Sariya 24:4 - Jula NT of Côte d’Ivoire

⁴ o tuma cɛ fɔlɔ min tun kɔnna k’a bla, ale tɛ se ka muso ta k’a kɛ a muso ye tuun, sabu o muso saninyanin tɛ tuun. Ni a k’a ta, o bɛ kɛ ko haramunin le ye Matigi Ala ɲa kɔrɔ. Matigi Ala, aw ta Ala bɛna jamana min di aw ma k’a kɛ aw ta ye, aw man kan ka hakɛ si bla o jamana kan.

ALA KA KUMA

⁴ cɛɛ fɔlɔ min tun y'a gwɛn, ale te se k'a ta tugu, bari a nɔgɔnin lo o cɛɛ nin faan fɛ. O koo ɲɔgɔn man di Masaba ye fewu. Masaba aw ka Ala be jamana min dira aw ma, aw kana hakɛ kɛ a kɔnɔ.

Sariya 24:4 Iomraidhean Croise

Yeremi 3:1

Matigi Ala ko: «Ni cɛ dɔ k’a ta muso bla, ni o muso tagara to ni cɛ wɛrɛ ye, yala cɛkɔrɔ bɛ sɔn ka o muso ta tuun wa? Ni o kɛra, yala o ko tɛna jamana bɛɛ lajɛnnin lanɔgɔ wa? Aw bɔra ka taga jatɔya kɛ ni cɛ caman ye, mun kosɔn aw ko, ko aw bɛ na ne fɛ tuun! Matigi Ala ko ten.

Sariya 20:16

Nka Matigi Ala, aw ta Ala ka siya minw ta jamana di aw ma k’a kɛ aw ta ye, ni o yɔrɔ duguw lo, aw kana adamaden si ɲanaman to o duguw kɔnɔ.

Sariya 24:3

ni a ko ma na diya o cɛ fana ye, ni ale fana ka furusasɛbɛ dɔ kɛ ka o di o muso kelen ma, k’a bla, ko a ye taga ka bɔ a ta so kɔnɔ, walama o cɛ flanan min k’a furu ni o sara,

Sariya 4:21

Ayiwa, Matigi Ala dimina ne kɔrɔ aw kosɔn; a karira ko ale Matigi Ala, aw ta Ala, ale bɛna jamana min di aw ma k’a kɛ aw ta ye, ko ne tɛna Zuridɛn ba tigɛ ka taga don o jamanaɲuman na.