ཕི་ལི་པི་ལེའུ་ 1:10 - རྫོང་ཁ་

¹⁰ དེ་ལས་འདི་གི་ཐོག་ལས་ ཁྱེད་ཀྱི་མི་ཚེ་ནང་ལུ་ དོན་ལས་རང་ཁག་ཆེ་ཤོས་འདི་ག་ཅི་ཨིན་ན་ཧ་གོ་སྟེ་ གཙོ་བོ་ཁིརཱིས་ལོག་སྟེ་མ་བྱོན་ཚུན་ཚོད་ ཁྱེད་གཙང་ཏོག་ཏོ་དང་སྐྱོན་ག་ནི་ཡང་མེདཔ་སྦེ་སྡོད་བཅུག

ཕི་ལི་པི་ལེའུ་ 1:10 Iomraidhean Croise

མེ་ཐིའུ་ལེའུ་ 16:23

ཡེ་ཤུ་གིས་ཞལ་ཚུར་ པེ་ཏྲོ་ཁ་ཐུག་བསྒོར་སྦེ་ ཨ་ཁའི་ བདུད་ སེ་ཏཱན་ ཁྱོད་ང་སྡོད་ས་ལས་ཕར་སོང་ ཁྱོད་ཀྱིས་ང་ལུ་བར་ཆད་རྐྱབ་མས་ ཁྱོད་ཀྱི་མནོ་བསམ་འདི་དཀོན་མཆོག་ཁ་ཐུག་མེན་པར་ མིའི་ཁ་ཐུག་ལུ་ཨིན་མས་ཟེར་གསུངས་ནུག

མེ་ཐིའུ་ལེའུ་ 26:33

དེའི་ལན་ལུ་ པེ་ཏྲོ་གིས་ ཁོང་ག་ར་གིས་ནཱ་ལུ་སྤངས་ཏེ་འགྱོ་རུང་ ང་གིས་རྩ་ལས་རང་མི་སྤང་ཟེར་ཞུ་ནུག

ཡོ་ཧ་ནཱན་ལེའུ་ 1:47

ཡེ་ཤུ་གིས་ ན་ཐ་ནཱེལ་འོང་ས་གཟིགས་ཏེ་ བལྟ་ཞིག་ གཡོ་སྒྱུ་མེད་པའི་ ཨཱིས་ར་ཨཱེལ་པ་ངོ་མ་འདི་ ཁོ་ཨིན་ཟེར་གསུངས་ནུག

ཡོ་ཧ་ནཱན་ལེའུ་ 3:20

ག་ཅི་སྨོ་ཟེར་བ་ཅིན་ ལཱ་ངན་པ་འབད་མི་ག་ར་གིས་འོད་ཟེར་ལུ་ མི་དགའ་ འདི་མ་ཚད་ ཁོང་གིས་འབད་མི་ལཱ་ངན་པ་དེ་ཚུ་ ཕྱི་ཁར་འཐོན་འོང་མནོ་སྟེ་ ཁོང་འོད་ཟེར་གྱི་སྦོ་ལོགས་ཡང་མི་འོང་།

མཛད་པ་ལེའུ་ 24:16

དེ་འབདཝ་ལས་བརྟེན་ཏེ་ དཀོན་མཆོག་གིས་གཟིགས་སར་དང་ མི་གི་མཐོང་སར་ལུ་སྐྱོན་མེདཔ་སྦེ་ ང་ཨ་རྟག་རང་ བྱ་བ་བཟང་པོ་ལུ་ བརྩོན་འགྲུས་བསྐྱེད་དེ་སྡོདཔ་ཨིན།

རོམ་མི་ལེའུ་ 12:2

འཇིག་རྟེན་པའི་བསམ་བློ་དང་མ་འཁྲིལ་བར་ རང་གི་མནོ་བསམ་གཏང་ཐངས་འདི་ཚུ་ འགྱུར་བཅོས་འབད་དེ་ རང་གི་མི་ཚེ་ གསརཔ་སྦེ་སོར་ཏེ་སྡོད་དགོ་ དེ་སྦེ་འབདཝ་ད་ དཀོན་མཆོག་གི་ཐུགས་དགོངས་འདི་ ག་ཅི་ཨིན་ན་ཉམས་མྱོང་འབད་དེ་ ཁོ་གི་ཐུགས་དགོངས་འདི་ལེགས་ཤོམ་གཅིག་དང་ ཐུགས་དགྱེས་མི་གཅིག་དང་ ཡང་དག་པ་གཅིག་ཨིན་ཟེར་ ཁྱེད་ཀྱིས་ཧ་གོ་ནི་ཨིན།།

རོམ་མི་ལེའུ་ 12:9

བྱམས་པ་ཧིང་ལས་འབད་ནི་དང་ ངན་པ་རྩ་བ་ལས་སྤང་སྟེ་ ལེགས་ཤོམ་ལུ་ཨ་རྟག་རང་གཙོ་བོ་བསྟེན་སྡོད་དགོ།

རོམ་མི་ལེའུ་ 16:17

དབའེ་སྤུན་ཆ་ཚུ་ ཁྱེད་ལུ་སྟོན་མི་གཞི་གི་སྐོར་ལས་ དཀྲོགས་ཁ་བརྐྱབས་མི་དང་ བར་ཆད་གཏང་མི་ཚུ་ལུ་ ན་འཐན་སྦེ་བལྟ་ དེ་ལས་ཁྱེད་དེ་ཚུ་ལས་ རང་ས་སྦེ་སྡོད་ཟེར་ ང་ཁྱེད་ལུ་གསོལཝ་བཏབ་དོ།

རོམ་མི་ལེའུ་ 2:18

ཁྱོད་ཀྱིས་འབད་བ་ཅིན་ གསུང་རབ་ཀྱི་སྟོནམ་བཞིན་དུ་ དཀོན་མཆོག་གིས་ག་ཅི་ཐུགས་དགྱེསཔ་ཨིན་ན་ བཟང་ངན་འདི་ག་དེ་སྦེ་དབྱེ་བ་ཕྱེ་ཚུགས་ག་ འདི་ཁྱོད་ཀྱིས་ཤེས་ཟེར་སླབ་ཨིན་མས།

རོམ་མི་ལེའུ་ 7:16

དེ་འབདཝ་ད་ ང་གིས་ག་འབད་མི་འདི་ འཛོལ་བ་ཨིནམ་ཤེས་པ་ཅིན་ ང་གིས་བཀའ་ཁྲིམས་འདི་ ལེགས་ཤོམ་གཅིག་ཨིན་ཟེར་ ཁ་བཟེད་དོཝ་བཟུམ་སྦེ་ཨིན།

རོམ་མི་ལེའུ་ 7:22

དཀོན་མཆོག་གི་བཀའ་ཁྲིམས་ལུ་ སེམས་ཀྱི་རྟིང་ལས་རང་དགའ་སྦེ་ འདི་ལུ་ཉན་ཏེ་སྡོད་དགོ་མནོ་ཡི།

རོམ་མི་ལེའུ་ 8:7

ག་ཅི་སྨོ་ཟེར་བ་ཅིན་ ལུས་ཀྱི་འདོད་པའི་དབང་དུ་གཏང་མི་སེམས་འདི་ དཀོན་མཆོག་གི་དགྲ་ཨིན་ འདི་གིས་ དཀོན་མཆོག་གི་ཁྲིམས་ཀྱི་འོག་ལུ་མི་སྡོད་ ཁོ་གིས་སྡོད་ཡང་མི་ཚུགས།

ཀོ་རཱིན་ཐི་དང་པ་ལེའུ་ 1:8

གཙོ་བོ་ཡེ་ཤུ་ཁིརཱིས་ལོག་མ་འབྱོན་པའི་ཉིནམ་ཚུན་ཚོད་ ཁྱེད་སྐྱོན་དང་འཛོལ་བ་ག་ནི་ཡང་མེད་པར་ མཐའན་མཇུག་ཚུན་ཚོད་རང་ སྒྲིང་སྒྲིང་སྦེ་བཟོ་སྟེ་བཞག་གནང་འོང་།

ཀོ་རཱིན་ཐི་དང་པ་ལེའུ་ 10:32

ཡ་ཧུ་ད་པ་ཨིན་རུང་ ཕྱིའི་མི་རིགས་ཨིན་རུང་ དཀོན་མཆོག་གི་ཆོས་ཚོགས་ཨིན་རུང་ མི་ག་ལུ་ཡང་སེམས་ཁར་ཕོག་པའི་ལཱ་མ་འབད།

ཀོ་རཱིན་ཐི་དང་པ་ལེའུ་ 8:13

དེ་འབདཝ་ལས་ ང་གིས་ཟ་མི་ཤ་ཡང་ན་བཞེས་སྒོ་གིས་ ཁོང་སྤུན་ཆ་ཚུ་ སྡིག་པ་གི་ཧིང་ནང་ཚུད་བཅུག་པ་ཅིན་ ང་མི་ཚེ་གཅིག་ཁོང་ལུ་གནོད་པའི་བཞེས་སྒོ་དང་ཤ་ག་ནི་ཡང་མི་ཟ།།

ཀོ་རཱིན་ཐི་གཉིས་པ་ལེའུ་ 1:12

ང་བཅས་ཀྱི་བྱ་སྤྱོད་དེ་ མི་ག་ར་གི་སྦུག་ལུ་འབད་རུང་ ལྷག་པར་དུ་ ཁྱེད་ཀྱི་སྦུག་ལུ་འབད་རུང་ དྲང་སེམས་དང་སེམས་དམ་པ་གི་ཐོག་ལས་ སྤྱོད་ལམ་ལེགས་ཤོམ་བཏོན་སྡོད་ཅི་ འདི་མི་གི་ཤེས་རབ་ཀྱི་ཐོག་ལས་མེན་པར་ དཀོན་མཆོག་གི་ཐུགས་རྗེ་ལས་སྦེ་ཨིན་ འདི་ཚུ་གི་སྐོར་ལས་ རྣལ་རིག་གསལ་ཏོག་ཏོ་ རང་ལུ་འཛོལ་བ་མེད་པར་ བློ་བདེ་ཏོག་ཏོ་གི་ཐོག་ལས་སླབ་ཚུགས།

ཀོ་རཱིན་ཐི་གཉིས་པ་ལེའུ་ 2:17

དེ་ལས་ང་བཅས་མི་གཞན་བཟུམ་སྦེ་མེན་ ཁོང་ལེ་ཤ་ཅིག་གིས་ དཀོན་མཆོག་གི་གསུང་འདི་ ཏི་རུ་བཟོ་བའི་དོན་ལུ་ ཆོས་བཤདཔ་ཨིན་མས་ ང་བཅས་དེ་སྦེ་མེན་པར་ ཕྲང་སྟེ་འབད་མི་ཚུ་ཨིན་ དེ་མ་ཚད་ ཁིརཱིས་ཀྱི་དབང་ཚད་ནང་ ང་བཅས་དཀོན་མཆོག་གིས་བཏང་གནང་མི་ཚུ་ཨིན་ དེ་ལས་ང་བཅས་ཆོས་བཤད་དེས་ཟེར་ ཁོ་གིས་གཟིགས་ཏེ་བཞུགས་ཡོདཔ་ཨིན།།

ཀོ་རཱིན་ཐི་གཉིས་པ་ལེའུ་ 6:3

མི་ག་རང་ཨིན་རུང་ ང་བཅས་ཀྱི་ལཱ་ལུ་བལྟ་སྟེ་ སྐྱོན་བཏགས་ནི་གི་གོ་སྐབས་མ་བྱིན་ནི་གི་དོན་ལུ་ རོགས་ཀྱི་སེམས་ཁར་ཕོག་པའི་ལཱ་ཡང་ ང་བཅས་ཀྱིས་མ་འབད།

ཀོ་རཱིན་ཐི་གཉིས་པ་ལེའུ་ 8:8

དེ་ལས་ང་གིས་ཁྱེད་ལུ་ ཨིན་ཅི་མིན་ཅི་འབད་དགོ་ཟེར་ བཀའ་རྒྱ་བྱིནམ་མེན་ དེ་འབདཝ་ད་ ཁྱེད་དང་ཆོས་ཚོགས་གཞན་གྱི་བྱམས་པ་ ག་བསྡུར་རྐྱབ་ད་ ཁྱེད་ཀྱི་བྱམས་པ་ཡང་ ངོ་མ་སྦེ་ཐོན་བཅུག་ནིའི་དོན་ལུ་ཨིན།

ག་ལ་ཏི་ལེའུ་ 5:11

ངེ་གི་སྤུན་ཆ་ཚུ་ ག་དེམ་ཅིག་སྦེ་ང་གིས་ད་ལྟོ་ཚུན་ཚོད་ ལུས་ལུ་རྟགས་བཀལ་དགོཔ་འདི་ ཁག་ཆེཝ་སྦེ་ཆོས་སྟོན་སྟོནམ་འབད་བ་ཅིན་ ཡ་ཧུ་ད་པ་ཚུ་གིས་ང་ལུ་གནོད་འཚེ་བཀལ་ཏེ་ ག་ཅི་འབད་དཀའ་ངལ་བྱིནམ་སྨོ་ ང་གིས་ཆོས་དེ་སྦེ་སྟོན་སྟོནམ་འབད་བ་ཅིན་ ཁོང་གིས་ང་ལུ་མ་དགའ་ནི་གི་དོན་དག་མིན་འདུག་ དེ་ལས་ད་རུང་ ཁིརཱིས་ཁྲམ་ཤིང་གུ་གཤགས་མིའི་གཏམ་བཟང་དེ་ ང་གིས་ཆ་མེད་གཏང་དོཝ་བཟུམ་སྦེ་ཨིན།

ཨི་ཕི་སིཔ་ལེའུ་ 4:15

གཅིག་གིས་གཅིག་ལུ་བརྩེ་བ་བསྐྱེད་པའི་ཐོག་ལས་ བདེན་པའི་བློ་སླབ་དགོ་ དེ་ལས་ཁིརཱིས་འདི་ཆོས་ཚོགས་ཀྱི་དབུ་ཁྲིད་འབདཝ་ལས་ ང་བཅས་ཡང་ཁིརཱིས་ག་ཨིནམ་བཟུམ་སྦེ་ ཡར་རྒྱས་འགྱོ་དགོ།

ཨི་ཕི་སིཔ་ལེའུ་ 5:10

དེ་ལས་གཙོ་བོ་ལུ་ཐུགས་དགྱེས་པའི་སྤྱོད་ལམ་ངོ་མ་འདི་ ག་ཅི་ཨིན་ན་ འཚོལ་བལྟ་ཞིནམ་ལས་ འདི་ཚུ་ཧ་གོ་དགོ།

ཨི་ཕི་སིཔ་ལེའུ་ 5:27

དེ་ལས་གཙང་ཏོག་ཏོ་མཛད་མི་དེ་ ཆོས་ཚོགས་གཙངམ་དང་སྐྱོན་ག་ནི་ཡང་མེད་པར་ ཁོང་གི་གུ་ལུ་ཐག་ཐིག་དང་གཉེར་མ་ གཞན་ག་ནི་ཡང་མ་ཆགསཔ་སྦེ་ གཟི་བརྗིད་ཅན་སྦེ་འགྱུར་ཏེ་ ཁོ་གི་སྐུ་མདུན་ལུ་འཁྱིད་འོང་ནིའི་དོན་ལུ་ཨིན།

ཨི་ཕི་སིཔ་ལེའུ་ 6:24

ང་བཅས་རའི་གཙོ་བོ་ཡེ་ཤུ་ཁིརཱིས་ལུ་ རྫོགས་ནི་མེད་པའི་བརྩེ་བ་བསྐྱེད་མི་ཚུ་ལུ་ ཐུགས་རྗེ་གནང་བཅུག། །།

ཕི་ལི་པི་ལེའུ་ 1:16

ཁོང་ལེགས་སེམས་མནོ་མི་ཚུ་གིས་ ང་ནཱ་ལུ་བཙུགས་དགོ་པའི་དོན་དག་དེ་ གཏམ་བཟང་ལུ་བདེན་ཁུངས་བཀལ་བའི་དོན་ལུ་ཨིན་ཟེར་ ང་ལུ་བྱམས་སེམས་བསྐྱེད་དེ་ ཆོས་བཤདཔ་ཨིན་མས།

ཕི་ལི་པི་ལེའུ་ 1:6

དཀོན་མཆོག་གིས་ཁྱེད་ཀྱི་མི་ཚེ་ནང་ལུ་ ཕྱག་ལཱ་ལེགས་ཤོམ་འགོ་བཙུགས་མཛད་མི་དེ་ མ་ཚརཝ་བར་ན་ གཙོ་བོ་ཡེ་ཤུ་ཁིརཱིས་འབྱོན་ནི་གི་ཉིནམ་ཚུན་ཚོད་ འཕྲོ་མཐུད་དེ་རང་མཛད་གནང་འོང་ཟེར་ང་གིས་ཏན་ཏན་ཤེས།

ཕི་ལི་པི་ལེའུ་ 2:16

ཚེ་བྱིན་མིའི་གསུང་དེ་ལུ་ སྒྲིང་སྒྲིང་སྦེ་བཤེད་དེ་བཞག་ དེ་འབདཝ་ལས་ ང་གིས་བང་རྒྱུག་མི་དང་ དཀའཝ་སྤྱད་མི་དེ་ བར་སྟོར་མ་འགྱོ་བར་ ཁིརཱིས་ལོག་བྱོན་པའི་ཉིནམ་ལུ་ ང་དཔའ་ཡག་སྡོད་ནི་ཐོབ་འོང་།

ཐེ་ས་ལོ་ནི་ཀ་དང་པ་ལེའུ་ 3:13

འདི་བཟུམ་སྦེ་རང་ གཙོ་བོ་ཡེ་ཤུ་ཁོ་རང་གི་མི་ཚུ་དང་མཉམ་འབྱོན་པའི་སྐབས་ལུ་ ང་བཅས་ཀྱི་ཡབ་དཀོན་མཆོག་གི་སྐུ་མདུན་ སྐྱོན་ག་ནི་ཡང་མེདཔ་དང་ མི་དམ་པ་སྦེ་སྡོད་ནི་གི་དོན་ལུ་ ཁྱེད་ཀྱི་སེམས་སྒྲིང་སྒྲིང་མཛད་གནང་བཅུག།

ཐེ་ས་ལོ་ནི་ཀ་དང་པ་ལེའུ་ 5:21

གསུང་ག་ར་བརྟག་ཞིབ་འབད་ཞིནམ་ད་ བཟང་པོ་དེ་ཚུ་སེམས་ཁར་ལུ་བཞག

ཐེ་ས་ལོ་ནི་ཀ་དང་པ་ལེའུ་ 5:23

དེ་ལས་ཞི་བདེ་གནང་མི་དཀོན་མཆོག་ཁོ་རང་གིས་ ཁྱེད་ལུ་ཡོངས་སུ་རྫོགསཔ་སྦེ་གཙངམ་མཛད་བཅུག་ གཙོ་བོ་ཡེ་ཤུ་ཁིརཱིས་ལོག་མ་འབྱོན་ཚུན་ཚོད་ ཁྱེད་ཀྱི་སེམས་དང་རྣམ་ཤེས་ ལུས་དེ་ཚུ་ སྐྱོན་ག་ཅི་ཡང་མེདཔ་སྦེ་ བསྲུང་སྐྱབས་མཛད་དེ་བཞག་བཅུག

ཡོ་ཧ་ནཱན་དང་པ་ལེའུ་ 4:1

ངེ་གི་བྱམས་པའི་ཆ་རོགས་ཚུ་ དཀོན་མཆོག་གི་ཐུགས་ཉིད་ ང་དང་གཅིག་ཁར་ཡོད་ཟེར་སླབ་མི་ག་ར་ལུ་ཆ་མ་བཞག་ ཁོང་གི་ཐོག་ལས་སླབ་མི་འདི་ དཀོན་མཆོག་ལས་ཨིན་ན་མེན་ན་ ཁྱེད་ཀྱིས་བརྟག་དཔྱད་འབད་དེ་བལྟ་ ག་ཅི་སྨོ་ཟེར་བ་ཅིན་ ལུང་སྟོན་པ་རྫུས་མ་དེ་ཚུ་ལེ་ཤ་རང་འཛམ་གླིང་ནང་འཐོན་ཏེ་ཡོད།

མཐོང་སྣང་ལེའུ་ 2:2

ཁྱོད་ཀྱིས་དཀའཝ་སྤྱད་པའི་ལཱ་དང་ བཟོད་སྲན་བསྐྱེད་དེ་འབད་མིའི་ལཱ་ག་ར་ང་གིས་ཤེས་ ཁྱོད་ཀྱིས་ལཱ་ངན་པ་འབད་མི་དེ་ལུ་བལྟ་བཟོད་མི་ཚུགས་ཟེར་ཡང་ང་གིས་ཤེས་ དེ་ལས་སྐུ་ཚབ་མེན་རུང་ཨིན་ཟེར་སླབ་མི་ཚུ་ལུ་ ཁྱོད་ཀྱིས་བརྟག་ཞིབ་དཔྱད་དེ་རྫུས་མ་ཨིནམ་ཧ་གོ་ཡི།