Sariya 30:3 - Jula NT of Côte d’Ivoire

³ o tuma, Matigi Ala, aw ta Ala bɛna aw ta mɔgɔ minaninw lana aw ta jamana ra tuun, ka makari aw ra; Matigi Ala, aw ta Ala tun ka aw janjan ka taga siya minw bɛɛ cɛ ra, a bɛna aw labɔ yi, ka na aw lajɛn ɲɔgɔn kan tuun.

ALA KA KUMA

³ Masaba aw ka Ala bena aw ta ɲa tugu, a bena makari aw la, ani k'aw lajɛn ka bɔ siya wɛrɛw bɛɛ cɛma, a tun ye aw jɛnsɛ yɔrɔ minw na.

Sariya 30:3 Iomraidhean Croise

Damina 28:15

Ne bɛ ni i ye; ni i bɛ taga yɔrɔ o yɔrɔ, ne bɛna kɛ ni i ye ka i tanga kojugu ma. Ne bɛna a to i ye sekɔ ka na nin jamana ra yan tuun. Ne tɛna i to i kelen na fiyewu. Ne ka fɛn o fɛn fɔ i ye, ne bɛna o bɛɛ kɛ k’a dafa.»

Damina 48:21

O kɔ, a k’a fɔ Yusufu ye ko: «Ne bɛna sa, nka Ala bɛna to ni aw ye. A bɛna kɔsegi ni aw ye aw bɛmaw ta jamana ra.»

Lok fɔlɔ 16:35

Aw y’a fɔ fana ko: «E, an kisibaga Ala, an kisi! An lajɛn ka bɔ siyaw cɛ ra, ka an bɔsi janko an ye i fo ka i waleɲumanlɔn i tɔgɔ saninman kosɔn, ka an ta bonya kun kɛ ele tandori ye.»

Nehemi 1:9

Nka ni aw sekɔra ka na ne fɛ, ka ne ta kumaw lamɛn, k’a sira tagama, o tuma hali ni a kɛra ko aw ta mɔgɔw tagara fɔ dunuɲa dan le ra, ne bɛna o lana ka bɔ o yɔrɔ ra ka na ni o ye nin yɔrɔ ra, ne ka nin yɔrɔ min ɲanawoloma, k’a kɛ ne tɔgɔ sigiyɔrɔ ye.›

Ayuba 42:10

Ayuba ka Ala daari a teriw ye ka ban minkɛ, Matigi Ala ka Ayuba kɔsegi a cogokɔrɔ ra. Naforo minw tun b’a fɛ fɔlɔfɔlɔ, a ka o bɛɛ ɲɔgɔn fla fla di a ma.

Zaburu 107:3

a ka minw labɔ jamana tɔw ra, ka o lajɛn ka bɔ terebɔyanfan ni terebenyanfan na, sahiliyanfan ni woroduguyanfan na.

Zaburu 147:2

Matigi Ala bɛna Zeruzalɛmu lɔ kokura; Izirayɛlimɔgɔ minw tun minana ka taga jamana wɛrɛ ra, a bɛna olugu lajɛn tuun.

Ezayi 27:12

O lon na, Matigi Ala bɛna a ta siman gbasi, k’a fiyɛ, k’a ta Efirati ba ra, ka taga a bla fɔ Misiran kɔba ra; a bɛna aw bɛɛ tɔmɔtɔmɔ kelen kelen, aw Izirayɛlimɔgɔw.

Ezayi 43:5

«Aw kana siran, sabu ne bɛ ni aw ye; ne bɛna aw ta den dɔw lana ka bɔ terebɔyanfan na, ka dɔw lana ka bɔ terebenyanfan na, ka na aw bɛɛ lajɛn.

Ezayi 54:7

Ne tun banna i ra wagati fitini dɔrɔn le; nka ne ta hinaba kosɔn, ne bɛna i ladon tuun.

Ezayi 56:8

Dunuɲatigi Ala ko ten, ale min bɛ Izirayɛli ta mɔgɔ minaninw lajɛn. A ko: ‹Minw lajɛnna ka ban, ne bɛna dɔ wɛrɛw lajɛn ka o fara olugu kan.› »

Yeremi 12:14

Matigi Ala ko: «Ne ka jamana min di Izirayɛlimɔgɔw ma, ne ta mɔgɔw, k’a kɛ o ta ye, ne sigiɲɔgɔnjugu minw bɛɛ sera o jamana ma, ne bɛna olugu bɛɛ lawuri ka bɔ o ta jamanaw ra, ka Zuda mara mɔgɔw fana labɔ o cɛ ra.

Yeremi 23:3

«Ne ta sagakuru tɔ minw tora jamanaw bɛɛ ra, ne tun ka o gbɛn ka taga jamana minw bɛɛ ra, ne yɛrɛ bɛna olugu lajɛn, ka o lana o yɛrɛ ta yɔrɔ ra; o bɛna bugu, ka caya kosɛbɛ.

Yeremi 29:14

ne fana bɛna a to aw ye ne sɔrɔ. Matigi Ala ko ten. Aw ta mɔgɔ minw minana ka taga jamana wɛrɛw ra, ne bɛna olugu lasekɔ tuun. Ne tun ka aw gbɛn ka taga siya minw bɛɛ cɛ ra, ani yɔrɔ minw bɛɛ ra, ne bɛna aw labɔ o yɔrɔw bɛɛ ra ka na aw lajɛn yan tuun; Matigi Ala ko ten. Ne tun ka aw gbɛn ka bɔ nin jamana min na, ne bɛna aw lasekɔ o jamana kelen na tuun.›

Yeremi 31:10

«Siyamɔgɔw, aw ye Matigi Ala ta kuma lamɛn; aw ye taga a lakari fɔ yɔrɔjan, kɔgɔji kɔfɛjamanaw ra. Aw y’a fɔ ko: ‹Min ka Izirayɛlimɔgɔw janjan, ale le bɛna o lajɛn tuun; a bɛna o kɔrɔsi i ko sagagbɛnbaga bɛ a ta sagakuru kɔrɔsi cogo min na.›

Kasikan 3:22

Matigi Ala ta ɲumanya ma ban, a ta hina ma se a dan ma.

Kasikan 3:32

Nka hali ni a ka i jusukun tɔɔrɔ, a bɛ hina, ka kaɲa ni a ta ɲumanyaba ye;

Ezekiyɛli 11:17

O kosɔn a fɔ o ye ko Dunuɲatigi Ala ko: Ne bɛna aw lajɛn ka bɔ siyaw cɛ ra; ne tun ka aw janjan ka taga jamana minw na, ne bɛna aw ta ka bɔ o jamanaw ra, ka na Izirayɛli ta dugukolo di aw ma tuun.

Ezekiyɛli 36:24

«Ne bɛna aw ta ka aw labɔ siyaw cɛ ra; ne bɛna aw labɔ jamanaw bɛɛ ra ka aw lajɛn, ka na ni aw ye aw ta dugukolo kan.

Ezekiyɛli 39:28

O bɛna a lɔn ko ne le ye Matigi Ala ye, o ta Ala; sabu ne tun ka o gbɛn ka taga siyaw cɛ ra, nka ne bɛna o lajɛn o ta dugukolo kan tuun, ne tɛna hali mɔgɔ kelen to yi.

Mise 7:19

I bɛna makari an na tuun, ka an ta jurumunw bla i sen kɔrɔ, ka an ta kojuguw bɛɛ bla kɔgɔji jukɔrɔ.

Jakariya 10:9

Ne ka o janjan siyaw cɛ ra, nka o bɛna to fɔ o jamanajanw na yi, ka o hakiri jigi ne ra. O ni o ta denw bɛna baro, o bɛna sekɔ ka na.

Rɔmukaw 11:23

Ni Izirayɛlimɔgɔw fana ka bɔ o ta lanabariya sira kan, Ala bɛna o nɔrɔ o nɔkɔrɔ ra; sabu se bɛ Ala ye ka o nɔrɔ kura ye tuun.

Rɔmukaw 11:26

O cogo ra Izirayɛli bɛɛ bɛna kisi, i n’a fɔ a sɛbɛra cogo min na, ko: «Kisibaga* bɛna bɔ Siyɔn, a bɛna Yakuba ta denw ta terenbariya bɔ o ra.

Rɔmukaw 11:31

O cogo ra, olugu le ka Ala kan bla, janko Ala ye hina aw ra; Ala hinara aw ra cogo min na, a bɛna hina olugu fana ra ten.

Sariya 13:17

O kɔ, aw ye dugu naforo bɛɛ lajɛn dugu kɛnɛgbɛ cɛ ma, ka dugu ni a naforo bɛɛ jɛni, k’a kɛ i ko saraka jɛnita* Matigi Ala, aw ta Ala ɲa kɔrɔ. O dugu bɛna kɛ tomo le ye, ka to ten tuma bɛɛ, a tɛna lɔ ka ye tuun.

Sariya 4:27

Matigi Ala bɛna aw janjan ka taga siya tɔw cɛ ra; a bɛna aw lataga o siya minw cɛ ra, aw tɔ bɛna taga to mɔgɔ dama dama dɔrɔn o siyaw cɛ ra yi.