Sariya 4:6 - Jula NT of Côte d’Ivoire

⁶ Aw ye o sariyaw sira tagama ka ɲa kosɛbɛ; o le bɛna aw kɛ hakiritigiw ani kolɔnbagaw ye siya tɔw ɲa kɔrɔ. Ni olugu nana o sariyaw bɛɛ ko mɛn, o bɛna a fɔ ko: «Nin siyaba ye hakiritigibaw, ani kolɔnbagabaw yɛrɛ le ye.»

ALA KA KUMA

⁶ Aw k'a bato ka ɲa, bari siya wɛrɛ minw bena sariya nunu koo mɛn, olu ben'a lɔn o la ko aw ye lɔnnikɛlaw ni hakilitigiw ye. U ben'a fɔ ko: ‹Lɔnniya be siya barikaman nin fɛ, hakilitigiw lo.›

Sariya 4:6 Iomraidhean Croise

Ayuba 28:28

O kɔ, a ko adamaden ma ko: «A flɛ, Matigi ɲasiran, o le ye hakiritigiya ye; ka i yɛrɛ mabɔ kojugu ra, faamuri hakiri bɛ sɔrɔ o le ra.»

Zaburu 111:10

Matigi Ala ɲasiran le ye hakiritigiya damina ye. Min o min bɛ o sira tagama, o tigi bɛ faamurikoɲuman sɔrɔ. Matigi Ala ye tando wagati bɛɛ.

Zaburu 19:7

A bɛ bɔ sankolo kun dɔ ra, ka taga a ta tagama laban a kun dɔ ra; a fundɛnin bɛ se fɛn bɛɛ ma.

Zaburu 19:8

Matigi Ala ta sariya dafanin lo, a bɛ baraka don mɔgɔ ra. Matigi Ala ta jɛnɲɔgɔnya ta kumaw ye can le ye, a bɛ kolɔnbariw sɔn hakiri ra.

Zanaw 1:4

A sɛbɛkun ye fana janko ka nalomanw laceguya, ka lɔnniya ni miiricogoɲuman don denmisɛnw hakiri ra.

Zanaw 1:5

Hakiritigiw fana y’a lamɛn, ka dɔ fara o ta lɔnni kan; faamurikɛbagaw y’a lamɛn, janko ka o tagamacogo lɔn.

Zanaw 1:7

Matigi Ala ɲasiran le ye lɔnniya damina ye, nka nalomanw bɛ hakiritigiya ni ladirikan mafiyɛnya.

Zanaw 14:34

Terenninya le bɛ jamana kɔrɔta, nka jurumun ye siyaw bɛɛ ta maroyako le ye.

Zanaw 14:8

Mɔgɔ ceguman ta hakiritigiya ye k’a janto a tɛmɛsiraw ra, nka hakirintan ta nalomanya b’a lafiri.

Ezayi 42:21

Matigi Ala ta terenninya kosɔn, a tun b’a fɛ k’a ta sariya bonya, ka nɔɔrɔ la a kan;

Yeremi 8:9

Hakiritigiw maroyara, o jigi tigɛra, o minana, sabu o ka Matigi Ala ta kuma mafiyɛnya; hakiritigiya juman le bɛ o fɛ tuun?»

Ezekiyɛli 5:5

«Ne Dunuɲatigi Ala ko: Nin ye Zeruzalɛmu le ye! Ne tun k’a sigi siyaw cɛ ra, ka jamanaw kɛ k’a lamini.

Daniyɛli 1:20

Ko o ko tun ye hakiritigiya ko ye, ani faamuri ko, ni masacɛ tun ka o ɲininka o dɔ ra, a tun b’a ye ko Daniyɛli ni a tɔɲɔgɔnw ta ladiri le tun ka fisa ni a ta jamana lagbɛrikɛbagaw, ani a jinamoriw ta ye fɔ siɲaga tan.

Daniyɛli 4:9

A flaburuw tun cɛ ka ɲi; a denw tun ka ca fana. Danfɛnw bɛɛ tun bɛ o ta domuni sɔrɔ a ra. Kongosogow tun bɛ na la a suma ra, kɔnɔw tun bɛ o ta ɲagaw la a yiriborow ra. Danfɛnw bɛɛ tun bɛ baro a yiridenw le ra.

Oze ta kitabu 8:12

Hali ni ne ka ne ta sariya ta kumaw sɛbɛ caman k’a di o ma, a bɛna kɛ o fɛ i ko o toro ma kuma min mɛn ka ye fiyewu.

Malaki 3:12

O ra, siyaw bɛɛ bɛna a fɔ aw ma ko aw ta ɲana, sabu aw ta jamana bɛna kɛ jamana diman le ye; Fangatigi Ala ko ten.»

Sariya 29:9

Ayiwa, aw bɛɛ nana lɔ Matigi Ala, aw ta Ala ɲa kɔrɔ bi, aw ni aw ta kuntigiw, ani aw ta cɛkɔrɔbaw, ani aw ta jamana ɲamɔgɔw, ani Izirayɛli cɛ tɔw bɛɛ,

Sariya 32:46

a k’a fɔ o ye ko: «Ne ka nin kuma minw bɛɛ fɔ aw ye bi Ala ɲa kɔrɔ, aw ye aw hakiri to o ra kosɛbɛ, ka aw denw karan a ra, janko o ye nin sariya ta kumaw bɛɛ sira tagama k’a dafa a cogo ra.

Sariya 32:47

«Aw kana nin kumaw jate k’a kɛ kuma gbansan dɔrɔn ye dɛ! Nin kumaw le bɛna si di aw ma; sabu aw bɛna Zuridɛn ba tigɛ ka taga jamana min mina, nin kumaw le sababu ra aw bɛna sijan sɔrɔ o jamana ra.»

Tim 2nan 3:15

Kabini i denmisɛnman i ka Kitabu saninmanw kumaw lɔn; o le bɛ se ka i kɛ hakiritigi ye, hakiritigiya min bɛ mɔgɔ bla kisiri sira kan, lanaya sababu ra Yesu Kirisita ta jɛnɲɔgɔnya ra.

Yakuba 3:13

Ayiwa, jɔn le bɛ aw ra, ko a ye hakiritigi ye, ko a ka ko lɔn? O tigi ye o yira a kɛwalew fɛ: tagamacogoɲuman, ani sabari; o le ye hakiritigiya sira ye.