Sariya 4:7 - Jula NT of Côte d’Ivoire

⁷ Can ra, siyaba juman wɛrɛ le bɛ yi, ko o ta ala bɛ o kɔrɔ, i n’a fɔ Matigi Ala, anw ta Ala bɛ an kɔrɔ cogo min na, ani tuma o tuma ni an b’a daari a bɛ an lamɛn?

ALA KA KUMA

⁷ Tiɲɛ na, siya jumɛn le be yen min barika ka bon, ni batofɛnw b'u fɛ min yɔrɔ ka surun u la i n'a fɔ Masaba an ka Ala, a be an fɛ tuma bɛɛ, n'an y'a wele k'an dɛmɛ wa?

Sariya 4:7 Iomraidhean Croise

Sam 2nan 7:23

Yala siya dɔ bɛ dugukolo kan min bɛ i ko i ta mɔgɔw, Izirayɛlimɔgɔw wa, ele Ala yɛrɛ tagara min labɔ jamana wɛrɛ ra ka o kɛ i ta mɔgɔw ye, ka o tɔgɔ bonya? I ka kobaw kɛ o ye, ka siranyakobaw kɛ, ka o labɔ Misiran jɔnya ra, ka siya wɛrɛw ni o ta batofɛnw bɛɛ gbɛn ka bɔ i ta mɔgɔw ɲa.

Zaburu 145:18

Matigi Ala bɛ to a welebagaw bɛɛ kɛrɛ fɛ, minw bɛɛ b’a wele ni can ye o jusukun na.

Zaburu 147:20

A ma o ɲɔgɔn kɛ siya si ye; olugu ma a ta kolatigɛninw lɔn. Aw ye Matigi Ala tando!

Zaburu 148:14

A k’a ta mɔgɔw ta fanga kɔrɔta; ka o kɛ a ɲasiranbagaw bɛɛ ta tandori kun ye, ani Izirayɛlimɔgɔw, o siya min ko ka gbɛlɛn a ma. Aw ye Matigi Ala tando!

Zaburu 34:17

Matigi Ala bɛ kojugukɛbagaw kɛrɛ, ka o halaki ka bɔ dugukolo kan, janko mɔgɔ si kana a hakiri to o ra tuun.

Zaburu 34:18

Ni mɔgɔ terenninw kasira, Matigi Ala bɛ o lamɛn; a bɛ o bɔsi ka bɔ o ta degukow bɛɛ ra.

Zaburu 46:1

Dɔnkirilabagaw kuntigi. Kore dencɛw ta dɔnkiri.

Zaburu 73:28

Ne kɔni, Ala ta jɛn le ka di ne ye; ne karifayɔrɔ ye Dunuɲatigi Ala le ye, janko ne ye a ta kobaw bɛɛ lakari.

Zaburu 85:9

Ala bɛ min fɔra, Matigi Ala bɛ min fɔra, a to ne ye o lamɛn; sabu a bɛ hɛrakuma le fɔra a ta mɔgɔw ye, minw ye a ɲasiranbagaw ye; nka o kana na sekɔ o ta hakirintanyakow ra tuun dɛ!

Ezayi 43:4

I n’a fɔ aw ko ka gbɛlɛn ne ma, aw ta ko ka bon ne fɛ, ani ne bɛ aw kanu, o ra, ne bɛna mɔgɔ wɛrɛw le di aw nɔ ra, ka siya wɛrɛw di ka aw nin kunmabɔ.

Ezayi 55:6

«Aw ye Matigi Ala ta jɛnɲɔgɔnya ɲini a ɲiniwagati ra, aw ye a wele, wagati min a yɔrɔ ka surun aw ra.

Jateri 23:21

Ala ma terenbariya si ye Yakuba ta mɔgɔw ra; a ma kojugu si kɔrɔsi Izirayɛlimɔgɔw ra. Matigi Ala, o ta Ala bɛ ni o ye. O ɲagaritɔ b’a fo ni masaya fori ye.

Jateri 23:9

Ne bɛ o yera faraw kunna, ne ɲa bɛ o ra kongoriw kunna. Siya dɔ lo, min siginin bɛ a danna; o tɛ o yɛrɛ jate ko o ni siya tɔw ye kelen ye.

Kɛwalew 17:27

A ka o kɛ janko mɔgɔw ye ale yɔrɔɲini, ka jija k’a mɔmɔ ka a ɲini fɔ k’a sɔrɔ; o bɛɛ n’a ta, a yɔrɔ man jan an si ra.

Sariya 26:19

Ni o kɛra, a ka siya minw bɛɛ dan, a bɛna aw ta bonya ni aw tɔgɔ ni aw ta dawula tɛmɛ o siyaw bɛɛ ta kan pewu, janko aw ye kɛ Matigi Ala, aw ta Ala ta siya saninman ye, i n’a fɔ a tun k’a fɔ aw ye cogo min na.

Sariya 33:29

«E, Izirayɛli, i ta ɲana, sabu siya juman le bɛ i ko ele? Matigi Ala ka i kisi. Matigi Ala le ye i ta nɛgɛbɛnnan ye, i dɛmɛbaga; ale le ye i ta kɛrɛkɛmuru ye, min b’a to i bɛ se sɔrɔ. I juguw bɛna o yɛrɛ majigi i kɔrɔ; i bɛna tagama o kan.»

Sariya 4:32

Ayiwa, aw ye mɔgɔw ɲininka wagatijan tɛmɛninw ta kow ra, wagati min aw yɛrɛ tun ma woro fɔlɔ; lon min na Ala ka adamaden dan k’a bla dugukolo kan, k’a ta o lon na fɔ ka na se bi ma, aw ye ɲininkari kɛ o kow ra, k’a ta dunuɲa kun dɔ ra ka taga a bla a kun dɔ ra. Yala nin koba ɲɔgɔn kɛra ka ye wa? Yala mɔgɔ ka nin ko ɲɔgɔn mɛn fɔlɔ wa?

Sariya 5:26

Adamaden juman le ka Ala ɲanaman kumakan mɛn ka bɔ tasuma cɛ ma i ko anw, ni a ma sa?

Yakuba 4:8

Aw ye aw yɛrɛ madon Ala ra; ni o kɛra, Ala fana bɛna madon aw ra. Aw jurumunkɛbagaw, aw ye aw boro ko ka bɔ jurumun na! Aw jusuflatigiw, aw ye aw jusukun saninya.