Sariya 32:3 - Jula NT of Côte d’Ivoire

³ Sabu ne bɛna Matigi Ala tɔgɔ fɔ, janko bɛɛ y’a mɛn; bɛɛ ye an ta Ala tando a tɔgɔ bonya kosɔn!

ALA KA KUMA

³ Ne bena Masaba tɔgɔ fɔ, aw k'an ka Ala tanu a ka boɲa kosɔn!

Sariya 32:3 Iomraidhean Croise

Lok fɔlɔ 17:19

Matigi Ala, i bɛ i ta jɔncɛ kanu minkɛ, o le kosɔn i ka nin kobaw bɛɛ latigɛ, ka kaɲa ni i yɛrɛ ta miiriya ye, janko ka i ta bonyaba yira.

Lok fɔlɔ 29:10

Ayiwa, Dawuda ka baraka la Matigi Ala ye jama bɛɛ lajɛnnin ɲa na; Dawuda ko: «An bɛ baraka la i ye wagati bɛɛ, ani tuma bɛɛ, Matigi Ala, an fa Izirayɛli ta Ala,

Lok fɔlɔ 29:11

Matigi Ala, bonya ni sebagaya ni cɛɲa, ani nɔɔrɔ ni fangatigiya ye ele le ta ye; sabu fɛn o fɛn bɛ sankolo kɔnɔ, ani dugukolo kan, o bɛɛ ye i ta ye, Matigi Ala. Masaya fana ye ele le ta ye, Matigi Ala; ele le bɛ fɛn bɛɛ kunna.

Lok fɔlɔ 29:13

Sisan, an ta Ala, an bɛ i fo, ka i tando i tɔgɔ bonya kosɔn;

Zaburu 150:2

Aw y’a tando a ta kobaw kosɔn! Aw y’a tando ka kaɲa ni a ta bonyaba ye!

Bɔri 20:24

« ‹Aw ye sarakabɔnan bɔgɔraman dɔ lɔ ne ye. Aw bɛna aw ta saraka jɛnitaw* ni aw ta jɛnɲɔgɔnya sarakaw* bɔ o kan, ni a kɛra sagaw ye walama baw walama misiw. Ni ne ka ne yɛrɛ yira yɔrɔ o yɔrɔ, ne bɛna na aw fɛ ka na baraka don aw ra o yɔrɔ ra.

Bɔri 33:19

Ala ko: «Ne bɛna tɛmɛ i ɲa fɛ, ka ne ta ɲumanya yira i ra, ani ka ne tɔgɔ fɔ i ye, i ye a mɛn; ko: ne ye Matigi Ala le ye; ni ne b’a fɛ ka makari mɔgɔ min na, ne bɛ makari o tigi ra. Ni ne ko ne bɛ hina min na, ne bɛ hina o tigi ra fana.

Bɔri 6:3

Ne ka ne yɛrɛ yira Iburahima ni Isiyaka ni Yakuba ra, ko ne le ye Sebɛɛtigi Ala ye. Nka ne tɔgɔ min ye ko Matigi Ala, o ma ne lɔn o tɔgɔ ra.

Yeremi 10:6

E, Matigi Ala, ele bɔɲɔgɔnko tɛ yi! I ka bon, i tɔgɔ baraka ka bon!

Yeremi 23:6

Ale ta wagati ra, Zuda mara bɛna kisi, Izirayɛli jamana bɛna sigi hɛra ni laganfiya ra; o bɛna a wele tɔgɔ min na o ye ko: Matigi Ala, an ta terenninya tigi.

Matiyu 1:23

«Sunguru bɛna kɔnɔ ta ka dencɛ woro, o bɛna a tɔgɔ la ko Emanuwɛli.» (Emanuwɛli, o kɔrɔ le ye ko Ala bɛ ni an ye).

Yuhana 17:26

Ne ka i tɔgɔ yira o ra, ne bɛna a yira o ra tuun, janko i ka ne kanu ni kanuya min ye, o kanuya ɲɔgɔn ye kɛ olugu fana kɔnɔ, ne fana ye kɛ o kɔnɔ.»

Yuhana 17:6

«I ka mɔgɔ minw bɔ dunuɲamɔgɔw ra ka o di ne ma, ne ka i tɔgɔ yira olugu ra, janko o ye i lɔn. O tun ye ele taw le ye, nka i ka o di ne ma; o fana ka i ta kuma mara.

Ɛfɛsikaw 1:19

Ne bɛ Ala daari fana, janko a ka baraka min di an lanabagaw ma ka kaɲa ni a ta sebagayaba ye, aw ye o baraka bonya ni a caya lɔn.

Sariya 3:24

«E! Dunuɲatigi Ala, i ka i ta bonyaba ni i ta sebagayaba yira i ta jɔncɛ ra, min ye ne ye; sabu ala juman wɛrɛ le bɛ sankolo kɔnɔ, walama dugukolo kan, min bɛ se ka ele ta kɛwalew ni i ta kabakobaw ɲɔgɔn kɛ?

Sariya 5:24

O ko: «A flɛ, Matigi Ala, an ta Ala k’a ta nɔɔrɔ ni a ta bonya yira an na; an k’a kumakan mɛn tasuma cɛ ma. Bi le an k’a ye ko Ala kumana adamaden dɔw fɛ, ko o ma sa.

Yirari 15:3

O tun bɛ Ala ta jɔncɛ cira Musa ni Sagaden* ta dɔnkiri lara, ko: «Matigi Ala Sebɛɛtigi, i ta kokɛninw ka bon, o bɛ mɔgɔ kabakoya. I ta siraw bɛɛ terennin lo, a bɛɛ ye can ye, siyaw ta Masa.