ལོ་ནི་ཀ་དང་པ་ལེའུ་ 2:2

ཧེ་མ་ཁྲོམ་ ཕི་ལི་པི་ལུ་ང་བཅས་སྡུག་བསྔལ་མྱོང་སྟེ་ རོགས་ཀྱིས་ངོ་ཚ་སི་སི་བཟོ་ཡི་ཟེར་ཁྱེད་ཀྱིས་ཤེས་ ཨིན་རུང་ ཁྱེད་སྡོད་སར་འོངམ་ད་ རོགས་ཀྱིས་ང་བཅས་ལུ་བཀག་ཐབས་འབད་རུང་ དཀོན་མཆོག་ནང་སྤོབས་པ་ཆེ་ཏོག་ཏོ་སྦེ་ ཁྱེད་ལུ་དཀོན་མཆོག་གི་གཏམ་བཟང་འདི་ གནམ་མེད་ས་མེད་རྩ་འགེངས་ཏེ་བཤད་ཅི་།

ཧིབ་རུ་ལེའུ་ 13:6

འདི་གིས་འབད། གཙོ་བོ་ངེ་གི་རོགས་རམ་མཛད་མི་ཨིནམ་ལས་ མི་གིས་ང་ལུ་ག་ཅི་འབད་ཚུགས་ ང་ལུ་འདྲོག་དགོཔ་ཡོད་རང་མེད་ཟེར་ ང་བཅས་ཐེ་ཚོམ་མེད་པར་སླབ་ཚུགསཔ་ཨིན།

མཐོང་སྣང་ལེའུ་ 2:10

སྡུག་བསྔལ་མྱོང་ནི་ཨིན་མས་ཟེར་མ་འདྲོག་ བདུད་ཀྱིས་ཁྱེད་ཀྱི་གྲལ་ཁ་ལས་ལ་ལུ་ཅིག་ལུ་ ཚོད་བལྟ་འབད་དེ་བཙོན་ཁང་ནང་བཙུགས་ཏེ་ ཞག་བཅུ་ཐམ་ཚུན་ཚོད་ གནོདཔ་བཀལ་ཏེ་བཞག་འོང་ དེ་སྦེ་ཤི་བའི་སྲོག་ལུ་ཐུག་རུང་ དམ་ཚིག་བསྟེན་ཏེ་སྡོད་ དེ་ལས་ང་གིས་ཚེའི་གཙུག་རྒྱན་བྱིན་ནི་ཨིན།