Sariya 3:11 - Jula NT of Côte d’Ivoire

¹¹ Basan masacɛ Ɔgi kelen le tun tora Refayikaw ta siya ra. A ta lanan tun lalagara ni nɛgɛ le ye. A janya tun ye nɔngɔn ɲa kɔnɔntɔn ye, k’a bonya kɛ nɔngɔn ɲa naani ye, ka kaɲa ni mɔgɔw ta jatecogo ye. Hali bi o lanan bɛ sɔrɔ Amɔnkaw ta duguba kɔnɔ, min ye Raba dugu ye.

ALA KA KUMA

¹¹ Basan masacɛ Ɔgi kelen dɔrɔn le tun be sii la erefaw cɛma. A ka dilan tun ye nigɛ ye. A jaɲa tun ye mɛtɛrɛ naani ni kɔ ye, a waga ye mɛtɛrɛ fila ɲɔgɔn ye. Halibi, a be Araba, min ye amoniw ka masadugu ye.

Sariya 3:11 Iomraidhean Croise

Damina 14:5

O kosɔn a san tan ni naaninan, Kedolamɛri ni masacɛ minw tun bɛ ni a ye, olugu wurira o kama. Kedolamɛri ni a jɛnɲɔgɔnw tun ka Refayikaw kɛrɛ ka se o ra; o kɛra Asiterɔti Karinayimu dugu yɔrɔ ra. O tun ka Zuzikaw kɛrɛ ka se olugu fana ra; o kɛra Hamu dugu yɔrɔ ra. O tun ka Emitikaw kɛrɛ ka se o ra; o kɛra Sawe Kiriyatayimu dugu yɔrɔ ra.

Damina 6:15

I ka kan k’a kɛ cogo min na, o flɛ nin ye: i bɛ a janya kɛ nɔngɔn ɲa kɛmɛ saba ye, k’a bonya kɛ nɔngɔn ɲa bilooru ye, k’a lɔ kɛ nɔngɔn ɲa bisaba ye.

Sam 2nan 11:1

Ayiwa, o sanyɛlɛma ra, wagati min masacɛw tun bɛ deri ka taga kɛrɛ ra, Dawuda ka Yohabu ni a ta kɛrɛkɛkuntigiw, ni Izirayɛli kɛrɛkɛcɛw bɛɛ bla ka taga kɛrɛ ra; o tagara Amɔnkaw halaki, ka Raba dugu lamini. Nka Dawuda yɛrɛ tun tora Zeruzalɛmu.

Sam 2nan 12:26

O y’a sɔrɔ Yohabu ni a ta kɛrɛkɛdenw tun bɛ Amɔnkaw ta duguba kɛrɛra, min ye Raba dugu ye. O nana Amɔnkaw ta masacɛ ta so mina minkɛ,

Yeremi 49:2

Ayiwa, wagati dɔ bɛna se, Matigi Ala ko ten, ne bɛna kɛrɛmankanw lawuri Amɔnkaw ta dugu kama, min ye Raba ye; dugu bɛna kɛ yɔrɔ lakolon ye; tasuma bɛna a kɛrɛfɛduguw bɛɛ jɛni. O wagati ra minw tun ka Izirayɛli ta jamana bɔsi, Izirayɛli fana bɛna olugu ta jamana bɔsi. Matigi Ala ko ten.

Ezekiyɛli 21:20

Ne b’a fɛ o ja le ye tigɛ, o caman bɛna talon ka ben; o kosɔn ne ka fagarimuru bla o ta dondaw bɛɛ ra. Kɛrɛkɛmuru jɔsira janko a ye manamana, a dabɔra fagari le kama.

Ezekiyɛli 25:5

Raba min ye aw ta duguba ye, ne bɛna o kɛ o ta ɲɔgɔmɛw ta domunikɛyɔrɔ ye, ka Amɔnkaw ta jamana tɔ bɛɛ kɛ o ta bɛganmarayɔrɔw ye. Ni o kɛra, aw bɛna a lɔn ko ne le Matigi Ala ye.

Amɔsi 1:14

O ra, ne bɛna tasuma mana Raba dugu kogo kan ka o ta masabonbaw jɛni pewu. O mankan bɛna kɛ i ko kɛrɛkɛlon ta kulekanbaw, ka kɛ i ko sanfɔɲɔba, sanjiba nalon na.

Amɔsi 2:9

K’a sɔrɔ ne ka Amɔrikaw halaki ka o bɔ o ɲa fɛ. O mɔgɔ minw tun ka jan i ko sɛdirisunw, o baraka ka bon i ko yirisunbaw. Nka ne ka o yiriw denw cɛn o yirisunw sanfɛyɔrɔ ra, ka o lilinw cɛn dugukolo jukɔrɔ.

Sariya 2:11

Mɔgɔw tun bɛ o jate Refayika dɔw le ye fana, i n’a fɔ Anakikaw; nka Mohabukaw tun bɛ o wele ko Emitikaw.

Sariya 2:20

Mɔgɔw tun bɛ o jamana fana jate Refayikaw ta jamana dɔ le ye; Refayika dɔw le tun siginin bɛ o jamana ra kakɔrɔ. Amɔnkaw tun bɛ o wele ko Zamizumikaw.

Yosuwe 12:4

Masacɛ tɔ kelen tɔgɔ tun ye ko Ɔgi, ale tun ye Refayikaw ta siya ta mɔgɔ laban dɔ ye. A tun bɛ Basan mara le kunna. A tun bɛ sigi Asitarɔti dugu kɔnɔ walama Edereyi dugu kɔnɔ.

Yosuwe 13:12

Masacɛ Ɔgi min tun ye Refayikaw ta siya mɔgɔ laban dɔ ye, ni a tun siginin bɛ Asitarɔti ni Edereyi, Basan mara ra; ale ta jamana fana tun b’a ra. Musa ka o masacɛw le kɛrɛ, ka se o ra, ka o ta jamana mina o ra.

Yirari 21:17

A ka kogo fana suma. O kɛra nɔngɔn ɲa kɛmɛ ni binaani ni naani ye; a k’a suma ka kaɲa ni mɔgɔw ta sumanikɛcogo le ye.

Sam fɔlɔ 17:4

Ayiwa, Filisikaw ta kɛrɛkɛcɛfari dɔ nana bɔ o cɛ ra ka na lɔ. A tɔgɔ tun ye ko Goliyati, a bɔra Gati. A janya tun ye nɔngɔn ɲa wɔɔrɔ ye.