Sariya 7:9 - Jula NT of Côte d’Ivoire

⁹ O ra, aw y’a lɔn ko Matigi Ala, aw ta Ala le ye Ala ye, Ala kankelentigi; mɔgɔ minw b’a kanu, k’a ta sariyaw sira tagama, a bɛ to a ta jɛnɲɔgɔnya* ra ni olugu ye, ka koɲuman kɛ o ye, k’a kɛ o ta denw ye, fɔ ka taga se o ta duruja waga kelennan ma.

ALA KA KUMA

⁹ «Aw ka l'a la ko Masaba aw ka Ala le ye Ala yɛrɛ yɛrɛ ye. A koo ka di mɔgɔ minw ye n'u b'a ka kuma bato, a tilennin lo, a b'a ka layidu dafa olu faan fɛ, ani ka ɲumanya kɛ u ye, n'u kɔmɔgɔw *filankuru waa caaman ye.

Sariya 7:9 Iomraidhean Croise

Damina 17:7

Ne bɛna to ne ta jɛnɲɔgɔnya ra ni i ye, ani i ta duruja min o min bɛna na i kɔ fɛ; o jɛnɲɔgɔnya bɛna to ne ni olugu bɛɛ cɛ, wagati bɛɛ. O bɛna kɛ jɛnɲɔgɔnya wuribari le ye. O le sababu ra ne bɛna kɛ i ta Ala ye; i ta duruja minw bɛna na i kɔ fɛ, ne bɛ kɛ olugu fana ta Ala ye.

Damina 28:15

Ne bɛ ni i ye; ni i bɛ taga yɔrɔ o yɔrɔ, ne bɛna kɛ ni i ye ka i tanga kojugu ma. Ne bɛna a to i ye sekɔ ka na nin jamana ra yan tuun. Ne tɛna i to i kelen na fiyewu. Ne ka fɛn o fɛn fɔ i ye, ne bɛna o bɛɛ kɛ k’a dafa.»

Damina 9:15

O tuma ne ka jɛnɲɔgɔnya min don ni aw ye, ani fɛnɲanamanw bɛɛ ye, ani danfɛnw bɛɛ ye, ne bɛna ne hakiri to o jɛnɲɔgɔnya ra. Ne tɛna a to ji ye caya ka kɛ sanjiba ye tuun, fɔ ka danfɛnw bɛɛ halaki.

Mas fɔlɔ 8:23

«E, Matigi Ala, Izirayɛli ta Ala! Ele bɔɲɔgɔnko Ala tɛ san fɛ, sankolo ra, walama dugu ma, dugukolo kan yan. I ta jɔn minw bɛ i ta siraw tagama ka ɲa ni o jusukun bɛɛ ye, i bɛ to jɛnɲɔgɔnya ra ni olugu ye ka koɲuman kɛ o ye.

Lok fɔlɔ 16:15

Aw ye aw hakiri to a ta jɛnɲɔgɔnya ra wagati bɛɛ; a ka o kuma minw fɔ duruja caman ye,

Lok 2nan 6:14

k’a fɔ ko: «E, Matigi Ala, Izirayɛli ta Ala! Ele bɔɲɔgɔnko Ala tɛ san fɛ, walama dugukolo kan. I ta jɔn minw bɛ i ta siraw tagama ka ɲa ni o jusukun bɛɛ ye, i bɛ to jɛnɲɔgɔnya ra ni olugu ye ka koɲuman kɛ o ye.

Nehemi 1:5

Ne ko: «E, Matigi Ala, sankolo tigi Ala, i ka bon, i ye siranyafɛnba le ye. Ele le bɛ to i ta jɛnɲɔgɔnya ra, ka koɲuman kɛ i kanubagaw, ani i ta kuma siratagamabagaw ye.

Nehemi 9:32

Sisan, an ta Ala, Alaba, Setigi Ala, siranyafɛnba, ele min bɛ to i ta jɛnɲɔgɔnya kan tuma bɛɛ, ele min bɛ koɲuman kɛ tuma bɛɛ; tɔɔrɔ min sera an ma, anw ni an ta masacɛw, ani an ta fagamaw, ani an ta sarakalasebagaw, ani an ta ciraw, ani an bɛmaw, ani jamana mɔgɔw bɛɛ, kabini Asiri masacɛw ta wagati ra, fɔ ka na se bi ma, i kana o tɔɔrɔ jate ko fitini ye.

Zaburu 103:18

minw kɔni bɛ sɔn ka to a ta jɛnɲɔgɔnya ra, ka o hakiri to a ta sariya ta kumaw ra ka o sira tagama.

Zaburu 105:8

A b’a hakiri to a ta jɛnɲɔgɔnya ra wagati bɛɛ, a tun ka o kuma minw fɔ duruja caman ye.

Zaburu 119:75

Matigi Ala, ne k’a lɔn ko i ta kolatigɛninw terennin lo, ko i ka ne koro ka kaɲa ni i ta kankelentigiya le ye.

Zaburu 146:6

Ale le ka sankolo ni dugukolo dan, ani kɔgɔji ni a kɔnɔfɛnw bɛɛ. A bɛ to a ta kankelentigiya ra wagati bɛɛ.

Zaburu 36:6

E, Matigi Ala, i ta ɲumanya bonya bɛ se fɔ sankolo ma! I ta kankelentigiya bonya bɛ se fɔ sankabaw ma.

Bɔri 20:6

Nka mɔgɔ minw bɛ ne kanu, ka ne ta sariyaw sira tagama, ne bɛ koɲuman kɛ olugu ye, k’a kɛ o ta denw ye, ani o ta denw ta denw, fɔ ka taga se o ta duruja waga kelennan ma.

Ezayi 49:7

Matigi Ala ye Izirayɛli kunmabɔbaga, ani a ta Ala saninman ye; mɔgɔ mafiyɛnyanin, siyaw bɛ mɔgɔ min kɔninya, mɔgɔ min kɛra fangatigiw ta jɔn ye, a b’a fɔ o tigi ye ko: «Ni masacɛw nana ele ye, o bɛna wuri ka lɔ; ni kuntigiw nana i ye, o bɛna o kinbiri gban, Matigi Ala, Ala kankelentigi kosɔn, Izirayɛli ta Ala saninman min ka ele ɲanawoloma, ale Ala kosɔn.»

Yeremi 32:18

Ele bɛ koɲuman kɛ mɔgɔ ye, k’a kɛ a ta denw ye, fɔ ka taga se a ta duruja waga kelennan ma; nka i bɛ facɛw ta terenbariyaw hakɛ bɔ o ta denw na o kɔ fɛ. E, bonyatigi Ala, ani barakabatigi Ala, ele min tɔgɔ ye ko Fangatigi Ala,

Kasikan 3:23

Sɔgɔma o sɔgɔma ɲumanyakura, ani hinakura. E, i ta kankelentigiya ka bon dɛ!

Daniyɛli 9:4

Ne ka Matigi Ala, ne ta Ala daari, ko a ye an ta jurumunw yafa. Ne ko: ‹E, Matigi Ala, ele le ka bon, i bɛ siranyakobaw kɛ. Minw bɛ i kanu, ka i ta sariya sira tagama, i bɛ to i ta jɛnɲɔgɔnya ra ni olugu ye, ka koɲuman kɛ o ye.

Jateri 14:18

‹Matigi Ala tɛ dimi joona; a ta ɲumanya ka bon. A bɛ terenbariya ni hakɛkow yafa mɔgɔw ma. Nka a tɛ kojugukɛbaga jarakibari to. A bɛ faw ta hakɛw bɔ o denw na, fɔ ka taga se o ta duruja sabanan ni a naaninan ma.›

Rɔmukaw 8:28

An k’a lɔn ko mɔgɔ minw bɛ Ala kanu, ani Ala ka o wele ka kaɲa ni a ta latigɛ ye, ko ni fɛn o fɛn ka olugu sɔrɔ, Ala b’a to o bɛɛ laban bɛ kɛ koɲuman le ye olugu ta fan fɛ.

Kor fɔlɔ 1:9

Ala ye kankelentigi le ye; Den min bɔra Ala ra*, an Matigi Yesu Kirisita, a ka aw wele ka aw don o ta jɛnɲɔgɔnya ra.

Kor fɔlɔ 10:3

Ala ka domuni min di o ma ka bɔ sankolo ra, o bɛɛ ka o domu.

Kor fɔlɔ 8:3

Nka ni mɔgɔ min bɛ Ala kanu, o tigi lɔnnin lo Ala fɛ.

Kor 2nan 1:18

Ala ye kankelentigi ye cogo min na, ne ka kuma min fɔ aw ye, o ma kɛ «ɔnhɔn» ani «ɔn-ɔn» ye.

Sariya 32:39

«Aw y’a lɔn ko ne, ne kelenpe le ye Ala ye, Ala wɛrɛ tɛ yi ne kɔ. Ne le bɛ nin don mɔgɔ ra, ne le fana bɛ nin bɔ mɔgɔ ra; ne le bɛ mɔgɔ bana, ne le bɛ mɔgɔ kɛnɛya. Mɔgɔ si tɛ se ka mɔgɔ kisi ka bɔ ne boro.

Sariya 32:4

Ale le ye an ta barakatigi ye, a ta kɛwale bɛɛ dafanin lo; a ta siraw bɛɛ terennin lo. Ala kankelentigi lo, a tɛ ko bɛnbari si kɛ; a terennin lo, cantigi Ala lo.

Sariya 4:35

Ala ka o kow bɛɛ kɛ k’a yira aw ra, janko aw y’a lɔn ko Matigi Ala le ye Ala ye, ko Ala wɛrɛ tɛ yi ale kɔ.

Sariya 4:39

O ra, aw ka kan k’a lɔn bi, ka aw hakiri to a ra ko Matigi Ala kelenpe le ye Ala ye, sankolo kɔnɔ, ani dugukolo kan, ko dɔ wɛrɛ tɛ yi ale kɔ.

Sariya 5:10

Nka mɔgɔ minw bɛ ne kanu, ka ne ta sariyaw sira tagama, ne bɛ koɲuman kɛ olugu ye, k’a kɛ o ta denw ye, ani o ta denw ta denw, fɔ ka taga se o ta duruja waga kelennan ma.

Tes fɔlɔ 5:24

Ala min ka aw wele, ale ye kankelentigi ye; ale le bɛna o kɛ.

Tes 2nan 3:3

O bɛɛ n’a ta, Matigi ye kankelentigi le ye; a bɛna baraka don aw ra, ka aw tanga Setana ma.

Tim 2nan 2:13

Ni anw ma kɛ kankelentigiw ye, ale kɔni ye kankelentigi ye tuma bɛɛ; sabu a tɛ se ka ban a yɛrɛ ra.»

Tite 1:2

janko o ye ɲanamanya banbari jigiya sɔrɔ; Ala le ka o ɲanamanya layiri ta an ye kabini dunuɲa ma dan fɔlɔ, Ala min tɛ faninya tigɛ.

Heburuw 10:23

An ko, ko o jigiya min bɛ an fɛ, an ye jija ka to o kan; sabu Ala min ka layiri ta an ye, ale ye kankelentigi le ye.

Heburuw 11:11

Lanaya le kosɔn, Saran ni a ta kɔrɔya bɛɛ, Ala ka a to a sera ka den woro; sabu Ala min ka layiri ta a ye, a lara a ra ko o ye kankelentigi le ye.

Heburuw 6:18

O fɛn fla tɛ se ka yɛlɛma fiyewu. Ala ka layiri min ta, ani ka kari ka fara a kan, a tɛ se ka faninya tigɛ o ko ra. An minw ka karifayɔrɔ sɔrɔ Ala kɔrɔ, nin kumaw bɛ an ja gbɛlɛya le kosɛbɛ, janko Ala ka layiri min ta an ye, an ye an jigiya to o kan.

Yakuba 1:12

Mɔgɔ min bɛ kɔrɔbɔri tɔɔrɔ sɔnmina, o tigi ta ɲana; sabu ni a tora lanaya ra, kɔrɔbɔri kɔ fɛ, a bɛna ɲanamanya masafugula sɔrɔ, Matigi ka min layiri ta a kanubagaw ye.

Zan fɔlɔ 1:9

Nka ni an ka lɔ an ta jurumunw na, Ala min ye kankelentigi ye, ani a terennin lo, ale bɛna yafa an ma, ka an saninya ka bɔ terenbariyakow bɛɛ ra;

Kititigɛbagaw 2:1

Lon dɔ, Matigi Ala ta mɛlɛkɛ bɔra Giligali ka na Bokimu. A nana a fɔ Izirayɛlimɔgɔw ye ko: «Ne le ka aw labɔ Misiran jamana ra; ne tun karira aw bɛmaw ye ko ne bɛna jamana min di o ma, ne nana ni aw ye o jamana le ra. Ne k’a fɔ aw ye ko ne ka jɛnɲɔgɔnya min don ni aw ye, ko ne tɛna o cɛn fiyewu;

Kititigɛbagaw 5:31

«E, Matigi Ala, i juguw bɛɛ ye halaki nin cogo ra! Nka minw bɛ i kanu, olugu ye manamana i ko tere bɛ manamana cogo min na teregban fɛ.» Ayiwa, o kɔ, Izirayɛli jamana tora ɲasuma ra, fɔ san binaani.