Sariya 8:8 - Jula NT of Côte d’Ivoire

⁸ Simanw bɛ o jamana ra, ani rɛzɛn, ani toro, ani gerenadisunw, ani oliviye, ani li.

ALA KA KUMA

⁸ Suman be ɲa yen. *Ɛrɛzɛnforow, ni torosunw, ni gerenadiyiriw, ani olivutulu, ani lii be yen.

Sariya 8:8 Iomraidhean Croise

Damina 49:11

Rɛzɛn bɛna caya fɔ a bɛ a ta fali siri rɛzɛnsun le ra, k’a ta falimuso den siri rɛzɛnsunw bɛɛ ra ɲumanman na. A bɛ a ta derege ko rɛzɛnji le ra, k’a ta deregeba ko rɛzɛnji ra.

Sam 2nan 4:6

O donna ka taga fɔ bon kɔnɔnɔyɔrɔ ra, k’a kɛ i n’a fɔ o bɛ tagara siman le bla bon kɔnɔ. O k’a kɛ ten ka Isi Bosɛti sɔgɔ a kɔnɔbara ra ni muru ye k’a faga, ka bori ka bɔ.

Mas fɔlɔ 5:11

A ta hakiritigiya tun ka bon ni mɔgɔ bɛɛ ta ye; a tun ka bon hali ni Ezirayikacɛ Etan ta ye; Mahɔli dencɛw, minw ye Heman, ani Kalikɔli ni Darida ye, a ta hakiritigiya tun ka bon ni olugu bɛɛ ta ye. A tɔgɔ bɔra ka se a lamini jamanaw ta mɔgɔw bɛɛ ma.

Mas 2nan 18:32

sani ne ye na aw ta ka taga ni aw ye aw ta jamana ɲɔgɔn dɔ ra, siman ni duvɛn bɛ jamana min na caman, domuni ni rɛzɛnsunw bɛ jamana min na caman, oliviyesunw, ani li bɛ jamana min na caman. O ra, sani aw ye to yan ka na sa, aw bɛna ɲanamanya le. Aw kana Ezekiyasi lamɛn, sabu a bɛ aw lafirira le, ko Matigi Ala bɛna aw bɔsi.

Zaburu 147:14

A bɛ hɛra ladon aw ta jamana kɔnɔ, a bɛ aw fa ni siman bɛɛ ra ɲumanman ye.

Zaburu 81:16

Minw bɛ Matigi Ala kɔninya olugu tun bɛna o kinbiri gban o kɔrɔ; Izirayɛli tun bɛna kɛ hɛra le ra wagati bɛɛ.

Ezayi 7:23

O wagati ra fana, rɛzɛnsun waga kelen bɛ sɔrɔ foro minw kɔnɔ, foro minw sɔngɔ bɛ warigbɛ waga kelen bɔ, mɔgɔw bɛna ban o forow ra ka o to nɔnfɔnw, ani ŋaniw cɛ ra yi.

Yeremi 2:7

Ne ka aw lana dugukolodiman le ra, janko aw ye o yɔrɔ simanw domu, k’a fɛnɲumanw sɔrɔ. Nka aw nana ka na ne ta jamana lanɔgɔ, ka ne ta yɔrɔ kɛ yɔrɔ haramunin ye.

Yeremi 5:17

O bɛna aw ta siman tigɛninw, ani aw ta domuniw bɛɛ domu, ka aw dencɛw, ani aw denmusow domu, ka aw ta bɛgan misɛnw, ani a belebelew bɛɛ domu, ka aw ta rɛzɛnmɔw, ani aw ta toromɔw domu; aw jigi tun bɛ aw ta dugu barakaman minw kan, o bɛna o bɛɛ halaki ni kɛrɛkɛmuru ye.›

Ezekiyɛli 27:17

«Hali Zuda ni Izirayɛli jamana fana tun bɛ jago kɛ ni aw ye; o tun bɛ aw ta fiyeerefɛnw falen ni Miniti mara ta alikama* ye, ani ɲɔ, ani li, ani turu, ani munturu.

Oze ta kitabu 2:22

Ne bɛna i mamina ka i kɛ ne ta muso ye ni kankelentigiya ye; ni o kɛra, i bɛna Matigi Ala lɔn.

Oze ta kitabu 2:8

«Ayiwa, a flɛ, ne bɛna ŋaniw bla a ɲa, k’a ta sira datugu; ne bɛna kogo lɔ k’a lamini, a tɛna tɛmɛsira sɔrɔ tuun.

Mise 4:4

Bɛɛ bɛna sigi ɲasuma ra a ta rɛzɛnforo kɔrɔ, walama a ta torosun kɔrɔ. Mɔgɔ si tɛna o tɔɔrɔ tuun; sabu Fangatigi Ala yɛrɛ da le kumana.

Habakuki 3:17

Hali ni torosun tɛna fiyerenkura bɔ tuun, hali ni rɛzɛnmɔ tɛna kɛ rɛzɛnsunw na tuun, hali ni oliviyesun tɛna den kɛ tuun, hali ni siman tɛna sɔrɔ forow ra tuun, hali ni sagaw ni baw tɛna sɔrɔ tuun, hali ni misi tɛna kɛ wɛrɛ kɔnɔ tuun,

Jateri 13:23

O sera Esikɔli kɔ yɔrɔ ra minkɛ, o ka rɛzɛn yiriboro dɔ tigɛ ni a rɛzɛnmɔw ye; cɛ fla ka o dulon bere dɔ ra k’a la o kan na. O ka Gerenadimɔw, ani toromɔw fana tigɛ.

Yuhana 6:13

O ka o burukunkurunw cɛ ka segi tan ni fla fa o ra; mɔgɔw ka domuni kɛ burukun looru ra ka min to, o le kɛra o ye.

Yuhana 6:9

«Cɛdennin dɔ bɛ yan, burukun looru ni jɛgɛden fla bɛ o fɛ; nka o bɛ mun ɲa nin jamaba ye?»

Sariya 32:13

A tagara o layɛlɛn jamana kuruyɔrɔw ra, ka o baro ni jamana yiridenw ye. A ka li bɔ faraw cɛ ra k’a di o ma; ka oliviyesunw falen faragbɛlɛnw na ka o turu di o ma.

Sariya 32:14

O ka misiw ni sagaw ta nɔnɔ min, k’a nare domu. O ka sagadenw, ani Basan sagajigiw, ani bakɔrɔninw sogo yɔrɔɲumanw domu; o ka mugu tɛntɛnnin ɲumanmanw kɛ o baro ye, ka o ta rɛzɛnmɔ ɲumanmanw ji min.

Sariya 6:3

O ra, aw Izirayɛlimɔgɔw, aw ye lamɛnni kɛ! Aw ye jija ka Ala kan mɛn ka ɲa kosɛbɛ, janko aw ye hɛra sɔrɔ, ka caya kosɛbɛ aw ta jamana ra, nɔnɔ ni li bɛ woyo o jamana min na, i n’a fɔ Matigi Ala, aw bɛmaw ta Ala k’a layiri ta aw ye cogo min na.

Sariya 8:7

Sabu Matigi Ala bɛna taga aw ladon jamana ɲumanba le ra; kɔw, ani bununw, ani jibaw bɛ woyo kurufurancɛw ra, ani kuruw kan o jamana ra.

Sariya 8:9

Aw bɛna domuni kɛ ka fa o jamana ra, foyi tɛna aw dɛsɛ. Nɛgɛ bɛ sɔrɔ o jamana kabakuruw ra, aw bɛna siranɛgɛ bɔ a kuruw kan fana.