Sariya 20:1 - Jula NT of Côte d’Ivoire

¹ Ni aw bɔra ka taga kɛrɛ kɛ ni aw juguw ye, hali ni aw k’a ye ko sow ni sowotorow, ni kɛrɛkɛdenw ka ca o fɛ ka tɛmɛ aw kan, aw kana siran o ɲa; sabu Matigi Ala, aw ta Ala min ka aw labɔ Misiran jamana ra, ale bɛ ni aw ye.

ALA KA KUMA

¹ «N'aw bɔra ka taga aw juguw kɛlɛkɛyɔrɔ la tuma min na, n'aw y'a ye ko aw juguw bɔra ka caya n'aw ye, n'aw y'u ka sotigiw, ani kɛlɛkɛwotorow ye fana, aw kana siran u ɲa, bari Masaba aw ka Ala min y'aw bɔ Ezipiti jamana na, ale be ni aw ye.

Sariya 20:1 Iomraidhean Croise

Damina 26:3

Sigi nin jamana ra yan. Ne bɛna kɛ ni i ye, ka baraka don i ra, sabu ne bɛna nin yɔrɔ bɛɛ di i ni i ta duruja ma. O cogo ra ne ka layiri min ta i facɛ Iburahima ye, ne bɛna o dafa.

Lok 2nan 14:10

Asa ka Matigi Ala daari, a ta Ala; a ko: «Matigi Ala, ele bɛ mɔgɔ barakaman dɛmɛ cogo min na, i bɛ barakantan fana dɛmɛ o cogo kelen le ra. Na an dɛmɛ, Matigi Ala, an ta Ala; sabu an ka an jigi la ele le kan, an fana nana ele tɔgɔ le ra nin jamaba kama. Matigi Ala, ele le ye an ta Ala ye; i kana a to adamadenw ye se sɔrɔ ele kan.»

Lok 2nan 14:11

Matigi Ala k’a to Asa ni Zuda mara mɔgɔw ka Etiyopikaw kɛrɛ ka se o ra, fɔ o borira.

Lok 2nan 20:12

E, an ta Ala, i tɛ tɔɔrɔ dɔ ben o kan wa? Sabu nin jama camanba min bɛ nana an kama, baraka foyi tɛ an fɛ ka o kɛrɛ; an yɛrɛ ka kan ka min kɛ, an ma o lɔn, nka an ɲa bɛ ele le ra.»

Lok 2nan 20:15

Yahaziyɛli ko: «Aw ye aw janto ne ta kuma ra, masacɛ Yosafati ni aw Zuda mara mɔgɔw bɛɛ, ani aw Zeruzalɛmukaw bɛɛ. Matigi Ala ko: ‹Aw kana siran, aw ja kana tigɛ nin kɛrɛkɛjamaba kosɔn, sabu nin kɛrɛ tɛ aw ta ye, Ala ta lo.

Zaburu 118:6

Matigi Ala bɛ ne fɛ, ne tɛ siran foyi ɲa; adamadenw bɛ se ka mun le kɛ ne ra?

Zaburu 20:7

Sisan kɔni, ne k’a lɔn ko Matigi Ala bɛ a ta mɔgɔ ɲanawolomanin kisi; a bɛ to a ta yɔrɔ saninman kɔnɔ sankolo ra, k’a jaabi, k’a kisi ni a kininboro barakaman ye.

Zaburu 23:4

Hali ni ne bɛ tagama kurufurancɛ dibi ra, min bɛ i ko saya dibi, ne tɛ siran foyi ɲa, sabu ele Ala, ele bɛ ni ne ye. I ta sagagbɛnbere ni i ta tagamabere, o le bɛ ne tanga.

Zaburu 46:11

«Aw ye nin kow bɛɛ dabla, k’a lɔn ko ne le Ala ye; ne le bɛ siyaw bɛɛ kunna, ne le bɛ dunuɲa bɛɛ kunna.»

Zaburu 46:7

Siya dɔw bɛ mankanw cira, masa dɔw ta masaya bɛ benna; nka ni ale Ala k’a kan bɔ dɔrɔn, dugukolo bɛ yeele.

Zaburu 46:8

Fangatigi Ala bɛ ni an ye; an tangabaga ye Yakuba ta Ala le ye.

Bɔri 20:2

«Ne le ye Matigi Ala, i ta Ala ye, min ka i labɔ Misiran jamana ra, jɔnyaso ra.

Ezayi 31:1

Minw bɛ taga Misiran, ka taga Misirankaw ta dɛmɛri ɲini, bɔnɔ bɛna olugu sɔrɔ, sabu o bɛ o boromala Misirankaw ta sow le kan, o bɛ o jigi la Misirankaw ta sowotoro caman le kan, ani o ta sotigiw ta baraka bonya kan; nka o tɛ o ɲa lɔ Izirayɛli ta Ala saninman na, o tɛ jija ka Matigi Ala ta jɛnɲɔgɔnya ɲini;

Ezayi 41:10

Aw kana siran, sabu ne bɛ ni aw ye. Aw ja kana tigɛ, sabu ne le ye aw ta Ala ye, ne bɛna baraka don aw ra, ka aw dɛmɛ, ne bɛna aw tanga ne ta terenninya kosɔn, ni ne boro baraka ye.

Ezayi 43:2

Hali ni aw bɛ jibaw le cɛtigɛ, ne bɛna to ni aw ye; hali ni aw bɛ baji le cɛtigɛ, ji tɛna aw datugu. Hali ni aw bɛ tagama tasuma cɛ ma, a tɛna aw jɛni, tasumamana tɛna se aw ma.

Ezayi 7:14

Ayiwa, o kosɔn Matigi yɛrɛ bɛna tagamasiyɛn dɔ yira aw ra: Sunguru bɛna kɔnɔ ta ka dencɛ woro, k’a tɔgɔ la ko Emanuwɛli.

Yeremi 16:14

«O bɛɛ n’a ta, lon dɔ bɛna se, Matigi Ala ko ten, o lon na mɔgɔ tɛna a fɔ tuun ko: ‹Ne bɛ kari Matigi Ala ɲanaman tɔgɔ ra, ale min ka Izirayɛlimɔgɔw labɔ Misiran jamana ra.›

Jakariya 10:5

O bɛna kɛ i ko cɛfariw; ka o to kɛrɛ ra, o bɛ siradarabuguri dɔndɔn ka taga. O bɛna kɛrɛ kɛ, sabu Matigi Ala bɛ ni o ye. O jugu minw yɛlɛnna sow kan, o bɛna maroya bla olugu ra.

Jateri 10:9

«Ni aw nana se aw yɛrɛ ta jamana ra, ni aw juguw wurira aw kama, ni aw tagara o kɛrɛ, aw ye buru fiyɛ k’a kan bonya; ni o kɛra, o bɛ kɛ sababu ye k’a to Matigi Ala, aw ta Ala b’a hakiri to aw ra, ka aw bɔsi aw juguw boro.

Jateri 23:21

Ala ma terenbariya si ye Yakuba ta mɔgɔw ra; a ma kojugu si kɔrɔsi Izirayɛlimɔgɔw ra. Matigi Ala, o ta Ala bɛ ni o ye. O ɲagaritɔ b’a fo ni masaya fori ye.

Rɔmukaw 8:31

Ayiwa, an bɛna mun le fɔ nin ko ra sa? Ni Ala bɛ an fɛ, jɔn le bɛ se ka wuri an kama?

Sariya 1:29

Ne k’a fɔ aw ye ko: «Aw ja kana tigɛ, aw kana siran o ɲa;

Sariya 2:7

sabu Matigi Ala, aw ta Ala ka baraka don aw ra, aw ta kokɛtaw bɛɛ ra. A ka aw kɔrɔsi aw ta tagama bɛɛ ra, nin kongokolonba kɔnɔ. Nin ye a san binaani ye, Matigi Ala bɛ ni aw ye, foyi ma aw dɛsɛ.»

Sariya 20:2

Ni kɛrɛ wagati surunyara, sarakalasebaga ye gbara ɲa fɛ ka taga kuma mɔgɔw fɛ.

Sariya 20:3

A ye a fɔ o ye ko: «Izirayɛlimɔgɔw, aw ye lamɛnni kɛ! Aw bɛna kɛrɛ kɛ ni aw juguw ye bi. Aw kana aw fari faga, aw kana siran, aw ja kana wuri, aw ja kana tigɛ o ɲa;

Sariya 31:6

Aw ye jija ka aw yɛrɛ ja gbɛlɛya! Aw kana siran, aw ja kana tigɛ o ɲa fana, sabu Matigi Ala, aw ta Ala yɛrɛ le bɛna kɛ ni aw ye; a bɛna a janto aw ra tuma bɛɛ, a tɛna aw kelen to fiyewu.»

Sariya 31:8

Matigi Ala yɛrɛ le bɛna bla i ɲa, ale yɛrɛ le bɛna kɛ ni i ye; a bɛna a janto i ra tuma bɛɛ, a tɛna i kelen to fiyewu. I kana siran, i ja kana tigɛ fana.»

Sariya 7:1

Ayiwa, aw bɛna taga jamana min mina k’a kɛ aw ta ye, Matigi Ala, aw ta Ala le bɛna aw ladon o jamana ra. A bɛna siya caman gbɛn ka bɔ aw ɲa: Hɛtikaw, ani Girigasikaw, ani Amɔrikaw, ani Kanaanakaw, ani Perezikaw, ani Hevikaw, ani Yebusikaw; o ye siya wolonfla ye, minw ka ca ni aw ye, o baraka fana ka bon ni aw ta ye.

Sariya 7:18

Aw kana siran o ɲa. Matigi Ala, aw ta Ala ka min kɛ Farawona ni Misiran jamana bɛɛ ra, aw ye aw hakiri to o ra.

Sariya 7:21

O ra, aw ja kana tigɛ o siyaw kosɔn, sabu Matigi Ala, aw ta Ala bɛ aw cɛ ra; Alaba lo, ani siranyafɛnba lo fana.

Sariya 9:3

Nka aw ye la a ra bi, k’a lɔn ko Matigi Ala, aw ta Ala yɛrɛ le bɛ bla aw ɲa fɛ ka taga i ko tasuma farimanba; ale le bɛna o siyaw halaki, ka o kɛ aw sago ye. O ra, aw bɛna o gbɛn ka bɔ o ta jamana ra, ka o bɛɛ faga yɔrɔnin kelen na, i n’a fɔ Matigi Ala yɛrɛ k’a layiri ta aw ye cogo min na.

Yosuwe 1:5

Fɔ ka taga i sa, i jugu si tɛna se i ra kɛrɛ ra, sabu ne bɛ ni i ye i n’a fɔ ne tun bɛ ni Musa ye cogo min na. Ne bɛna ne janto i ra tuma bɛɛ, ne tɛna i kelen to.

Yosuwe 1:9

I kana ɲina ko ne k’a fɔ i ye k’a gbɛlɛya ko i ye jija ka i ja gbɛlɛya. I kana siran, i kana i fari faga, sabu ne Matigi Ala, i ta Ala, ne bɛ ni i ye i ta kokɛtaw bɛɛ ra.»

Yosuwe 11:9

Yosuwe ka o kɛ i n’a fɔ Matigi Ala tun k’a fɔ cogo min na; a ka o ta sow senfasaw tigɛ, ka o ta sowotorow bɛɛ jɛni.

Kititigɛbagaw 6:12

Matigi Ala ta mɛlɛkɛ k’a yɛrɛ yira a ra, k’a fɔ a ye ko: «Ne bɛ i fo, cɛfari, sabu Matigi Ala bɛ ni i ye.»

Kititigɛbagaw 6:16

Matigi Ala k’a fɔ a ye tuun ko: «Ne bɛna kɛ ni i ye; i bɛna Madiyankaw bɛɛ faga, k’a kɛ i n’a fɔ i tun bɛ kɛrɛ ra ni cɛ kelenpe le ye.»

Sam fɔlɔ 17:32

Dawuda nana se Sawuli kɔrɔ minkɛ, a k’a fɔ Sawuli ye ko: «Mɔgɔ si kana a fari faga nin Filisikacɛ kosɔn. I ta jɔncɛ bɛna taga a kɛrɛ.»