Sariya 8:2 - Jula NT of Côte d’Ivoire

² Matigi Ala, aw ta Ala tɛmɛna ni aw ye sira minw fɛ nin san binaani bɛɛ ra kongokolon kɔnɔ, ani a ka sɛgɛ min la aw kan, ani ka aw kɔrɔbɔ cogo min na, aw ye aw hakiri to o ra. A ka o kɛ janko ka aw jusukun cogoya lɔn, k’a lɔn ni aw bɛna ale ta sariyaw sira tagama, walama ni aw tɛna a tagama.

ALA KA KUMA

² Aw k'aw hakili to taamajan nin na, Masaba aw ka Ala y'a kɛ aw ye min kɛ saan bi naani, kongokolon kɔnɔ. A y'o kɛ janko k'aw majigi k'a filɛ min b'aw kɔnɔ na, ni aw tun bena sɔn k'a ka kuma bato, walima n'aw tun tena sɔn.

Sariya 8:2 Iomraidhean Croise

Damina 22:1

Ayiwa, o kow kɔ fɛ, Ala ka Iburahima kɔrɔbɔ k’a flɛ. Ala k’a wele ko: «Iburahima!» A ko: «Naamu.»

Lok 2nan 32:31

O bɛɛ n’a ta, kabako minw tun kɛra a ta jamana ra, wagati min na Babilɔni jamana ɲamɔgɔw ta ciradenw nana a fɛ ka na a ɲininka o kabakow ko ra, o wagati ra Ala bɔra a kɔ, janko k’a sɛgɛsɛgɛ, k’a lɔn ko minw bɛɛ bɛ a jusukun na.

Lok 2nan 33:12

K’a to o tɔɔrɔ le ra, a ka sɔrɔ ka kasi ka Matigi Ala, a ta Ala daari kosɛbɛ, k’a yɛrɛ majigi kosɛbɛ a bɛmaw ta Ala ɲa kɔrɔ.

Lok 2nan 33:19

A ta daariri, ani Ala ka a ta daariri lamɛn cogo min na, ani a ta jurumunw, ani a ta kanblari, ani a tun ka sɔnnikɛyɔrɔw lɔ kongoriw kan yɔrɔ minw na, ka berew turu jo musoman Asera tɔgɔ ra, ka jow lalaga, ka sɔrɔ ka na a yɛrɛ majigi, o kow bɛɛ sɛbɛra Hozayi ta kitabu kɔnɔ.

Nehemi 9:19

Nka i ta hinaba kosɔn, i ma bɔ o kɔ kongokolon kɔnɔ yi. Tere fɛ, sankaba jamijan tora o ɲa; a ka o ta sira yira o ra. Su fɛ, tasumamana jamijan fana tora o ɲa; a ka yeelen bɔ o ye ka o ta sira yira o ra.

Ayuba 33:17

janko ka adamaden mabɔ a ta kɛwalejuguw ra, janko ka mɔgɔ kisi yɛrɛbonya ma,

Zaburu 103:2

E, ne nin, baraka la Matigi Ala ye, i kana ɲina a ta koɲuman si kɔ.

Zaburu 106:7

An bɛmaw ma i ta kabakow kɔrɔ faamu Misiran; i ka koɲuman caman min kɛ o ye, o hakiri ma to o si ra, o murutira kɔgɔji kɔrɔ, Kɔgɔjiwulen kɔrɔ.

Zaburu 136:16

Ale le blara a ta mɔgɔw ɲa kongokolon kɔnɔ ka taga, sabu a ta ɲumanya tɛ ban ka ye!

Zaburu 77:11

Ne ko: «Ne ta tɔɔrɔ sababu ye ko Ala kɔrɔtaninba boro barakaman tɛ a cogokɔrɔ ra tuun.»

Zaburu 81:7

«Ne ka doni ta ka bɔ o kamankunw kan, o borow ka segi gbirimanw bla.

Bɔri 15:25

Musa ka Matigi Ala daari kosɛbɛ. Matigi Ala ka yiri kunkurun dɔ yira a ra, ko a ye o firi ji ra. Musa ka o ta ka o firi ji ra, ji diyara. O yɔrɔ le ra Matigi Ala k’a ta sariyaw ni a ta ciw yira o ra. O yɔrɔ kelen le ra fana a ka o kɔrɔbɔ k’a flɛ.

Bɔri 16:35

Izirayɛlimɔgɔw ka mane domu fɔ san binaani, fɔ ka taga o se jamana dɔ ma, mɔgɔ bɛ jamana min na. O ka mane domu fɔ ka taga o don Kanaana jamana kɔnɔ.

Bɔri 16:4

Matigi Ala ko Musa ma o le ra ko: «Ne bɛna domuni lajigi aw ye ka bɔ san fɛ, i n’a fɔ sanji. Lon o lon, bɛɛ bɛna taga a ta tere domuni cɛ a ra. Ne bɛna aw kɔrɔbɔ k’a flɛ, k’a lɔn yala ni aw bɛna tagama ka kaɲa ni ne ta sariya ye, walama ni aw tɛna tagama ka kaɲa ni a ye.

Bɔri 20:20

Musa k’a fɔ mɔgɔw ye ko: «Aw kana siran, sabu Ala nana ka na aw kɔrɔbɔ k’a flɛ le. A ka o kɛ janko aw ye siran a ɲa, aw kana jurumun kɛ.»

Zanaw 17:3

O bɛ warigbɛ don daganin kɔnɔ tasuma ra, ka sanin yeele furunɛ kan, k’a silɔn, nka Matigi Ala le bɛ adamaden jusukun sɛgɛsɛgɛ.

Ezayi 2:17

Adamaden yadaninw kun bɛna suuru, yɛrɛbonyabagaw bɛna majigi; Matigi Ala kelenpe le bɛna kɔrɔta o lon na.

Yeremi 2:6

«O m’a ɲininkari kɛ, ko: ‹Matigi Ala bɛ min, ale min ka an labɔ Misiran jamana ra, ka bla an ɲa kongokolon kɔnɔ, o yɔrɔ lakolonw, ani o dingakolonyɔrɔw ra, o yɔrɔjalan na, yɔrɔ min bɛ i ko saya dibi, mɔgɔ tɛ tɛmɛ yɔrɔ min na, adamaden si tɛ sigi yɔrɔ min na?›

Ezekiyɛli 20:19

Ne le ye Matigi Ala ye, aw ta Ala. Aw ye tugu ne ta cifɔninw le kɔ, aw ye ne ta kolatigɛninw sira le tagama, k’a kɛ.

Amɔsi 2:10

Ne le ka aw labɔ Misiran jamana ra, ka bla aw ɲa kongokolon kɔnɔ fɔ san binaani, janko ka taga Amɔrikaw ta jamana di aw ma.

Jateri 14:33

Aw denw bɛna bɛganw gbɛn kongokolon kɔnɔ yan fɔ san binaani; aw ta terenbariyaw hakɛ bɛna bɔ olugu ra, fɔ ka taga a to aw bɛɛ ye benben ka sa kongokolon kɔnɔ.

Luka 18:14

Yesu ko: «Ne b’a fɔ aw ye ko Ala ka o ninsaraminabaga ta jurumunw yafa a ma; a sekɔra ka taga so kɔnɔ. Nka Farisicɛ ta jurumunw ma yafa. Sabu mɔgɔ o mɔgɔ bɛ a yɛrɛ kɔrɔta, Ala bɛ o tigi majigi, nka mɔgɔ o mɔgɔ bɛ a yɛrɛ majigi, Ala bɛ o tigi kɔrɔta.»

Yuhana 2:25

A mako tun t’a ra fana ko mɔgɔ dɔ ye na dɔ ta koɲaw fɔ ale ye, sabu adamaden jusukun cogo ye min ye, a ka o lɔn.

Sariya 1:3

Izirayɛlimɔgɔw ta tagama san binaaninan na, o san karo tan ni kelennan na, o karo tere fɔlɔ, Matigi Ala tun ka fɛn o fɛn fɔ Musa ye, ko a ye a fɔ Izirayɛlimɔgɔw ye, a ka o bɛɛ fɔ o ye.

Sariya 1:33

k’a sɔrɔ ale yɛrɛ le tun bɛ tagara aw ɲa sira ra, ka to ka jigiyɔrɔw ɲini aw ye; su fɛ a tun bɛ kɛ aw ɲa i ko tasumamana jamijan, tere fɛ a bɛ kɛ i ko sankaba jamijan, janko ka aw ta tɛmɛsira yira aw ra.

Sariya 13:3

a ka min fɔ ni o nana kɛ can ye, nka ni o kɔ fɛ o tigi ko aw ma ko aw ye taga batofɛn wɛrɛw kɔ, ka taga o bato, aw ma batofɛn minw lɔn,

Sariya 2:7

sabu Matigi Ala, aw ta Ala ka baraka don aw ra, aw ta kokɛtaw bɛɛ ra. A ka aw kɔrɔsi aw ta tagama bɛɛ ra, nin kongokolonba kɔnɔ. Nin ye a san binaani ye, Matigi Ala bɛ ni aw ye, foyi ma aw dɛsɛ.»

Sariya 29:5

a ma aw baro ni buru le ye, walama duvɛn, walama minnifɛn fariman dɔ wɛrɛ; a ka o kɛ janko aw y’a lɔn ko ale le ye Matigi Ala, aw ta Ala ye.

Sariya 32:7

Aw ye miiri fɔlɔfɔlɔ wagatiw ra, aw ye miiri wagatijan tɛmɛninw na. Aw ye aw bɛmaw ɲininka, olugu bɛna o kow fɔ aw ye; aw ye cɛkɔrɔbaw ɲininka, olugu bɛna a ɲafɔ aw ye.

Sariya 7:18

Aw kana siran o ɲa. Matigi Ala, aw ta Ala ka min kɛ Farawona ni Misiran jamana bɛɛ ra, aw ye aw hakiri to o ra.

Sariya 8:16

A ka aw baro ni mane* le ye o kongokolon kɔnɔ; aw bɛmaw tun ma o domuni lɔn. A ka o kɛ janko ka aw majigi, ka aw kɔrɔbɔ k’a flɛ, ka sɔrɔ ka na koɲuman kɛ aw ye o kɔ fɛ.

Yakuba 1:3

Sabu ni Ala bɛ aw ta lanaya kɔrɔbɔ, o bɛ aw karan muɲuri ra.

Yakuba 4:10

Aw ye aw yɛrɛ majigi Matigi ɲa kɔrɔ; ni o kɛra, a bɛna aw kɔrɔta.

Yakuba 4:6

O bɛɛ n’a ta, Ala bɛ nɛɛmaba le di an ma. O kosɔn a sɛbɛra ko: «Ala bɛ wasobagaw kɛrɛ, nka a bɛ nɛɛma mɔgɔ sabarininw ye.»

Piy fɔlɔ 1:7

O kun ye janko ka aw ta lanaya le sɛgɛsɛgɛ. Aw ta lanaya ka fisa ni sanin ye, sabu sanin ye fɛn banta le ye, nka a ka kan ka don tasuma ra k’a saninya. Ni aw ta lanaya fana sɛgɛsɛgɛra, aw bɛna tandori ni bonya ni nɔɔrɔ sɔrɔ Yesu Kirisita nawagati ra.

Yirari 2:23

Ne bɛna a denw fana faga. Lanabagaw ta jɛnkuruw bɛɛ bɛna a lɔn ko ne le bɛ adamaden ta miiriya ni a jusukunnakow bɛɛ lɔn. Ne bɛna aw bɛɛ sara ka kaɲa ni aw yɛrɛ ta kɛwalew le ye.

Kititigɛbagaw 2:22

Ne bɛna o siyaw le kɛ ka Izirayɛlimɔgɔw kɔrɔbɔ, k’a lɔn ni o bɛna sɔn, walama ni o tɛna sɔn ka ne kan mina, ka tagama ka kaɲa ni ne sago ye, i n’a fɔ o bɛmaw k’a kɛ cogo min na.»

Kititigɛbagaw 3:4

Matigi Ala ka o siyaw to jamana kɔnɔ, janko ka Izirayɛlimɔgɔw kɔrɔbɔ k’a flɛ, k’a lɔn ni a kɛra ko o bɛna ale ta cifɔninw lamɛn, ale ka min fɔ a ta baaraden Musa ye k’a fɔ o bɛmaw ye.