Sariya 7:10 - Jula NT of Côte d’Ivoire

¹⁰ Nka minw b’a kɔninya, a bɛ o hakɛ bɔ olugu ra, ka o halaki; minw b’a kɔninya kɔni, a tɛna sumaya ni olugu ta sara ye, a bɛ o hakɛ bɔ o ra o yɔrɔnin bɛɛ le ra.

ALA KA KUMA

¹⁰ Nga a b'a kɔniyabagaw sara yɔrɔnin kelen k'u tunu ka bɔ yen. A tena u to yen ka mɛn, a b'u sara yɔrɔnin kelen.

Sariya 7:10 Iomraidhean Croise

Bɔri 20:5

I kana i kinbiri gban o fɛnw si kɔrɔ, ka o bato. Sabu ne min ye Matigi Ala, i ta Ala ye, ne t’a fɛ i ye ne ni batofɛn wɛrɛ kanu ɲɔgɔn fɛ fiyewu. Mɔgɔ minw bɛ o terenbariyakow kɛ, ne bɛna o hakɛ bɔ o tigiw ra, k’a bɔ o ta denw na, k’a bɔ o ta denw ta denw na fana, fɔ ka taga se o ta duruja sabanan, ni a naaninan ma, sabu o bɛ ne kɔninya.

Bɔri 34:7

Ne bɛ koɲuman kɛ mɔgɔw ye, k’a kɛ o ta denw ye, ani o ta denw ta denw, fɔ ka taga se o ta duruja wagakelennan ma. Ne bɛ terenbariya ni hakɛ ni jurumun yafa mɔgɔw ma. Nka ne tɛ kojugukɛbaga jarakibari to. Ne bɛ faw ta hakɛw bɔ o denw na, k’a bɔ o ta denw ta denw na, fɔ ka taga se o ta duruja sabanan ni a naaninan ma.»

Zanaw 11:31

Hali mɔgɔ terennin bɛ a ta kɛwalew sara sɔrɔ dunuɲa ra yan, janko ka n’a fɔ mɔgɔjugu ni jurumunkɛbaga!

Ezayi 59:18

A bɛna bɛɛ sara ka kaɲa ni a ta kɛwalew ye: A bɛna a kɛrɛbagaw sara ni a ta fariya le ye, k’a juguw ta kɛwalew sara di o ma, ka hali kɔgɔji kɔfɛmɔgɔw bɛɛ ta kɛwalew sara di o ma.

Yeremi 32:18

Ele bɛ koɲuman kɛ mɔgɔ ye, k’a kɛ a ta denw ye, fɔ ka taga se a ta duruja waga kelennan ma; nka i bɛ facɛw ta terenbariyaw hakɛ bɔ o ta denw na o kɔ fɛ. E, bonyatigi Ala, ani barakabatigi Ala, ele min tɔgɔ ye ko Fangatigi Ala,

Nahɔmu 1:2

Ala min t’a fɛ mɔgɔ ye ale ni batofɛn wɛrɛ kanu ɲɔgɔn fɛ, ani Ala min bɛ kojugu juru sara, o le ye Matigi Ala ye. Matigi Ala bɛ hakɛ sara; a ta dimi ka jugu kosɛbɛ. A bɛ a kɛrɛbagaw ta kojuguw sara, a bɛ a ta dimi mara a juguw kama.

Jateri 10:35

Ni o tun bɛ jɛnɲɔgɔnya kɛsu ta tuma o tuma ko o bɛ taga, Musa tun b’a fɔ ko: «E, Matigi Ala, i wuri, ka i juguw bɛɛ janjan; i kɔninyabagaw bɛɛ ye bori i ɲa.»

Jateri 14:18

‹Matigi Ala tɛ dimi joona; a ta ɲumanya ka bon. A bɛ terenbariya ni hakɛkow yafa mɔgɔw ma. Nka a tɛ kojugukɛbaga jarakibari to. A bɛ faw ta hakɛw bɔ o denw na, fɔ ka taga se o ta duruja sabanan ni a naaninan ma.›

Rɔmukaw 12:19

Ne balema kanuninw, aw yɛrɛ kana aw yɛrɛ dimibɔ; aw y’a to Ala ma. Sabu a sɛbɛra Kitabu kɔnɔ, ko: «Ne le bɛna hakɛ bɔ, ne le bɛna kojugu juru sara. Matigi Ala ko ten.»

Sariya 32:25

Mɔgɔw bɛna o ta denw faga ni kɛrɛkɛmuru ye kɛnɛ ma, ka o kɛ denntan ye. Ka o to o ta bonw kɔnɔ fana, jatigɛ bɛna kɛ o ra. O bɛna kanbelenw ni sunguruw faga, ka denɲɛninw ni cɛkɔrɔba sigbɛtigiw bɛɛ faga.

Sariya 32:35

Ni aw juguw benlon nana se, ne le bɛna aw hakɛ bɔ o ra, ka o ta kojugu juru sara. Kojugu bɛna ben o kan lon min na, o lon tɔ man jan tuun; o halakilon bɛ nana yi.

Sariya 32:41

Ni ne nana ne ta kɛrɛkɛmuru dabɔ, fɔ a bɛ manamana, ni ne boro nana kɛrɛkɛmuru mina mɔgɔw kama, o tuma ne bɛna ne dimibɔ ne juguw bɛɛ ra, ka ne kɔninyabagaw bɛɛ ta kɛwalew hakɛ bɔ o ra.

Sariya 5:9

I kana i kinbiri gban o fɛnw si kɔrɔ, ka o bato. Sabu ne min ye Matigi i ta Ala ye, ne t’a fɛ i ye ne ni batofɛn wɛrɛ kanu ɲɔgɔn fɛ fiyewu. Mɔgɔ minw bɛ o terenbariyakow kɛ, ne bɛna o hakɛ bɔ o tigiw ra, k’a bɔ o ta denw na, k’a bɔ o ta denw ta denw na fana, fɔ ka taga se o ta duruja sabanan, ni a naaninan ma, sabu o bɛ ne kɔninya le.

Sariya 7:11

O ra, ne bɛ kumaw ni cifɔninw ni kolatigɛnin minw fɔra aw ye bi, aw ye o sira tagama k’a kɛ a kɛcogo ra.

Sariya 7:9

O ra, aw y’a lɔn ko Matigi Ala, aw ta Ala le ye Ala ye, Ala kankelentigi; mɔgɔ minw b’a kanu, k’a ta sariyaw sira tagama, a bɛ to a ta jɛnɲɔgɔnya* ra ni olugu ye, ka koɲuman kɛ o ye, k’a kɛ o ta denw ye, fɔ ka taga se o ta duruja waga kelennan ma.