Sariya 4:8 - Jula NT of Côte d’Ivoire

⁸ Siyaba juman wɛrɛ le bɛ yi tuun, ko Ala ta cifɔninw, ani a ta kolatigɛnin terenninw bɛ o boro, i n’a fɔ ne bɛ nin sariya minw bɛɛ yirara aw ra bi?

ALA KA KUMA

⁸ Ne be sariya tilennin ni landa minw yira aw la bii, siya wɛrɛ jumɛn le be yen, n'a barika ka bon, n'a ɲɔgɔn b'u fɛ?

Sariya 4:8 Iomraidhean Croise

Nehemi 9:13

I jigira ka na Sinayi kuru kan; i tora sankolo ra ka kuma o fɛ. I ta kolatigɛninw terennin lo, i ta sariyaw bɛ can le yira, i ta cifɔninw ni i ta kuma ka ɲi; i ka o le yira o ra.

Zaburu 119:138

I ka i ta ciw fɔ ni terenninya ye, ani kankelentigiyaba.

Zaburu 119:144

I ta ciw terennin lo tuma bɛɛ; o faamuri di ne ma, janko ne ye si sɔrɔ.

Zaburu 119:160

I ta kuma ju sigira can le kan, i ta kolatigɛninw bɛɛ terennin lo, o si tɛ ban ka ye.

Zaburu 119:86

I ta kumaw bɛɛ ye can ye; o wurira ne kama gbansan le; ne dɛmɛ!

Zaburu 119:96

Ne bɛ dan ye fɛn dafanin bɛɛ ra, nka ele ta kumaw bonya dan tɛ lɔn.

Zaburu 89:14

I boro ye cɛfariboro le ye; sebagaya bɛ i borotɛgɛ kɔnɔ, i boro barakaman kɔrɔtanin lo.

Zaburu 97:2

Sankabaw, ani dibikurubaw k’a lamini, terenninya ni can le ye a ta masaya jusiginan ye.

Ezayi 42:21

Matigi Ala ta terenninya kosɔn, a tun b’a fɛ k’a ta sariya bonya, ka nɔɔrɔ la a kan;

Oze ta kitabu 8:12

Hali ni ne ka ne ta sariya ta kumaw sɛbɛ caman k’a di o ma, a bɛna kɛ o fɛ i ko o toro ma kuma min mɛn ka ye fiyewu.

Rɔmukaw 3:2

Ayiwa, nafa b’a ra yɛrɛ le cogo caman na. A fɔlɔ, Ala ka a ta kuma lase Yahudiyaw le ma.

Sariya 26:19

Ni o kɛra, a ka siya minw bɛɛ dan, a bɛna aw ta bonya ni aw tɔgɔ ni aw ta dawula tɛmɛ o siyaw bɛɛ ta kan pewu, janko aw ye kɛ Matigi Ala, aw ta Ala ta siya saninman ye, i n’a fɔ a tun k’a fɔ aw ye cogo min na.