ཕི་ལི་པི་ལེའུ་ 1:1 - རྫོང་ཁ་

¹ ཡེ་ཤུ་ཁིརཱིས་ཀྱི་ཕྱག་ཞུ་མི་ ང་ པའུལ་དང་ ཏི་མོ་ཐི་ལས་ ཕི་ལི་པི་ལུ་ཡོད་མི་ ཁིརཱིས་ཡེ་ཤུ་ལུ་དད་པ་བསྐྱེད་མི་ དཀོན་མཆོག་ཁོ་རའི་དམ་པའི་མི་ག་ར་དང་ ཆོས་ཚོགས་ཀྱི་འགོ་འདྲེན་པ་དང་དྲང་བཞགཔ་དེ་ཚུ་ལུ་ ཡི་གུ་འདི་འབྲི་དོ།

ཕི་ལི་པི་ལེའུ་ 1:1 Iomraidhean Croise

མཱར་ཀུ་ལེའུ་ 13:34

ད་དཔེ་གཅིག་འབད་བ་ཅིན་ མི་གཅིག་ཁོ་རང་གི་ཁྱིམ་ནང་ལས་ ས་ཕྱོགས་གཞན་ཁ་འགྱོ་བའི་སྐབས་ལུ་ ཁོ་རང་གིས་གཡོགཔོ་ཚུ་རེ་རེ་བཞིན་དུ་ རང་རང་སོ་སོའི་ལཱ་གི་འགན་ཁག་སྤྲོད་དེ་ སྒོ་སྲུང་དེ་ལུ་ཡང་ཉིན་མཚན་མེད་པར་ ན་འཐན་སྦེ་བལྟ་ཟེར་བཀོད་རྒྱ་བྱིནམ་དང་འདྲ་ཟེར་གསུངས་ནུག

ཡོ་ཧ་ནཱན་ལེའུ་ 12:26

ག་ར་འབད་རུང་ ངེ་གི་ཕྱག་ཞུ་དགོ་མནོ་མི་གིས་ ངེ་གི་ཤུལ་ལས་རྟིང་བདའ་འོང་དགོ་ ག་ཅི་སྨོ་ཟེར་བ་ཅིན་ ང་ག་སྡོད་ས་ལུ་ངེ་གི་ཞབས་ཕྱི་ཚུ་ཡང་སྡོད་ནི་ཐོབ་ ག་ར་འབད་རུང་ ངེ་གི་ཕྱག་ཞུ་བ་ཅིན་ འདི་ལུ་ ངེ་གི་ཡབ་ཀྱིས་ཡང་ཞེ་ས་གནང་འོང་།

མཛད་པ་ལེའུ་ 1:20

མགུར་མ་ནང་། ཁོ་གི་སྡོད་ཁྱིམ་སྟོངམ་འཐོན་འགྱོ་བཅུག་ ས་ཆ་འདི་ནང་ག་ལུ་ཡང་སྡོད་མ་བཅུག་ ད་རུང་ཁོ་གི་ལཱ་ཡང་ གཞན་གྱིས་ཐོབ་བཅུག་ཟེར་ ལུང་བསྟན་དེ་སྦེ་བྲིས་ཏེ་འདུག

མཛད་པ་ལེའུ་ 20:28

དེ་ལས་ཕར་ དཀོན་མཆོག་ཁོ་རང་གི་སྲས་ཀྱི་སྐུ་ཁྲག་གིས་ ཉོ་མི་ཆོས་ཚོགས་ འགོ་འདྲེན་འཐབ་མི་སྦེ་ དམ་པའི་ཐུགས་ཉིད་ཀྱིས་ ཁྱེད་ཆ་ཁྱབ་བཀལ་གནང་ཡི་ དེ་འབདཝ་ལས་ རང་གིས་རང་ལུ་དྲན་པ་བཏོན་ཏེ་ ཆོས་ཚོགས་ལུ་ལུག་རྫིཔ་སྦེ་བདག་འཛིན་འཐབ་དགོ།

མཛད་པ་ལེའུ་ 9:13

དེ་ལས་ ཨ་ན་ནའི་ཨཱས་ཀྱིས་ གཙོ་བོ་ལགས་ ཁོ་གིས་ ཡེ་རུ་ཤ་ལེམ་ལུ་ ནཱ་གི་དམ་པའི་མི་ཚུ་ལུ་ལཱ་ངན་འབད་དེ་ གནོད་པ་བཀལ་མི་ཚུ་གི་སྐོར་ལས་ མི་ལེ་ཤ་གིས་ང་ལུ་སླབ་དེས།

རོམ་མི་ལེའུ་ 1:1

ཨ་ནི་ཡི་གུ་འདི་ ང་ཡེ་ཤུ་ཁིརཱིས་ཀྱི་ཕྱག་ཞུ་མི་ པའུལ་གྱིས་གཏངམ་ཨིན་ དཀོན་མཆོག་གིས་ང་ལུ་ མི་ག་ར་ལུ་གཏམ་བཟང་བཤད་ནིའི་དོན་ལུ་ བཙག་འཐུ་མཛད་གནང་སྟེ་ སྐུ་ཚབ་ཀྱི་འགན་ཁུར་གནང་ཡི།

རོམ་མི་ལེའུ་ 1:7

དཀོན་མཆོག་གིས་བྱམས་པ་མཛད་མི་ ཁོ་རའི་དམ་པའི་མི་སྦེ་འབོ་མི་ རྒྱལ་ས་ རོམ་ནང་ཡོད་མི་ ཁྱེད་ག་ར་ལུ་ཨ་ནི་ཡི་གུ་འདི་འབྲི་དོ་ ང་བཅས་ཀྱི་ཡབ་དཀོན་མཆོག་དང་ གཙོ་བོ་ཡེ་ཤུ་ཁིརཱིས་ཀྱིས་ཞི་བདེ་དང་ཐུགས་རྗེ་ ཁྱེད་ག་ར་ལུ་གནང་བཅུག།

ཀོ་རཱིན་ཐི་དང་པ་ལེའུ་ 16:10

ཏི་མོ་ཐི་ ཁྱེད་སྡོད་ས་འོངམ་ད་ ཁོ་ལུ་ཁྱེད་དང་མཉམ་དགའ་ཏོག་ཏོ་སྦེ་སྡོད་བཅུག་ ག་ཅི་སྨོ་ཟེར་བ་ཅིན་ ཁོ་གིས་ཡང་ང་བཟུམ་སྦེ་རང་ གཙོ་བོ་གི་ཕྱག་ཞུ་སྟེ་ཡོདཔ་ཨིན།

ཀོ་རཱིན་ཐི་གཉིས་པ་ལེའུ་ 1:1

དཀོན་མཆོག་གི་ཐུགས་དགོངས་བཞིན་དུ་ ཁིརཱིས་ཡེ་ཤུ་གི་སྐུ་ཚབ་སྦེ་བཀལ་གནང་མི་ ང་ པའུལ་དང་ ང་བཅས་ཀྱི་སྤུན་ཆ་ ཏི་མོ་ཐི་ལས་ ཁྲོམ་ ཀོ་རཱིན་ཐི་ལུ་ཡོད་མི་དཀོན་མཆོག་གི་ཆོས་ཚོགས་དང་ ལུང་ཕྱོགས་ ཨ་ཀེ་ཡ་ལུ་ཡོད་མི་ དཀོན་མཆོག་ཁོ་རའི་དམ་པའི་མི་ཚུ་ལུ་ ཡི་གུ་འདི་བྲིས་དོ།

ག་ལ་ཏི་ལེའུ་ 1:10

གོང་ལས་སླབ་མི་འདི་ ང་གིས་མི་གི་སེམས་ལྷུ་ནི་གི་དོན་ལུ་སླབ་ཨིན་ན་ ཡང་ན་དཀོན་མཆོག་གི་ཐུགས་དགྱེས་བཅུག་ནི་གི་དོན་ལུ་སླབ་ཨིན་ན་ ག་དེམ་ཅིག་སྦེ་ ང་གིས་ད་ལྟོ་ཡང་ མི་གི་སེམས་ལྷུ་ནི་གི་དོན་ལུ་ཐབས་ཤེས་འགྱིརཝ་ཨིན་པ་ཅིན་ ང་ཁིརཱིས་ཀྱི་ཕྱག་ཞུ་མི་མེན།

ག་ལ་ཏི་ལེའུ་ 3:26

ག་ཅི་སྨོ་ཟེར་བ་ཅིན་ ཁྱེད་ག་ར་གིས་ཁིརཱིས་ཡེ་ཤུ་ལུ་དད་པ་བསྐྱེད་ནི་དེ་གིས་ དཀོན་མཆོག་གི་སྲས་དང་སྲསམོ་ཨིན།

ག་ལ་ཏི་ལེའུ་ 3:28

ད་ ཡ་ཧུ་ད་པ་ཨིན་རུང་མེན་རུང་ རྒྱོབོ་རྒྱམོ་ཨིན་རུང་ རང་དབང་ཡོད་རུང་ ཕོ་རྒྱ་ཨིན་རུང་ ཨམ་སྲུ་ཨིན་རུང་ དེ་ཚུ་ག་ར་དབྱེ་བ་ག་ནི་ཡང་མེད་པར་ ཁྱེད་ག་ར་ཁིརཱིས་ཡེ་ཤུ་ནང་ཅོག་འཐདཔ་ཨིན།

ཨི་ཕི་སིཔ་ལེའུ་ 1:1

དཀོན་མཆོག་གི་ཐུགས་དགོངས་ལས་སྦེ་ ཁིརཱིས་ཡེ་ཤུ་གི་སྐུ་ཚབ་ཨིན་མི་ ང་ པའུལ་གྱིས་ ཁྲོམ་ ཨི་ཕི་སི་ནང་ཡོད་མི་དཀོན་མཆོག་ཁོ་རའི་དམ་པའི་མི་ཚུ་ ཁིརཱིས་ཡེ་ཤུ་ལུ་དདཔ་སྒྲིང་སྒྲིང་བསྐྱེད་མི་ཚུ་ལུ་ ཡི་གུ་འདི་འབྲི་དོ།

ཨི་ཕི་སིཔ་ལེའུ་ 1:15

འདི་གི་དོན་ལས་སྦེ་ ཁྱེད་ཀྱིས་ཡེ་ཤུ་ཁིརཱིས་ལུ་དད་པ་སྒྲིང་སྒྲིང་བསྐྱེད་མི་དང་ དཀོན་མཆོག་ཁོ་རའི་དམ་པའི་མི་ཚུ་ལུ་ཁྱེད་ཀྱིས་ བྱམས་པ་འབད་བའི་སྐོར་ལས་གོཝ་ད།

ཨི་ཕི་སིཔ་ལེའུ་ 6:24

ང་བཅས་རའི་གཙོ་བོ་ཡེ་ཤུ་ཁིརཱིས་ལུ་ རྫོགས་ནི་མེད་པའི་བརྩེ་བ་བསྐྱེད་མི་ཚུ་ལུ་ ཐུགས་རྗེ་གནང་བཅུག། །།

ཕི་ལི་པི་ལེའུ་ 2:19

གཙོ་བོ་ཡེ་ཤུ་གི་ཐུགས་དགོངས་ཨིན་པ་ཅིན་ ཁྱེད་ཀྱི་སྐོར་ལས་གནས་ཚུལ་གོ་ནི་གི་དོན་ལུ་ ཏི་མོ་ཐི་མགྱོགས་པ་རང་ ཁྱེད་སྡོད་ས་ལུ་གཏང་ནི་ཨིན་ དེ་ལས་ཁྱེད་ཀྱི་སྐོར་ལས་གནས་ཚུལ་གོཝ་ད་ ང་སེམས་དགའ་འོང་།

ཕི་ལི་པི་ལེའུ་ 2:5

ཁིརཱིས་ཡེ་ཤུ་གི་ཐུགས་ཡོད་དོཝ་བཟུམ་ ཁྱེད་ཀྱི་སེམས་ཡང་འདི་བཟུམ་དགོ།

ཕི་ལི་པི་ལེའུ་ 3:12

ང་གིས་མ་པ་ལས་རང་ ཡེ་ཤུ་ཁིརཱིས་བཟུམ་སྦེ་ ཡར་སོང་ཡི་ཟེར་ཁྱབ་སྒྲགས་འབདཝ་མེན་ དེ་མ་ཚད་ ང་མ་པ་ལས་དེ་སྦེ་ཀྲིག་ཀྲི་ཡོད་ཟེར་ཡང་སླབ་མེན་ དེ་འབདཝ་ད་ དོན་ལས་རང་ ཁིརཱིས་ཡེ་ཤུ་གིས་ང་ལུ་ ག་ཅི་གི་དོན་ལུ་བཙག་འཐུ་མཛད་གནང་ཡོད་ག་ དེ་གི་དོན་ལུ་རང་ ང་གིས་ག་དེ་དྲག་དྲག་བརྩོན་ཤུགས་སྦོམ་བསྐྱེདཔ་ཨིན།

ཕི་ལི་པི་ལེའུ་ 3:3

ག་ཅི་སྨོ་ཟེར་བ་ཅིན་ ཕྱི་ཁར་ཤ་ལུས་ལུ་ ཡ་ཧུ་ད་པའི་རྟགས་བཀལ་མི་ལུ་ བློ་མ་གཏད་པར་ ང་བཅས་དཀོན་མཆོག་གི་མི་ངོ་མ་ དམ་པའི་ཐུགས་ཉིད་ནང་ དཀོན་མཆོག་གི་ཕྱག་ཞུ་མི་དང་ ཁིརཱིས་ཡེ་ཤུ་ལུ་བློ་གཏད་མི་ཚུ་ཨིན།

ཕི་ལི་པི་ལེའུ་ 3:8

མ་གཞི་ ངེ་གི་གཙོ་བོ་ཁིརཱིས་ཡེ་ཤུ་ལུ་ངོ་ཤེས་ནི་འདི་ གནམ་མེད་ས་མེད་གལ་ཆེ་ཤོས་ཅིག་འབད་དེ་ གཞན་ག་ཅི་རང་འབད་རུང་ ང་གིས་འདི་ཚུ་ག་ར་རྒུད་བཟུམ་སྦེ་རྩིཝ་ཨིན་ ཁིརཱིས་ཀྱིས་འབད་དེ་ འདི་ཚུ་ག་ར་ངེ་གི་དོན་ལུ་རྒུད་སྦེ་བྱུང་ཡི་ དེ་འབདཝ་ད་ ཁིརཱིས་ཐོབ་ནི་གི་དོན་ལུ་དང་།

ཐེ་ས་ལོ་ནི་ཀ་དང་པ་ལེའུ་ 1:1

ཡབ་དཀོན་མཆོག་དང་ གཙོ་བོ་ཡེ་ཤུ་ཁིརཱིས་ནང་ཡོད་མི་ ཁྲོམ་ ཐེ་ས་ལོ་ནི་ཀ་གི་ཆོས་ཚོགས་ལུ་ ང་ པའུལ་དང་ སཱིལ་ཝ་ནུས་དང་ ཏི་མོ་ཐི་གིས་ཁྱེད་ལུ་ ཨ་ནི་ཡི་གུ་འདི་འབྲི་དོ་ ཁྱེད་ལུ་དཀོན་མཆོག་གི་ཐུགས་རྗེ་དང་ཞི་བདེ་གནང་བཅུག།

ཐེ་ས་ལོ་ནི་ཀ་དང་པ་ལེའུ་ 2:2

ཧེ་མ་ཁྲོམ་ ཕི་ལི་པི་ལུ་ང་བཅས་སྡུག་བསྔལ་མྱོང་སྟེ་ རོགས་ཀྱིས་ངོ་ཚ་སི་སི་བཟོ་ཡི་ཟེར་ཁྱེད་ཀྱིས་ཤེས་ ཨིན་རུང་ ཁྱེད་སྡོད་སར་འོངམ་ད་ རོགས་ཀྱིས་ང་བཅས་ལུ་བཀག་ཐབས་འབད་རུང་ དཀོན་མཆོག་ནང་སྤོབས་པ་ཆེ་ཏོག་ཏོ་སྦེ་ ཁྱེད་ལུ་དཀོན་མཆོག་གི་གཏམ་བཟང་འདི་ གནམ་མེད་ས་མེད་རྩ་འགེངས་ཏེ་བཤད་ཅི་།

ཐེ་ས་ལོ་ནི་ཀ་གཉིས་པ་ལེའུ་ 1:1

ཡབ་དཀོན་མཆོག་དང་ གཙོ་བོ་ཡེ་ཤུ་ཁིརཱིས་ནང་ཡོད་མི་ ཁྲོམ་ ཐེ་ས་ལོ་ནི་ཀ་གི་ཆོས་ཚོགས་ལུ་ ང་ པའུལ་དང་ སཱིལ་ཝ་ནུས་དང་ ཏི་མོ་ཐི་གིས་ཁྱེད་ལུ་ ཨ་ནི་ཡི་གུ་འདི་འབྲི་དོ།

ཐེ་ས་ལོ་ནི་ཀ་གཉིས་པ་ལེའུ་ 1:10

དེ་ནམ་ལུ་འབྱུང་ནི་ཨིན་ན་ཟེར་བ་ཅིན་ གཙོ་བོ་བྱོན་པའི་ཉིནམ་ལུ་འབྱུང་འོང་ དེའི་ཉིནམ་ ཁོ་རའི་དམ་པའི་མི་ཚུ་ལས་བསྟོད་པ་ཐོབ་ནིའི་དོན་ལུ་དང་ ཁོ་ལུ་དད་པ་བསྐྱེད་མི་ཚུ་ ཧ་ལས་ནིའི་དོན་ལུ་ བྱོན་ནི་ཨིན་ ད་ཁྱེད་ འདི་ཚུ་གི་གྲལ་ཁར་ཚུད་འོང་ ག་ཅི་སྨོ་ཟེར་བ་ཅིན་ ང་བཅས་ཀྱིས་ཁོ་གི་སྐོར་ལས་འཛོམ་དཔང་འབདཝ་ད་ ཁྱེད་ཀྱིས་དད་པ་བསྐྱེད་ཅི།།

ཏི་མོ་ཐི་དང་པ་ལེའུ་ 1:2

དད་པ་གཅིག་ནང་ངེ་གི་བུ་ངོ་མ་བཟུམ་རང་ཡོད་མི་ ཏི་མོ་ཐི་ ཁྱོད་ལུ་ ཡི་གུ་འདི་འབྲི་དོ་ ཡབ་དཀོན་མཆོག་དང་ ང་བཅས་ཀྱི་གཙོ་བོ་ ཁིརཱིས་ཡེ་ཤུ་གི་ཐུགས་རྗེ་དང་ སྙིང་རྗེ་དང་ཞི་བདེ་ ཁྱོད་ལུ་གནང་བཅུག།

ཏི་མོ་ཐི་དང་པ་ལེའུ་ 3:8

འདི་བཟུམ་སྦེ་རང་ ཆོས་ཚོགས་ཀྱི་དྲང་བཞགཔ་ཚུ་ཡང་ མི་ཚུ་གིས་ཞེ་ས་འབད་མི་དང་ མི་ན་འཐན་ཏོག་ཏོ་དང་ ཆང་གིས་མ་འགྲངས་མི་ དེ་ལས་འབབ་ཁུངས་བཟོ་ནིའི་དོན་ལུ་ངན་ལྷད་ལུ་ཡ་མ་འབད་མི་དགོཔ་ཨིན།

ཏི་ཏུས་ལེའུ་ 1:1

དཀོན་མཆོག་གིས་བཙག་འཐུ་མཛད་མི་ཚུ་ལུ་ དད་པ་བསྐྱེད་བཅུག་ནི་གི་དོན་ལུ་དང་ ཆོས་སེམས་བསྐྱེད་ནི་སྦེ་ བདེན་པའི་ཆོས་སྟོན་མི་ཚུ་ ཧ་གོ་བཅུག་ནི་གི་དོན་ལུ་ ང་ པའུལ་ལུ་ དཀོན་མཆོག་གི་ཕྱག་ཞུ་མི་དང་ ཡེ་ཤུ་ཁིརཱིས་ཀྱི་སྐུ་ཚབ་སྦེ་ གཏང་གནང་གནངམ་ཨིན།

ཏི་ཏུས་ལེའུ་ 1:7

ག་ཅི་སྨོ་ཟེར་བ་ཅིན་ ཆོས་ཚོགས་ཀྱི་འགོ་འདྲེན་པ་འདི་ལུ་ དཀོན་མཆོག་གི་ཕྱག་ལཱ་གི་འགན་ཁག་ བཀལ་གནང་མི་ཨིནམ་ལས་ ཁོ་ལུ་སྐྱོན་བཏག་མི་ག་ཡང་མེད་མི་དང་ རོ་རྔམ་མེད་མི་དང་ ཙིགཔ་ཟ་ནི་ལུ་མགྱོགས་དྲགས་མེད་མི་དང་ ཆང་མ་འགྲངས་མི་དང་ ཉེས་སྤྱོད་མ་འབད་མི་ དེ་ལས་འབབ་ཁུངས་བཟོ་ནིའི་དོན་ལུ་ངན་ལྷད་ལུ་ཡ་མ་འབད་མི་གཅིག་དགོཔ་ཨིན།

ཕི་ལེ་མཱོན་ལེའུ་ 1:1

ཁིརཱིས་ཡེ་ཤུ་གི་དོན་ལས་བཙོན་ནང་ཚུད་ཡོད་མི་ ང་ པའུལ་ དེ་ལས་ང་བཅས་ཀྱི་སྤུན་ ཏི་མོ་ཐི་ལས་ ང་བཅས་དང་གཅིག་ཁར་ ཁིརཱིས་ལུ་ཞབས་ཕྱི་ཞུ་མི་ གཅེས་པའི་ཆ་རོགས་ ཕི་ལེ་མཱོན་དང་།

ཧིབ་རུ་ལེའུ་ 13:23

ང་བཅས་ཀྱི་སྤུན་ཆ་ ཏི་མོ་ཐི་བཙོན་ནང་ལས་ཐར་ཡི་ཟེར་ འདི་ཡང་ཁྱེད་ཆ་ཁྱབ་ལུ་ ཤེས་བཅུག་ནིའི་འདོད་པ་ ང་ལུ་ཡོད་ ཁོ་མགྱོགས་པར་འོང་པ་ཅིན་ ཁོ་ཡང་འཁྱིད་དེ་ ང་བཅས་གཉིས་ཁྱེད་ འཕྱད་པ་འཐོན་འོང་།

ཡ་ཀོབ་ལེའུ་ 1:1

ཨ་ནི་ཡི་གུ་འདི་ དཀོན་མཆོག་དང་གཙོ་བོ་ཡེ་ཤུ་ཁིརཱིས་ཀྱི་ཕྱག་ཞུ་མི་ ང་ ཡ་ཀོབ་ཀྱིས་ ཁྱེད་མི་རིགས་བཅུ་གཉིསཔ་ འཛམ་བུ་གླིང་གི་ས་ཆ་ག་ར་ནང་ ཁ་གཏོར་སྡོད་མི་ ཡ་ཧུ་ད་པའི་དདཔ་ཅན་ཚུ་ལུ་ སྐུ་གཟུགས་བཟང་པོ་ཟེར་ཞུ་སྟེ་འབྲི་དོ།།

པེ་ཏྲོ་དང་པ་ལེའུ་ 2:25

ཧེ་མ་ཁྱེད་ཆ་ཁྱབ་ལུག་བཟུམ་སྦེ་ བྱང་སྟོར་ཞུགས་མི་ཨིན་རུང་ ད་ལྟོ་ལོག་སྟེ་ ཁྱེད་རང་གི་ལུག་རྫིཔ་དང་ བདག་འཛིན་པ་བཞུགས་སར་ལྷོད་ཅི།།

པེ་ཏྲོ་གཉིས་པ་ལེའུ་ 1:1

ཨ་ནི་ཡི་གུ་འདི་ ཡེ་ཤུ་ཁིརཱིས་ཀྱི་ཕྱག་ཞུ་མི་སྐུ་ཚབ་ ང་ སི་མཱོན་པེ་ཏྲོ་གིས་ ང་བཅས་རའི་དཀོན་མཆོག་ སྐྱབས་མགོན་ཡེ་ཤུ་ཁིརཱིས་ཀྱི་ དྲང་བདེན་གྱི་རྒྱུད་ལས་སྦེ་ ང་བཅས་ཀྱི་དད་པ་བཟུམ་སྦེ་ ཁྱེད་ཀྱི་དད་པ་ཡང་ རིན་ཐང་ཅན་བཟུམ་སྦེ་ཐོབ་སྟེ་ཡོད་མི་ཚུ་ལུ་བྲིས་དོ།

ཡུ་དཱས་ལེའུ་ 1:1

ཡེ་ཤུ་ཁིརཱིས་ཀྱི་ཕྱག་ཞུ་མི་ ཡ་ཀོབ་ཀྱི་ནུ་གཅུང་ ང་ ཡུ་དཱས་ཀྱིས་ ཡབ་དཀོན་མཆོག་གིས་བྱམས་པ་མཛད་དེ་འབོ་ཡོད་མི་ ཡེ་ཤུ་ཁིརཱིས་ཀྱིས་སྲུང་སྐྱོབས་མཛད་དེ་ཡོད་མི་སྤུན་ཆ་ཚུ་ལུ་ ཡི་གུ་འདི་འབྲི་དོ།

མཐོང་སྣང་ལེའུ་ 1:1

ཨ་ནི་འདི་ ཡེ་ཤུ་ཁིརཱིས་ཀྱིས་གནང་མིའི་མཇལ་ཁ་གི་སྐོར་ལས་ཨིན་ དཀོན་མཆོག་གིས་ མགྱོགས་པ་རང་ ག་ཅི་འབྱུང་ནི་ཨིན་ན་ ཁོ་རང་གི་ཕྱག་ཞུ་མི་ཚུ་ལུ་ དངོས་སུ་སྦེ་སྟོན་ནི་གི་དོན་ལུ་ ཡེ་ཤུ་ལུ་ཕྱག་ལཱ་བཅོལ་གནང་ནུག་ ཡེ་ཤུ་གིས་ཁོ་རང་གི་ ཕོ་ཉ་གི་ཐོག་ལས་སྦེ་ ཕྱག་ཞུ་མི་ ཡོ་ཧ་ནཱན་ལུ་ མཇལ་ཁ་དེ་སྟོན་གནང་ནུག

མཐོང་སྣང་ལེའུ་ 1:20

ངེ་གི་ལགཔ་གཡས་པ་ ཡོད་མིའི་སྐརམ་བདུན་དང་ གསེར་གྱི་ལ་ཝང་བདུན་གྱི་ གསང་བ་ཧ་མ་གོ་མི་འདི་ཨ་ནི་ཨིན་ སྐརམ་བདུན་འདི་ ཆོས་ཚོགས་བདུན་གྱི་ཕོ་ཉ་འདི་ཚུ་ཨིན་ དེ་ལས་གསེར་གྱི་ལ་ཝང་བདུན་འདི་ ཆོས་ཚོགས་བདུན་ཨིན་ཟེར་གསུངས་ཡི།།

མཐོང་སྣང་ལེའུ་ 19:10

དེ་ལས་ང་གིས་ཁོ་གི་སྐུ་མདུན་འགྱོ་སྟེ་ཕྱག་འཚལ་ནི་འབདཝ་ད་ ཁོ་གིས་ང་ལུ་ཕྱག་མ་འཚལ་ ཁྱོད་དང་ ཁྱོད་ཀྱི་སྤུན་ཆ་ ཡེ་ཤུ་གི་འཛོམ་དཔང་འབད་མི་ཚུ་བཟུམ་ ང་ཡང་ཞབས་ཕྱི་ཞུ་མི་གཅིག་ཨིན་ ཁྱོད་ཀྱིས་དཀོན་མཆོག་རྐྱངམ་གཅིག་ལུ་ཕྱག་འཚལ་ཏེ་བསྟོད་པ་ཕུལ་དགོ་ ག་ཅི་སྨོ་ཟེར་བ་ཅིན་ ཡེ་ཤུ་གི་སྐོར་ལས་འཛོམ་དཔང་འབད་མི་ཚུ་ ལུང་སྟོན་པ་བཟུམ་སྦེ་ཨིན་ཟེར་གསུངས་ཡི།།

མཐོང་སྣང་ལེའུ་ 2:12

པེར་ག་མཱོས་ནང་ཡོད་མི་ཆོས་ཚོགས་ཀྱི་ཕོ་ཉ་ལུ་ ཨ་ནི་ཡི་གུ་འདི་བྲིས་ རལ་གྲི་ཁ་གཉིསཔ་གི་རྣོས་དང་ལྡན་མི་གིས་ ཨ་ནི་བཟུམ་སྦེ་གསུངས་དེས།

མཐོང་སྣང་ལེའུ་ 2:8

སུམཱུར་ན་ནང་ཡོད་མི་ཆོས་ཚོགས་ཀྱི་ཕོ་ཉ་ལུ་ ཨ་ནི་ཡི་གུ་འདི་བྲིས་ ཨ་ནི་འདི་ འགོ་དང་པ་དང་མཐའན་མཇུག་ ཧེ་མ་ཤི་སྟེ་འབད་རུང་ ཤི་ས་ལས་གསོན་པོ་སྦེ་ལོག་སྟེ་ ད་ནམ་ཡང་ཤི་ནི་མེད་པའི་གསོན་པོ་དེ་གིས་ གསུངས་དེས།

མཐོང་སྣང་ལེའུ་ 22:9

ཁོ་གིས་ང་ལུ་དེ་སྦེ་མ་འབད་ ང་ཡང་ཁྱོད་དང་ཁྱོད་ཀྱི་སྤུན་ཆ་ལུང་སྟོན་པ་བཟུམ་དང་ ཨ་ནི་དེབ་ནང་གི་ལུང་བསྟན་པའི་བཀའ་ སེམས་ཁར་བཞག་མི་ཚུ་དང་གཅིག་ཁར་ ཞབས་ཕྱི་ཞུ་མིའི་ཆ་རོགས་ཨིན་ དཀོན་མཆོག་རྐྱངམ་གཅིག་ལུ་བསྟོད་པ་ཕུལ་ཏེ་ ཕྱག་འཚལ་དགོ་ཟེར་གསུངས་ཡི།