ཕི་ལི་པི་ལེའུ་ 1:20 - རྫོང་ཁ་

²⁰ ག་ཅི་ནང་ཡང་ ང་ངོ་མི་ཚ་ཟེར་ ངེ་གི་རེ་བ་དང་འདོད་པ་ཨིན་ ང་མ་འདྲོག་པར་བློ་ཁོག་སྦོམ་བསྐྱེད་དེ་ ང་ཤི་སོང་རུང་ གསོན་པོ་སྦེ་སྡོད་རུང་ ངེ་གི་མི་ཚེ་འདི་ ཧེ་མ་བཟུམ་སྦེ་ ཨ་རྟག་རང་ ཁིརཱིས་ཡེ་ཤུ་ལུ་བསྟོད་པ་ཐོབ་བཅུག་ནི་གི་འདོད་པ་ཡོད།།

ཕི་ལི་པི་ལེའུ་ 1:20 Iomraidhean Croise

ཡོ་ཧ་ནཱན་ལེའུ་ 21:19

ཁོ་གིས་དེ་སྦེ་གསུངས་མི་དེ་ དཀོན་མཆོག་གི་གཟི་བརྗིད་དེ་ཕྱི་ཁར་བཏོན་པའི་དོན་ལུ་ པེ་ཏྲོ་ག་དེ་སྦེ་ཤི་དགོཔ་ཨིན་ན་ འདི་གི་སྐོར་ལས་ཨིན་མས་ དེ་གསུངས་ཚརཝ་ད་ཡེ་ཤུ་གིས་ པེ་ཏྲོ་ལུ་ངེའི་རྟིང་ལས་ཤོག་ཟེར་གསུངས་ནུག།

མཛད་པ་ལེའུ་ 20:24

ག་དེ་སྦེ་ཨིན་རུང་ ང་རང་གི་ཚེ་སྲོག་དེ་ཁག་ཆེ་ཏོག་ཏོ་སྦེ་མི་བརྩི་ དཀོན་མཆོག་གི་ཐུགས་རྗེ་གི་གཏམ་བཟང་གི་ འཛོམ་དཔང་འབད་ནི་གི་ལཱ་འགན་ གཙོ་བོ་ཡེ་ཤུ་གིས་ང་ལུ་གནང་སྟེ་ཡོད་མི་ དེ་མཇུག་བསྡུ་ནི་འདི་ངེ་གི་དོན་ལུ་གནམ་མེད་ས་མེད་རྩ་ཆེ་ཤོས་ཨིན།

མཛད་པ་ལེའུ་ 21:13

དེ་འབདཝ་ད་ པའུལ་གྱིས་ ཁྱེད་ཆ་ཁྱབ་སྔུ་སྟེ་ ང་ལུ་ག་ཅི་འབད་སེམས་སྐྱོ་བཅུགཔ་སྨོ་ ང་ལུ་བཟུང་སྟེ་བཙོན་ནང་བཙུགས་ཏེ་འབད་རུང་ ང་གྲ་སྒྲིག་ཡོད་ དེ་མ་ཚད་ ཡེ་རུ་ཤ་ལེམ་ལུ་གཙོ་བོ་ཡེ་ཤུ་གི་མཚན་གྱི་དོན་ལུ་ ང་ཤི་ཆོག་ཆོག་ཡོད་ཟེར་སླབ་ཅི།

མཛད་པ་ལེའུ་ 4:31

ཁོང་གིས་སྨོན་ལམ་ཞུ་ཚར་བའི་ཤུལ་ལས་ ཁོང་འཛོམས་མི་ས་གནས་འདི་ གནམ་མེད་ས་མེད་གཡོམ་བརྐྱབས་ནུག་ དེ་ལས་ཁོང་ག་ར་ དམ་པའི་ཐུགས་ཉིད་ཀྱིས་གང་སྟེ་ དཀོན་མཆོག་གི་གསུང་འདི་སྤོབས་པ་ཆེ་ཏོག་ཏོ་སྦེ་བཤད་ཚུགས་ནུག།

རོམ་མི་ལེའུ་ 12:1

དབའེ་སྤུན་ཆ་ཚུ་ དཀོན་མཆོག་གིས་ང་བཅས་ལུ་ཐུགས་བརྩེ་བ་ལུ་བརྟེན་ཏེ་ དཀོན་མཆོག་གི་ཐུགས་དགྱེས་མི་སྦེ་ ཁྱེད་ཀྱི་གསོན་པོའི་ལུས་འདི་ རང་གིས་རང་ལུ་སྤང་སྟེ་ གཙང་ཏོག་ཏོ་གི་ཐོག་ལས་ ཁོ་ལུ་ཕུལ་ཟེར་ ང་གིས་ཁྱེད་ལུ་གསོལ་བཏབ་ཞུ་དོ་ མཆོདཔ་ངོ་མ་འདི་ཨ་ནི་རང་ཨིན།

རོམ་མི་ལེའུ་ 5:5

དེ་ལས་རེ་བ་བསྐྱེད་མི་འདི་གིས་ བློ་ཕམ་མི་བཅུག་ ག་ཅི་སྨོ་ཟེར་བ་ཅིན་ དཀོན་མཆོག་གིས་དམ་པའི་ཐུགས་ཉིད་ ང་བཅས་ལུ་གནང་བའི་རྒྱུད་ལས་སྦེ་ བྱམས་པ་མ་ལང་ལངམ་སྦེ་ ང་བཅས་ཀྱི་སེམས་ནང་བླུགས་གནང་ཡི།

རོམ་མི་ལེའུ་ 6:13

སྡིག་པ་གི་གཡོག་རྐྱབས་ནི་སྦེ་ ཁྱེད་ཀྱི་ལུས་ཀྱི་ཡན་ལག་འདི་ ལཱ་ངན་པ་འབད་ནི་གི་ལག་ཆ་བཟོ་མ་བཅུག་ དེ་འབདཝ་ད་ ཤི་ས་ལས་ལྷོང་གནང་སྟེ་ མི་ཚེ་གསརཔ་ནང་སྡོད་མིའི་མི་སྦེ་ དཀོན་མཆོག་གི་ཕྱག་ཞུ་སྟེ་ ཁྱེད་ཀྱི་ལུས་ཀྱི་ཡན་ལག་རེ་རེ་བཞིན་དུ་ དཀོན་མཆོག་གི་ཐུགས་དགྱེས་མི་ལག་ཆ་སྦེ་ཕུལ་བཅུག

རོམ་མི་ལེའུ་ 6:19

(སྦྱིན་བདག་དང་གཡོགཔོ་གི་དཔེ་སླབ་མི་དོན་དག་འདི་ ཁྱེད་འཇམ་ཏོང་ཏོ་སྦེ་ ཧ་གོ་ནི་གི་དོན་ལུ་ཨིན།) ཁྱེད་ཧེ་མ་ལུས་ཀྱི་ཡན་ལག་འདི་ འདོད་ཆགས་དང་ཉེས་པ་གི་དབང་དུ་གཏང་སྟེ་སྡོད་དོཝ་བཟུམ་སྦེ་ ད་ལྟོ་ཁྱེད་ཀྱི་ལུས་ཀྱི་ཡན་ལག་རེ་རེ་བཞིན་དུ་ དཀོན་མཆོག་གི་ཐུགས་དགྱེས་མི་ལག་ཆ་སྦེ་ཕུལ་དགོཔ་ཨིན་ ཧེ་མ་གི་འབད་ཐངས་ལས་ སྡིག་པ་དང་ཉེས་པ་ཡར་འཕེལ་སོང་ཡི་ དེ་འབདཝ་ད་ དཀོན་མཆོག་གི་ཕྱག་ཞུཝ་ལས་ ཁྱེད་དཀོན་མཆོག་གི་མི་སྦེ་འཐོན་ནི་ཨིན།

རོམ་མི་ལེའུ་ 8:19

དཀོན་མཆོག་གི་སྲས་དང་སྲསམོ་གི་གཟི་བརྗིད་ཀྱི་རང་བཞིན་ངོ་མ་འདི་ ནམ་ཕྱི་ཁར་འཐོན་འོང་ག་ཟེར་ དཀོན་མཆོག་གིས་མཛད་ཡོད་མི་ག་ར་གིས་ རེ་བ་བསྐྱེད་དེ་སྒུག་སྡོདཔ་ཨིན།

རོམ་མི་ལེའུ་ 9:33

ལུང་སྟོན་པ་ ཨའི་ཟ་ཡ་གིས་གསུང་རབ་ནང་ལུ། ཉན་ཤིག་ ང་གིས་ ཟི་ཨཱོན་ལུ་རྡོ་གཅིག་ བཀལ་བཞག་ནི་ཨིན་ ཨ་ནི་རྡོ་འདི་གིས་ མི་ཚུ་གི་ལམ་བཀག་འོང་ དེ་ལས་ཁོང་དེའི་གུ་ལུ་ རྐངམ་ཐོགས་ཏེ་འགྱེལ་འོང་ དེ་འབདཝ་ད་ ཁོ་ལུ་དད་པ་བསྐྱེད་མི་དེ་ ངོ་ཚ་མི་བཅུག་ཟེར་ གསུངས་དོཝ་བཟུམ་སྦེ་རང་བྱུང་ནུག།

ཀོ་རཱིན་ཐི་དང་པ་ལེའུ་ 15:31

སྤུན་ཆ་ཚུ་ ཉིནམ་རེ་འཆར་རང་ ང་ཐད་རི་བ་རི་ ཤི་ནི་གི་ཉེན་ཁ་ནང་ཚུད་དོ་ འདི་དང་འདྲཝ་སྦེ་ གཙོ་བོ་ཁིརཱིས་ཡེ་ཤུ་གིས་ཁྱེད་ཀྱི་སྦུག་ལུ་མཛད་མི་ཕྱག་ལཱ་དེ་ལུ་བལྟཝ་ད་ ང་ཐད་རི་བ་རི་ དཔའ་ཡག་སྡོད་ནི་ཐོབ་དོ།

ཀོ་རཱིན་ཐི་དང་པ་ལེའུ་ 6:20

རིན་གོང་སྦོམ་སྤྲོད་དེ་ཁྱེད་ཆ་ཁྱབ་ཉོ་ཉོཝ་ཨིན་ དེ་འབདཝ་ལས་ཁྱེད་ཀྱི་གཟུགས་ཀྱི་ཐོག་ལས་ དཀོན་མཆོག་ལུ་གུས་ཞབས་ཕུལ་དགོ།།

ཀོ་རཱིན་ཐི་དང་པ་ལེའུ་ 7:34

ཨ་ནི་བཟུམ་གྱི་མི་ ཁོ་རའི་སེམས་དེ་ འདོད་པ་གཉིས་ལུ་གཏང་སྡོད་འོང་ གཉེན་མ་རྐྱབ་མི་ཨམ་སྲུ་དང་ བུམོ་ན་ཆུངམ་ མོ་རང་གི་ལུས་དང་སེམས་ཉིད་ནང་ཡང་ ག་དེ་སྦེ་གཙངམ་སྦེ་སྡོད་ནི་འཚོལ་ཏེ་ གཙོ་བོ་གི་ཕྱག་ཞུཝ་ཨིན་ དེ་འབདཝ་ད་ རྨགཔ་ཡོད་མི་ཨམ་སྲུ་གིས་ འཇིག་རྟེན་པའི་འགན་ཁུར་འདི་ཚུ་འབག་སྟེ་ མོ་རའི་རྨགཔ་ལུ་སེམས་དགའ་བཅུག་ནི་སྦེ་སྡོདཔ་ཨིན།

ཀོ་རཱིན་ཐི་གཉིས་པ་ལེའུ་ 10:8

དེ་ལས་ ག་དེམ་ཅིག་སྦེ་ ང་གིས་ ང་བཅས་ལུ་ཡོད་མི་དབང་ཚད་ཀྱི་སྐོར་ལས་ ཨ་ཙི་ཅིག་ངོམ་སྟོན་ཏེ་འབད་རུང་ ང་ངོ་མི་ཚ་ ག་ཅི་འབད་ཟེར་བ་ཅིན་ དབང་ཚད་འདི་གིས་ ཁྱེད་ལུ་མེདཔ་ཐལ་བཅུག་ནི་གི་དོན་ལུ་མེན་པར་ ཡར་རྒྱས་གཏང་ནིའི་དོན་ལུ་ཨིན།

ཀོ་རཱིན་ཐི་གཉིས་པ་ལེའུ་ 3:12

དེ་འབདཝ་ལས་ ཞལ་འཆེས་གསརཔ་གི་རྒྱུད་ལས་ རེ་བ་སྦོམ་ང་བཅས་ལུ་གནང་ཡོདཔ་ལས་ ང་བཅས་ཀྱིས་ བློ་ཁོག་སྦོམ་སྦེ་སླབ་ཚུགས།

ཀོ་རཱིན་ཐི་གཉིས་པ་ལེའུ་ 4:10

ཨ་ནི་སྡུག་བསྔལ་ ང་བཅས་ཀྱིས་ལུས་གུ་འབག་སྟེ་ ཡེ་ཤུ་གཤགས་པའི་སྡུག་བསྔལ་ནང་ འཕྲོ་མཐུད་དེ་རང་ ང་བཅས་བཅའ་མར་གཏོགསཔ་ཨིན་ ག་ཅི་སྨོ་ཟེར་བ་ཅིན་ ཡེ་ཤུ་གི་སྐུ་ཚེ་འདི་ ང་བཅས་ཀྱི་ལུས་ནང་ མངོན་སུམ་དུ་མཐོང་ཚུགས་ནིའི་དོན་ལུ་ཨིན།

ཀོ་རཱིན་ཐི་གཉིས་པ་ལེའུ་ 7:14

ང་ཁྱེད་ལུ་བལྟ་སྟེ་ངལ་རངས་ཡི་ཟེར་ ཁོ་ལུ་སླབ་ཅི་ དོན་ལས་རང་ ཁྱེད་ཀྱིས་ང་ལུ་ངོ་ཚ་མ་བཅུག་ ག་ཅི་སྨོ་ཟེར་བ་ཅིན་ ང་བཅས་ཀྱིས་ཁྱེད་ལུ་ཨ་རྟག་རང་ བདེན་པ་སླབ་དོཝ་བཟུམ་སྦེ་ ང་གིས་ཁྱེད་ཀྱི་སྐོར་ལས་ ཏི་ཏུས་ལུ་སླབ་མི་འདི་ བདེན་པ་སྦེ་འཐོན་ཡི།

ཀོ་རཱིན་ཐི་གཉིས་པ་ལེའུ་ 7:4

དེ་ལས་ང་གིས་ ཁྱེད་ལུ་གནམ་མེད་ས་མེད་བློ་གཏདཔ་ཨིན་ ང་ཁྱེད་ལུ་བལྟ་སྟེ་ངལ་རངསམ་མ་ཚད་ ང་བཅས་དཀའ་ངལ་དང་སྡུག་བསྔལ་མྱོངམ་ད་ ཁྱེད་ངེ་གི་སེམས་གསོ་འབད་མི་དང་ དགའ་སྤྲོ་བྱིན་མི་ཚུ་ཨིན།

ཕི་ལི་པི་ལེའུ་ 1:14

ང་བཙོན་ནང་ཚུད་པའི་ཐོག་ལས་སྦེ་ ནཱ་ལུ་གཙོ་བོ་ནང་ཡོད་མི་དདཔ་ཅན་སྤུན་ཆ་ལེ་ཤ་ཅིག་གིས་ དཀོན་མཆོག་གི་གསུང་བཤད་ནི་ལུ་ མ་འདྲོག་པར་བློ་ཁོག་སྦོམ་འགྱུར་སོང་ནུག

ཕི་ལི་པི་ལེའུ་ 2:17

དེ་འབདཝ་ད་ ཁྱེད་ཀྱིས་དད་པའི་ཐོག་ལས་ དཀོན་མཆོག་གི་ཕྱག་ཞུ་སྟེ་སྡོད་མི་དེ་ ཁོ་ལུ་མཆོདཔ་བླུག་སྟེ་ཕུལ་མི་བཟུམ་སྦེ་ཨིན་ དེ་ལས་ང་ལུ་བསད་དེ་ ངེ་གི་མི་ཚེ་ཡང་ ཁྱེད་ཀྱིས་བླུག་སྟེ་ཕུལ་མི་མཆོདཔ་དང་གཅིག་ཁར་ འགྱུར་ཏེ་འབད་རུང་ ང་དགའ་སྤྲོ་འགྱུར་ནི་ཨིནམ་མ་ཚད་ ཁྱེད་ལུ་བལྟ་སྟེ་ངལ་རངས་ནི་ཨིན།

ཀོ་ལོ་སི་ལེའུ་ 1:24

ད་ང་ཁྱེད་ཀྱི་དོན་ལུ་སྡུག་བསྔལ་མྱོང་ནི་ལུ་ དགའ་སྤྲོ་བསྐྱེད་སྡོདཔ་ཨིན་ ཁིརཱིས་ཀྱི་སྐུ་གཟུགས་ཨིན་པའི་ཆོས་ཚོགས་ཀྱི་དོན་ལུ་ ང་རའི་གཟུགས་ཀྱིས་ ཁོ་གི་སྡུག་བསྔལ་མཐར་སྐྱེལ་ནི་ཨིན།

ཐེ་ས་ལོ་ནི་ཀ་དང་པ་ལེའུ་ 5:23

དེ་ལས་ཞི་བདེ་གནང་མི་དཀོན་མཆོག་ཁོ་རང་གིས་ ཁྱེད་ལུ་ཡོངས་སུ་རྫོགསཔ་སྦེ་གཙངམ་མཛད་བཅུག་ གཙོ་བོ་ཡེ་ཤུ་ཁིརཱིས་ལོག་མ་འབྱོན་ཚུན་ཚོད་ ཁྱེད་ཀྱི་སེམས་དང་རྣམ་ཤེས་ ལུས་དེ་ཚུ་ སྐྱོན་ག་ཅི་ཡང་མེདཔ་སྦེ་ བསྲུང་སྐྱབས་མཛད་དེ་བཞག་བཅུག

པེ་ཏྲོ་དང་པ་ལེའུ་ 4:16

ཨིན་རུང་ ག་ར་འབད་རུང་ ཡེ་ཤུ་པ་འབད་ཡི་ཟེར་ སྡུག་བསྔལ་མྱོང་པ་ཅིན་ ཁོ་གིས་ངོ་མ་ཚ་བར་ ཁིརཱིས་ཀྱི་མཚན་གྱི་དོན་ལུ་ སྡུག་བསྔལ་འབག་ནི་འོས་འབབ་ཡོདཔ་ཨིན་ཟེར་ དཀོན་མཆོག་ལུ་བཀའ་དྲིན་ཆེ་ཟེར་ཞུ་དགོ།

ཡོ་ཧ་ནཱན་དང་པ་ལེའུ་ 2:28

ད་ངེ་གི་བྱམས་པའི་ཨ་ལོ་ཚུ་ ཁིརཱིས་ཀྱི་ནང་ན་གནས་ཏེ་སྡོད་ དེ་ལས་ཁོ་ལོག་སྟེ་མངོན་སུམ་སྦེ་འབྱོནམ་ད་ ཁོ་གི་གདོང་ཁར་ལུ་ངོ་མ་ཚ་བར་ བློ་བདེ་ཏོག་ཏོ་སྦེ་སྡོད་ཚུགས་འོང་།