Sariya 8:10 - Jula NT of Côte d’Ivoire

¹⁰ Nka ni aw nana domuni kɛ ka fa tuma min na, aw ye Matigi Ala, aw ta Ala tando o jamanaɲuman kosɔn a ka min di aw ma.

ALA KA KUMA

¹⁰ N'aw ye dumuni kɛ ka fa tuma min na, aw ka Masaba aw ka Ala fo yɔrɔɲuman nin kosɔn, a ye min di aw ma.

Sariya 8:10 Iomraidhean Croise

Lok fɔlɔ 29:14

sabu ne ye jɔn le ye, ani ne ta mɔgɔw ye jɔn le ye, ko an bɛ se ka fɛn bɔ an yɛrɛ ra k’a di i ma? Fɛn bɛɛ bɛ bɔ ele le fɛ; an ka min di i ma, ele yɛrɛ boro le ka o di an ma.

Zaburu 103:2

E, ne nin, baraka la Matigi Ala ye, i kana ɲina a ta koɲuman si kɔ.

Zanaw 3:9

Matigi Ala bonya ni i borofɛnw ye, a bonya ni i ta foro ta simanw bɛɛ kun fɔlɔw ye.

Ezayi 5:1

Aw y’a to ne ye ne diyanyamɔgɔ ta dɔnkiri la; ne bɛna o la ne diyanyamɔgɔ ye a ta rɛzɛnforo ko ra: Rɛzɛnforo dɔ tun bɛ ne diyanyamɔgɔ fɛ, a tun bɛ kuru kɛrɛ fɛ, dugukolodiman dɔ ra.

Yowɛli 2:26

Aw bɛna domuni kɛ fɔ ka fa. Aw bɛna Matigi Ala, aw ta Ala tɔgɔ tando, ale min ka kobaw kɛ aw ye. Ne ta mɔgɔw tɛna maroya tuun fiyewu!

Matiyu 14:19

A ko mɔgɔw ye sigi dugu ma binmisɛnw kan. A ka burukun looru ni jɛgɛden fla ta ka a ɲa kɔrɔta san fɛ ka baraka la Ala ye. O kɔ, a ka buru tigɛtigɛ k’a di karamɔgɔdenw ma; olugu k’a tarantaran jama ra.

Yuhana 6:23

O y’a sɔrɔ kurun dɔw tun nana ka bɔ Tiberiyadi; Matigi Yesu tun ka baraka la Ala ye ka buru tarantaran jama ra yɔrɔ min na, o tun lɔnin lo o yɔrɔ kɔrɔ.

Rɔmukaw 14:6

Min bɛ lonw bɔ ɲɔgɔn na, ale bɛ o kɛ ka Matigi le bonya. Min bɛ domunifɛn bɛɛ domu, ale bɛ o kɛ ka Matigi le bonya, sabu a bɛ baraka la Ala ye; min fana tɛ domunifɛn bɛɛ domu, ale bɛ o kɛ ka Matigi le bonya, sabu ale fana bɛ baraka la Ala ye.

Kor fɔlɔ 10:31

Ayiwa, ni aw bɛ domuni kɛ, walama ni aw bɛ minni kɛ, walama ni aw bɛ fɛn o fɛn kɛ, a ye o bɛɛ kɛ janko ka Ala le bonya.

Sariya 31:20

Ne tun karira nin mɔgɔw bɛmaw ye ko ne bɛna jamana min di o ma, nɔnɔ ni li bɛ woyo jamana min na, ne bɛna taga ni o ye o jamana ra. O bɛna domuni kɛ ka fa, ka bonya fɔ ka tɔrɔ; nka o kɔ, o bɛna yɛlɛma batofɛn wɛrɛw fɛ ka taga olugu bato, ka ne mafiyɛnya, ka o ni ne ta jɛnɲɔgɔnya cɛn.

Sariya 8:9

Aw bɛna domuni kɛ ka fa o jamana ra, foyi tɛna aw dɛsɛ. Nɛgɛ bɛ sɔrɔ o jamana kabakuruw ra, aw bɛna siranɛgɛ bɔ a kuruw kan fana.

Tes fɔlɔ 5:18

aw ye baraka la Ala ye fɛn bɛɛ ra; sabu Ala sago ye o le ye aw ta fan fɛ, Yesu Kirisita ta jɛnɲɔgɔnya ra.