Sariya 7:8 - Jula NT of Côte d’Ivoire

⁸ Nka Matigi Ala ka aw kanu le, ani a karira ka layiri min ta aw bɛmaw ye fɔlɔfɔlɔ, a tun b’a fɛ ka o dafa; o kosɔn a ka aw labɔ Misiran a ta sebagaya baraka ra, ka aw kisi ka bɔ o jɔnyaso ra, ka aw bɔsi ka bɔ Misiran masacɛ Farawona boro.

ALA KA KUMA

⁸ Nga aw koo ka di Masaba ye, ani a ye layidu min ta aw bɛmaw ye, a y'o dafa. O la, a y'aw bɔsi Ezipiti masacɛ bolo k'aw bɔ jɔnya la, ani k'a to aw bɔra jamana nin kɔnɔ a ka sebagaya barika la.

Sariya 7:8 Iomraidhean Croise

Damina 19:16

Ayiwa, mɛlɛkɛw nana a ye ko o tɛ teliyara minkɛ, o ka Lutu mina a boro ma, ani a muso, ni a denmuso fla. Mɛlɛkɛw bɔra ni o ye ka taga o bla dugu kɔ fɛ; sabu Matigi Ala tun b’a fɛ ka o tanga.

Damina 19:29

Lon min Ala tun bɛ o kɛnɛgbɛba ta duguw halakira, a hakiri tora Iburahima ra; o kosɔn a ka Lutu kisi ka bɔ tasuma ra. Lutu tun tagara sigi o dugu minw na, o tasuma le ka o duguw bɛɛ halaki.

Sam 2nan 22:20

A ka ne bla yɔrɔ laganfiyanin le ra, ka ne bɔsi, sabu ne ko ka di a ye.

Mas fɔlɔ 10:9

Matigi Ala, i ta Ala baraka, sabu i ko diyara a ye, o kosɔn a ka i sigi masaya ra Izirayɛli jamana kunna. Matigi Ala bɛ Izirayɛlimɔgɔw kanu ni kanuya banbari le ye, o kosɔn a ka i kɛ Izirayɛli masacɛ ye, janko i ye mɔgɔw ta kow ɲanabɔ ni can ni terenninya ye.»

Lok fɔlɔ 16:16

a ka jɛnɲɔgɔnya min don ni Iburahima ye, ani a karira min na ni Isiyaka ye,

Lok 2nan 9:8

Matigi Ala, i ta Ala baraka, sabu i ko diyara a ye, o kosɔn a ka i sigi masaya ra, ka i kɛ masacɛ ye Matigi Ala, i ta Ala tɔgɔ ra. I ta Ala ka Izirayɛlimɔgɔw kanu; a fana b’a fɛ ka o sabati wagati bɛɛ, o kosɔn a ka i sigi o kunna ka i kɛ o ta masacɛ ye, janko i ye mɔgɔw ta kow ɲanabɔ ni can ni terenninya ye.»

Zaburu 105:42

Ala tun ka layiri saninman min ta, a k’a hakiri to o ra; a k’a hakiri to a ta jɔncɛ Iburahima ra.

Zaburu 44:3

I yɛrɛ boro ka siya dɔw gbɛn, janko ka an bɛmaw sigi olugu nɔ ra; i ka kojugu ben siya dɔw kan, janko an bɛmaw ye laganfiya sɔrɔ.

Zaburu 44:4

Sabu o ma jamana kɛrɛ k’a mina ni o yɛrɛ ta kɛrɛkɛmuruw le ye, o yɛrɛ boro le ma se di o ma; nka ele boro barakaman, ani i ta sebagaya, ani i ta ɲumanya nɔ lo; sabu o ko tun diyara i ye.

Bɔri 13:14

«Ayiwa, ni aw dencɛw nana aw ɲininka lon dɔ ko: ‹Nin kɛkun ye mun ye aw fɛ?› Aw ye a fɔ o ye ko: ‹An bɛ nin kɛ, sabu Matigi Ala ka an kunmabɔ ka bɔ jɔnya ra Misiran, a ta sebagaya baraka ra.

Bɔri 13:3

Musa k’a fɔ mɔgɔw ye ko: «Aw ye aw hakiri to nin lon na, aw bɔra Misiran jɔnya ra lon min na; sabu Matigi Ala ka aw labɔ Misiran ni a yɛrɛ ta sebagaya baraka le ye. O kosɔn aw kana burufununin domu o lon na.

Bɔri 20:2

«Ne le ye Matigi Ala, i ta Ala ye, min ka i labɔ Misiran jamana ra, jɔnyaso ra.

Bɔri 32:13

I hakiri to i ta jɔnw na, an bɛmacɛw Iburahima, ani Isiyaka, ni Izirayɛli. I tun ka layiri ta olugu ye, ko i bɛna o ta duruja caya i n’a fɔ lolow, ani i ka jamana min layiri ta o ye, i ko i bɛna o di o ta durujaw ma, k’a kɛ o ta ye wagati bɛɛ.»

Bɔri 6:6

O kosɔn, a fɔ Izirayɛlimɔgɔw ye ko: ‹Ne le ye Matigi Ala ye; Misirankaw ka jagboyabaara min la aw kan, ne bɛna aw bɔsi ka bɔ o ra. Ne bɛna aw kisi ka aw bɔ o ta jɔnya ra. Ne bɛna aw kisi ne ta sebagayaba baraka ra, ka kitibaw ben Misirankaw kan.

Ezayi 43:4

I n’a fɔ aw ko ka gbɛlɛn ne ma, aw ta ko ka bon ne fɛ, ani ne bɛ aw kanu, o ra, ne bɛna mɔgɔ wɛrɛw le di aw nɔ ra, ka siya wɛrɛw di ka aw nin kunmabɔ.

Ezayi 63:9

O ta degu wagatiw bɛɛ ra, degu tun bɛ ale yɛrɛ kan. A ta mɛlɛkɛ min b’a kɔrɔ ale ka o kisi; ale yɛrɛ ka o kunmabɔ a ta kanuya ni a ta maɲuman kosɔn; a ka o ta, ka lɔ ni o kunko ye wagatiw bɛɛ.

Yeremi 31:3

Kabini fɔlɔfɔlɔ Matigi Ala k’a yɛrɛ yira anw na; a ko: «Ne bɛ aw kanu ni kanuya banbari le ye, o kosɔn ne bɛ ne ta ɲumanya to aw kan.

Ezekiyɛli 36:22

«Ayiwa, a fɔ Izirayɛli mara mɔgɔw ye ko Dunuɲatigi Ala ko: Izirayɛli mara mɔgɔw, ne tɛna nin kow kɛ aw le kosɔn; ne bɛna a kɛ ne yɛrɛ tɔgɔ saninman le kosɔn, aw tagara siya tɔw cɛ ra ka taga ne tɔgɔ saninman min lanɔgɔ.

Mise 6:4

Ne ka aw ta ka aw labɔ Misiran jamana kɔnɔ; ne ka aw kunmabɔ ka aw labɔ jɔnyaso kɔnɔ. Ne ka Musa bla aw ɲa, ani Haruna ni Mariyamu.

Mise 7:20

I bɛna to i ta kankelentigiya ra ni Yakuba ta somɔgɔw ye, ka nɛɛma Iburahima ta mɔgɔw ye, i n’a fɔ i ka o layiri ta an bɛmaw ye cogo min na kabini fɔlɔfɔlɔ.

Sofoni 3:17

Matigi Ala, aw ta Ala bɛ aw cɛ ra, i ko cɛfari, min bɛ aw kisi. A bɛna ɲagari fɔ k’a jusu diya aw kosɔn. A bɛna aw kanu, ka ɲanamanyakura di aw ma; a bɛna ɲagari aw kosɔn, fɔ ka dɔnkiri la ni kanba ye.

Malaki 1:2

Matigi Ala ko: «Ne ka aw kanu, nka aw ko: ‹I ka an kanu cogo di le?› Yala Esawu tun tɛ Yakuba kɔrɔcɛ le ye wa? Matigi Ala ko ten. O bɛɛ n’a ta, ne ka Yakuba kanu,

Matiyu 11:26

Can lo, Ne Fa Ala, ne bɛ i tando, sabu i k’a latigɛ o cogo le ra ka kaɲa ni i ta ɲumanya ye.

Luka 1:55

i n’a fɔ a tun ka a layiri ta an bɛmaw ye cogo min na, min ye Iburahima ni a ta duruja ye.»

Rɔmukaw 11:28

Ayiwa, Izirayɛlimɔgɔw ma sɔn Kibaro Diman* ma minkɛ, o ra o kɛra Ala juguw ye, janko aw ye o nafa sɔrɔ. Nka ka kaɲa ni Ala ta ɲanawolomari ye, Ala bɛ o kanu a ta layiri taninw kosɔn o bɛmaw ye.

Sariya 1:8

«Aw y’a flɛ, ne ka o jamana di aw ma; aw ye wuri ka taga o jamana mina; ne karira aw bɛmaw Iburahima ni Isiyaka ni Yakuba ye, ko ne bɛna o jamana le di o ni o ta duruja nataw ma.»

Sariya 10:15

Nka aw bɛmaw ko le diyara Matigi Ala ye; Matigi Ala ka olugu le kanu. Aw minw fana kɛra o denw ye, aw minw nana aw bɛmaw kɔ fɛ, Matigi Ala ka aw le ɲanawoloma siya tɔw bɛɛ cɛ ra, i n’a fɔ aw yɛrɛ ɲa b’a ra cogo min na bi.

Sariya 23:6

Nka Matigi Ala, aw ta Ala ma sɔn ka Balamu lamɛn. Matigi Ala, aw ta Ala ka danga yɛlɛma k’a kɛ dugawu ye aw kan, sabu a bɛ aw kanu.

Sariya 33:3

Can lo, Matigi Ala le bɛ a ta mɔgɔw kanu; a ta mɔgɔ saninmanw bɛɛ bɛ a boro kɔnɔ. O bɛɛ bɛna o kinbiri gban a sen kɔrɔ, janko k’a ta ciw lamɛn.

Sariya 4:20

Nka aw kɔni, Matigi Ala ka aw ta ka aw labɔ Misiran tɔɔrɔjuguba ra, k’a kɛ i n’a fɔ a ka aw labɔ nɛgɛdibiba tasumaman kɔnɔ, janko aw ye kɛ ale yɛrɛ ta siya ye, i n’a fɔ aw bɛ cogo min na bi.

Sariya 4:34

Yala ala dɔ wurira ka ye ko a bɛ siya dɔ kɛ a yɛrɛ ta ye, ka o siya ta ka bɔ siya dɔ wɛrɛ cɛ ra, i n’a fɔ Matigi Ala, aw ta Ala ka ko minw bɛɛ kɛ aw ye Misiran jamana ra aw yɛrɛ ɲa na wa? A ka tɔɔrɔbaw ben mɔgɔw kan, ka tagamasiyɛnbaw kɛ, ka kabakow kɛ, ka mɔgɔw kɛrɛ, k’a ta sebagaya ni a ta fanga yira, ka siranyakobaw kɛ.

Sariya 4:37

A ka aw bɛmaw kanu minkɛ, ka na o ta denw fana ɲanawoloma olugu kɔ fɛ, ka o kɛ a yɛrɛ ta ye, o le kosɔn ale yɛrɛ ka aw labɔ Misiran, ni a ta sebagayaba ye.

Sariya 5:6

«Ne le ye Matigi Ala, i ta Ala ye, min ka i labɔ Misiran jamana ra, jɔnyaso ra.

Zan fɔlɔ 4:19

Anw kɔni, anw bɛ tɔw kanu, sabu Ala kɔnna ka an kanu.

Sam fɔlɔ 12:22

Matigi Ala tɛna bɔ a ta mɔgɔw kɔ, a yɛrɛ tɔgɔba kosɔn, sabu a diyara ale yɛrɛ le ye ka aw kɛ a ta mɔgɔw ye.