Sariya 26:7 - Jula NT of Côte d’Ivoire

⁷ An kasira ka Matigi Ala, an bɛmaw ta Ala tɔgɔ wele. Matigi Ala ka an kasikan mɛn; o tun ka an minako juguya, ka sɛgɛ ni ɲani min la an kan, a ka o ye.

ALA KA KUMA

⁷ Anw kulera k'an kaan bɔ Masaba, an bɛmaw ka Ala ma. Masaba y'an kaan mɛn, k'an ka dɛsɛbagatɔya, n'an ka sɛgɛn n'an ka tɔɔrɔ ye.

Sariya 26:7 Iomraidhean Croise

Damina 21:17

Ala ka den kulekan mɛn. Ala ta mɛlɛkɛ tora san fɛ ka Hajara wele k’a fɔ a ye ko: «Hajara, mun le kɛra? I kana siran, sabu Ala ka den kasikan mɛn, k’a to yiri kɔrɔ.

Damina 29:32

Leya nana kɔnɔ ta ka dencɛ woro; a k’a tɔgɔ la ko Rubɛn, ko: «Matigi Ala ka ne ta sɛgɛ ye; sisan ne cɛ bɛna ne kanu.»

Sam 2nan 16:12

Jɔn k’a lɔn ni Matigi Ala tɛna ne ta tɔɔrɔ flɛ, ka bi ta nɛnini yɛlɛma k’a kɛ koɲuman ye ne fɛ?»

Zaburu 119:132

I ɲa munu ka ne flɛ, ka makari ne ra i n’a fɔ i b’a kɛ i kanubagaw ye cogo min na ka kaɲa ni i ta kolatigɛnin ye.

Zaburu 31:8

Ne bɛ ɲagari ka ninsɔndiya i ta ɲumanya kosɔn, sabu i ka ne ta ɲani lɔn, degu min bɛ ne nin kan, i ka o lɔn.

Zaburu 50:15

Ni o kɛra, ni i ka degu lon min na, i ye ne wele; ne bɛna i bɔsi, i fana bɛna ne bonya.»

Bɔri 2:23

Ayiwa, wagatijan tɛmɛnin kɔ, Misiran masacɛ nana sa. O y’a sɔrɔ Izirayɛlimɔgɔw tun bɛ ŋunana ka kule o ta jɔnyabaara sɛgɛ boro hali bi. Ala ka o ta kulekan mɛn.

Bɔri 2:25

Ala ka Izirayɛlimɔgɔw flɛ, o makari k’a mina.

Bɔri 3:9

Izirayɛlimɔgɔw kulekan sera ne ma; Misirankaw bɛ o minako juguyara cogo min na, ne ka o ye.

Bɔri 4:31

Izirayɛlimɔgɔw lara o ra. O yɛrɛ k’a faamu ko Matigi Ala nana Izirayɛlimɔgɔw bɔsi; sabu Ala tun ka o ta sɛgɛ ye. O ka o ɲa biri dugu ma ka Ala bato.

Bɔri 6:5

Ayiwa, sisan, ne ka o ŋunakan mɛn, sabu Misirankaw ka o bla jɔnya ra. Ne ka layiri min ta o ye, ne hakiri bɛ o ra.

Yeremi 33:2

«Matigi Ala min bɛ nin kow kɛ, Matigi Ala min bɛ a labɛn k’a latigɛ, min tɔgɔ ye ko Matigi Ala, ale ko:

Sam fɔlɔ 9:16

«Sini ɲɔgɔntumasi, ne bɛna cɛ dɔ ci i fɛ ka bɔ Boniyaminu ta mara ra; i bɛna turu saninman* kɛ o tigi le kun na, k’a kɛ ne ta mɔgɔw, Izirayɛlimɔgɔw ta kuntigi ye. A bɛna ne ta mɔgɔw kisi ka bɔ Filisikaw boro; sabu ne ka ne ta mɔgɔw ta sɛgɛ ye, o kulekan fana sera ne ma.»