ཕི་ལི་པི་ལེའུ་ 1:23 - རྫོང་ཁ་

²³ ཨ་ནི་གཉིས་ལས་གཅིག་ གདམ་ཁ་རྐྱབ་ནི་ལཱ་ཁག་རྐྱབ་དོ་ གཅིག་ལས་བལྟ་བ་ཅིན་ མི་ཚེ་འདི་ལས་དགོངམ་ཞུ་སྟེ་ ཁིརཱིས་དང་མཉམ་སྡོད་པ་འགྱོ་དགོ་མནོ་ཡི་ ག་ཅི་སྨོ་ཟེར་བ་ཅིན་ ག་ར་ལས་དྲག་ཤོས་འདི་ དེ་ཨིན་མས།

ཕི་ལི་པི་ལེའུ་ 1:23 Iomraidhean Croise

ལུ་ཀ་ལེའུ་ 12:50

ང་ཁྲུས་གསོལ་ཞུ་དགོཔ་གཅིག་ཡོད་ འདི་མ་སྒྲུབ་ཚུན་ཚོད་ སེམས་ཁར་སྡུག་བསྔལ་གནམ་མེད་ས་མེད་ཡོད།

ལུ་ཀ་ལེའུ་ 23:43

དེ་བཟུམ་སྦེ་རང་ཡེ་ཤུ་གིས་ཁོ་ལུ་ ང་གིས་ཁྱོད་ལུ་དོན་ལས་རང་སླབ་ཨིན་ ཁྱོད་ད་རེས་ང་དང་གཅིག་ཁར་ཡར་ཞིང་ཁམས་ལུ་ལྷོད་ནི་ཨིན་ཟེར་གསུངས་ནུག།

ལུ་ཀ་ལེའུ་ 8:38

འདྲེ་གདོན་ཐོན་ཡར་སོང་མིའི་མི་དེ་གིས་ ང་ཡང་ནཱ་དང་གཅིག་ཁར་འཁྱིད་གནང་ཟེར་ ཡེ་ཤུ་ལུ་གསོལཝ་བཏབ་ནུག

ཡོ་ཧ་ནཱན་ལེའུ་ 12:26

ག་ར་འབད་རུང་ ངེ་གི་ཕྱག་ཞུ་དགོ་མནོ་མི་གིས་ ངེ་གི་ཤུལ་ལས་རྟིང་བདའ་འོང་དགོ་ ག་ཅི་སྨོ་ཟེར་བ་ཅིན་ ང་ག་སྡོད་ས་ལུ་ངེ་གི་ཞབས་ཕྱི་ཚུ་ཡང་སྡོད་ནི་ཐོབ་ ག་ར་འབད་རུང་ ངེ་གི་ཕྱག་ཞུ་བ་ཅིན་ འདི་ལུ་ ངེ་གི་ཡབ་ཀྱིས་ཡང་ཞེ་ས་གནང་འོང་།

ཡོ་ཧ་ནཱན་ལེའུ་ 13:1

ད་ཤི་ས་ལས་ཐར་བའི་དུས་ཆེན་གྱི་ཧེ་མ་ ཡེ་ཤུ་གིས་ད་ཁོ་འཛམ་གླིང་བཞག་སྟེ་ ཡབ་ཀྱི་སྐུ་མདུན་ལུ་བྱོན་ནིའི་དུས་ཚོད་རན་ཆི་ཡི་ཟེར་མཁྱེན་ནུག་ ཁོ་གིས་འཛམ་གླིང་འདི་ནང་ཡོད་པའི་སློབ་མ་ཚུ་ལུ་ ཁོ་གི་བྱམས་པ་ཚད་ལས་བརྒལ་ཏེ་མཛདཔ་མ་ཚད་ དུས་མཐའན་མཇུག་ཚུན་ཚོད་ཡང་ཁོང་ལུ་དེ་སྦེ་རང་བྱམས་པ་མཛད་ནུག

ཡོ་ཧ་ནཱན་ལེའུ་ 14:3

ད་ག་དེམ་ཅིག་སྦེ་ ང་འགྱོ་སྟེ་ཁྱེད་ཀྱི་དོན་ལུ་སྡོད་ས་གྲ་སྒྲིག་བརྐྱབ་པ་ཅིན་ ང་ལོག་འོངས་ཏེ་ ཁྱེད་ཆ་ཁྱབ་ལུ་ང་དང་གཅིག་ཁར་འཁྱིད་འགྱོ་ནི་ཨིན་ དེ་ལས་ང་ག་སྡོད་ས་ལུ་ཁྱེད་ཡང་ཨ་རྟག་རང་སྡོད་ནི་ཨིན།

ཡོ་ཧ་ནཱན་ལེའུ་ 17:24

ཡབ་ལགས་ ནཱ་གིས་འཇིག་རྟེན་མ་བཀོད་པའི་ཧེ་མ་ལས་ ང་ལུ་ཐུགས་བརྩེ་བའི་ཐོག་ལས་གནང་མིའི་གཟི་བརྗིད་དེ་ ཁོང་གིས་མཇལ་ནི་གི་དོན་ལུ་ ནཱ་གིས་ང་ལུ་གནང་མིའི་མི་ཚུ་ ང་ག་ཡོད་སར་ཁོང་ཡང་སྡོད་བཅུག་ཟེར་ངེ་གི་རེ་བ་ཨིན།

མཛད་པ་ལེའུ་ 7:59

ཨཱིས་ཏེ་ཕཱན་ལུ་རྡོ་གིས་བརྡུངམ་ད་ ཁོ་གིས་ གཙོ་བོ་ཡེ་ཤུ་ ངེ་གི་སེམས་ཉིད་འདི་ ཡར་ལེན་གནང་ཟེར་སྨོན་ལམ་ཞུ་ནུག

ཀོ་རཱིན་ཐི་གཉིས་པ་ལེའུ་ 5:8

ང་བཅས་ཀྱིས་ཐད་རི་བ་རི་སླབ་ཨིན་ ང་བཅས་ཀྱི་ལུས་དང་ཁ་འབྱལ་ཏེ་ གཙོ་བོ་དང་གཅིག་ཁར་སྡོད་ནི་འདི་ ང་བཅས་ཀྱིས་གདམ་ཁ་རྐྱབ་ཨིན།

ཀོ་རཱིན་ཐི་གཉིས་པ་ལེའུ་ 6:12

ང་བཅས་ཀྱི་སེམས་ཀྱི་སྒོ་ མ་བསྡམས་པར་བཞག་རུང་ ཁྱེད་ཀྱི་སེམས་ཀྱི་སྒོ་འདི་ བསྡམས་བཞག་བཞགཔ་ཨིན་པས།

ཕི་ལི་པི་ལེའུ་ 1:24

དེ་འབདཝ་ད་ གཅིག་ལས་བལྟ་བ་ཅིན་ ང་གསོན་པོ་སྦེ་སྡོད་ནི་དེ་ ཁྱེད་ཀྱི་དོན་ལུ་ཁག་ཆེ་ཏོག་ཏོ་ཨིན།

ཐེ་ས་ལོ་ནི་ཀ་དང་པ་ལེའུ་ 2:1

དབའེ་སྤུན་ཆ་ཚུ་ ང་བཅས་ཁྱེད་འཕྱད་པར་འོང་མི་འདི་ ཁུངས་མེདཔ་མེན་པར་ ལེགས་ཤོམ་སོང་ཡི་ཟེར་ཁྱེད་ཀྱིས་ཤེས།

ཐེ་ས་ལོ་ནི་ཀ་དང་པ་ལེའུ་ 2:13

ང་བཅས་ཀྱིས་ཁྱེད་ལུ་ དཀོན་མཆོག་གི་གཏམ་བཟང་བཤདཔ་ད་ ཁྱེད་ཀྱིས་འདི་ལུ་ མི་གིས་སླབ་པའི་གཏམ་བཟུམ་ཅིག་སྦེ་མེན་པར་ དཀོན་མཆོག་ཁོ་རང་གི་གསུང་ལུ་ཉན་དོཝ་བཟུམ་སྦེ་ བདེན་འཛིན་རེ་ཡི་ དེའི་དོན་ལུ་ང་བཅས་ཨ་རྟག་རང་ དཀོན་མཆོག་ལུ་བཀའ་དྲིན་ཆེ་ཟེར་ཞུཝ་ཨིན་ ང་བཅས་ཀྱིས་སླབ་མི་འདི་ དོན་ལས་རང་དཀོན་མཆོག་ལུ་དད་པ་བསྐྱེད་མི་ཚུ་གི་སྦུག་ལུ་ དཀོན་མཆོག་གིས་ཕྱག་ལཱ་མཛད་དེ་ཡོད།

ཐེ་ས་ལོ་ནི་ཀ་དང་པ་ལེའུ་ 4:17

དེ་ལས་ང་བཅས་གསོན་པོ་སྦེ་སྡོད་མི་འདི་ཚུ་ ཁོང་གྱོངས་སོང་མིའི་མི་ཚུ་གསོན་པོ་སྦེ་ལོང་མི་དང་གཅིག་ཁར་ གཙོ་བོ་དང་མཇལ་བ་ ཡར་ས་སྨུག་ནང་ལུ་འཁྱིད་དེ་འགྱོ་འོང་ དེ་ལས་ང་བཅས་དུས་རྒྱུན་དུ་རང་ གཙོ་བོ་དང་མཉམ་གཅིག་སྡོད་འོང་།

ཏི་མོ་ཐི་གཉིས་པ་ལེའུ་ 4:6

ག་ཅི་སྨོ་ཟེར་བ་ཅིན་ ང་རའི་མི་ཚེ་དེ་མཆོདཔ་སྦེ་བླུག་སྟེ་ཕུལ་ཚར་ནི་འབད་དོ་ ངེའི་མི་ཚེ་དེ་བཞག་སྟེ་འགྱོ་ནི་གི་དུས་ཚོད་ལུ་ལྷོད་ཅི།

མཐོང་སྣང་ལེའུ་ 14:13

ད་རུང་ཡང་ཞིང་ཁམས་ལས་གསུང་སྐད་གཅིག་གིས་ང་ལུ་ ད་རེས་ལས་འགོ་བཟུང་སྟེ་ གཙོ་བོ་ནང་དད་པ་བསྐྱེད་དེ་ཤི་མི་ཚུ་ བྱིན་རླབས་ཅན་ཨིན་ཟེར་ཨ་ནི་འདི་བྲི་དགོ་ཟེར་གསུངས་ཡི་ ད་རུང་ཐུགས་ཉིད་ཀྱིས་ དོན་ལས་རང་ཁོང་བྱིན་རླབས་ཅན་ཨིན་ ག་ཅི་སྨོ་ཟེར་བ་ཅིན་ ཁོང་དཀའཝ་སྤྱད་ས་ལས་ངལ་འཚོ་ཐོབ་སྟེ་ ཁོང་གིས་འབད་མི་ལཱ་ལེགས་ཤོམ་ ཁོང་རང་གི་ཤུལ་ལས་འོངམ་ཨིན་ཟེར་གསུངས་ཡི།།