Yunusu 3:2 - Jula NT of Côte d’Ivoire

² «Wuri joona ka taga Ninive duguba kɔnɔ; ne bɛ ci min fɔ i ye, i ye taga o lase a dugumɔgɔw ma.»

ALA KA KUMA

² «Wili ka taga Ninivu, duguba nin, ne bena kuma min fɔ i ye, i k'o lase u ma.»

Yunusu 3:2 Iomraidhean Croise

Ɛsitɛri 9:31

A ko o ye Purimi lonw ta ɲanagbɛ kɛ a wagatiw ra, i n’a fɔ ale Yahudiyacɛ Maridose ni masamuso Ɛsitɛri k’a fɔ Yahudiyaw ye cogo min na, ani i n’a fɔ olugu yɛrɛ k’a ko latigɛ o yɛrɛ ni o ta durujaw ye cogo min na. O ye a ko mina sɔbɛ ra, i n’a fɔ wagati min o bɛ sun don, ka kasi.

Bɔri 4:28

Matigi Ala tun ka Musa ci ka kuma minw bɛɛ fɔ Musa ye, ani a tun ka tagamasiyɛn minw bɛɛ yira a ra ko a ye a kɛ, Musa ka o bɛɛ fɔ Haruna ye.

Yeremi 1:17

«O ra, ele kɔni ye i yɛrɛ cɛsiri le; ne bɛna fɛn o fɛn yira i ra, i wuri i ye taga o bɛɛ lakari o ye. I ja kana tigɛ o ɲa, ni o tɛ, ne yɛrɛ bɛna jatigɛ wɛrɛ bla i ra.

Yeremi 1:7

Matigi Ala k’a fɔ ne ye ko: «I kana a fɔ ko i ye denmisɛn ye, sabu ne bɛna i ci mɔgɔ min o min fɛ, i bɛna taga olugu bɛɛ fɛ; ne bɛna fɛn o fɛn fɔ i ye, i bɛna taga o bɛɛ fɔ o ye.

Ezekiyɛli 2:7

Mɔgɔ murutininw lo, o kosɔn ni o ka i lamɛn o, walama ni o yɛrɛ ma i lamɛn o, i ye ne ta kumaw fɔ o ye dɔrɔn.

Ezekiyɛli 3:17

«Adamaden, ne bɛ ele sigi ka i kɛ Izirayɛli mara mɔgɔw kɔrɔsibaga ye. Ele le bɛna ne darakumaw lamɛn, ka taga kuma o fɛ ka o lasɔmi ne ye.

Yunusu 1:2

«Wuri joona ka taga Ninive, Ninive duguba kɔnɔ, i ye taga kuma o fɛ k’a gbɛlɛya, k’a fɔ o ye ko o ta juguya warara ne ɲa kɔrɔ.»

Yunusu 3:1

O kow kɔ, Matigi Ala k’a ta kuma lase Yunusu ma a siɲaga flanan na ko:

Yunusu 3:3

Yunusu wurira ka taga Ninive duguba kɔnɔ, i n’a fɔ Matigi Ala k’a fɔ a ye cogo min na. Ninive tun ye dugu belebeleba le ye. Mɔgɔ tun bɛ tere saba kɛ tagama ra ka Ninive dugu yaala.

Matiyu 3:8

Aw ta kɛwalew le ka kan k’a yira ko can ra aw jusukun yɛlɛmana.

Yuhana 5:14

O kɔ fɛ, Yesu nana bɛn ni o cɛ ye Alabatosoba lu kɔnɔ; Yesu ko a ma ko: «A flɛ, sisan i kɛnɛyara; i kana to jurumun na, janko kojugu wɛrɛ kana na i sɔrɔ min ka jugu ni nin ye.»