Sariya 21:3 - Jula NT of Côte d’Ivoire

³ Dugu min yɔrɔ ka surun su ra, ni o dugu lɔnna, o dugu cɛkɔrɔbaw bɛna misiden musoman dɔ mina, min ma baara kɛ fɔlɔ, min ma sɛnɛ kɛ ka ye fɔlɔ.

ALA KA KUMA

³ Dugu min ka surun suu layɔrɔ la kosɔbɛ, ale cɛkɔrɔbaw bena misigweren minɛ, zuu ma la min kaan na ka baara kɛ fɔlɔ,

Sariya 21:3 Iomraidhean Croise

Yeremi 31:18

«Ne ka Efirayimukaw ta maɲumankokan mɛn kosɛbɛ, o ko: ‹I ka an koro, an fana sɔnna korori ma, sabu an tun bɛ i ko misiden min ma koro fɔlɔ. An lasekɔ, ni o kɛra, an bɛna sekɔ ka na; sabu ele le ye Matigi Ala ye, an ta Ala.

Jateri 19:2

«Ne Matigi Ala, ne ka sariya min sigi, o sariya dɔ ye nin ye: A fɔ Izirayɛlimɔgɔw ye ko o ye na ni misi wulenman kelen ye, nɔ tɛ min na, fiyɛn si tɛ min fari ra, ani min ma sɛnɛ kɛ fɔlɔ.

Sariya 10:8

O yɔrɔ le ra Matigi Ala ka Levi ta mɔgɔw ɲanawoloma, ka o bla danna, ko olugu ye to ka Matigi Ala ta jɛnɲɔgɔnya kɛsu* ta, ka to Matigi Ala ɲa kɔrɔ, ka to k’a ta baara kɛ, ani ka dugawu kɛ mɔgɔw ye Matigi Ala tɔgɔ ra. Levi ta mɔgɔw ka o baara le kɛ fɔ ka na se bi ma.

Sariya 21:2

aw ye taga a fɔ aw ta dugu cɛkɔrɔbaw ni a kititigɛbagaw ye; olugu ye taga su layɔrɔ ni o yɔrɔ duguw bɛɛ kelen kelen cɛ suma.

Sariya 21:4

O ye taga ni o misi ye kɛnɛgbɛ dɔ ra, mɔgɔ ma yɔrɔ min sɛnɛ, ani siman ma dan yɔrɔ min na; kɔ dɔ ye sɔrɔ a yɔrɔ ra, kɔ min tɛ ja ka ye. Ni o sera yi, o ye misiden kan kari o kɔ ra.

Filipikaw 2:8

A k’a yɛrɛ majigi, ka Ala kan mina, ka sɔn hali saya ma, gbengbenyiri* ta saya yɛrɛ.

Sam fɔlɔ 6:7

Ayiwa, aw ye misiwotorokura dɔ lalaga, ka misimuso fla mina, misiden sinminta bɛ minw fɛ, ani minw ma sɛnɛ kɛ ka ye. Aw ye wotoro siri o misiw ra, ka o denw faran ka bɔ o kɔ, ka taga ni o ye so kɔnɔ.