Sariya 9:3 - Jula NT of Côte d’Ivoire

³ Nka aw ye la a ra bi, k’a lɔn ko Matigi Ala, aw ta Ala yɛrɛ le bɛ bla aw ɲa fɛ ka taga i ko tasuma farimanba; ale le bɛna o siyaw halaki, ka o kɛ aw sago ye. O ra, aw bɛna o gbɛn ka bɔ o ta jamana ra, ka o bɛɛ faga yɔrɔnin kelen na, i n’a fɔ Matigi Ala yɛrɛ k’a layiri ta aw ye cogo min na.

ALA KA KUMA

³ Aw k'a lɔn bii ko Masaba aw ka Ala be taamana aw ɲa i n'a fɔ tasuma min be cɛnni kɛ. A bena u halaki, k'u majigi aw ɲa. Aw bena u gwɛn, k'u halaki yɔrɔnin kelen i n'a fɔ Masaba tun y'a daa di aw ma cogo min na.

Sariya 9:3 Iomraidhean Croise

Bɔri 23:23

Ne ta mɛlɛkɛ bɛna bla aw ɲa fɛ, ka taga aw ladon Amɔrikaw, ani Hɛtikaw, ani Perezikaw, ani Kanaanakaw, ani Hevikaw, ani Yebusikaw ta jamana ra. Ne bɛna o mɔgɔw bɛɛ halaki.

Bɔri 24:17

Izirayɛlimɔgɔw ka Matigi Ala nɔɔrɔ ye o ɲa ra. A kɛra i n’a fɔ tasuma farimanba le bɛ jɛnina kuru san fɛ.

Ezayi 27:4

Dimi foyi tɛ ne jusukun na tuun; nka ni ne ka nɔnfɔnyiriw, ani ŋaniyiri dɔw le sɔrɔ a ra, o tuma ne bɛna wuri olugu kama ka o kɛrɛ, ka o bɛɛ jɛni tasuma ra;

Ezayi 30:27

A flɛ, Matigi Ala tɔgɔ bɛ nana ka bɔ fɔ yɔrɔjan; a ta dimi ka fari. A bɛ na i ko sankaba finmanba; a darakumaw bɛɛ ka fari, a nɛnkun bɛ i ko tasuma fariman.

Ezayi 30:30

Matigi Ala bɛna kuma ni a ta masacɛkan ye; mɔgɔw bɛna a boro barakaman jigitɔ ye o kan ni a ta dimiba ye, ani a ta tasuma farimanba, ani sanjiba, ani sanfɔɲɔ, ani sanbɛrɛ.

Ezayi 30:33

Kabini wagatijan, tasumaba dɔ labɛnna ka ban, a labɛnna masacɛ le kama; a kɔnɔ ka dun, a ka bon; tasumaba ani lɔgɔ caman lo. Matigi Ala yɛrɛ dafɔɲɔ le b’a mana k’a kɛ tasumamanaba ye.

Ezayi 33:14

Jurumunkɛbagaw ja tigɛra Siyɔn dugu kɔnɔ, siranya ka Alaɲasiranbariw mina fɔ o bɛ yɛrɛyɛrɛ. O ko: «Anw cɛ ra, jɔntigi le bɛ se ka to nin tasuma fariman kɔrɔ? Anw cɛ ra, jɔntigi le bɛ se ka to nin tasumaba fagabari kɔrɔ?»

Mise 2:13

Min bɛ o tɛmɛsira bɔ o ye, ale bɛna kɛ o ɲa fɛ. O bɛna bara ka bɔ da fɛ ka taga. O ta masacɛ bɛna tɛmɛ ka bla o ɲa, Matigi Ala yɛrɛ le bɛna kɛ o ɲa fɛ.»

Matiyu 15:10

O kɔ, Yesu ka jama wele k’a fɔ o ye ko: «Aw ye aw toro malɔ ka nin faamu kosɛbɛ.

Marika 7:14

O kɔ, Yesu ka jama wele tuun, k’a fɔ o ye ko: «Aw bɛɛ ye aw toro malɔ ka nin faamu kosɛbɛ.

Rɔmukaw 8:31

Ayiwa, an bɛna mun le fɔ nin ko ra sa? Ni Ala bɛ an fɛ, jɔn le bɛ se ka wuri an kama?

Ɛfɛsikaw 5:17

O kosɔn aw kana kɛ hakirintanw ye; nka Matigi sago ye min ye, aw ye jija ka o lɔn.

Sariya 1:30

Matigi Ala, aw ta Ala min bɛ aw ɲa, ale le bɛna o kɛrɛ aw nɔ ra, i n’a fɔ a k’a kɛ aw yɛrɛ ɲa na cogo min na Misiran;

Sariya 20:1

Ni aw bɔra ka taga kɛrɛ kɛ ni aw juguw ye, hali ni aw k’a ye ko sow ni sowotorow, ni kɛrɛkɛdenw ka ca o fɛ ka tɛmɛ aw kan, aw kana siran o ɲa; sabu Matigi Ala, aw ta Ala min ka aw labɔ Misiran jamana ra, ale bɛ ni aw ye.

Sariya 20:4

sabu Matigi Ala, aw ta Ala bɛ ni aw ye, a bɛna aw juguw kɛrɛ aw ye, ka aw kisi ka bɔ o boro.»

Sariya 4:24

sabu Matigi Ala, aw ta Ala bɛ i ko tasuma farimanba; a t’a fɛ aw ye ale ni batofɛn wɛrɛ kanu ɲɔgɔn fɛ fiyewu.

Sariya 7:16

Matigi Ala, aw ta Ala bɛna siya minw bɛɛ don aw boro, aw ye o siyaw bɛɛ halaki le; aw kana a fɔ ko aw bɛ makari o ra ka o to yi, aw fana kana o ta batofɛnw bato, sabu o le bɛna kɛ jan ye ka aw mina.

Sariya 7:22

Matigi Ala bɛna o siyaw gbɛn dɔɔnin dɔɔnin le ka bɔ aw ɲa. Aw tɛna se ka o bɛɛ gbɛn yɔrɔnin kelen na; ni o tɛ, kongowaraw bɛna caya jamana kɔnɔ ka aw lamini.

Sariya 9:6

O kosɔn, aw ka kan k’a lɔn ko Matigi Ala, aw ta Ala tɛ nin jamanaɲuman dira aw ma k’a kɛ aw ta ye aw yɛrɛ ta terenninya le kosɔn; sabu aw ye mɔgɔ torokungbɛlɛnw le ye.

Tes 2nan 1:8

A bɛna na tasumamana dɔ cɛ ma; minw ma Ala lɔn, ani o banna an Matigi Yesu ta Kibaro Diman* ma, a bɛna olugu ta kojuguw hakɛ bɔ o ra.

Heburuw 12:29

Sabu an ta Ala ka fari fana i ko tasuma min bɛ mɔgɔ jɛni fɔ ka a ban.

Yosuwe 11:12

Yosuwe ka o masacɛw bɛɛ mina, ani o ta duguw. A ka o bɛɛ faga, ka o ta duguw bɛɛ halaki, i n’a fɔ Matigi Ala ta baaraden Musa tun k’a fɔ cogo min na.

Yosuwe 11:8

Matigi Ala ka o don Izirayɛlimɔgɔw boro. Izirayɛli ta kɛrɛkɛdenw sera o ra, ka o gbɛn ka taga se fɔ Sidɔn duguba ma; o ka o gbɛn tuun ka taga se fɔ Misirefɔti Mayimu yɔrɔ ra, ka o gbɛn tuun ka taga se fɔ Misipa kɛnɛgbɛ ra terebɔyanfan na. O ka o bɛɛ faga, hali mɔgɔ kelen ma bɔsi.

Yosuwe 14:12

O ra, Matigi Ala tun ka nin kuruyɔrɔ min layiri ta ne ye fɔlɔfɔlɔ, o kuruyɔrɔ di ne ma. Ne tun k’a fɔ o wagati ra ko Anakikaw le bɛ o jamana ra. O ta dugu tun ye dugu belebele barakamanw le ye. Nka ni Matigi Ala bɛ ni ne ye, ne bɛna o bɛɛ gbɛn, i n’a fɔ Matigi Ala yɛrɛ k’a fɔ cogo min na.»

Yosuwe 3:11

A flɛ, dunuɲa bɛɛ tigi Ala ta jɛnɲɔgɔnya kɛsu bɛna tɛmɛ aw ɲa fɛ ka Zuridɛn ba tigɛ.

Yosuwe 3:14

Izirayɛlimɔgɔw bɔra o sigiyɔrɔ ra, ka taga Zuridɛn ba tigɛ. Sarakalasebaga minw tun ka jɛnɲɔgɔnya kɛsu ta, olugu blara mɔgɔw ɲa.

Kititigɛbagaw 4:14

Debora k’a fɔ Baraki ye ko: «Aw ye taga o nɔ fɛ, sabu Matigi Ala bɛna se di aw ma, ka Sisera don aw boro bi. Matigi Ala yɛrɛ le bɛna bla aw ɲa.» Baraki ni a ta mɔgɔ waga tan bɛɛ jigira ka bɔ Tabɔri kuru kan.