ཕི་ལི་པི་ལེའུ་ 1:15 - རྫོང་ཁ་

¹⁵ དེ་ཚུ་གི་གྲལ་ཁ་ལས་ མི་ལ་ལུ་ཅིག་གིས་ཁིརཱིས་ཀྱི་སྐོར་ལས་ཆོས་བཤདཔ་ད་ ང་ལུ་ཕྲག་དོག་བསྐྱེད་དེ་ རྩོད་འགྲན་གྱི་ཐོག་ལས་བཤད་ཡོདཔ་ཨིན་མས་ ཨིན་རུང་ མི་ལ་ལུ་ཅིག་གིས་ལེགས་སེམས་མནོ་སྟེ་ཆོས་བཤདཔ་ཨིན་མས།

ཕི་ལི་པི་ལེའུ་ 1:15 Iomraidhean Croise

མེ་ཐིའུ་ལེའུ་ 23:5

ཁོང་གིས་ག་ཅི་རང་འབད་རུང་ མི་གི་གདོང་ཁར་ལུ་བཏོན་ནིའི་དོན་ལུ་འབདཝ་ཨིན་ ཁོང་གིས་སྨོན་ལམ་གྱི་སྲུང་འཁོརཔ་བཟུམ་སྦོམ་བཟོ་སྟེ་བཏགསཔ་མ་ཚད་ རལཔ་ཡོད་མིའི་གྱོན་ཆས་ཚུ་ མར་རིངམ་སྦེ་བཏང་སྟེ་གྱོན་བཏོནམ་ཨིན།

མཛད་པ་ལེའུ་ 10:36

ཡེ་ཤུ་ཁིརཱིས་དེ་ ག་ར་གི་གཙོ་བོ་ཨིནམ་མ་ཚད་ ཁོ་གི་ཐོག་ལས་སྦེ་ ཞི་བདེ་ཐོབ་ཚུགས་ནི་གི་ཁ་འཐེན་འདི་ ཁྱེད་ཀྱིས་གོ་ཡི་ ཁ་འཐེན་འདི་ དཀོན་མཆོག་གིས་ ཨཱིས་ར་ཨཱེལ་གྱི་བུ་བརྒྱུད་ཚུ་གི་དོན་ལུ་ཁྱབ་གནང་ཡི།

མཛད་པ་ལེའུ་ 11:20

དེ་འབདཝ་ད་ ཁོང་གི་གྲལ་ཁ་ལས་ སའིཔ་རཱས་དང་ སའི་རིན་ལས་ཨིན་མིའི་དདཔ་ཅན་ལ་ལུ་ཅིག་གིས་ ཁྲོམ་ ཨཱན་ཏི་ཡོག་ལུ་སོང་ཞིནམ་ད་ དེ་ནང་སྡོད་མི་ ཕྱིའི་མི་རིགས་ཆ་ཁྱབ་ལུ་ གཙོ་བོ་ཡེ་ཤུ་གི་གཏམ་བཟང་བཤད་ནུག

མཛད་པ་ལེའུ་ 5:42

དེ་ལས་ ཉིནམ་རེ་འཆར་རང་ ཡེ་ཤུ་འདི་རྐྱངམ་གཅིག་ དཀོན་མཆོག་གིས་བཙག་འཐུ་མཛད་མི་ཁིརཱིས་ཨིན་ཟེར་ མཆོད་ཁང་ནང་དང་ ཁྱིམ་ལས་ཁྱིམ་བཤལ་ཏེ་ རྒྱུན་ཆད་མེད་པར་ ཆོས་སྟོན་ གཏམ་བཟང་འདི་བཤད་དེ་ ཁྱབ་བསྒྲགས་འབད་ནུག།

མཛད་པ་ལེའུ་ 8:35

ཕི་ལིབ་ཀྱིས་ དངུལ་རྩིས་བློན་པོ་འདི་གིས་ལྷབ་མི་དེབ་དེ་ལས་འཕྲོ་མཐུད་དེ་ ཡེ་ཤུ་གིས་སྐོར་ལས་གཏམ་བཟང་ག་ར་བཤད་དེ་སླབ་ནུག

མཛད་པ་ལེའུ་ 8:5

ཕི་ལིབ་འདི་ ལུང་ཕྱོགས་ ས་མ་རི་ཡ་གི་ཁྲོམ་སྦོམ་ཤོས་གཅིག་ནང་སོང་སྟེ་ དཀོན་མཆོག་གིས་བཙག་འཐུ་མཛད་མི་ཁིརཱིས་ཀྱི་སྐོར་ལས་ གཏམ་བཟང་བཤད་ནུག

མཛད་པ་ལེའུ་ 9:20

དུས་ཚོད་ཕར་ཕུལ་མ་བཞག་པར་ ཡེ་ཤུ་འདི་དཀོན་མཆོག་གི་སྲས་ཨིན་ཟེར་ སི་ན་གོག་དེ་ཚུ་ནང་ཆོས་བཤད་ནུག

རོམ་མི་ལེའུ་ 2:8

དེ་འབདཝ་ད་ མི་རང་གི་དོན་ལུ་འདོདཔ་བཙོང་མི་དང་ བདེན་པ་གི་ཁ་ལུ་མ་ཉན་པར་ ལཱ་ངན་པ་འབད་སྡོད་མི་ཚུ་ལུ་ དཀོན་མཆོག་གིས་ཁོ་རང་གི་ཆདཔ་ ཡང་ཆ་མེད་པར་བཀལ་གནང་འོང་།

ཀོ་རཱིན་ཐི་དང་པ་ལེའུ་ 1:23

དེ་འབདཝ་ལས་ ང་བཅས་ཀྱིས་ཁྲམ་ཤིང་གུ་ གཤགས་མི་ཁིརཱིས་ཀྱི་སྐོར་ལས་ཆོས་བཤདཔ་ད་ ཁོང་ ཡ་ཧུ་ད་པ་ཚུ་ལུ་སེམས་ཁར་ཕོག་པའི་གཏམ་དང་ ཕྱིའི་མི་རིགས་ཚུ་ལུ་འབྱུང་ཁུངས་མེད་པའི་གཏམ་ལུ་འགྱུར་སོང་ཡི།

ཀོ་རཱིན་ཐི་དང་པ་ལེའུ་ 13:3

ངེ་གི་རྒྱུ་ཕྱེད་ཀྲམ་དེ་ཚུ་ག་ར་ སྤྱང་ཀ་ཚུ་ལུ་བགོ་བཤའ་རྐྱབས་བྱིན་ ང་རང་གི་གཟུགས་ཡང་མེ་གཏང་ནིའི་དོན་ལུ་ རྩིས་སྤྲོད་ཆོག་ཆོག་འབད་མི་གཅིག་ཨིན་རུང་ ངེ་གི་ནང་ན་བྱམས་སེམས་མེད་པ་ཅིན་ ང་དོན་དག་ག་ནི་ཡང་མེད།

ཀོ་རཱིན་ཐི་གཉིས་པ་ལེའུ་ 1:19

ག་ཅི་སྨོ་ཟེར་བ་ཅིན་ སཱིལ་ཝ་ནུས་དང་ ཏི་མོ་ཐི་ དེ་ལས་ང་གིས་ དཀོན་མཆོག་གི་སྲས་ ཡེ་ཤུ་ཁིརཱིས་ཀྱི་སྐོར་ལས་ ཁྱེད་ཀྱི་སྦུག་ལུ་ཆོས་བཤད་ཅི་ ཡེ་ཤུ་ཁིརཱིས་ཀྱིས་ ཁོ་རང་གི་ཐུགས་བསམ་ བཏུབ་དང་མི་བཏུབ་ཟེར་ནམ་ཡང་བསྒྱུར་བཅོས་མི་མཛད་ ཁོ་གི་ཐོག་ལས་སྦེ་ དཀོན་མཆོག་གིས་བཏུབ་ཟེར་གསུངས་མི་དེ་ མངོན་སུམ་དུ་འབྱུང་འོང་།

ཀོ་རཱིན་ཐི་གཉིས་པ་ལེའུ་ 11:13

ག་ཅི་སྨོ་ཟེར་བ་ཅིན་ ཨ་ནི་མི་འདི་ཚུ་ སྐུ་ཚབ་རྫུས་མ་ མགུ་བསྐོར་བརྐྱབས་ཏེ་ ལཱ་འབད་མི་ དེ་ལས་ ཁིརཱིས་ཀྱི་སྐུ་ཚབ་བཟུམ་སྦེ་ འགྱུར་ནིའི་ཐབས་ཤེས་འགྱིར་མི་ཚུ་ཨིན།

ཀོ་རཱིན་ཐི་གཉིས་པ་ལེའུ་ 12:20

ད་ ང་འདྲོག་དོ་ ག་ཅི་སྨོ་ཟེར་བ་ཅིན་ ང་ཁྱེད་སྡོད་སར་འོངམ་ད་ ངེ་གི་འདོད་པ་བཞིན་དུ་ ཁྱེད་ཀྱིས་མ་འབད་བར་སྡོད་འོང་ དེ་བཟུམ་སྦེ་ ཁྱེད་ཀྱིས་མནོ་བསམ་གཏང་དོཝ་བཟུམ་སྦེ་ ང་གིས་འབད་མི་ཚུགས་འོང་ ཁྱེད་ཀྱི་སྦུག་ལུ་ ཁ་ཤགས་བརྐྱབ་ནི་ གཅིག་གིས་གཅིག་ལུ་ མིག་ཏོ་ཚ་ནི་དང་ ཙིགཔ་ཟ་སྟེ་ ཕྱོགས་སོ་སོ་སྦེ་ གྱེས་འགྱོ་ནི་ ཁ་གཏང་ནི་ ཡར་ཁ་མར་ཁ་བཀལ་ནི་ ཁམས་བཙོང་ནི་ གཅིག་གིས་གཅིག་ལུ་ གུས་ཞབས་མ་འབད་ནི་ ནང་འཁྲུག་ལང་ནི་ འདི་ཚུ་ག་ར་ཁྱེད་ཀྱི་ནང་ན་བྱུང་མ་བཅུག་ཟེར་མནོ་ཡི།

ཀོ་རཱིན་ཐི་གཉིས་པ་ལེའུ་ 4:5

ང་བཅས་ཀྱིས་ རང་གི་སྐོར་ལས་ཆོས་མི་བཤད་ དེ་འབདཝ་ད་ ཁིརཱིས་ཡེ་ཤུ་དེ་གཙོ་བོ་ཨིན་ཟེར་ ཆོས་བཤདཔ་ཨིན་ དེ་སྦེ་ཆོས་བཤད་མི་དེ་ ཡེ་ཤུ་གི་ཐོག་ལས་ ང་བཅས་ཁྱེད་ལུ་ཞབས་ཏོག་ཞུཝ་ཨིན།

ག་ལ་ཏི་ལེའུ་ 2:4

ཨ་ནི་ ཡ་ཧུ་ད་པའི་རྟགས་དེ་གི་སྐོར་ལས་ ག་དེ་སྦེ་འགྱོ་འགྱོཝ་ཨིན་ན་ཟེར་བ་ཅིན་ ལ་ལུ་གིས་ཡེ་ཤུ་པ་བཟོ་སྟེ་ ཁིརཱིས་ཡེ་ཤུ་ལས་ང་བཅས་ཀྱིས་ཐོབ་མི་དབང་ཚད་དེ་བལྟ་ནི་གི་དོན་ལུ་ མེན་བརྫུ་བཏབ་སྟེ་ང་བཅས་ཀྱི་སྦུག་ལུ་འཛུལ་འོངས་ཡི་ ཁོང་གིས་ང་བཅས་ལུ་ ཡ་ཧུ་ད་པའི་བཀའ་ཁྲིམས་ཀྱི་གཡོགཔོ་སྦེ་བཟོ་ནི་འབདཝ་ཨིན་མས།

ཕི་ལི་པི་ལེའུ་ 2:3

ཁྱེད་ཀྱིས་ ག་ཅི་རང་འབད་རུང་ རང་གི་དོན་ལུ་འདོདཔ་བཙོང་ནི་དང་ རང་བསྟོད་རྐྱབ་པའི་ཐོག་ལས་སྦེ་ལཱ་མ་འབད་ དེ་འབདཝ་ད་ རང་ཉམ་ཆུང་འབད་དེ་ གཅིག་གིས་གཅིག་ལུ་ རང་ལས་གཞན་མཐོ་ཤོས་གཅིག་ཨིན་ཟེར་མནོ་དགོ།

ཏི་མོ་ཐི་དང་པ་ལེའུ་ 3:16

ཐད་རི་བ་རི་རང་ ཡེ་ཤུ་གི་སྐོར་ལས་ ཆོས་སེམས་བསྐྱེད་བཅུག་མི་ བདེན་པའི་གསང་བ་གཏིང་ཟབ་དྲགས་དེ་ ཡ་མཚན་ཆེ་ཏོག་ཏོ་ཨིན་ཟེར་ ང་བཅས་ག་ར་གིས་འཛོམ་དཔང་འབདཝ་ཨིན་ འཛོམ་དཔང་དེ་ག་ཅི་སྨོ་ཟེར་བ་ཅིན། ཁོ་ མིའི་ལུས་ལུ་བྱོན་མི་ ཐུགས་ཉིད་ཀྱིས་ཁོ་བདེན་པ་ཟང་མཛད་མི་ ཕོ་ཉ་ཚུ་གིས་མཇལ་མི་ ཁོ་གི་སྐོར་ལས་མི་རིགས་ག་ར་ལུ་ཁྱབ་བསྒྲགས་སོང་མི་ འཛམ་བུ་གླིང་གི་མི་ཚུ་གིས་དད་པ་བསྐྱེད་མི་ཁོ་ གཟི་བརྗིད་ནང་ཡར་འཐུ་བསྣམས་ནུག།