ཕི་ལི་པི་ལེའུ་ 1:11 - རྫོང་ཁ་

¹¹ དེ་ལས་ཡེ་ཤུ་ཁིརཱིས་ཀྱི་ཐོག་ལས་སྦེ་འོང་མི་ དཀོན་མཆོག་གི་ཐུགས་དང་ལྡན་པའི་འབྲས་བུ་གིས་ ཁྱེད་ཀྱི་མི་ཚེ་ནང་གང་སྟེ་ དཀོན་མཆོག་གི་གཟི་བརྗིད་ཡར་འཕེལ་བཅུག་ ཁོ་གི་མཚན་ཡང་ཡར་བསྟོད་བཅུག།

ཕི་ལི་པི་ལེའུ་ 1:11 Iomraidhean Croise

མེ་ཐིའུ་ལེའུ་ 5:16

དཔེ་གཏམ་འདི་བཟུམ་སྦེ་རང་ ཁྱེད་ཀྱིས་འབད་མིའི་ལཱ་བཟང་པོ་འདི་ མིའི་གདོང་ཁར་འོད་བཟུམ་སྦེ་ཤར་བཅུག་ དེ་འབདཝ་ལས་མི་ཚུ་ག་ར་གིས་མཐོང་སྟེ་ ཁོང་གིས་ཡར་ཞིང་ཁམས་ལུ་བཞུགས་ཡོད་མི་ ཁྱེད་ཀྱི་ཡབ་ལུ་བསྟོད་པ་ཕུལ་འོང་།།

ཡོ་ཧ་ནཱན་ལེའུ་ 15:16

ཁྱེད་ཀྱིས་ང་ལུ་བཙག་འཐུ་མ་འབད་ དེ་འབདཝ་ད་ ཁྱེད་ཆ་ཁྱབ་འགྱོ་སྟེ་ དུས་རྟག་བུ་འབྲས་བུ་བཏག་བཅུག་ནིའི་དོན་ལུ་ ང་གིས་ཁྱེད་ལུ་བཙག་འཐུ་འབད་དེ་ འགན་ཁུར་སྐྱེལ་ཡི་ དེ་འབདཝ་ལས་ ཁྱེད་ཀྱིས་ངེ་གི་མིང་ནང་ཡབ་ལས་ག་ཅི་རང་ཞུ་རུང་ འདི་ཁྱེད་ལུ་གནང་འོང་།

ཡོ་ཧ་ནཱན་ལེའུ་ 15:2

ཁོ་གིས་ ང་དང་མཐུད་དེ་ཡོད་མི་ཞལ་ལག་ འབྲས་བུ་མ་བཏག་པར་སྡོད་མི་ག་ར་ ཁོ་གིས་བཏོག་བཀོཝ་ཨིན་ དེ་ལས་ངེའི་ནང་འབྲས་བུ་བཏག་མི་ཞལ་ལག་དེ་ཚུ་ ཧེ་མ་ལས་ཡང་དྲགཔ་སྦེ་ དོག་མ་བཏག་བཅུག་ནིའི་དོན་ལུ་ སྤྱི་ཏོག་གཡམ་སྟེ་བཞགཔ་ཨིན།

ཡོ་ཧ་ནཱན་ལེའུ་ 15:8

ཁྱེད་ཀྱིས་དོག་མ་ལེ་ཤ་བཏགས་ཏེ་ ངེ་གི་སློབ་མ་ཨིན་པའི་བདེན་ཁུངས་བཀལ་བ་ཅིན་ ངེ་གི་ཡབ་གཟི་བརྗིད་མངོན་པར་འགྱུར་ནི་ཨིན།

རོམ་མི་ལེའུ་ 15:28

དེ་འབདཝ་ལས་བརྟེན་ཏེ་ ཁོང་གི་དོན་ལུ་བསྡུ་མི་ཞལ་འདེབས་དེ་འབག་སྟེ་ ཁོང་ལུ་སྤྲོད་ཚརཝ་ད་ ང་ཁྱེད་སྡོད་ས་ལས་སྦེ་ སེཔེའཱིན་ལུ་འགྱོ་ནི་ཨིན།

རོམ་མི་ལེའུ་ 6:22

དེ་འབདཝ་ད་ སྡིག་པ་གི་དབང་ལས་དགོངས་ཡངས་གནང་སྟེ་ ཁྱེད་དཀོན་མཆོག་གི་རྒྱོབོ་རྒྱམོ་སྦེ་བྱུང་ཡི་ ད་འདི་གི་འབྲས་བུ་འདི་ ཁྱེད་དཀོན་མཆོག་གི་མི་སྦེ་གཙངམ་འགྱུར་ཏེ་ མཐའན་མཇུག་ལུ་ཚེ་མཐའ་མེདཔ་ཐོབ་ནི་ཨིན།

ཀོ་རཱིན་ཐི་དང་པ་ལེའུ་ 10:31

དེ་འབདཝ་ལས་ ཁྱེད་བཟའ་རུང་འཐུང་རུང་ ཡང་ན་ག་ཅི་རང་འབད་རུང་ དཀོན་མཆོག་གི་གཟི་བརྗིད་ཀྱི་དོན་ལུ་འབད་དགོ།

ཀོ་རཱིན་ཐི་གཉིས་པ་ལེའུ་ 9:10

དེ་ལས་སོ་ནམ་པ་ཚུ་ལུ་ སོན་གནང་མི་དང་ ཟ་ནི་གི་བཞེས་སྒོ་གནང་མི་དཀོན་མཆོག་གིས་ ཁྱེད་ལུ་ཐོན་ཁུངས་གནང་སྟེ་ ཕངས་སེམས་མེད་པར་བྱིན་ནི་གི་ཐོན་སྐྱེད་དེ་ཚུ་ གནམ་མེད་ས་མེད་ཡར་འཕེལ་གཏང་གནང་འོང་།

ཨི་ཕི་སིཔ་ལེའུ་ 1:12

དེ་གིས་འབད་ ང་བཅས་ཁིརཱིས་ནང་འགོ་དང་པ་ལས་བློ་གཏད་མི་ཚུ་གི་རྒྱུད་ལས་ དཀོན་མཆོག་གི་མཚན་ཡར་ཡར་སྙན་གྲགས་འགྱོ་སྟེ་ ཁོ་ལུ་བསྟོད་པ་ཕུལ་ནི་ཨིན།

ཨི་ཕི་སིཔ་ལེའུ་ 1:14

ང་བཅས་ཁོ་རའི་མི་ཚུ་གིས་ཤུལ་ནོར་གྱི་བགོ་བཤའ་མ་ཐོབ་ཚུན་ཚོད་ཀྱི་ བར་ན་གི་རྒྱབ་མི་འདི་དམ་པའི་ཐུགས་ཉིད་ཨིན་ འདི་ག་ར་དཀོན་མཆོག་གི་མཚན་ཡར་ཡར་སྙན་གྲགས་འགྱོ་སྟེ་ ཁོ་ལུ་བསྟོད་པ་ཕུལ་ནི་གི་དོན་ལུ་ཨིན།།

ཨི་ཕི་སིཔ་ལེའུ་ 2:10

དེ་འབདཝ་ད་ དཀོན་མཆོག་གི་ཕྱག་གིས་མཛད་དེ་ ང་བཅས་ཁོ་གི་ཕྱག་བཟོ་ཨིན་ དེ་ལས་ཁིརཱིས་ཡེ་ཤུ་གི་ཐོག་ལས་ དཀོན་མཆོག་གིས་ཧེ་མ་ལས་རང་ གྲ་སྒྲིག་མཛད་གནང་མིའི་ ལཱ་བཟང་པོ་འདི་འབད་བཅུག་ནི་སྦེ་ ང་བཅས་ལུ་མཛད་གནང་ཡི།།

ཨི་ཕི་སིཔ་ལེའུ་ 5:9

(ག་ཅི་སྨོ་ཟེར་བ་ཅིན་ འོད་ཟེར་གྱི་འབྲས་བུ་འདི་ སྤྱོད་ལམ་བཟང་པོ་འབད་ནི་དང་ ལཱ་ཀྲིག་ཀྲི་འབད་ནི་ དེ་ལས་ལཱ་ཕྲངམ་འབད་ནི་ འདི་ཚུ་ཨིན།)

ཕི་ལི་པི་ལེའུ་ 4:17

ང་གིས་ཁྱེད་ལས་ ག་ཅི་ཅིག་དགོ་ནི་འབད་མནོ་སྟེ་སླབ་མེན་ དེ་འབདཝ་ད་ གཞན་ལུ་རོགས་རམ་བྱིནམ་ད་ རང་ལུ་ཡང་བྱིན་རླབས་ཐོབ་དོཝ་བཟུམ་སྦེ་ ཁྱེད་ལུ་ཡང་ བྱིན་རླབས་གནང་བཅུག་ཟེར་མནོཝ་ཨིན།

ཀོ་ལོ་སི་ལེའུ་ 1:10

དེ་གིས་འབད་ ག་ཅི་རང་འབད་རུང་ ཁྱེད་ལུ་གཙོ་བོ་གི་འོས་འབབ་ཡོདཔ་སྦེ་ ཁོ་ལུ་ཐུགས་དགྱེས་པའི་བྱ་བ་སྤྱོད་ལམ་ལེགས་ཤོམ་སྒྲིགས་ནི་ཨིན་ དེ་ལས་ལཱ་ལེགས་ཤོམ་ག་ཅི་རང་ཨིན་རུང་ འདི་གི་འབྲས་བུ་བཏགསཔ་མ་ཚད་ དཀོན་མཆོག་དང་གཅིག་ཁར་འབྲེལ་བ་ཡར་རྒྱས་འགྱོ་ནི་ཨིན།

ཀོ་ལོ་སི་ལེའུ་ 1:6

ཁྱེད་ལུ་གཏམ་བཟང་བཤད་པའི་ ཉིནམ་དང་པ་ལས་འགོ་བཟུང་སྟེ་ དཀོན་མཆོག་གི་ཐུགས་རྗེ་ངོ་མ་དེ་ ཁྱེད་ཀྱིས་ཉམས་མྱོང་འབད་ཡི་ ད་ཁྱེད་ཀྱི་སྦུག་ལུ་འབྲས་བུ་བཏགས་ཏེ་ ཡར་རྒྱས་གོང་འཕེལ་འགྱོ་དོཝ་བཟུམ་ འཛམ་བུ་གླིང་ནང་ཡང་ཡར་རྒྱས་གོང་འཕེལ་འགྱོ་སྟེ་ཡོད།

ཐེ་ས་ལོ་ནི་ཀ་གཉིས་པ་ལེའུ་ 1:12

དེ་འབདཝ་ལས་ མི་ག་ར་གིས་ཁྱེད་ཀྱི་ཐོག་ལས་ ང་བཅས་ཀྱི་གཙོ་བོ་ཡེ་ཤུ་གི་མཚན་ལུ་ བསྟོད་པ་དང་ཞེ་ས་ཕུལ་ནི་ཨིནམ་མ་ཚད་ ཁོ་གིས་ཁྱེད་ལུ་ཡང་བསྟོད་པ་གནང་ནི་ཨིན་ དེ་ག་ར་ང་བཅས་ཀྱི་དཀོན་མཆོག་དང་ གཙོ་བོ་ཡེ་ཤུ་ཁིརཱིས་ཀྱི་ཐུགས་རྗེ་ལས་སྦེ་ཐོབ་ནི་ཨིན།།

ཏི་ཏུས་ལེའུ་ 3:14

ང་བཅས་ཀྱི་དདཔ་ཅན་ཚུ་གིས་ མི་ཚུ་གི་ཁག་ཆེཝ་ཚུ་སྒྲུབ་ནིའི་དོན་ལུ་ ལཱ་ལེགས་ཤོམ་འབད་ནི་ལུ་ རྩ་འགེངས་ཏེ་ལྷབ་དགོ་ དེ་ལས་ཁོང་ཁུངས་ག་ནི་ཡང་མེདཔ་སྦེ་མི་སྡོད།

ཧིབ་རུ་ལེའུ་ 12:11

སྒྲིགས་བཙུགས་ནི་དེ་ ཉམས་དགའ་ཏོག་ཏོ་དང་སྤྲོ་བ་ཆེ་ཏོག་ཏོ་ཅིག་མེན་ འདི་ན་ཟུག་ཅན་ཅིག་ཨིན་ ཨིན་རུང་ཤུལ་ལས་ འདི་བཟུམ་གྱི་སྦྱོང་བརྡར་ཡོད་མི་གིས་ ཞི་བདེ་ཐོབ་སྟེ་ དཀོན་མཆོག་གི་ཐུགས་དང་ལྡན་པའི་ལཱ་ཕྲངམ་འབད་དེ་སྡོད་འོང་།

པེ་ཏྲོ་དང་པ་ལེའུ་ 2:12

ཁྱེད་ཀྱིས་དདཔ་ཅན་མེན་མིའི་ཁྱིམ་ཚང་ཚུ་དང་སྡོདཔ་ད་ རང་གི་བྱ་བ་སྤྱོད་ལམ་དེ་ཚུ་དྲནམ་བཏོན་ཏེ་ ལེགས་ཤོམ་འབད་དགོ་ ཁོང་གིས་ཁྱེད་ལུ་སྐྱོན་བཏགས་ཏེ་འཛོལ་བ་འབདཝ་མས་ཟེར་སླབ་རུང་ ཁྱེད་ཀྱི་བྱ་བ་སྤྱོད་ལམ་ལེགས་ཤོམ་ལུ་བལྟ་སྟེ་ ཁིརཱིས་ལོག་སྟེ་ཁྲིམས་ཕྱེ་བ་བྱོན་པའི་ཉིནམ་ལུ་ ཁོང་གིས་དཀོན་མཆོག་ལུ་བསྟོད་པ་ཕུལ་འོང་།།

པེ་ཏྲོ་དང་པ་ལེའུ་ 2:5

དེ་མ་ཚད་དཀོན་མཆོག་གིས་ ཁྱེད་ཡང་གསོན་པོའི་རྡོ་སྦེ་བཙུགས་གནང་སྟེ་ ཐུགས་ཉིད་ཀྱི་བཞུགས་ཁང་བཞེངས་གནང་བའི་བསྒང་རང་ཨིན་ དེ་ལས་ཁྱེད་ཆ་ཁྱབ་དམ་པའི་བླམ་སྦེ་བཀལ་གནངམ་ཨིནམ་མ་ཚད་ ཡེ་ཤུ་ཁིརཱིས་ལས་རྒྱུད་དེ་ ཁྱེད་ཀྱིས་ ཁོ་གི་ཐུགས་དགྱེས་པའི་ སེམས་ཉིད་ཀྱི་མཆོདཔ་ཕུལ་ནི་ཨིན།

པེ་ཏྲོ་དང་པ་ལེའུ་ 2:9

དེ་འབདཝ་ད་ ཁྱེད་ཁོང་བཟུམ་སྦེ་མེན་ ཁྱེད་དཀོན་མཆོག་གིས་བཙག་འཐུ་མཛད་གནང་མི་དང་ རྒྱལ་འཛིན་གྱི་བླམ་ དམ་པའི་མི་རིགས་ དཀོན་མཆོག་ཁོ་རང་གི་མི་ཚུ་ཨིན་ ད་ ཁོ་གིས་ཁྱེད་ཆ་ཁྱབ་གནག་དུང་ནང་ལས་ ཡ་མཚན་ཆེ་བའི་འོད་ནང་འབོ་སྟེ་གནངམ་ལས་བརྟེན་ཏེ་ དཀོན་མཆོག་གི་ཧ་ལས་པའི་ཕྱག་ལཱ་དེ་ཚུ་གཞན་ལུ་ ཁྱེད་ཀྱིས་སྟོན་བྱིན་འོང་།

པེ་ཏྲོ་དང་པ་ལེའུ་ 4:14

དེ་ལས་ག་དེམ་ཅིག་སྦེ་ཁིརཱིས་ཀྱི་མཚན་གྱི་སྦེ་ ཁྱེད་ལུ་གཏམ་ངན་སླབ་སྟེ་མར་སྨད་རྐྱབ་པ་ཅིན་ ཁྱེད་ཀྱིས་བྱིན་རླབས་ཐོབ་ཐོབ་ཨིན་ ག་ཅི་སྨོ་ཟེར་བ་ཅིན་ གཟི་བརྗིད་དང་ལྡན་མིའི་ དཀོན་མཆོག་གི་ཐུགས་ཉིད་འདི་ ཁྱེད་གུ་བྱོན་ཏེ་བཞུགས་ཡོད།