ཕི་ལི་པི་ལེའུ་ 1:27 - རྫོང་ཁ་

²⁷ གཙོ་བོ་རང་ ཁྱེད་ཀྱི་བྱ་བ་སྤྱོད་ལམ་དེ་ ཁིརཱིས་ཀྱི་གཏམ་བཟང་དང་མཐུནམ་སྦེ་སྡོད་ ང་ཁྱེད་འབད་ས་འོངས་ཏེ་ ང་རང་གི་མིག་ཏོ་གིས་མཐོང་རུང་རང་ ཡང་ན་འོང་མ་ཚུགས་ཏེ་འབད་རུང་རང་ ཁྱེད་ཀྱིས་ག་ར་སེམས་གཅིག་སྦེ་མཐུན་ཏེ་ གཞན་ཚུ་གིས་ གཏམ་བཟང་ལུ་དད་པ་བསྐྱེད་པའི་དོན་ལུ་ གཅིག་ཁར་སྦེ་ལཱ་དཀའཝ་སྤྱད་དེས་ཟེར་གོ་བཅུག

ཕི་ལི་པི་ལེའུ་ 1:27 Iomraidhean Croise

མེ་ཐིའུ་ལེའུ་ 12:25

ཁོང་གིས་མནོ་མི་དེ་ཡེ་ཤུ་གིས་མཁྱེན་ཏེ་ཁོང་ལུ་ རྒྱལ་ཁབ་ག་ཏེ་རང་འབད་རུང་ ནང་ན་མ་མཐུནམ་ཡོད་པ་ཅིན་ ཨ་ནི་རྒྱལ་ཁབ་དེ་མེདཔ་ཐལ་འགྱོ་འོང་ དེ་ལས་ཁྲོམ་ཡང་ན་བཟའ་ཚང་ ཁོང་རང་ནང་འཁོད་ནང་མ་འཆམ་པ་ཅིན་ དེ་ནམ་ཡང་སྒྲིང་སྒྲིང་སྦེ་སྡོད་མི་ཚུགས།

མཛད་པ་ལེའུ་ 2:46

ཉིནམ་རེ་འཆར་རང་ ཁོང་ག་ར་སེམས་མཐུན་ཏེ་ མཆོད་ཁང་ནང་མ་ཆད་པར་འཛོམ་དོཝ་ཡོདཔ་ཨིན་མས་ དེ་ལས་རྟག་བུ་རང་ཁྱིམ་གཅིག་ནང་མེན་པར་ སོར་ཡི་སོར་ཡི་རང་འཛོམས་ཏེ་ གཙོ་བོ་ཡེ་ཤུ་གི་དྲན་པའི་ཚོགས་སྟོན་ནང་བཅའ་མར་བཏོགས་ བཞེས་སྒོ་ཟ་སྦེ་ སེམས་ཡིད་རངས་ཏེ་ དགའ་སྤྲོ་འགྱུར་སྡོད་ནུག

མཛད་པ་ལེའུ་ 24:24

ཉིནམ་དག་པ་གཅིག་གི་ཤུལ་ལས་ གཞུང་ཚབ་ ཕེ་ལཱིཀས་ཀྱིས་ ཁོ་རང་གི་ཨམ་ དྲུ་སི་ལ་འཁྱིད་སྦེ་ ཁྲིམས་ཁང་ནང་བྱོན་ནུག་ ཨམ་དེ་ ཡ་ཧུ་ད་པ་གཅིག་ཨིན་མས་ དེ་ལས་ཁོང་གིས་ པའུལ་འབོ་སྟེ་ ཁོ་ལས་ཁིརཱིས་ཡེ་ཤུ་ལུ་དད་པ་བསྐྱེད་ནིའི་སྐོར་ལས་ སྙན་གསན་ནུག

མཛད་པ་ལེའུ་ 4:32

དེ་ཁར་དད་པ་བསྐྱེད་མི་ག་ར་སེམས་དང་མནོ་བསམ་གཅིག་སྦེ་མཐུན་ཏེ་ ཁོང་གི་གྲལ་ལས་གཅིག་གིས་ཡང་ རང་གི་རྒྱུ་ཕྱེད་ཀྲམ་ཨིན་ཟེར་མ་སླབ་པར་ ཁོང་ནང་ག་ཡོད་མི་ ག་ར་གཅིག་ཁར་བསྡོམས་ཏེ་སྦུག་ལུ་བཞག་ནུག

རོམ་མི་ལེའུ་ 1:16

ག་ཅི་སྨོ་ཟེར་བ་ཅིན་ དད་པ་བསྐྱེད་མིའི་ མི་ཆ་མཉམ་ འགོ་དང་པ་ ཡ་ཧུ་ད་པ་ཚུ་གི་དོན་ལུ་དང་ ཕྱིའི་མི་རིགས་ཚུ་ལུ་ དཀོན་མཆོག་གིས་སྐྱབས་མཛད་ནི་གི་དབང་ཆེ་ཤོས་འདི་ ཨ་ནི་གཏམ་བཟང་འདི་ཨིན་ འདི་ལུ་ང་གིས་ངོ་མ་ཚ་བར་བཤདཔ་ཨིན།

རོམ་མི་ལེའུ་ 1:5

དེ་གིས་འབད་ ཁིརཱིས་སྙན་གྲགས་ཅན་སྦེ་འགྱུར་ནི་གི་དོན་ལུ་ མི་རིགས་ག་ར་གིས་ གཏམ་བཟང་འདི་ལུ་དད་པ་བསྐྱེད་དེ་ ཁོ་གི་བཀའ་ལུ་ཉན་བཅུག་ནིའི་དོན་ལུ་ དཀོན་མཆོག་གིས་ང་ལུ་ཐུགས་རྗེ་གཟིགས་ཏེ་ སྐུ་ཚབ་ཀྱི་འགན་ཁུར་གནང་ཡི།

རོམ་མི་ལེའུ་ 1:9

དཀོན་མཆོག་གི་སྲས་ཀྱི་སྐོར་ལས་ གཏམ་བཟང་དེ་གཞན་ལུ་བཤད་པའི་རྒྱུད་ལས་སྦེ་ ངེ་གི་སེམས་ཀྱི་གདིང་ལས་ར་ཕྱག་ཞུ་མི་དཀོན་མཆོག་ལུ་ འཛོམ་དཔང་སྦེ་བཙུགས་ཏེ་ ང་གིས་རྟག་བུ་ར་ཁྱེད་ཀྱི་དོན་ལུ་སྨོན་ལམ་ཞུཝ་ཨིན།

རོམ་མི་ལེའུ་ 10:8

དེ་སྦེ་སླབ་ནི་མེན་པར་ དཀོན་མཆོག་གི་ཐུགས་དང་ལྡན་པའི་ མི་ཕྲངམ་སྦེ་མཛད་ནི་གི་སྐོར་ལས་ ག་ཅི་བྲིས་ཏེ་ཡོད། དཀོན་མཆོག་གི་གསུང་འདི་ སྦོ་ལོགས་ཁར་སྦེ་ ཁྱོད་ཀྱི་སེམས་དང་ཁ་ནང་ཡོད། འདི་ཁིརཱིས་ལུ་དད་པ་བསྐྱེད་དགོ་པའི་སྐོར་ལས་ ང་བཅས་ཀྱིས་ཁྱབ་བསྒྲགས་འབད་མི་འདི་ཨིན།

རོམ་མི་ལེའུ་ 15:16

ཁིརཱིས་ཡེ་ཤུ་གི་ཕྱག་ཞུ་མི་སྦེ་བྱུང་སྟེ་ དཀོན་མཆོག་གི་གཏམ་བཟང་ ཕྱིའི་མི་རིགས་ཚུ་ལུ་བཤད་མིའི་ཞབས་ཏོག་ཞུཝ་ཨིན་ འདི་ག་ཅི་སྨོ་ཟེར་བ་ཅིན་ ཕྱིའི་མི་རིགས་དེ་ཚུ་ དམ་པའི་ཐུགས་ཉིད་ལས་སྦེ་ གཙང་ཏོག་ཏོ་མཛད་དེ་ དཀོན་མཆོག་གིས་ཐུགས་དགྱེས་པའི་མཆོདཔ་གཅིག་ལུ་ འགྱུར་བཅུག་ནིའི་དོན་ལུ་ཨིན།

རོམ་མི་ལེའུ་ 15:29

ང་ཁྱེད་སྡོད་ས་ལུ་འོངམ་ད་ ཁིརཱིས་ཀྱིས་བྱིན་རླབས་མངམ་སྦེ་གནང་ནི་ཨིན་ཟེར་ ང་གིས་ཐད་རི་བ་རི་ཤེས།

ཀོ་རཱིན་ཐི་དང་པ་ལེའུ་ 1:10

སྤུན་ཆ་ཚུ་ ཁྱེད་ག་ར་འཆམ་མཐུན་ཏེ་སྡོད་ཟེར་ ང་གིས་ཡེ་ཤུ་ཁིརཱིས་ཀྱི་མཚན་ནང་ ཁྱེད་ལུ་གསོལཝ་བཏབ་དོ་ ཁྱེད་ཀྱི་སྦུག་ལུ་འཐབ་འཛིང་བྱུང་སྟེ་ སོ་སོ་སྦེ་ཁ་གཏོར་འགྱོ་མ་བཅུག་ དེ་འབདཝ་ད་ ཁྱེད་ཆ་ཁྱབ་སེམས་གཅིག་དང་ མནོ་བསམ་གཅིག་སྦེ་གཏང་སྟེ་སྡོད།

ཀོ་རཱིན་ཐི་དང་པ་ལེའུ་ 15:58

དེ་འབདཝ་ལས་ངེ་གི་བྱམས་པའི་སྤུན་ཆ་ཚུ་ དད་པ་ནང་སྒྲིང་སྒྲིང་སྦེ་སྡོད་ གཙོ་བོ་གི་ཕྱག་ཞུ་ནི་ལུ་ རྟག་བུ་རང་ ཡར་རྒྱས་ཐོན་འགྱོ་ ག་ཅི་སྨོ་ཟེར་བ་ཅིན་ གཙོ་བོ་ལུ་ཕྱག་ཞུཝ་ད་ ཁྱེད་ཀྱིས་དཀའཝ་སྤྱད་མི་དེ་ འཕྲོ་བརླག་མི་འགྱོ།།

ཀོ་རཱིན་ཐི་གཉིས་པ་ལེའུ་ 13:11

ངེ་གི་བྱམས་པའི་སྤུན་ཆ་ཚུ་ ཨ་ནི་ཡི་གུ་ནང་ ངེ་གི་མཐའན་མཇུག་གི་ བསླབ་བྱ་འདི་མཇུག་བསྡུ་ནི་ཨིན་ ད་ སེམས་དགའ་སྤྲོ་འགྱུར་དགོ་ ཁྱེད་རང་གི་སྤྱོད་ལམ་ཚུ་འགྱུར་དགོ་ གཅིག་གིས་གཅིག་ལུ་སེམས་གསོ་འབད་དགོ་ སེམས་གཅིག་གི་ཐོག་ལས་ཞི་བདེ་ནང་སྡོད་དགོ་ དེ་ལས་བྱམས་དང་ཞི་བདེ་ཨིན་མི་དཀོན་མཆོག་ ཁྱེད་དང་གཅིག་ཁར་བཞུགས་འོང་།

ཀོ་རཱིན་ཐི་གཉིས་པ་ལེའུ་ 4:4

ག་ཅི་སྨོ་ཟེར་བ་ཅིན་ དཀོན་མཆོག་གི་སྐུ་བརྙན་ཨིན་མིའི་ཁིརཱིས་ ཁོ་རའི་གཟི་བརྗིད་ཅན་ཡོད་མི་ གཏམ་བཟང་གི་འོད་ མཐོང་མ་བཅུག་ནི་གི་དོན་ལུ་ ཨ་ནི་དུས་རབས་ཀྱི་ལྷ་ སེ་ཏཱན་གྱིས་ ཁོང་དད་པ་མ་བསྐྱེད་མི་ཚུ་གི་མིག་ཏོ་ ཞརཝ་བཟོཝ་ཨིན་མས།

ཀོ་རཱིན་ཐི་གཉིས་པ་ལེའུ་ 9:13

ག་ཅི་སྨོ་ཟེར་བ་ཅིན་ ཁྱེད་ཀྱིས་ཕངས་སེམས་མེད་པར་གྲོགས་རམ་འབདཝ་ལས་བརྟེན་ཏེ་ དཀོན་མཆོག་གི་མཚན་ ད་རུང་ཡང་སྙན་གྲགས་ཅན་འགྱུར་ནི་ཨིན་ དེ་མ་ཚད་ དེ་སྦེ་ཞབས་ཏོག་ཞུཝ་ལས་ ཁྱེད་ཆ་ཁྱབ་ཀྱིས་ ཁིརཱིས་ཀྱི་གཏམ་བཟང་འདི་ལུ་དད་པ་བསྐྱེད་དེ་ ཉན་ཁུག་བཏབ་ཨིན་པས་ཟེར་ བདེན་ཁུངས་བསྐྱེལཝ་ཨིན།

ག་ལ་ཏི་ལེའུ་ 1:7

ཨ་ནི་འདི་གཏམ་བཟང་ངོ་མ་མེན་ མི་ལ་ལུ་ཅིག་གིས་ཁྱེད་ཀྱི་སེམས་དཀྲུག་ནི་དང་ ཁིརཱིས་ཀྱི་གཏམ་བཟང་དེ་དོན་དག་གཞན་ལུ་བསྒྱུར་གཏང་ནི་སྦེ་ཨིན་མས།

ཨི་ཕི་སིཔ་ལེའུ་ 1:13

དེ་ལས་ཁྱེད་ཀྱིས་ཡང་ སྐྱབས་མཛད་པའི་གཏམ་བཟང་ བདེན་པའི་བློ་འདི་གོཝ་ད་ ཁོ་ལུ་དད་པ་བསྐྱེད་དེ་ ཁྱེད་དཀོན་མཆོག་གི་མི་ཨིན་ཟེར་ཁུངས་སྐྱལ་བའི་དོན་ལུ་ དཀོན་མཆོག་གིས་ཐིའུ་བརྐྱབས་གནང་སྟེ་ ཁས་ལེན་བཞེས་ཡོད་མི་དམ་པའི་ཐུགས་ཉིད་ཁྱེད་ལུ་གནང་ཡི།

ཨི་ཕི་སིཔ་ལེའུ་ 1:15

འདི་གི་དོན་ལས་སྦེ་ ཁྱེད་ཀྱིས་ཡེ་ཤུ་ཁིརཱིས་ལུ་དད་པ་སྒྲིང་སྒྲིང་བསྐྱེད་མི་དང་ དཀོན་མཆོག་ཁོ་རའི་དམ་པའི་མི་ཚུ་ལུ་ཁྱེད་ཀྱིས་ བྱམས་པ་འབད་བའི་སྐོར་ལས་གོཝ་ད།

ཨི་ཕི་སིཔ་ལེའུ་ 4:1

དེ་འབདཝ་ལས་ དཀོན་མཆོག་གིས་ཁྱེད་ལུ་ག་ཅི་འབད་བཙག་འཐུ་གནང་གནངམ་ཨིན་ན་ འདི་ལུ་ཁྱེད་ཀྱིས་འོས་འབབ་ཡོདཔ་སྦེ་སྡོད་ཟེར་ ང་གཙོ་བོ་གི་དོན་ལུ་བཙོན་པ་གཅིག་གིས་ ཁྱེད་ལུ་གསོལཝ་བཏབ་ཨིན།

ཕི་ལི་པི་ལེའུ་ 1:5

ག་ཅི་སྨོ་ཟེར་བ་ཅིན་ ཁྱེད་ཀྱིས་གཏམ་བཟང་གོ་སྟེ་ དད་པ་བསྐྱེད་པའི་ཉིནམ་འདི་ལས་འགོ་བཙུགས་ཏེ་ ད་ལྟོ་ཚུན་ཚོད་ཀྱི་བར་ན་ གཏམ་བཟང་བཤད་ནི་ལུ་ཆ་རོགས་འབད་བྱིན་ཡི།

ཕི་ལི་པི་ལེའུ་ 2:12

དེ་འབདཝ་ལས་བརྟེན་ཏེ་ ངེ་གི་བྱམས་པའི་སྤུན་ཆ་ཚུ་ ང་ཁྱེད་དང་མཉམ་སྡོད་པའི་སྐབས་ལུ་ ཁྱེད་ཀྱིས་ ཨ་རྟག་རང་ ངེ་གི་བསླབ་བྱ་ལུ་ ན་འཐན་སྦེ་ཉན་སྡོད་ཅི་ ད་ལྟོ་ཡང་ ང་ཁྱེད་དང་གཅིག་ཁར་མེདཔ་ད་ དེ་ལས་ཡང་ཐེབས་སྦེ་ དཀོན་མཆོག་བལྟ་སྟེ་འདྲོགས་ཞིནམ་ལས་ ཁོ་གིས་ཁྱེད་ལུ་གནང་མིའི་ཐར་པ་འདི་སྒྲུབ་དགོ།

ཕི་ལི་པི་ལེའུ་ 2:24

ང་ཡང་མགྱོགས་པ་རང་ ཁྱེད་འབད་སར་འོང་ཚུགས་པའི་བློ་གཏད་ གཙོ་བོ་ལུ་བསྐྱེད་དེ་སྡོདཔ་ཨིན།།

ཕི་ལི་པི་ལེའུ་ 3:18

དེ་འབདཝ་ད་ མི་ལེ་ཤ་ཅིག་རང་ ཁོང་རའི་བྱ་བ་སྤྱོད་ལམ་གྱི་ཐོག་ལས་ ཁིརཱིས་ཀྱི་ཁྲམ་ཤིང་གི་དགྲ་འབདཝ་མས་ཟེར་ ཧེ་མ་ང་གིས་ཁྱེད་ཆ་ཁྱབ་ལུ་ ཚར་ལེ་ཤ་རང་ཁོང་གི་སྐོར་ལས་སླབ་ཅི་ ད་ལྟོ་འབད་རུང་ ང་གིས་ཁྱེད་ཆ་ཁྱབ་ལུ་ མིག་ཏོ་ལས་མིག་ཆུ་འཛག་སྟེ་སླབ་དོ།

ཕི་ལི་པི་ལེའུ་ 3:20

དེ་འབདཝ་ད་ ང་བཅས་ཀྱི་མི་རྩིས་དེ་ ཡར་ཞིང་ཁམས་ལུ་ཡོད་ དེ་ཁར་ལས་སྐྱབས་མགོན་གཙོ་བོ་ཡེ་ཤུ་ཁིརཱིས་ལུ་ ང་བཅས་སྒུག་སྡོདཔ་ཨིན།

ཕི་ལི་པི་ལེའུ་ 4:1

ངེའི་བྱམས་པའི་སྤུན་ཆ་ཚུ་ ང་གིས་ཁྱེད་ལུ་ཕངས་སེམས་བསྐྱེད་དེ་ ཁྱེད་དང་འཕྱད་དགོ་མནོ་བའི་སེམས་ཡོད་ ཁྱེད་ངེ་གི་དགའ་ཚོར་དང་ ང་གིས་དཀའཝ་སྤྱད་པའི་གསོལ་རས་ཨིན་ ངེའི་བྱམས་པའི་སྤུན་ཆ་ཚུ་ ང་གིས་ཁྱེད་ལུ་སྟོན་དོཝ་བཟུམ་སྦེ་རང་ གཙོ་བོ་ནང་དད་པ་སྒྲིང་སྒྲིང་བསྐྱེད་སྡོད།།

ཀོ་ལོ་སི་ལེའུ་ 1:10

དེ་གིས་འབད་ ག་ཅི་རང་འབད་རུང་ ཁྱེད་ལུ་གཙོ་བོ་གི་འོས་འབབ་ཡོདཔ་སྦེ་ ཁོ་ལུ་ཐུགས་དགྱེས་པའི་བྱ་བ་སྤྱོད་ལམ་ལེགས་ཤོམ་སྒྲིགས་ནི་ཨིན་ དེ་ལས་ལཱ་ལེགས་ཤོམ་ག་ཅི་རང་ཨིན་རུང་ འདི་གི་འབྲས་བུ་བཏགསཔ་མ་ཚད་ དཀོན་མཆོག་དང་གཅིག་ཁར་འབྲེལ་བ་ཡར་རྒྱས་འགྱོ་ནི་ཨིན།

ཀོ་ལོ་སི་ལེའུ་ 1:4

ག་ཅི་སྨོ་ཟེར་བ་ཅིན་ ཁྱེད་ཀྱིས་ཁིརཱིས་ཡེ་ཤུ་ལུ་དདཔ་དང་ དཀོན་མཆོག་ཁོ་རའི་དམ་པའི་མི་ཚུ་ལུ་བརྩེ་གདུང་བསྐྱེད་པའི་སྐོར་ལས་ ང་བཅས་ཀྱིས་གོ་ཡི།

ཐེ་ས་ལོ་ནི་ཀ་དང་པ་ལེའུ་ 3:6

ད་ལྟོ་ ཏི་མོ་ཐི་ ཁྱེད་སྡོད་ས་ལས་ལོག་འོངམ་ད་ ཁྱེད་ཆ་ཁྱབ་དཀོན་མཆོག་ལུ་དད་པ་བསྐྱེད་དེ་ གཅིག་གིས་གཅིག་ལུ་བྱམས་པ་འབད་དེ་སྡོདཔ་མས་ཟེར་ ཁྱེད་ཆ་ཁྱབ་ཀྱི་སྐོར་ལས་ཧན་ཏོང་ཏོ་སྦེ་སླབ་དེས་ འདི་མ་ཚད་ ཁྱེད་ཀྱིས་ང་བཅས་ཀྱི་སྐོར་ལས་ལེགས་ཤོམ་སྦེ་སླབ་མ་ཚད་ ང་བཅས་ཀྱིས་ཁྱེད་དང་མཉམ་གཅིག་འཕྱད་དགོ་མནོ་དོཝ་བཟུམ་སྦེ་ ཁྱེད་ཡང་ང་བཅས་དང་འཕྱད་དགོ་མནོ་སྟེ་ སེམས་ཁར་ལུ་དྲན་ཏེ་སྡོདཔ་མས་ཟེར་སླབ་དེས།

ཐེ་ས་ལོ་ནི་ཀ་དང་པ་ལེའུ་ 4:1

དབའེ་སྤུན་ཆ་ཚུ་ མཐའན་མཇུག་ལུ་དོན་དག་མདོར་བསྡུས་ཏེ་ཞུ་བ་ཅིན་ ང་བཅས་ཀྱིས་ཁྱེད་ལུ་སྟོན་དོ་བཟུམ་སྦེ་ ཁྱེད་ཀྱིས་ དཀོན་མཆོག་གི་ཐུགས་དགྱེས་པའི་ལཱ་དང་ སྤྱོད་ལམ་ལེགས་ཤོམ་ཚུ་འབད་དེ་རང་སྡོད་ནུག་ ད་རུང་འདི་ལས་ལྷགཔ་སྦེ་ སྤྱོད་ལམ་ལེགས་ཤོམ་འབད་དེ་སྡོད་ཟེར་ ང་བཅས་ཀྱིས་གཙོ་བོ་ཡེ་ཤུ་གི་མཚན་ནང་ ཁྱེད་ལུ་ཞུ་བ་ཕུལ་དོ།

ཏི་མོ་ཐི་དང་པ་ལེའུ་ 1:11

གཞི་བདེན་པ་དེ་ བྱིན་རླབས་ཅན་དཀོན་མཆོག་གིས་གནང་མི་ གཟི་བརྗིད་དང་ལྡན་པའི་གཏམ་བཟང་དང་འཁྲིལ་ཏེ་ཨིན་ དེ་ཁྱབ་སྒྲགས་འབད་ཟེར་ང་ལུ་བཅོལ་གནང་ཡི།།

ཏི་མོ་ཐི་དང་པ་ལེའུ་ 1:19

དད་པ་སྒྲིང་སྒྲིང་སྦེ་བསྐྱེད་དེ་ དྲན་ཤེས་གསལ་ཏོག་ཏོ་གི་ཐོག་ལས་སྡོད་དགོཔ་ཨིན་ མི་ལ་ལུ་ཅིག་གིས་ དྲན་ཤེས་གསལ་ཏོག་ཏོ་སྦེ་སྡོད་དགོ་མ་མནོ་བར་ ཁོང་རའི་དད་པ་ལུ་མེདཔ་གཏངམ་ཨིན་མས།

ཏི་མོ་ཐི་གཉིས་པ་ལེའུ་ 4:7

ང་རའི་ཁ་ཐུག་ལས་ ག་དེ་དྲག་དྲག་ འགྲན་བསྡུར་འབད་ཡི་ མི་ཚེ་ནང་གི་འགྲན་བསྡུར་བང་རྒྱུགས་ཏེ་མཇུག་བསྡུ་ཡི་ དད་པའི་ལམ་ཡང་སྲུང་སྟེ་སྡོད་ཅི།

ཏི་ཏུས་ལེའུ་ 2:10

སྦྱིན་བདག་ནང་ལས་ཨརཝ་རྐུ་ནི་མེདཔ་གཅིག་དགོཔ་ཨིན་ དེ་གི་ཚབ་མ་ལུ་ སྦྱིན་བདག་གི་བློ་གཏད་ཚུགསཔ་སྦེ་སྡོད་མི་གཅིག་དགོཔ་ཨིན་ དེ་ལས་ང་བཅས་ཀྱི་སྐྱབས་མགོན་དཀོན་མཆོག་གི་སྐོར་ལས་ སྟོན་མིའི་ཆོས་ལུ་ མི་ག་ར་གིས་ སེམས་ཤོར་སི་སི་སྦེ་མཐོང་འོང་།།

ཕི་ལེ་མཱོན་ལེའུ་ 1:5

ག་ཅི་སྨོ་ཟེར་བ་ཅིན་ ཁྱོད་ཀྱིས་ དཀོན་མཆོག་ཁོ་རའི་དམ་པའི་མི་ག་ར་ལུ་བྱམས་པ་འབད་བའི་སྐོར་ལས་དང་ ཁྱོད་གཙོ་བོ་ཡེ་ཤུ་ལུ་དད་པ་བརྟན་ཏོག་ཏོ་ཡོད་པའི་སྐོར་ལས་ ང་གིས་གོ་ཡི།

ཡ་ཀོབ་ལེའུ་ 3:18

འདི་གིས་མ་ཚད་ ཞི་བདེ་བཟོ་མི་དེ་གིས་ ཞི་བདེ་གི་སོན་གཏོར་ཏེ་ དེ་གིས་འབྲས་བུ་འདི་རྔཝ་ད་ ཕྲངམ་དང་བདེནམ་སྦེ་བྱུངམ་ཨིན།།

པེ་ཏྲོ་གཉིས་པ་ལེའུ་ 3:11

ད་ཨ་ནི་བཟུམ་སྦེ་ག་ར་བྱུང་སྟེ་འོང་ནི་ཨིན་པ་ཅིན་ ཁྱེད་ཀྱི་མི་ཚེ་འདི་ མི་ག་ཅི་བཟུམ་སྦེ་སྡོད་དགོཔ་སྨོ་ དོན་ལས་རང་ ཁྱེད་ཀྱི་མི་ཚེ་འདི་ དམ་པ་དང་ཆོས་སེམས་ཡོདཔ་སྦེ་སྡོད་ནི་ དཀོན་མཆོག་གི་ཉིནམ་འདི་མགྱོགས་པར་འོང་ནི་གི་དོན་ལུ་ ག་ཅི་འབདཝ་དྲག་ག་བལྟ་སྟེ་སྒུག་སྡོད་ནི་ འདི་ཚུ་གནམ་མེད་ས་མེད་ཁག་ཆེ་ཏོག་ཏོ་ཨིན་ ཉིནམ་དེ་ལུ་ ཁོ་གིས་གནམ་ མེ་གིས་འཚིག་སྟེ་ རྩ་མེད་གཏང་ནི་ཨིནམ་མ་ཚད་ ཡོད་ཚད་ཅིགཔ་ག་ར་ མེའི་དྲོད་ཤུགས་ཀྱིས་ཞུ་ནི་ཨིན།

པེ་ཏྲོ་གཉིས་པ་ལེའུ་ 3:14

ངེ་གི་བྱམས་པའི་ཆ་རོགས་ ཨ་ནི་དེ་ཚུ་འབྱུང་འོང་ཟེར་སྒུག་སྡོད་ནི་འདི་གིས་ བརྩོན་ཤུགས་བསྐྱེད་དེ་ སྡིག་པའི་ཐིག་པ་ཐག་ཐིག་སྦེ་ ཆགས་ཡོད་པའི་སྐྱོན་ཚུ་མེད་པར་ དཀོན་མཆོག་དང་གཅིག་ཁར་མཐུན་ཏོག་ཏོ་སྦེ་སྡོད་དགོ།

ཡུ་དཱས་ལེའུ་ 1:3

ངེ་གི་བྱམས་པའི་ཆ་རོགས་ཚུ་ ང་བཅས་ག་ར་མཉམ་རུབ་ཀྱི་ཐོག་ལས་ བཅའ་མར་གཏོགས་ཏེ་ཡོད་མི་ ཡེ་ཤུ་ཁིརཱིས་ལས་འབྱུང་འོང་མིའི་ཐར་པ་དེ་གི་སྐོར་ལས་ ཡི་གུ་གཅིག་འབྲི་དགོ་མནོ་ཡི་ ཨིན་རུང་ དེ་གི་སྐོར་ལས་མེན་པར་ དཀོན་མཆོག་གིས་ ཁོ་རའི་དམ་པའི་མི་ཚུ་ལུ་ ཚར་གཅིག་གུ་གནང་ཚར་མི་ བདེན་པ་འདི་ལུ་དད་པ་བསྐྱེད་དེ་ ཁྱེད་ཀྱིས་སྲུང་སྐྱོབ་འབད་ནི་ལུ་ བརྩོན་ཤུགས་བསྐྱེད་དགོ་པའི་སྐོར་ལས་འབྲི་དགོཔ་འདི་ ཁག་ཆེ་བས་ཟེར་ ང་གིས་ཤེས་ཅི།