ཕི་ལི་པི་ལེའུ་ 1:13 - རྫོང་ཁ་

¹³ ག་ཅི་སྨོ་ཟེར་བ་ཅིན་ ང་བཙོན་ནང་ཚུད་དགོ་པའི་དོན་དག་དེ་ ཁིརཱིས་ཀྱི་དོན་ལས་ཨིན་ཟེར་ ནཱ་གི་མི་ཚུ་ག་ར་དང་ རྒྱལཔོ་ ཀེ་སཱར་གྱི་ཕོ་བྲང་ནང་གི་སྲུང་རྒྱབ་དེ་ཚུ་གིས་ཤེས།

ཕི་ལི་པི་ལེའུ་ 1:13 Iomraidhean Croise

མཛད་པ་ལེའུ་ 26:29

ད་རུང་ པའུལ་གྱིས་ དུས་ཡུན་ཐུང་ཀུ་གཅིག་ཨིན་རུང་ རིངམ་ཨིན་རུང་ ག་དེ་སྦེ་འབད་རུང་ ད་རིས་ནཱ་མི་དབང་མཆོག་དང་ ང་ལས་ལོ་རྒྱུས་གོ་མི་ཚུ་ག་ར་ ང་བཟུམ་སྦེ་ལྕགས་ཐག་གིས་སྡམ་སྟེ་བཞག་ནི་འདི་མ་བཏུབ་མ་གཏོགས་ དད་པ་བསྐྱེད་པ་ཅིན་ལེགས་ཤོམ་ཨིན་ཟེར་ དཀོན་མཆོག་ལུ་སྨོན་ལམ་ཞུཝ་ཨིན་ཟེར་ཞུ་ནུག

མཛད་པ་ལེའུ་ 26:31

ཞལ་འཛོམས་ཁང་ནང་ལས་ཐོན་བྱོན་ཏེ་ ཁོང་རང་གཅིག་གིས་གཅིག་ལུ་ ཨ་ནི་མི་དེ་ལུ་ བཙོན་ཁང་ནང་བཞག་དགོཔ་དང་ ཉེས་ཆད་སྲོག་ཐོག་ལུ་བཀལ་དགོཔ་ ག་ནི་ཡང་མིན་འདུག་ཟེར་གསུངས་ནུག

མཛད་པ་ལེའུ་ 28:17

ཉིནམ་གསུམ་གྱི་ཤུལ་ལས་ པའུལ་གྱིས་ ཡ་ཧུ་ད་པ་གི་འགོ་དཔོན་ཚུ་འབོ་སྟེ་ ཁོང་ག་ར་འཛོམས་སར་ལུ་ པའུལ་གྱིས་སླབ་ཅི་ དབའེ་ ངེའི་སྤུན་ཆ་ཚུ་ ང་གིས་ ང་བཅས་རའི་མི་དང་ ང་བཅས་རའི་ཕ་བརྒྱུད་ཀྱི་བཀའ་ཁྲིམས་ལུ་ མ་རྒོལ་ཏེ་འབད་རུང་ ཁོང་གིས་ང་ ཡེ་རུ་ཤ་ལེམ་ལུ་འཛིན་བཟུང་འབད་དེ་ རོམ་མི་ཚུ་གི་ལག་པར་སྤྲོད་དེ་བཏང་ཡི།

མཛད་པ་ལེའུ་ 28:20

དེ་འབདཝ་ལས་བརྟེན་ཏེ་ ཁྱེད་ཆ་ཁྱབ་ནཱ་ལུ་འབོ་དགོ་མི་འདི་ ཨ་ནི་ལོ་རྒྱུས་དེ་གི་སྐོར་ལས་ཁ་སླབ་ནི་སྦེ་ཨིན་ ག་ཅི་སྨོ་ཟེར་བ་ཅིན་ ང་ཨ་ནི་ལྕགས་ཐག་གིས་བཅིངས་དགོ་མི་དོན་དག་དེ་ ཨཱིས་ར་ཨཱེལ་གྱིས་རེ་བ་བསྐྱེད་མི་ཁིརཱིས་ལུ་ ང་གིས་དད་པ་བསྐྱེདཔ་ལས་བརྟེན་ཏེ་ཨིན་ཟེར་སླབ་ཅི།

མཛད་པ་ལེའུ་ 28:30

དེ་ལས་ པའུལ་གྱིས་ཁྱིམ་གྱི་ཁང་གླ་ཁོ་རང་སྤྲོད་དེ་ ལོ་གཉིས་ཚུན་ཚོད་སྡོད་སྦེ་ ཁོ་དང་འཕྱད་པ་འོང་མི་ཚུ་ལུ་ ཁོ་གིས་ཁ་སངས་ཧིང་གསལ་སྦེ་འབོ་ཅི།

ཨི་ཕི་སིཔ་ལེའུ་ 3:1

དེ་འབདཝ་ལས་ ཁིརཱིས་ཡེ་ཤུ་གི་ཐོག་ལས་སྦེ་ ཁྱེད་ ཕྱིའི་མི་རིགས་ཚུ་ལུ་ གཏམ་བཟང་བཤད་ནི་འདི་གིས་ ང་ པའུལ་བཙོན་པ་སྦེ་སྡོདཔ་ཨིན།

ཨི་ཕི་སིཔ་ལེའུ་ 4:1

དེ་འབདཝ་ལས་ དཀོན་མཆོག་གིས་ཁྱེད་ལུ་ག་ཅི་འབད་བཙག་འཐུ་གནང་གནངམ་ཨིན་ན་ འདི་ལུ་ཁྱེད་ཀྱིས་འོས་འབབ་ཡོདཔ་སྦེ་སྡོད་ཟེར་ ང་གཙོ་བོ་གི་དོན་ལུ་བཙོན་པ་གཅིག་གིས་ ཁྱེད་ལུ་གསོལཝ་བཏབ་ཨིན།

ཨི་ཕི་སིཔ་ལེའུ་ 6:20

འདི་གི་དོན་ལུ་རང་ ང་བཙོན་ནང་ཚུད་ཡོད་མི་སྐུ་ཚབ་གཅིག་ཨིན་ ང་གིས་ག་ཅི་བཤད་དགོཔ་ཨིན་ན་ འདི་ནང་ང་གིས་མ་འདྲོག་པར་ གཏམ་བཟང་བཤད་ནི་མ་བཞག་པར་ འཕྲོ་མཐུད་དེ་རང་བཤད་ཚུགས་ནིའི་དོན་ལུ་ སྨོན་ལམ་ཞུ།།

ཕི་ལི་པི་ལེའུ་ 1:30

ཧེ་མ་ཁིརཱིས་ཀྱི་དོན་ལས་ ང་ལུ་བྱུང་མི་སྡུག་བསྔལ་དེ་ཚུ་ ཁྱེད་ཀྱིས་མཐོངམ་མ་ཚད་ ད་ངེ་གི་སྐོར་ལས་ ཁྱེད་ཀྱིས་རྣ་བ་གོ་མི་དེ་ ཁྱེད་ཀྱིས་ཡང་ དེ་སྦེ་རང་སྡུག་བསྔལ་འབག་སྟེ་ཡོད།།

ཕི་ལི་པི་ལེའུ་ 1:7

ང་ཁྱེད་ལུ་སེམས་ཀྱི་གདིང་ལས་རང་དགའ་ནི་འདི་གིས་ ཁྱེད་ག་ར་ལས་སྦེ་དགའ་སྤྲོ་འགྱུར་ནི་དེ་ཀྲིག་ཀྲི་རང་ཨིན་ ག་ཅི་སྨོ་ཟེར་བ་ཅིན་ ང་བཙོན་ནང་སྡོད་རུང་རང་ ཡང་ན་ཕྱི་ཁ་སྡོད་དེ་ གཏམ་བཟང་གི་སྐོར་ལས་བདེན་ཁུངས་བཀལ་རུང་རང་ དཀོན་མཆོག་གིས་ང་བཅས་ལུ་གནང་མི་ལཱ་ནང་ ཁྱེད་ཀྱིས་ང་ལུ་ཆ་རོགས་འབད་བྱིན་ཡི།

ཕི་ལི་པི་ལེའུ་ 4:22

དེ་ལས་ནཱ་ལུ་ཡོད་མི་ དཀོན་མཆོག་ཁོ་རའི་དམ་པའི་མི་ག་ར་གིས་ གཙོ་བ་རང་ རྒྱལཔོ་ ཀེ་སཱར་གྱི་ཕོ་བྲང་ནང་ཡོད་མི་ཚུ་གིས་ཡང་ ཁྱེད་ལུ་སྐུ་གཟུགས་བཟང་པོ་ཟེར་སླབ་དེས།

ཏི་མོ་ཐི་གཉིས་པ་ལེའུ་ 2:9

ཨ་ནི་གཏམ་བཟང་གི་དོན་ལུ་ ང་གིས་སྡུག་བསྔལ་མྱོང་སྟེ་མི་ཉེས་པ་ཅན་ལུ་འབད་དོཝ་བཟུམ་སྦེ་ ང་ལུ་ལྕགས་ཐག་གིས་བཅིངས་ཏེ་བཞག་ཅི་ དེ་འབདཝ་ད་ ང་ལུ་ལྕགས་ཐག་གིས་བཅིངས་བཞག་དོཝ་བཟུམ་སྦེ་ དཀོན་མཆོག་གི་གསུང་དེ་ལུ་བཅིང་བཞག་མི་ཚུགས།